•••Well, ye surprise hay apke liye ke story yahan end nahi ho rhi.
So this is not the last chapter yet.•••

" Agar tum usse na paa sako jisse tum chahte ho, tw usse zaroor paa lena jo tmhe chahta ho. Kiunke chahne se zyada chahe jane ka ehsas khubsurat hota hay. "

6 months later,

" Arre beta munh kholo na, kb se mamma beth kr wait kr rhi hain ke ap kha lo tw mamma naha len. Lekin nai, ap ne tw mamma ka khyal hi nai krna. "

Abdullah ko maine tqreeban chay mahino ke guzrne ke baad aj pehli baar kuch aur giza dene ki koshish ki thi, lekin shayad usse uble huay aaloo pasand nahi arahe thay.

' Maa ka dudh peene ke baad kon sa bacha chahega ke wo usse chor kr kuch aur khaye ya piye, hmm?? '

Saamer ne hmesha ki trah apne bete ki trafdari krte huay kaha, jis pr main sirf ankhen ghumane lagi.

" Woh bacha chahega jo acha bacha hoga. Aur ye apka bacha hay na tbhi itna dheet aur ziddi hay. Kb se khilane ki koshish kr rhi hun, majal hay ke munh khol kr kha le. "

Maine bhi jawabi firing ki.

Ye apka bacha mera bacha wali larrai hmari bohat khatti meethi hoti thi, jo ke aksar main hi shuru krti kiunke jab se Abdullah paida hua tha Saamer gher'iraadi tor pr usse zyada qareeb hogye thay. Aesi baat nahi thi ke main apne hi bachay se jealous ho rhi thi, magar uska Abdullah ki bejaa side lena mjhe acha nahi lgta tha. Main nahi chahti thi ke Abdullah mere maazi ke kisi bhi hisse ka saaya paa kr wesa hi bane.

" Acha chalo pls beta ab tw kha lo? "

Maine apna deehan inpr se hatta kr dubara Abdullah ki traf raghib kya, itne main door bell bjti hay.

" Aap dekhen pls. "

Saamer bezaari se drwaze ki traf barh jate hain aur main dubara se isi koshish main lag jati hu ke kisi trah Abdullah ko behla kr khila du.

" Dekho beta, mamma apke liye chocolate bhi layi hain. Chalo main apko pehle ye chakhati hu. Kuch meetha hojaye. "

Bahane se chocolate ke, ek chamach bhar ke aaloo ka paste uske munh main dalti hu jispr wo gnda sa munh bnata hay aur yahi mauqa tasweer lene ke liye munasib smjh kr mai ek photo click krti hu, magar phir mjhe apne bazuon se jakre hone ka ehsas hota hay aur piche Saamer kharra hota hay.

Saamer ki ankhon main ghussa aur shak aur dukh ke milay jule rujhanat nazar atay hain, jispr main herani se aik brow uthati hu aur sawalia nazron se use dekhti hu.

' Ye kya hay Maahrit?? '

Mere samne aj mera maazi chand tasweeron ki surat main bikhar jata hay, jo ke mere modelling career se hoti hain. Un tsweeron ko dekh kr meri rooh kanpne lagti hay kiunke ab main pichli guzari hui zindagi ka tasawwur bhi nahi kr skti.Gher mauzu kpre jo ba'mushkil mere seene ko dhanpe huay thay aur daman aesa chor ke meri tangon ko chupane se gurez kr rha tha. Dusri tasweer main mere bazu Gerard ke gird lipte huay thay aur hmare hont taqreeban mil rhe thay. Aik aur tasweer pr meri nazar thehr jati hay jismai zulaym mere upar hawi hota hay, wo manzar aur wo raat mere ankhon mai kisi khaufnak film ke part ki trah dorne lagti hay.

" Tum uss ghair mard ki baanhon main kya kar rhi thi Maahrit? "

Main usse darana ya dominate krna nahi chah rha tha, bus main apna pyar ka shak uspe zahir kr rha tha.

' ek min. Kya kaha tmne gair mard? Tum hote kon ho mjhse ye puchne wale? '

Maahrit ke alfaz kholte huay tel ki tarah mere kanon main gunjay thay, uski ankhon main ghussa saaf dikhai de rha tha.

" Shayad tumhe yaad ho tw tum ne mjhse nikkah kya hay, Mrs. Zulaym sheikh. "

Uski kalayi ko apni girift main lete huay maine uske hatho ko choomte huay kaha.

' Eww disgusting! Wth are you talking about! Maine tumse sirf contract sign kya hay! Mera dimagh khrab hogya hay jo main tum se shadi krugi! '

" Tumhe mera choona bura lag rha hay, ya haq jatana? Bolo maahrit? "

' Zulaym listen. Dekho main tmhe sukun se btana chahti hun ek baat clear krlo ke hmari shadi sirf ek contract hay tw pls... Pls... Ismai feelings involve mat kro! '

" Kyun ? Tumhare dil main kisi aur ke liye tw feelings nahi hain? Shayad ussi lrke ke liye jo tmhe... "

' He is my fiancé! So stop your nonsense attitude Mr. zulaym sheikh! Tum mere kuch nahi ho! '

"Apko kuch kehne ki zroorat nahi. Main janti hun ap kya chahte hain. Yahi na ke main apni safaai pesh kru? Apke samne girgira kr ye baat kahun ke nahi ye sab jhoot hay!? Ya phir ye chahte hain ke main ap se maafi mangu? "

Ranj tw mjhe tha ke Saamer mjhe mohabbat ki wafadari pr ghazlen tw sunate rahe, magar jab tashreeh e rafaqat ka waqt aya tw zaban goong pr gyi.

" Shayad mard ke dil main Allah ne aik aesi jagah rkhi hay jahan se wo hmesha wahi tasawwur krta hay jo ishte'al main akar uska dimagh usse kehta hay. Aur ap bhi wahi kr rhen hain. "

Unke haath main chota sa kaghaz hota hay, jo wo abhi tak apne hath main daboche hote hain. Muthi ke beech bhenche rkhne ki wjah se kafi silwatai uspr numayan hoti hain. Main wo kaghaz unki muthi se chura kr prhti hu.

Tm jis bachay ko apna hissa smjh rhe ho, wo mera hay. Wrna tmhare honeymoon ke dusre teesre din hi Maahrit bhala kese pregnant ho skti hay.

Main janti thi, janti thi ke Zulaym ab bhi yehi chahta tha ke meri zindagi khushgawar na ho. Mjhe ye bhi pata tha ke mere sath hone wale hadse main Amsterdam se le kr Capetown tk jo bhi hua, sab ka zimedar yahi tha.Aur ab tw is ne hadh hi krdi thi. Tuhmat bandhi thi mjhpe.

Smjh nahi araha tha ke dukh is baat ka manau ke Zulaym wesa hi tha jesa shuru main tha, ya phir is baat ka ke Saamer wesa nahi raha jesa shuru main tha. Kya waqae ye sach tha ke mard shadi ke baad badal jate hain?

Apni qismat pr hnste huay, maine Abdullah ko highchair se niche utara aur khud sofay pe beth gyi.

" aaah... Saamer mjhe yaqeen nahi araha ke ap apni mohabat ke bharose ko thukra kar us dushman ki baat pr ghaur kr rhe hain jis ne hmesha se hmara bura chaha. Main apko koi safaai nahi dugi. Apko jo sahi lgrha hay apka haq hay ke ap wahi sochen. Hum kisi ko apna dabao daal kr ye sochne pr majbur nahi krskte ke kya sahi hay aur kya ghalat. Insan apni soch aur apne fesle ka zimedar aur haqdar khud hota hay. "

Abdullah ko apni pusht pr dalte huay main apne kmre ki traf barhne lagi aur andar se drwaza band krdya. Main janti thi ke Saamer phir bhi andar askta hay magar mjhe isse koi farq nahi prta tha. Main is waqt us se door rehna chahti thi. Ek aurat sab kch phir bhi brdasht kr skti hay magar uske chahne wale se shak ki nigah ki dhoop blkl nahi seh skti.

Laila ke whatsapp msg ne mjhe hmesha ki trah sahi waqt par madad faraham ki, goya Allah hmesha mera haal janta aur mjhe uspr qaboo pane ka tareeqa sikhata tha.

" Bani Isra'ael k logoun me ye baat mash'hor aur aam hue thi k Hazrat Maryam pregnant ho chuki hain. Tau jin logoun ka Zikarya k haan ana jana tha, unho ne aap k ghar ana jana band kar dya. . Hazrat Maryam ka kehna tha k jab wo tanha hoti thi tau wo bacha un k sath baat cheet karta tha. aur jab un k sath koi hota tha tau pait me khuda ki tasbeeh karta tha. . Logoun ki batoun aur buhtan se tang aker Maryam logoun se chup kar rehnay lagi. aur aik dour daraz jagah me apnay ko daal lya. Hazrat Maryam ke jism main wo bacha Allah ki qudrat se pal rha tha, halanke wo shadi shuda na thi aur Nauzubillah na hi koi buri aurat theen. Wo paak theen lekin phir bhi un pr ye azmaish ayi thi. Yahan tak ke jab unki zichki ka waqt aaya tw wo kehne lagin, haaye main kiun na margyi ya kyun na boorhi bisri hogyi hoti. Jispr Allah ne unke liye khajoor ke tano ko hilane ka hukm dya jisse unhe araam milay aur jannat ki nehrain unke qadmon tale behti haun.
Aur phir jab Hazrat Isa ibn Maryam ki wiladat hui tw phir wo Allah ke hukm se khud goya huay ke mjhe Allah ki traf se bheja gaya hay , main ek peghambar hun aur apni maa ki khidmat karuga. "

Laila ka msg prh kr meri ankhon main ansoo umadne lage , Allah ne har qadam pr mera sath dya tha . Usne har bar ye sabit kya tha ke dunya ke kisi bhi insan se zyada Wo mjhse mohabbat krta hay, hatta ke Uski mohabbat ki tashbeeh maa se di gyi lekin wo bhi bartari main maa se zyada aur afzal thehri.

Apni diary pr apne dil ki batein utarne ke liye maine purane panno ko palatna shuru kya, jahan pehle kbhi mai ne ye bhi likha tha ke mjhe anjane main hi sahi pr Zulaym se mohabbat ho gyi thi. Wo mere gunah ka aitraf tha shayad.

Aur aaj maine diary phir se kholi hay, aur is bar bhi mozu meri mohabbat hay blke aesi mohabbat jo shayad mohabbat ke aghaz e hudood se bohat paray hay.

" Maine kbhi nahi socha tha,
Ke woh insan jis se mera rabta-e-hayat yun jurr jayega ke phir Usse bicharna azyat ka bayis hoga.
Bichre nahi thay hum,
Magar behadh juda thay.
Najane uske dil main aesa khyal kiunkr aya, ke main...
Haan ho skta hay, blke ye mumkin hay!
Kiunke aksar insan apne mazi ka shikaar bn kr haal main ranj uthata hay, aur shayad mjh pr bhi wahi waqt aya hua hay.
Kamal ki baat tw ye hay ke mere paas apni begunaahi ko sabit krne ke liye koi juwaz koi alfaz nahi.
Saamer tw ussi pe yaqeen krege jo inho ne apni ankhon se dekha, jab daleelain pesh ki jati haun tab kaano se koi nahi sunna pasand krta.
Laila ka msg, mere liye kafi hay.
Mere liye ye janna kafi hay ke mera Allah mere sath hay, ye tw dunya hay!
Yahan kyaa nahi hota?
Yahan mehfooz tohmat se na Yusuf tha,
Na Maryam hay!
In sha Allah, mjhe mere Allah se acha gumaan hay... Wo mera sath zroor dega!
Wohi unke dil ko bdlega, beshak dilon ko pherne wali zaat Ussi ki hay... "

Diary ko bnd krke maine usse apni almari mai rkha, aur apna towel aur nightdress nikal kr washroom main chli gyi.

Kch der baad naha kr , main sukun mehsus kr rhi thi. Abdullah bhi araam se so rha tha. Shukr hay Saamer yahan nahi hain. Side table ka lamp bnd krke main bed pr moisturizer lagane ke liye beth gyi.

Bed ke dusre side pr mjhe kch hrkat mehsus hui, yani Saamer achuke thay.Maine unhe ignore krne ka soch rkha tha islye maine unpr dehan nahi dya.

Strong perfume ne mjhe apne maqsad se hatta kr unki janib maiel kya, unke bazu ab meri kamar ke gird lipte huay thay aur unka chehra mere baalon mai apni manzil dhund rha tha.Baalon ko mere shaano pr dalte huay unho ne wahan ki wazeh jild ko apne honto se choona shuru kya, main apne ehsasat ka qabu nahi khona chahti thi islye wahan se uthna munasib smjha, lekin unho ne aesa hone nahi dya aur mera bazu khench kr wapas bed pr apne upar girne pr amada kya. Unki nzren meri ankho se maafi mang rhi theen, shayad unhe mjhpe ab yaqeen agaya tha.Lekin aik baar koi ap ko shak ki nigah se dekh kr apne ghusse aur haqarat ki sooli pr latkata hay, uske baad apka uski traf palatna mushkil hota hay.

A/N:

Some more chapters I guess :p

Pls, Vote and comment mat kryega shukrya.

Ap bohat mo'aziz qarieen hain.