"Ab haal-e-dil na pooch ke taab e bayaan nahi,
Ab meherbaan na ho ke zarurat nahi rahi "

Saamer:

Uski reshami zulfen khuli hui, hawaon ke bal se bikherne lagi theen.
Uska aram se leta hua wajood, pur'sukun lgrha tha lekin main usse aese nahi dekhna chahta tha.
Main chah rha tha ke hum baqi jaghon pr bhi enjoy kren aur main Maahrit ko apne hamrah liye, khubsurat nazare dekhu.
Uske bina har manzar, har tasweer adhuri lagrhi thi ... Rang pheekay se maloom hote thay.
Unn khushyon ka kya mol jab apke sang uss khushi ko manane wale koi apke paas na haun...
Maahrit mere sath blkl bejaan jism ki trah thi, uski sansain chal rhi theen magar wo wahan nahi thi...

Maine ghbrhat ke aalam main Madam ko phone kya aur unko iss soorate haal se agah kya.

Pehle tw wo bohat ranjeeda hogyin, phir apne ap pr qabu krte huay unho ne mjhe mashwara dya ke shayad uski tbyat nasaaz hone ki wjah se in do jagho pr ghoomne se wo kaafi stress main agayi thi lihaza wo behosh thi. Unho ne dusra nazarya ye pesh kya ke shayad koi aur baat ho jo iss waqt hmain smjh nahi arahi ho. Phir jese kisi ne unko ek dum jhinjora ho, unho ne ek anjaana sa naam lya jo main ne shayad suna tha pehle.

Zulaym

Thora sochne pr yaad aya ke Zulaym tw wahi tha jisse pehle Maahrit ki shadi hui thi, wo insan jo isse azyat deta tha.

Kaheen phir se, ye sab ussi ka tw kya dhara nahi??

••••

Zulaym:

Main jo bhi dao khelta, najane kese haar jaata...
Aik anjani si quwwat mjhe bht buri trah maat de kr piche hatta deti thi.
Jab jab main koshish krta ke uss kpre ke bane mujassame pr apna koi waar chalaun, wese wese har baar mjhe shikast milti aur shikast hi nahi blke bohat buri trah main zakham khataa tha. Teen baar maine chaaha ke uss kpre ke gudde ko grdan se maror kr maar dalu, aesa mumkin hi nahi hua..
Kbhi main koshish krta ke suee ko uss gudde ki ankhon main ghonp du, magar har baar wo suiee ussi taqat se palat kr mere hath main chubh jati aur mera hath istrah kaafi khoon ras raha tha. Mjhe smjh nahi araha tha aesa kyun horha hay.

" Kyun aser nahi horha kuch uspe?? Tum ne tw kaha tha uspe zaroor aser hoga!! "

Maine uktahat se uss aamil kaale baba se kaha. Kaala jadoo krne ki wjah se unka naam aamil kaale baba kafi mashoor tha, aur ismai mere ek mulazim ne meri madad ki thi.

' Ye kaam asaan nahi. Tumhe btaya hoga uss ne. Tumhe iske liye bohat himmat se kaam lena hoga. Jab jab tum koi aesi hrkat kroge jiska waar tum pr ulta parre tw usse tmhari zindagi ki ek dorr kat jayegi. Aur tum jese jese uski zindagi khatam krna chahoge, wese wese apni maut ke qareeb hote jaoge. '

Baba ne mjhe tanbeeh krte huay kaha, lekin achanak jese mere jism se meri rooh pr koi bhaari bojh rkha gya ho, aesa lgrha tha jese main khud apne bas main nahi.

' Sir... Sir maine ap se kaha tha. Kiun le rhe hain ap badla Maahrit se? '

Mulazim ne mere bazuon pr hath rkhte huay, fikrmandi se pucha.

Main ghusse aur nafrat se gharra utha,

" Kiunke Maahrit se mere bohat puraane maamlaat hain.Uski maa ki wjah se mera beta Aakash ( Huzbaan ) , mjhse door hua. "

Phir ek dum se meri ankhon main ansoo ane lage, jinhe kafi rokne ke bawjood wo chalak parre.

" Aur kiunke main Maahrit se aj bhi pyaar krta hun. "

' Sir.. Sir.. Ye apko achanak kya hogya tha?? Ap bohat kh..khau... Khaufnaak lagrhe thay, apki ankhen laal hogyin thee aesa lgrha tha ke ghus... Ghusse se ap ... Aur akaash kon hay? '

Phir Aamil baba se mjhe maloom hua ke mjh pr ek purane jinn ka saaya tha. Wo chahta tha ke mere zarye apne purane dushman se badla le, aur main ye nahi janta tha ke ye mere liye muzir tha ya mufeed tha.

Pyaar main dhoka dene wali lrki se bdla tw lena main khud bhi chahta tha.
Aur shayad isstrah se achanak mere jism pr uss jinn ka qabiz hona mere badle ke liye acha tha, jo kaam main nahi krskuga wo jinn usmai meri madad krega.

••••

Saamer:

Maine Maahrit ke paas Ruqya ashra ki tilawat lagayi hui thi, jisse mjhe lagrha tha ke usse kaafi roohani sukun milrha tha. Main uspr musalsal Yaseen se dum kya hua paani parh kr chirakta, kuch der ke liye wo hosh main aati... Koshish krti ke apni ankhon se mjhe kuch kahe, lekin uski ankhen sirf dard ki duhai de rhi thi. Main chahta tw usse dunya ke har drd se azaad krskta tha, lekin main khudgharz nahi hoskta tha. Mohabbat main bekhudi hoti hay, aur jahan khuddaari ho wahan mohabbat nahi ana hoti hay aur jahan ana ho wahan mohabbat zyada der tak tikk nahi skti.

Jabse wo khushi uss ne mjhe di thi, tab se main uske aur zyada qareeb agaya tha. Lekin zyada qurbatein bhi phir furqaton ka azaab laati hain, main iss baat se darta tha.

••••

Huzbaan :

" Tumhari beti ko uss takleef main dekh kr tumhe ehsaas tw hogya hoga, ke main kis takleef se guzra tha??!! "

Ek bhaari aur aashna si awaaz mere kaanon main goonji thi.

" Barri muddat hui, barra zamana guzra aur ab tw mjhe pata hay ke tumhari beti khud bhi ek maa bnne wali hay, tw usse takleef dena matlab soodh ke sath hisaab chukta krna hoga. "

Ek baar phir wohi nafrat bhari awaz mere kanon se takrai.

Main iss waqt duty se waqfa lya chai peene apne quarters main aya hua tha, mere sath yahan koi bhi nahi tha kiunke main apni chaaye sukun ke sath chat pr peena pasnd krta tha.

" Pehchana nahi barkhurdar? Aakaash Jokago "

' PAA??? '

••••

TWIST  kesa laga ;)