Mahalagang Paalala:

Ang librong ito ang gawa lamang ng malikhaing pag-iisip g aking utak. Kung sino mang tao, lugar, pangyayari na naihayag ay kathang-isip lamang. Kung hindi niyo gusto ang aking gawa ay maaari na kayong umalis at huwag nang bumalik pa. Salamat.

~

Kevin's POV

Nagulat nalang ako nang biglang huminto ang sasakyan. Kinusot ko muna ang aking mga mata at sinilip kung nasaan na kami. 

Nagulat ako sa aking nakita dahil may malaking gate ang nasa harap namin. Grabe ang laking gate. Wala sigurong basta-basta nakakapasok at nakakalabas dito ng hindi ka magpapaalam sa kuyang nakatayo sa gilid nitong gate.

"Teka? Addinno kamin ba?"("Nasaan na nga ba kami?") bulong ko sa aking isipan. Tiningnan ko naman itong lalaking nasa gilid ko. Gising na gising pa din kahit ilang oras na nagbiyahe.

 Sinilip ko naman si Aling Linda sa likod, ayun natutulog pa din. 

Gustuhin ko mang tanungin itong nasa tabi ko ay pinapangunahan naman ako ng hiya.

"We are here in our hacienda" nagulat ako nang biglang magsalita itong englisherong hilaw na ito sa tabi ko.

"I know what are you going to ask. It's so obvious that you're going to ask me that" dagdag niya pang sabi.

"Masyado ba akong halata?" bulong ko sa akin isipan.

"Yes,you are way too obvious"dagdag niya pang sabi na siya namang ipinagtaka ko lalo,

"Basbasaen na ba ti anya ibagbagak idtoy utak ko? Adda ba ti psychokenesis kemerut powers na?"("Binabasa niya ba ang nasa isip ko? May psychokinesis kemerut powers ba itong taong ito?") Takang tanong ko sa akin isipan.

"I don't have like powers to read your mind, you are just so obvious" dagdag pa niya habang patuloy pa din sa pagbabaybay ng daan. Nagugulat nalang ako sa pinagsasabi ng Englisherong Hilaw na ito, kanina pa niya ako ini englisg english neto, hampas-hampasin ko kaya ulit para magtagalog? 

Makalipas ng ilang minuto ay nagulat ako nang biglang huminto ang sasakyan. Sinilip ko kung anong meron dito sa bintana sa aking gilid, nagulat ako sa aking nakita. Ang layo ng mansion nila sa gate. Nakakatamad lakarin iyon pag nagkataon.

"Lola, we are here na" sabi naman nitong lalaking nasa sa tabi ko. Pagkasabi niyang iyon ay nagising na si Aling Linda, tuluyan na nga siyang nagising at binuksan ang pintuan sabay lumabas. Lumabas na din yung Englisherong Hilaw.

Nagulat ako ng biglang may nagsidatingang mga kasambahay na galing sa kung saan. 

Nakapila ang ilan sa kanila. Ang ilan nama'y nasa likod ng kotse at isa-isang pinagkukuha ang mga gamit na nasa likod. Binuksan ko naman ang pintuan.

Aalis na sana ako sa upuan nang may biglang humila sa akin para bumalik sa aking kinauupuan. Nakita ko na nakasuot pa pala itong seatbelt na ito sa akin. 

Sinusubukan kong tanggalin pero hindi ko matanggal. Kinapa ko yung parang umbok nitong seatbelt pero kahit anong gawin ko ay di ko matanggal. 

Nakita kong natawa ang isa sa mga kasambahay na nakapila sa labas nang makita akong nahihirapan. Ate gurl! Kung tinulungan mo sana ako edi mas masaya diba?!

"What are you doing?" tanong nitong Englisherong Hilaw na ito na nasa labas ng pintuan nitong sasakyan. 

Nahihiya naman akong sabihin sa kaniya na hindi ko matanggal itong seatbelt na nakayakap sa beywan ko pati sa aking balikat. Muli kong kinapa ang umbok nitong seatbelt na ito.

"Kasanno ba gamin daytoy ikkaten?"("Paano ba kasi ito tanggalin!") sigaw ko sa aking isipan.

"Let me unbuckle it" sabi niya sabay lapit sa akin at tinanggal ang seatbelt. Bakit parang ang pogi niya masyado? Ah?! Ano bang pinagsasabi ko.

*click*

"Idiot" rinig kong bulong niya sa akin nang matanggal ang seatbelt. Ako pa? ako pa ngayon ang bobo? Nanggigigil talaga ako dito sa taong ito. Tumayo na ako at lumabas na rin sa kotse.

"Good Morning Sir Harold!" sigaw na sabi nitong mga kasambahay na ito, hindi lang pala mga kasambahay ang mga nandito, meron ding mga cook at hardinero. Ito namang isa, nakatayo lang at tinitignan ang mga taong mga nakapila sa gilid ng malaking pintuan.

"Okay, you may now continue what you are doing" sabi naman nitong Englisherong Hilaw na ito. Nagsi-alisan naman isa-isa ang mga trabahador nila rito. Nagsibalikan na siguro sa kanilang pinaggagagawa.

"So, Harold gayam nagan na?"("So, Harold pala pangalan niya?") tanong ko sa aking isipan.

"Kevin, pasok na tayo sa loob, patulong naman dito sa mga dala nating gamit" pakiusap naman sa akin ni Aling Linda nang magsi-alisan ang mga trabahador.

"Wen Lola" sabi ko na lamang sa kaniya at kinuha ang ilan sa mga gamit sa likod ng sasakyan. 

Tinulak naman ni Aling Linda itong napakalaking pintuan at tuluyan na nga kaming nakapasok.

Kung tinatanong niyo kung nasaan yung bakulaw naman na mahilig mag English, nagparking lang daw ng sasakyan.

Maggagrand entrance pa kasi, pwede namang sa Parking Lot nalang dumiretso. Inabala niya pa yung mga tauhan na nagtatrabaho.

Grabe ang luwag! Grabe! ang taas ng mga kurtina't kisame. 

Grabe! Ang luwang at ang ganda ng interior ng mansion nila . Lalo na yung mga gamit na sobang mamahal tignan. Lalo na iyong mga vase na may iba't ibang carvings at patterns ang nakalagay.

"Magkano kaya itong mga vase na ito?" Sabay lapit sa isang malaking gintong vase na nakadisplay.

Para kaming nasa langit na tila ba'y kumikinang ang sahig dahil sa nagrereflect na kulay ng kisame't dinding na para bang may naninirahan na anghel dito.

Ang  liwanag at ang aliwalas dito sa loob at makikita mong mayaman ang nakatira rito. Sigurado akong pagpasok mo pa lang ay mapapansin mo agad itong nakasabit na napakalaking chandelier na kahit tirik ang araw ang tila ba kumikinang ito at nagbibigay liwanag sa buong sulok ng mansion na ito.

Dumiretso kami sa gawing kanan kung saan nanduon ang kanilang kusina nakita ko doon ang tatlong chef. Nang makita nila ako ay yumuko na lamang ako bilang isang tanda ng paggalang sa kanila.

Nagdirediretso kami sa may gawing kanan palabas ng kusina. Dito may nakita akong parang isa pang bahay. Siguro ito yung sinasabi nilang Maid Quarters, na kung saan dito tumitira yung kanilang mga maid, may kalakihan din ito. 

Tuluyan na nga kaming pumasok dito at pumasok sa loob. Hindi pangkaraniwang quarters ito dahil meron itong sariling salat at kusina. Ilan kaya ang mga katulong nila rito? Napakaraming kwarto rito sa baba. Meron ding second floor. Napansin kong puro mga kababaihan ang naglalalgi rito, 'wag mo sabihing! 

"Ah Kevin, haan gayam idtoy ti pagyanam ta puro babbae ti matmaturog ittoy, idjay ka bangir nga balay ta puro met lallaki ti aggigiyan idjay"("Ah Kevin, hindi pala dito ang pagtutulugan mo kasi puro babae ang natutulog dito, doon ka sa kabilang bahay ta puro naman lalaki ang mga nandoon") paliwanag sa akin ni Aling Linda na siyang ikinatakot ko. Hindi ako sanay na may kasamang mga puro lalaki sa iisang bubong.

"Lola? Haan nga mabalin idtoy laengen? Sigin Lola"("Lola? Hindi pwede dito nalang? Sige na Lola") nagmamakaawang sabi ko naman sa kaniya.

"Haan ngarud mabalin, ta puro babbae idtoy, idjay ka bangir. Intan, itulod ka idjay"("Hindi nga pwede, kasi puro babae nandito, doon ka sa kabila. Tara, ihatid kita roon") sabi naman sa akin ni Aling Linda. 

Kahit labag man sa loob ko na pumunta roon ay sumunod nalang ako sa kaniya. Lumabas na nga kami sa quarters ng mga babae.

"Lola?, apay gamin ta nakasina ti paggigiyanan ti lalaki ken babae?"("Lola?, bakit kasi nakahiwalay yung pinagtutuluyan ng lalaki at babae?") takang tanong ko naman sa kaniya.

"Ahh, dati met ket maymaysa lang pinaggigiyanan mi. Ipinagsina kami ni madam gamin ta adda maysa nga katulong idtoy nga nasikugan, su nga ipinagsina dan ti lallaki ken babbae"("Ahh, dati naman iisa lang ang pinagtutuluyan namin. Pinaghiwalay kami ni madam kasi mayroong isang katulong dito na nabuntis, kaya pinaghiwalay na nila ng lalaki at babae") paliwanag naman sa akin ni Aling Linda na siya namang ikinagulat ko. Kung may ganong ganap dito, hala! Baka pati ako! Ayoko pa pong mabuntis bata pa po ako, char! Para namang may matres ako.

Sa di kalayuan nakikita ko ang isang bahay na katulad nung kanina. Makalipas ng ilang segundo ay nandito na kami. 

Kumatok muna si Aling Linda. Makalipas ang ilang minuto ay biglang bumukas ang pinto at may nakita akong isang lalaki na pinagbuksan kami ng pintuan.

"Aling Lin! Kayo po pala iyan? Ano pong maitutulong ko?" tanong naman nitong lalaking nasa harapan namin. Nakasando ito at makikita mong babad siya sa araw dahil hindi pantay ang kulay ng braso niya sa kaniyang balikat.

"Ah, Natoy dinaan ko lang dito itong apo ko. Dito muna siya sa inyo ha? Hanggat hindi ko pa ipinapaalam kay madam kung pwede siya roon sa amin ha? Ikaw na ang bahala sa kaniya. Siguro naman may isa pa kayong bakanteng kwarto jan?" tanong naman ni Aling Linda.

"Ah Aling Lin, wala na pong bakanteng kwarto e. Pero pwede naman po siya doon sa kwarto ko. Double deck naman po iyong higaan ko roon, lipat nalang po ako sa taas" paliwanag naman nitong Natoy

"Ah sige pala, iwan ko na siya sa iyo ah. Bakit nandito ka pa pala? Hindi ba dapat ay nasa hardinan ka na ngayon?" takang tanong naman ni Aling Linda kay Natoy.

"Ah, Day Off ko po ngayon, pero tinatamad akong lumabas kaya andito lang po ako sa quarters nalagi" paliwanag naman ni Natoy.

"Ay oo nga pala, sige sige, iwan ko na siya sayo ha? Maghahanda lang ako at kakausapin ko pa si Madam mamaya" sabi naman nitong si Aling Linda.

"Sige po" pagpayag naman nitong si Natoy.

"Ay Kevin, oo nga pala, mag-ayos ka rin at sasama ka sa akin kakausap kay Madam" paalala naman sa akin ni Aling Linda. Tumango na lamang ako bilang isang sagot. 

Matapos nun ay pumasok na kaming dalawa ni Natoy sa loob. Iginiya niya ako pataas at huminto sa isa sa mga pintuan na nandirito. Dahan-dahan niya naman itong binuksan at sumilip sa loob. Napatingin naman siya sa akin.

"Pasensiya na ah, medyo makalat yung kwarto" nahihiyang sabi niya sa akin at tuluyan nang binuksan ang pinto.Dali-dali naman niyang pinulot ang mga damit na nakakalat sa sahig.

"Ah hindi, okay lang" sabi ko naman sa kaniya, hindi naman ganun ka kalat. May mga damit lang na kung saan-saan nakalagay. Patuloy pa rin siya sa pagpupulot at nilagay sa basket.  Ano pa nga bang aasahan ko eh lalaki itong kasama ko.

"Lapag mo na mga gamit mo dyan" sabi naman niya sabay turo sa gilid ng katre.

"Ay sige" sabi ko naman at inilapag ang gamit ko sa gilid ng katre. Inayos ko ang mga gamit ko. Pero itong isang ito ay nakatingin lang sa ginagawa ko.

"Ay naku, wag kang mailang sa akin, 'di naman ako nangangagat" sabi naman nitong Natoy.

"Ahh hindi, hindi. Medyo naninibago lang ako kasi 'di ako nasanay na may kasamang ibang tao sa kwarto, kaya alam mo na." sabi ko sabay tawa. Nagtawanan nalang kaming dalawa dahil sa sinabi ko.

"Sige doon lang muna ako sa labas, iyong bilin pala sa iyo ni Aling Lin ha?" paalam naman niya sa akin.

"Sige, sige salamat". Sabi ko na lamang at ipinagpatuloy ang aking ginagawa. 

Makalipas ang ilang minuto ay nanguha ako ng aking susuotin at lumabas. Tinanong ko si Natoy kung nasaan ang cr nila rito, nasa gawing kaliwa pala ito. Pansin ko kasi na mas maluwang itong quarters na ito, kumpara sa mga babae.

Naligo na nga ako't nagbihis. Nakita ko namang nakahiga pa rin itong si Natoy at parang may nilalaro sa cellphone niya. Umakyat na ako at muling pumasok sa kwarto para isampay itong tuwalya na ginamit ko.

Lumabas na ako. Nagpaalam muna ako kay Natoy na lalabas na ako. 

Dumaan muna ako sa quarters ng mga babae. Kumatok muna ako, pero ang ipinagtataka ko kung bakit walang nagbukas ng pintuan. Baka nauna na si Aling Linda, pero saan ako pupunta?

Binaybay ko ang daan kung saan kami lumabas ni Aling Linda kanina, dumiretso ako sa kusina. Nakita ko dito ay dalawang lalaking naghaharutan habang nagluluto. Nagulat ako nang makita nila ako. Nagkatitigan lamang kaming tatlo.

"Ah, a-ano po, nakita niyo po ba si Lola Linda?" tanong ko sa kanilang dalawa.

"Ah! Ikaw ba yung sinasabi ni Aling Lin na bagong kasambahay?" tanong naman sa akin nitong isang lalaki na maputi at medyo may kaliitan. Kung hindi siya nagsalita ay baka napagkamalan ko siyang babae.

"Ah, opo, alam niyo po ba kung nasaan si Lola Lin?" tanong ko ulit sa kanila.

"Ah, ano, ipinagbilin ka niya sa amin na kapag nakita ka naming dumaan ka dito ay sabihin naming nauna na daw siya doon sa office ni Madam Celia" paliwanag naman nung isang lalaki pa na matangkad.

"Ah, okay po saan po yung office ni Madam?" tanong ko ulit sa kanila.

"Ah dumiretso ka rito" sabay turo kung saan "tapos sa may gawing kanan may isang pintuan doon na kulay puti, yun ang office ni Madam" paliwanag ulit nung lalaking matangkad.

"Ah, Kevin po pala" sabi ko sa kanila at nakipagkamay.

"Ay, ako pala si Enan, si Hiro" sabay turo sa isa niyang kasama na maputi.

"Ah, sige po, nice to meet you po" sabi ko naman at nagpaalam na aalis na ako. 

Binaybay ko ang hallway ng mansion na ito. Hinahanap ko kung nasaan ang kulay puting pinto ang sinasabi nila. Papaano ko malalaman kung nasaan iyon? Eh kulay puti lahat ng nandito. 

Kumatok ako sa isa mga pintuan dito at dahan-dahan itong binuksan. Sinilip ko kung anong meron sa loob. Nakita ko na puro mga libro ang nandito at aakalain mong nasa isa kang lumang library dahil sa kahoy na interior at isang fireplace sa gilid habang ang sahig ay may carpet na pula.

Nilibot ko ang aking paningin kung andito ang hinahanap ko. Mukhang wala naman, lalabas na sana ako ng pintuan nang may biglang nagbukas ng pinto kaya ang nangyari ay nabunggo ako sa dibdib ng taong ito.

"Who are you?! Why are you here in my office?!" sigaw naman sa akin nitong lalaking ito. napalunok nalang ako dahil sa sinabi niya. Hindi ko alam ang aking isasagot. Patay tayo nito.

"Anya manen inaramid mo Kevin?"("Ano nanamang ginawa mo Kevin?")

~

Ingat kayo parati mga KaBEKS! Nagulat ako kasi nag-aaccumulate pa rin ng reads yung story kahit kababalik ko lang. See you sa next chapter!

-Corexalee-