. Ek aisa safar jis me boht kuch khona,
Din me muskura kar andheron me rona;

Apni muskan se zyada uski khushi zaruri hoti,
Apni jaan se zyada wo hota ek qeemti moti.

Ek aisa safar jo ummeedon se bhara hai
Kisiki maut, to kisiki zindagi ki wajah hai;

Khushiyon se bharpur kisika daman hota
Toh koi aansuon ki nadi bahakar sota.

Ek aisa safar jo dilon ko jodh dein,
Aur kahin kisike dilon ko todh dein;

Toofanon mein kisike hasi ka sahara hai
Aur kisike aansuon ko barsaath chupata hai.

Pyar - ek anokha safar
Jiski chaabi hai ummeed aur darr;

Jahan kisiko jannath milti
Aur koi sochte 'kash hum hote mitti'.