" The heart that’s meant to love you will fight for you when you want to give up, pick you up when you’re feeling down, and will give their smile when it’s hard for you to find yours. They will never get strength from seeing you weak, power from seeing you hurt, or joy from seeing you cry. The heart that’s meant to love you wants to see the BEST YOU, not the hurt you! Never forget this. "

- Trent Shelton.

" I am sorry hum unhe nahi bacha paye! "

' Lekin... Lekin ap ... Ap.. ne tw kaha tha ke dono main se kisi ek ko hum bacha lenge tw phir Maahrit... Meri Maahrit ko... '

" Dekhye ye ap bhi jante hain ke inke case main complications shuru se maujud thin, aur dusri baat inka jism transplant ke baad se bohat kmzor hogya tha jis pr ye behoshi ke daure parrna aur jesi halat inki pichle kuch mahinon se rahi hay wesi halat main inhon ne kaafi himmat se kaam lya aur bawjud apke fesle ke wo iss baat se mutmaieen nahin theen aur bar bar hum se yahi keh rhi theen ke apke bache ki jaan bachayi jaye. Aur ye ap bhi jante hain ke apki biwi ke case main hmain ktni dushwaryon ka samna karna parra.Isse ap ek mojza hi smjhen maa aur bacha, dono ki zindagi bach gyi hay magar... I am sorry but your wife is in comma. Ye ap ke liye main nahi janta ke khushi ki baat hay ya gham ki magar apka bacha bilkul tandrust aur sahi slamat hay.Aur haan ek baat,apki wife ne kaha hay ke ap apne bete ka naam Abdullah rkhen, baqi ap ki marzi. Excuse me. "

Main kuch palon ke liye wahin sakat kharra apne qadmon ko dekh raha tha, soch raha tha ke Parwardigaar mjhe kis kis tarah se aazmaa raha tha, lekin mjhe himmat nahi haarni thi kiunke Maahrit ke sath ne mjhe yehi sikhaya tha. Allah ka karna ye tha ke bacha blkl normal tha, lekin choonke Zulaym apne shetani iraade se piche nahi hatta tha issi wajah se meri biwi ko bohat azyat ka samna karna parra tha.Ye baat tw hmain uske chattay mahinay hi pata chal gyi thi, sonogram main bachay ka nanha munha aks saaf wazeh tha aur maloom krne par ye bhi pata chal chuka tha ke hone wala bacha beta hoga.

Aj taqreeban teen mahinon baad Maahrit ko yahan le aya tha, yaani Islamabad. Madam aur Sir ki khuwahish thi ke unke pehle nawase ke janam ka poora marhala unki ankhon ke samne , unke paas ho.

Bohat chahne ke bawjood main uska wese deehan nahi rakh paya jese mjhe rakhna chahye tha.

Past few months,

Kbhi wo hosh main hoti tw hnste muskurate apne har pal ko mere liye aur khushgawar bnane ka sochti. Wo mere liye mukhtalif qism ke khanon pe tajurbe krti, aur uske hath ka bana koi bhi khana main shauq se kha leta, phir chahe usmain wo namak ki jagah cheeni dal deti ho ya phir chai peekhi le ati ho. Mjhe uski choti choti adaon par bohat pyar ata tha.

Sotay waqt mere sirhane, apna hath bator takya istemal krne ki mannat krti aur mjhse kehti ke main apna hath uski kamar ke gird lapet kr usse khud se qareeb hi rkhu, jitni sansen usko Allah ne bakshi hain wo chahti thi ke wo mjhmain tehweel haun.

Kbhi bejhijak apna loose sa kurta mere samne uthati, aur ankhon se apne brhte huay pait ki traf ishara krti aur main uski bebakiyo se mehzuz hota, uske har zarre ko apni yaadon main basane ki koshish krta.Phir main apne bachay se batein krne lgjata, jiske kuch der baad hi wo jealous ho jati aur foran apna kurta neeche krke apne gird barra sa dupatta lapet leti aur kehti,

" Bus bohat batein krlin apne bachay se, ab mjhpe deehan do. "

Aur phir issitrah uska farmaishi program shuru hojata, kbhi kairi khane ko jee lalchata tw kbhi mere lakh mana krne ke bawjood pata nahi kahan kahan se dhund kr chalk kha leti thi, tw kbhi mayonnaise fridge se nikal kr sari bottle chatt kr jati.

Iss dauran mjhe Maahrit ke hazaron rang dekhne ko mayassar huay, aur Khuda ki qasam uska har rang itna dil'faraib tha ke shayad ek musawwir bhi dang reh jaye.

Tw kbhi wo din bhi dekhay jab uski khoobsurat ankhon main khauf jhalak raha hota tha, uska jism thar thar kanp raha hota aur ankhon ke niche gehre halkay parre huay hotay. Raat bhar jaag kr wo mjhse lipti rehti, aur main uske baalon ko sehlata kisi trah koshish krta ke wo sojaaye. Namazon ki paband, aesi halat main bhi wo koshish krti ke namaz adaa krle jo kbhi kbhi waqt se pehle bhi prhleti thi aur main usse qabu nahi krpata tha. Surah Yaseen uss pr prh ke dum krta, mauwaztein prhta, Surah Rahman aur Surah Jinn se prhke paani pr phoonk kr usse pilata tw usse kuch der tk afaqa hota magar phir jun ka tun.Bila'akhir Yusuf ki jaan pehchaan se jab ek Molana sahab ko bulwaya tw wo 40 din tak apna amal krte rahe, aur wo muatabar bhi thay kiunke mere samne hi apna elaj Quraani ayato se krte.Mjhse kehte ke main Maahrit ko jism pr unka dum kya hua sarson ka tail lagaun aur phir unke dum kiye huay paani se hi usko nahane main madad krun. Kbhi kbhi tw meri maahrit blkl bejaan parri rehti aur kbhi theek hojati tw mjhe bhi sukun miljata tha.

Jab uska ilaaj mukammal hua tw wo ab blkl theek hogyi thi aur phir Sir aur madam ke israr pr hum do mahinay pehle hi Islamabad aa chukay thay.

Pregnancy ke akhri mahinon main choonke safar krne se gurez krne ka kaha tha lihaza hum ne ye fesla kya tha ke do mahinay pehle hi chale jayege, aur doctor se kafi tadbeeri mashwaray sunne ke baad bila'akhir hum Islamabad pohanch gye thay.

Wahan pohanchte hi hmare istaqbal main Sir aur Madam walihana mohabbat lutatay kharre thay, aur Sir ne garamjoshi se mjhe apne seene se lagaya aur phir peeth pr thapki de. Wo iss baat se khush thay ke unka intekhan yaani main, unki beti ke liye durust tha. Jbke mjhe iss baat ki shrmindgi thi ke main uski dekh bhaal ke liye kuch theek se nahi kar paya tha.

Madam ne ghar lejate hi hum dono ki achay se khatirdaari shuru krdi, jismai desi ghee se banay laddoo, khalis dudh se bani lassi aur parathon ke sath najane kon konse qism ke kebab aur degar lawazmat maujud thay. Bawjud iske ke hmari bhook insano se kaheen barh kr hoti hay magar phir bhi madam ne itna khilaya tha ke lag rha tha ke ab do din tak khane ki naubat paish nahi ayegi.

Ab Maahrit khanon se door bhagne lagi thi jispr madam naraz ho kr beth jatin tw inn mohtrma ke nakhre mjhe uthanay parrte aur najane kon konse ashiqi ke waaday krwa kr phir wo ja kr khana khati, doodh aur anday se usse allergy hone lagi thi lihaza madam bhi apni zahanat istemal krte huay uske manpasand mashroob me muntaqil krke doodh pesh krtin aur rahi baat anday ki tw wo main usse mukhtalif hotels main lejane ke bahane tw kbhi long drive pr murree lejane ke bahane khilwata , lekin wo moqa kbhi aya nahi tha kiunke uski delivery aane wale dino main kbhi bhi mutawaqqa thi.

Present,

Abdullah ko apne bazuon main uthaye main uski choti choti ankhon ko inhimak se dekh rha tha. Meri ankhon main ansoo thay, main nahi smjh pa rha tha wo khushi ke thay ya phir ranj ke.

Main ye khushi jiske sath bant'na chah rha tha wo , Abdullah ki pedaish ke kuch hi minto ke baad comay main chali gyi thi, mere bachay ki maa, mere dil ki malka aur meray ashyane ki rehbar... Main usse ek baar apne seene se laga kr uski dharkanon ko apni dharkanon se jorrna chahta tha, uske hathon ki unglyo ko apni unglyo se pur krke unhe choomna chahta tha, main uska shukrya ada krna chahta tha ... Magar aesa kuch mumkin nahi tha, apne bete ki peshani ko choom kr phir maine unhe Sir ke hawale kya. Main chahta tha, ke uske kaan main Azaan uske nana den.
Aur phir mere dil ki halat ko smjhte huay, Madam ne mere sar pr pyar kya aur sabar ki talqeen ki. Wo keh rhi theen ke Allah hum dono se bohat mohabbat krta hay, kiunke Allah apne ussi bande ko aazmata hay jisse Usse dili lagao ho.

Apne mazboot hathon main Abdullah ko samane ke baad, aik hath uske sar ke piche se smnbhalte huay unho ne uske kaan main Azaan deni shuru ki. Main nahi janta tha ke unki awaaz main ek aesa sehar hoga jo mjh pr bhi taari hojayega. Subhan Allah! Abdullah yaqeenan khush qismat hay.

Assalam-o-Alaikum-Warahmatullah

Pehle tw main ye kahugi ke main bohat naraaz hun, kher kisi ko kya farq prta hay. Wese narazgi ki wjah tw khamosh qari'een achay se jante hain, wese iss baar gila bolne wale qari'een se bhi hay! Main dekh rhi hun ke jese jese novel ikhtimam ki traf barh rha hay wese wese ap logon ka rujhan kaam se khatam ho rha hay.

Islye mjhe bhi bilkul dil nahi chahta ke main likhu, lekin kher ab logon ka tw kuch nai kya ja skta. Ye novel mere dil se bohat qareeb hay, aur choonke Urdu main lkhna mjhe acha lgta hay islye ye mera apna zauq hay.

Phir bhi main ap se drkhwast krti hu, ya phir guzaarish smjhen isse ke pls khamoshi se prh kr agay nahi barhen baraye mehrbani vote hi sahi magar krdya karen!

Yaar, mjhe smjh nahi ata ke ek vote krne se apka kya chla jayega? Kbhi kbhi tw bohat ghussa ata hay, kher usse pee jati hun kyun ke ghussa haram hay.

Baqi logon ka shukrya jo meri hosla afzai krte hain, mjhe sarahte hain. Yaqeen janye ye bohat ehmyat rkhta hay ek writer ke liye!

Allah ap sbka bhala kre,
Ab dua di hay ab tw krdijye vote!