" Don't base your decisions on the advice of those, who don't have to face the results. "

" Zulaym, meri baat maan lo yar. Abhi bhi waqt hay, dekho tumhara aese jldbazi main liye gaye fesle pr pachtane se behatar hay ke piche hatt jao. Give it a second thought. Mana ke wo tumhe pasand hay, lekin iska ye matlab nahi ke tumhe usse mohabbat bhi hay. Pasand krne aur mohabbat krne main zameen aur asmaan jitna tanasub hay. "
Yusuf mjhe aj,assignment pr A+ milne ki khushi main treat dena chahta tha aur isilye hum Subway main lunchbreak ke dauran bethay huay thay.

' Hmm. Tmhari baat sahi hay , magar preshan mat ho main uske qareeb nahi jauga. Main janta hun ke ye shadi sirf uska ek contract hay aur kuch nahi. Wo mjhe ache dil ki malik lgti hay, wo bhala kiun mjhe dhoka degi ya mera istemal kregi sirf apni mafad ki khatir? Mjhe lagta hay wo apni maa ko le kr bohat caring hay. '

Maine apne sandwich ka ek bite lete huay kaha.

Yusuf ne mayoosi ke asaar liye apni peshani ke bal ko angoothay se durust kya aur cold drink main se sip lene laga.

' Tum kiun aesa keh rhe ho ke wo mjhe dhoka degi? Tum usse pehle se jante ho kya, nahi na? Tw phr? Dikhne main hay wo bohat modern aur azaad khyal ki, manta hun main ye baat magar yaar tum smjhne ki koshish kro mjhe uski nature se uske rehan sehan se koi faraq nahi parta. Wo jesi hay khoobsurat hay, naik dil hay. Aur na jane kiun uske qareeb hote huay mjhe apnepan ka ehsas hota hay '

Main Yusuf ki ankhon main dekhte huay apni baat poore wasooq se keh rha tha, kiunke mjhe guman nahi tha blke yaqeen tha ke wo lrki, Maahrit, achay dil ki insan hay. Wo bhala mjhe kiun dhoka degi? Aur rhi baat hmari contract marriage ki, tw agar woh mjhse attach hone lage ya phir main usse hone lagu tw main usse propose krlunga taake ye shadi sirf saude ke ilawa bhi kisi rishte main gini jaye.

" Tumhari marzi hay, smjhana mera farz tha. "

Yusuf ne bezari se meri baat ke jawab main kandhe uchkaye aur aik ajeeb sa chehra bnate huay apni watch adjust krne laga.

" Lamhon ki deri main bus sirf lamhon ki doori hoti hay , yaad rkhna buddy. Class ka time hochuka hay chalo ab. "

Yusuf ne waiter ko bill pay kya aur apni jacket pehnte huay bahar ki traf chal dya.

••••

Laila's POV:

' Laila, mjhe is decision pe koi second thoughts lene ki zrurat nahi. Tum already ache se aware ho ke mere liye mera dream har cheez se zyada important hay. '

Maahrit apne baalon ko samait kr aik unchi pony tail main bandh rhi thi, choonke ye lunchbreak thay islye hmain baat krne ki thori furst milgyi thi.Maahrit meri college se best friend thi, aur hum friends school se bnay thay islye ye dosti waqt ke sath aur mazboot aur gehri hochuki thi. Woh apni sari batein mjhse share krti aur main bhi ek behn ki trah uski saheli bn kr uski har baat ko sunti, support bhi krti aur jahan mjhe lagta ke mjhe usse  guide krna chahye wahan pr uski help bhi krti.

' Only a dead fish goes with the flow, Rit. Why don't you get it? Tum sirf aik achi actress bnne ke liye kisi ke jazbaaton ke sath nahi khel skti aur khaas kar Aan aunty ke kndhe pr bandooq rkh ke? Tumhe sharam nahi aati Rit? She is paralyzed yar. Tmhe maa ki qadar kiun nahi hay? Abhi woh tumhare sath hain unki qadar karo,... '

' Stop it la, lunchbreak ke baad jo period hay main usse bunk kr rhi hun. I've to go with Gerard. Ussne mjhe date pe bulaya hay. Umm... I guess I'm in love with him '

Maahrit ne apni ankhon ko tamtamate huay aik shokh andaz se kaha, wo apni hatheli thori pr rkhe kohni ke sahare kisi khuwab main gum dunya main jane lagi thi.

' Kya woh janta hay ke tum uss lrke ke sath contract sign krne wali ho , woh bhi aj raat hi? '

Maahrit ne meri baaton ko suni ansuni krdya aur locker main se apna bag nikalte huay,shawl lapeti aur baalon ko kandhe pr phela kr apni car ki traf jane lagi.

' Nataq band kro Maahrit! Main tumse kuch keh rhi hu? Tum kisko dhoka de rhi ho? Apne ap ko? Gerard ko? Ya zulaym ko? Tum agar Gerard se pyar krti ho tw shadi bhi ussi se kro naa! Nahin hay kya himmat tum main ya tumhare pyar main wo hesiat nahi ke wo tumhare liye islam qabool kre jese Huzbaan uncle ne aan aunty ke liye kya tha? '

Maahrit ke chehre ka rang pheeka parr gya tha, ye wo controversy thi jo wo apne ap se door krne ke liye larti arahi thi. Wo ye baat tasleem krne ke liye tyyar hi nahi thi ke wo ek islami gharane main peda hui hay, aur wo bhi ek jinn ki beti ban kar. Uske liye zyada jhijak ki baat kya thi ye main nahi janti thi, par usse islam se blkl dlchaspi nahi thi ye main ache se janti thi. Wese mera bhi koi aesa khaas deeni gharana tw nahi tha, lekin mjhe Islam pata tha, main janti thi ke kya karna sahi hay aur kya karna ghalat.

••••
Zulaym's POV:

Mjhe whatsapp pr ek video recieve hua jispr mobile ki notif tune ne mjhe agah kya, main iss waqt bus niklne wala tha. Maahrit ne mjhse shadi krne ke liye aj ka din chuna tha, aur main ye nahi janta tha ke wo iss qadar jldi main kiun tha.

" Kya Islam main contract marriage jaiz hay?

Islam main Nikkah sirf ek treeqe ka jaiz hay aur wo nikkah masnoon ya misyar hay. Deegar nikkah jo teen trah ke hain wo sb haram hain.
Nikah Shigaar , jismai lain dain ki bunyad pr rishta tay kya jata hay jese kisi ko apni beti ke bdle samne wale se uski beti chahye ho.
Nikah halala, yani shadi ke baad shohar apni bivi ko teen talaqain de day aur phir uski bivi kisi aur se shadi krke agar uska pehla shohar uski traf raghib hua tw wo dusri shadi ke khatm hone pr dubara apni ex wife se shadi krskta hay.
Nikah Muta'a, iska bhi concept sirf fathe makkah se pehle tak ka tha aur phir 7 hijri ko jb Huzoor Akram S.A.W.W ko is bare maim Allah se pata chala ke ab ye haraam hochuka hay tw unho ne wahan maujud sahaba ko agah krdya. Jo sahaba wahan se ja chuke thay ya jin logon tk ye baat nahi pohnchi thi wo isse apnate thay aur ye tareeqa mutlaq pabandi ya haram tab hua jb Hazrat Umar ne iske ehkamat jari kiye. Nikaah Muta, ahle tashi walon main umooman paya jata hay. Isko dusre lafzo mai contract marriage bhi kehte hain, jo ke kuch arse tak larka aur larki sath rehne ke liye ya phir ek dusre ko janne ke liye krte hain magar wo consummate nahi krskte, jo ajke daur main boyfriend/girlfriend relationship ke aitebar se bht common hay lekin ye practice bhi haram hi hay kiunke nikah ka sirf  ek hi masnoon amal hay aur wo nikkah e misyar hay. "

Ye kya faltu cheez bhej deta hay Yusuf bhi, hunnnhhh!!  Lagta hay maine isse dosti krke theek nahi kya, mjhe kya pata tha ke wo meri hi university main istarah mjhe achanak miljayega.

Theek hay agar Islam kehta hay tw phir usmai main koi nuks nahi nikal raha, bus mjhe filhal itna pata hay ke Maahrit ko meri zarurat hay aur ab jbke mere dil main uske liye feelings hain tw main apne dil ke hathon majboor usse istrah preshani main nahi dekh skta. Aur main khud nahi chahta ke hmari shadi kisi contract ke tehat sirf temporary, void of emotions ho, main usse aj propose kruga aur usse convince kruga ke wo mjhse proper nikah hi krle. Wrna main krluga yahi, km se km uske sath tw reh pauga. Usse dekh skuga.

••••

Azaan's POV:

Jbse mjhe paralysis hua hay tb se main dekh rhi thi ke maahrit bohat pursukun aur mjhse beparwah, gharz ke har cheez se beparwah ho kr zindagi guzaar rhi thi.

Uski prhai ka second year tha, magar wo zyada tawajjah hmesha apne actress bnne ke khwab pe deti. Jiski wjah se wo dieting krti, ghnto apne chehre ki grooming ke liye na jane kon konse totke azmati... Halanke usko insb cheezo ki qatayi zrurat nahi thi, wo bohat khubsurat thi. Uski aankhon main Huzbaan ke ankhon ki sharart aur chamak dikhti , magar Allah ko manzoor aesa tha tw yaqeenan acha hi hay ke main sirf dekh skti hun aur kuch keh nahi pati aur na hi kuch hil jul pati hun.

Beti hone ke farz ke natay wo mjhe dawaiyen waaqt pr deti hay aur raat ke kisi pehr akar mere sirhane beth jati hay, main janti hu ke wo mjhse pyar krti hay magar uska baaghi rawayya ... Ahh kaash wo jaan pati ke zamane main baghawat ka anjam bohat azyatnak sabit hota hay!

Woh kisi lrke ko ghar le kr ayi thi aur mere samne hi un dono se batein kr rhi thi, shayad ye inhe rehne ke liye jagah de rhi thi. Lekin mjhe maloom tha, Maahrit apne matlab ke bghair kisi ke liye kuch bhi nahi krti hay.

Allah kher kre! Ya Allah, tu bus meri beti ki hifazat krna usse nadani ke daldal main phnsne se rok lena mere malik!

______________________________

Assalam.o.Alaikum! And Hello pyare pyare readers.

I know kuch log khush honge ke main bohat jldi jldi updates de rhi hu :D haha, lwkin zyada khushfehmi main mat rehye, kiunke mere semester start hone wale hain tw ye silsila kbhi bhi ekdum se thore lmbe pause pe ja skta hay. Nahi, Nahi main apko dara nahi rahi... Bus agah kr rhi hu :p

Aur khamosh nazreen baraye karam vote hi krdya kren. Kanjoos awam -,-

Aur baqi sb brhya hay! :*