" Mjhe bhool jane ka daawa apni jagah,
Mere naam pr tera chonk'na acha laga "

Huzbaan:

" Aap kya chahte hain paa? Aj. Itne saal baad hum kyun mil rhe hain? Aur jb ap jante hain ke sachhai kya hay tw kis jhoot ke sahare apni zindagi guzaar rhe hain? Apko kyun ye lagta hay ke Azaan ne mjhe ap se cheena? Kyun apko lgta hay ke Maa apko chor kr chali gyin thee? Ap achi trah se jante hain na iska jawab... "

Mathay ke shakan ko angoothay se mittaane ki koshish krte huay, maine apni kamar sofay se tika di. Paa mjhe yahan dhamkane aye thay, ya phir gharay murde ukhar rhe thay.

' Maahrit ka bacha chahta hun main. Main usse apne Khuda ke samne chrhawe pe chrhauga ta'ke wo mjhe tmhare mamle main maaf krde. '

Paa ke alfaz mere kaan main garm sisay ki trah parre thay.

" Ap shayad bhool rhe hain ke ab main bhi ek baap hun. Aur main ne apko nahi chora tha paa. Ap ne mjhe chora tha. Ap ne mjhe tab apnane se inkaar kya tha jb mjhe apki sbse zyada zrurat thi. Maa ke chle jane ke baad ap apne hi gham main rehte thay. Meri fikr tw apko thi hi nahi.
Kher yahan baat ehsas ki nahi hay, mjhe be'ikhtyar mohabbat hogyi thi pehle Azaan se aur phir uske mazhab se. Jistrah ap apne mazhab pr brqarar hain ussi trah main bhi apne eeman pr mrte dam tak qaim rahuga. Mehaz apki ek mamuli dhamki mjhe apne maqsad e hayat se nahi hatta sakti. "

' Tw phir tum apni beti se mohabbat nahi krte? '

" Mjhe kisi se mohabbat ka dawa krne ki zarurat nahi. Mohabbat dikhawa nahi hoti, izhar chahti hay. Aur mere liye bnisbat ek musalman, mere Allah se mohabbat sbse brh kr hay. Wo chahe tw ap chah bhi nahi skte. Aur mat bhoolye ke main ne apko Azaan ke satg badsalooki pr sirf maaf kyaa hay, bhoola nahi hun main.
Mjhe ek na'khalf beta bnne pr mjboor mat kijye. "

' Main tumhari baaton ke chunghal main nahi phnsne wala, bohat jald tmhe khabar milegi ke Maahrit apna bacha hone se pehle hi kho chuki hay. '

Aur phir kamre main mahaul pehle jesa hone laga, main apne insani hulye main wapas achuka tha.Drwaze pr halki si dastak ne mere haawaas bakhta kye aur aik baar phir main apne kaam ki traf mutawajja hochuka tha.

" Sir, hmain dushmano ke thikanon ka pata chal chuka hay. Unke paas maujud hathyar, missile aur beshumar barood kabze main liye ja chuke hain. Apka next order ka wait kr rhe hain hum sab. "

Foji jawan apne hath seene se bandhe mjhse mukhatib, khushi ki khabar de rha tha magar ye khushi thori peekhi maloom ho rhi thi.

" Good Job! Hmara agla qadam... "

Saamer:

Maahrit ko behoshi ki haalat main Amsterdam se Capetown wapas le jana mere liye bohat mushkil tha, main mjboor tha ke ye safar mjhe insani roop main hi tay krna tha .

Ghar pohnchte hi Madam ne mjhe galay se lgaya, apne ansoo jo zabt kye huay thay unhe behne dya aur phir Maahrit ko jee bhar ke dekhne ke baad apna shafeeqe madar hath uske chehre pr phera.

' Mera... Bacha... Maahrit tum itni barri hogyi aur pata hi nahi chala. Hmari zindagi main kitni azmaishain ayin, aur yahan tk aa hi rahi hain. Mjhe Allah se koi shikwa nahi. Magar tum pr ye halat dekh kr mjhe darr hay ke kaheen koi kufrya kalmat na keh dalu. Ya Allah, mjhe sabar de. Meri phool si bachi ko himmat de. '

Maahrit ko bedroom main laitaane ke baad, main Madam ke sath lounge main agaya tha. Unhe iss baat se agah krna bohat zruri tha jo mjhe kuch ghnte pehle pata chli thi.

Few hours before,

Amsterdam ki thandi hawayen Maahrit ke jism ko kapkapahat main mubtila kr rhi theen. Bawjood iske ke wo garm lihaf se lapti hui thi, aur usko garmahat faraham krne ke liye main ne heater zyada temperature pr rkha hua tha.

Phone hath main liye main soch hi raha tha ke Sir ko call krke itlaa bhej du ke unki laadli beti ki tabyat pr ajeeb sayaa mundla rha hay. Mjhe ye tw maloom hogya tha ke koi jinn iss par qabiz hone ki sartorr koshish kr rha hay, magar ye nahi janta tha ke aesa kiun ho rha hay ke wo sirf beemar ho rhi hay. Kiuke amuman aesi halat main yani agar koi pregnant aurat pr jinn qabiz hona chahta hay tw khatra maa aur bache dono ka hota hay.Lekin maine jab bache ko hath rkh kr mehsus kya tha tw tb mera shak yaqeen main badal chuka tha ke aesa islye tha kiunke maahrit main palne wala bacha meri trah ek jinn tha.Mjhe iss baat ki khushi thi ke wo meri nasal ka waaris tha magar ain ussi waqt iss baat ka gham bhi tha ke maahrit jistrah ek normal bache ke khuwab dekhti hogi wo poora nahi ho rha tha. Shayad ye bhi ek azmaish thi.

Hmari zindagi insani zindagiyo se kahen zyada mukhtalif thi. Shayad azmaisho ka bojh hmari traf zyada tha. Ek jinn ke torr pr hmain baik waqt kayi baaton ka khyal rkhna hota tha.
Kisi dusre jinn ko takleef na dene ke ilawa hm pr ye bhi aied tha ke hum kisi insan ko bhi takleef na pohnchayen.

Call ki dusri bell pr hi Sir ne recieve krdya tha,

" Beta, mjhe afsos ke sath kehna parr rha hay ke main apni family ko nahi bacha paya. Aj phir pehle ki trah maazi ka wo khaufnak saya meri beti pr mandla rha hay. Mjhe tw iss waqt tm se khushi ka izhar krte huay mubarak baad pesh krni chahye thi. Lekin ... Wo... Mere walid... Ahh "

Sir ki awaaz main dard tha, thore takuf ke baad wo phir goya huay aur maine unhe bolne se nahi roka. Main khud chahta tha ke ye mamla jald se jald hal hojaye.

" Main tab shayad 12 saal ka tha jab meri maa mjhe chor kr chli gyi thi. Main ek hindu gharane se tha. Maa ke jaane ke gham main Paa bohat tooth gye thay. Wo maa se bohat mohabbat krte thay. Uss waqt main nahi janta tha ke akhir kya wajah thi jo unhe mere paa se mohabbat nahi rahi thi, aur main bhi yahi smjhta tha ke meri maa ek buri aurat hay. Kisi aur ki mohabbat main apna hansta khelta ghar torr kr chali gyi. Magar ye tw ek jhoot tha jo mjhe paa ne sikhaya tha.
Ye raaz tab khula jab main dubara apni maa se mila, tab jb meri shadi Azaan se hochuki thi. Paa ko sharab ki aur har dusre ghalat kaamon ki lat lagi hui thi. Ek hindu hone ke bawjood hmare khandan main ye sab mayub smjha jata tha.

Maa, paa ke iss rawaye aur apne bikharte ghar ko dekh kar sehem gyi thi. Roz ka mamool bn gya tha wo kisi na kisi insan pr taari ho kr usse drd dete, aur ye sb maa ke liye takleefde thay.

Mjhe tab se insani aurto se nfrat hone lagi thi. Mjhe laga tha ke aurten sirf hmain lubhati hain aur phir jab hum haawi ajate hain tw apne mantaron ( Qurani ayaton ) se, nauzubillah, jadu krke hmain takleef pohnchati hain. Kiuke ek raat aesa hi hua tha. Paa sakht takleef main mubtila tha unka ang jal rha tha aur wo koshish kr rhe thay ke apni aag ko bujhne na den. Maa ne unhe khud se lapeta ta ke unki aag ki lau se paa zinda reh saken, aur kuch hadh tak aesa hua bhi. Aur phir maa ne paa ko jhinjor kar uss lrki ke jism se azaad krwaya tb jaa kr unki halat thori beheter hui. "

Ye sab sun kr mere ronghtay kharre hogye thay, bawjood ye ke main khud ek jinn tha mjhe kapkapi taari hone lagi thi. Main nahi janta tha ke Sir, jo bazahir ek hasshash basshash insan, apne andar ghamon ka pittara liye ghoomte thay.Maa tw main bhi apni kho chuka tha, aur badqismati se baap ka saya kbhi mere sar par tha hi nahi. Mjhe andaza tha ke family ki zindagi main kya qeemat hoti hay.

" Ahista ahista maa paa ko sudharte sudharte hum se door hone lagi, wo zyada waqt chatt pr guzarti aur kbhi kbhar ghar pr maujud bhi na hoti.
Paa ko maa ki kami ka ehsas hone laga tha, wo apne kye par pachtawa dikhate thay magar maa har ehsas se aari hochuki thi. Blkl khamosh rehti.
Phir ek din maine usse kisi aur mard ke sath dekha, mohabbat ka iqrar krte wo uska hath thame hui thi.
Maine taish main aakar paa ko btaya, tab maa hmain usse dekhta dekh wahan se bhaag gyi.
Din maa ki kami ke sath guzrte gaye aur bila akhir ye gham mere liye mamuli sa bngya tha.Main zindagi se bezaar roz kisi na kisi trah marna chahta magar maut mjhe tarsa rahi thi.
Tb hi meri nazar samne ke ghar ki lrki pr prri, jo bala ki khubsurat thi. Wo naye log thay, aur shayad iss baat se nawaqif thay ke unke samne wale makan main hmara basera tha. "