" Do not get upset with people or situations,
Both are powerless without your reaction "

~All quotes are from pinterest

Gerard's POV:

Maahrit ne ek black off shoulder prom dress pehna hua tha, aur uss ne apne baalon ko najane konse style ke bun main fix kya hua tha mager uski kuch latain bedihani se uske chehre pr girte huay usse choone ki koshish kr rhi thi aur hmesha ki trah wo apni dilkash muskurahat ka touchup liye kisi jannat ki pari lgrhi thi? Nahi, blke wo wahin se ayi thi.

Galay main uss ne wahi ring wala pendant pehna tha jo maine usse pehli baar pasnd krne par di thi, ye ring uske liye bohat special thi isiliye wo kehti thi ke rings usse smnbhali nahi jati isiliye tumhari di hui ring hmesha apne seene ke paas smnbhal kr rkhne ke liye main isse aese pehnugi. Aur aj, wo bghair kisi jewelry ke sirf wo pendant pehne, haseen lgrhi thi.

Uski kaali ankhen , aesa lgta tha ke wo badalon ki ghata ko bhi ek bohat hard time de rhi ho khud se match krne main, aur wo talatum bijli ke karakne se bhi chmkta hua, khtrnak, magar ye khtra bohat khoobsurat tha.

Aj maine isse Floràl Dè Vista main bulaya tha kiunke main usse dinner ke baad aik aur ring dena chahta tha, uski engagement ring. Aur mjhe yaqeen tha ke wo iss ring ki hifazat baqi rings se mukhtalif andaz main karegi. Mjhe yaqeen tha ke usse bhi mjhse mohabbat hay.

Maine uske liye seat khenchi aur ishare se usse bethne ke liye kaha aur uski muskurahat ko khikhilata dekhne ke liye, apne aik hath ko kamar ke piche kya aur dusre ko seene ke samne la kr halka sa jhukte huay kaha, " Your highness, would you like to dine in today with this worthless man please ? "

Aur uss pr uski hnsi, aur phir iqrar main uska sar hilna... Aese laga jese mere dil ne kuch seconds ke liye dharakna band krdya ho. Maine uska haath apne hathon main liya aur unhe choomte huay, phir main niche ghutno pr jhuka aur apne tuxedo ki inner pocket se ek velvety heart shaped box nikalte huay uske samne agay brhaya.

" Will you marry me? "

Jispr wo thora jhijak kr apne chehre ko be'tasur rkhne ki bhrpoor koshish krti rahi lekin phir deewanawar wo mere seene se akar lag gyi aur mjhe chorne ke liye kisi soorat-e-digar raazi hi nahi thi!

" Arre.. Re! Kya hogya? Senti hogyi kya? Abhi sirf tmhe propose kr rha hun konsa tmhare sath honeymoon manane ka program bna rha hun "

Ye baat sun kr wo khil'khila kr hnsne lagi aur mere seene se zara fasla late huay apni ankhon ko meri ankhon se jorr kr kehne lagi, ' Tum kitne duffer ho yar, tum propose kr rhe ho that obviously means some day we're gonna have our honeymoon naa! '

" Ohh achaa? Someone is saying like 'We're gonna have our honeymoon naa!' Hahaha "

Aur phir dubara usne apna munh meri banhon main chupa dya, wo shrma kr apne gaal ko jo laal krbethi thi.

Aur phir uss ne bohat hi unexpected act kya aur wo tha mere gaalon pr kiss, jiska mjhe khud yaqeen nahi araha tha...

" Woahhh... Woahhhhh Maahrit, relax babes. Yahan sb dekh rhe hain! Tum kaho tw hum ... "

' Sssh.. Bus zyada desperate bnne ki zrurat nahi hay. Aur log dekh rhe hain tw wo unka masla hay ke dekh rhe hain, maine kisi ko aelan nahi kya ke yahan pr koi scene horha hay please watch! '

Maahrit ne dubara mere dusre gaal pr bhi kiss krte huay barre itminan se kaha. Uska pendant mere tie ke sath lipat chuka tha aur shayad wo bhi aj is rishte ke bndhan ka gawah tha.

'' Maahrit , chalo main tmhe drop krdeta hun. How's aunty now? Tum unhe doctor ke paas le kr gyin thi kya? Any progress? "

Maahrit ko bohat manane smjhane ke baad wo meri girift se choothne par manzoor thi blke mjboor thi kiunke uski favourite dishes jo achuki theen aur munh main atay pani ko dil maim atay jazbaton se control krna zyada mushkil tha.Dinner ke baad main usse parking lot tk assist kr rha tha kiunke main waqayi un lrkom main se tha jo apni partner ko le kr bohat possessive hote hain.

' Umm.Umm. no thanks dude. I'll carry off myself easily. Thi. S.. S... S.... hahahaha... What's that dekho arre ye tw admi urr rha hay, iski bike aeroplane hay kya? Oooo... Oooo... '

Maahrit ne jo cocktail order kya tha wo ghlti se mjhse replace hogya tha jismain wine add thi, aur shayd ye uske liye pehli baar tha is wajah se wo aese react kr rhi thi. Mjhe guilt horha tha lekin maahrit ko khudse itna paas dekh kr aur uska aesa carefree attitude mjhe bohat pasnd tha, I loved her like hell. Oops, I mean heavens. Yes, she was my heaven.

" Maahrit! "

Maine thora ghusse se uske hathon ko pakar kr halka sa jhinjhora, jispr wo sad face bnaye mjhe masoomiat se dekhne lagi.

' maine kya kia bhaiyya!! '

" What the f...! Maahrit? I'm not your bhaiyya! Aur pls, Ohh! You don't have any bhaiyyas fyi, and plus get this in your mind that I'm your fiancé and would be husband soon. Duffer++ "

' Oh tw tum mere husband ho? Kahan likha hay dikhao? '

Maahrit ne mjhe choo kr tassali krna chahi aur phir mjhe ghuma kr meri pusht ki jankb kuch tatolne lagi. Wo koi tag dhund rhi thi. Usne mere tux ke buttons ko unloose kya aur phir dekhte hi coat bhi utar dya. Dekhne walon ki nazron ko bohat se shubat hoskte thay islye maine usse utha kr car main dalna zyada preferable smjha.

' Kya kr rhe ho tum .... Wese naam kya hay tumhara? Mr. So. Called. Husband. '

"  Main tumhara husban... "

Maahrit lagta hay nashe main bohat zyada ghul chuki thi lekin mjhe herat thi ke ye kese possible tha kiunke mere cocktail makn bhi maine koi itni heavy dose nahi mngwayi thi, wahan ki management ko tw main baad main dekhuga lekin filhal maahrit ko control nahi kya tw phir uske sath sath mjhe bhi regret hoga. Main uska istrah faida nahi utha sakta, wo iss halat main hay tw meri zimedari bnti hay ke main usse sahi salamat ghar pohnchau. Wese bhi ab wo meri hi hay, lekin main usse takleef nahi de skta.

Maahrit ne mjhe dubara kiss krne ke liye apna wajood mere paas la sameta tha magar maine aesa hone se rok dya aur brakes lagate huay car ek dum se ruk gyi.

••••

Maahrit's POV:

' I'm sorry Mr. Zulaym, kal maine apko bohat wait kraya ... Wo main actually kisi kaam main phns gyi thi. '

Break se wapas atay huay maine foran Zulaym aur uske dost ka raasta rok kr apni baat uske samne rkh di thi, kiunke wo meri call subah se recieve nahi kr rha tha.

" It's okay, ap sirf mjhe ye btayain aesi shaadi ka kya faida jismai hmare beech na ehsas hoga na koi dhang ka rishta. Ap janti hain na Islam main aesi kisi shadi ko nahi mana jata, aur phir ap kiun chahti hain hmari madad krna, jbke main apko janta tk nahi. "

Uski peshani pr bal prre huay thay aur chehre pr bhi fikr ke asaar namudar thay, mjhe uske achanak jumle pr bohat herat hui thi. Kal tk tw ye shakhs mere husn pr deewana ho rha tha, aur aj iski baaton se aesa lgrha tha jese hath se koi qeemti khazana nikal gya ho. Mjhe bar bar pachtawa horha tha ke maine Gerard ki date ko postpone kiun nahi kya agar kal shaam hi yahin se nikal jati tw ab tak ye nobat na rehti.

' Nahi.. Nahi, ap ghalat smjh rhe hain. Contract marriage ka ye mtlb nahi ke main ap se nikkah nahi krugi, karugi main ap se nikkah lekin main apko sath main ye bhi batana chahti hu ke ap mjhe chay mahine ke andar divorce khud de dijyega kiunke main ap se mohabbat nahi krti aur rahi baat iss rishte ki ya saude ki isse ap jo bhi kahain ye mere liye ek bohat important decision hay. Jab tak meri maa ko ye nahi lagta ke main sahi nahi kr rhi tb tk wo depression aur shock ke state main rehte huay mazeed beemar hoti jayegi, aur main ye nahi chahti ke aesa ho. I love my mom. '

Maine jhoote ansoo nikalne ke liye khudko piche se hath pr nocha aur mera drama successful raha.

" Maahrit, apki bat apni jagah pr beshak sahi ho skti hay kiunke main janta hun maa ki mohabbat kitni ehemyt rkhti hay kisi bache ki zindagi main... Lekin divorce... Aur apka feslaa... Theek hay ap mjhse mohabbat nahi krti lekin...

Lekin mjhe ap se mohabbat hone lagi hay, aur main apke sath rishta banauga tw kbhi bhi nahi toruga. Ap phir beshak mere sath rahain ya na rahain ye apki marzi hay.

••••

Zulaym's POV:

Break main hone wali mukhtasar si guftugu ke baad mjhe yaqeen ho chala tha ke ab main Maahrit ko kbhi nahi chorne wala, Yusuf ki smjhayi hui baat ke mutabiq pehle maine maahrit se wo sawal kiye jiska mjhe Yusuf ne kaha tha lekin ab main apne jazbaat ko baandh nahi laga skta tha.

' Qabool hay '

Aur phir in bol ke sath maahrit hmesha ke liye meei ho chuki thi, phir chahe main uska rahun ya na rahun ab mjhe isse koi farq nahi prrne wala tha.

Maine Maahrit ke kehne pr ye maan lya tha ke hum sirf Azaan aunty ko dikhane ke liye samne sath main rhege magar hmare rooms alag honge. Maine uski iss shart ko bhi maan lya tha.

Apne room main jate huay maine gher ittefaqi tor pr uski kisi se baat krne ki awaaz suni, aur phir mere qadam khud bakhud uske kmre ki trf brhne lage.

Kmre ka drwaza hlka sa khula hua tha aur Maahrit oversized tee main bohat comfortable shorts pehne kisi se videochat kr rhi thi.

I hope ke wo koi lrka na ho, I just hope. Mjhse ye blkl brdasht nahi ho skega ke maahrit meri na hotay huay meri ho kr bhi, mere samne kisi aur ki hay. Main dhoke main tw achuka tha lekin apni mohabbat se dhoka,main brdasht harghiz nahi kruga.