" You don't meet anyone accidentally, there's always a reason behind it "

Cut! Cut! Cut!

Uff Allah ye lrki bhi na! Mahrit tumhe usse ghoorna nahi hay feel krna hay,uske qareeb jao aur uski banho ko thaam lo kha nahi jayega wo tmhe !

Asst director Huma Kashif, bolrhi thi.

" Acha, Mam. I'm sorry. I'll do this again. " 

Mjhe ek ajeeb sa ehsas horha tha ke mjhe Mike ke itna qareeb nahi jana chahye ke main apne hosh hawas sb kho bethu, kiunke ye baat sirf hum dono ke ilawa koi aur nahi janta ke hm couples hain. Shadi shuda nahi hain tw kya hua, Gerard wo bhi krlega.. Wo mjhse mohabbat krta hay,tw uska haq bnta hay ke wo mjhe choo skta hay, mjhe mehsus kr skta hay.

" Maahru? Tm comfortable nahi ho tw tell me? I'll ask the director to cancel this shoot. Kuch aur scene krlege replace. " Gerard ne mjhe dheemi awaz mai assure krte huay kaha.

" Nahi. Wo aesi bat nahi hay, Gerard. I'm okay. I was just feeling hesitant, what if I lost my senses when you touch me? "

Main uski ankhon main apni haya ki pasdari ka jawab dhund rhi thi, lekin wahan mjhe kuch aur nazar araha tha.Wo bhi meri tarah is bat se darta tha ke kaheen uske mjhe choone se ya mere uske qareeb jane se wo behek na jaye. Mohabbat mai behekna pehla qadam hota hay, jiske baad dusra qadam hawas se agay brhta hua dooriyon aur phir nafrat tak pohnch jata hay, phir bila'akhir mohabbat mar jati hay.

" Maahrit? "

Gerard meri ankhon mai is darr ko mehsoor kr rha tha, wo smjh chuka tha ke main uske qareeb aane se nahi darti blke us qurbat ke baad ane wali surat e haal se darti hun.

" I'll always be by your side, Maahrit. Chahe kuch bhi hojaye hmare beech mohabbat ke ilawa teesra na kbhi kuch raha hay aur na kbhi kuch hoga "  Uss ne muskura kr mere hathon ko chooma aur pyar se mere chehre se laton ko hataya aur mere baal apne hatho se suljhane laga. Uski ye adat hmesha mere dil ko mom krjati aur mera dil uski aarzoo mai pehle se kahin zyada muztarib hojata.

Will you two stop blabbering in between yourself! Come on, get on the shoot already.

Action!

Main uski sanson ko apne shaano se phisalta hua dekh rhi thi, uski saansen kisi sukoot mai behte drya ki manind mere jism mai sar'srahat peda kr rhi thi. Uske hont meri grdan ko choote huay mjhe apne bas mai krne mai koi kasar nahi chor rhe thay. Uske hath meri kamar ki pusht pr apne lams se mjhe pighla raha tha, aur phir uss ne bina kisi ishare ke apne hatho ko shirt ke andar krdya aur wahin pr apni unglyon se apne naam ka ek ek harf bna rha tha.Main uski harkaton ko mehsus krne mai iss qadar samayi hui thi ke mjhe ehsas hi nahi hua ke mjhse ghalti horhi hay. Lekin jab iss ehsas ne mjhe ghera maine foran usse apne se thora door dhakela! "Gerard, you can't love me. "

Na jane kiun mjhe aesa laga jese Gerard ka mere kisi bhi zarre main koi shumar nahi hay, aur mera hona kisi aur ke hone se munsalik hay.Mere wajood pe uska haq mo'atal sa lgrha tha.

Kya masla hay tmhare sath maahrit? Kya tmhe ye series krne bhi hain ya nahi? You're just creating a fuss out of it!

Huma mam mere is achanak hone wale attitude se behadh preshan nazar arahi then.

Dekho Maahtit, promo already cast ho chuka hay,it's on air now. You can't back up at the last moment.

" Mam, aesa kuch nahi hay. I'm just not feeling comfortable with such intimate as scenes. Main koshish kr rhi hu apne apko compose krne ki. Pls give me a day or two. Main ap se wada krti hun main apko disappoint nahi krugi, pls mam "

Hmm, tw phr theek hay iss shoot ko hum  by Wednesday continue krege, and Maahrit I want you to look best and perform best. Tmhare paas talent hay aur ye series tmhe jb ye moqa khud provide kr rhi hain so why are you kicking out the opportunity? Elizabeth ko flhal tmhare discomfort ke bare main kuch pata nahi chala hay tw tm preshan mt hona, you already know she acts around differently when any of her assigned actor/actress refuses to do the scenes she wants to telecast.

" Yes mam, I'm listening. I'll do my best pls just give me two more days? "

Ab main pursukun thi ke mjhe aese anjane se lams ka ehsas km se km do din ke liye iztirab mai nahi dalega.

Mjhe kyaa pata tha ke in do dino main aesa kuch hoga ke meri zindagi mai iztrab khud bakhud dakhil hoga aese jese goya wo mere , Gerard ko thukrane ke intizar main mera muntazir raha ho... Ye iztirab hoga ya mohabbat, ye shyd Khuda hi janta tha.

7 hours later

" Yaar, tu bhi yahan law ke liye aya hay naa? " 

Yusuf mera facebook friend tha lekin hmari dosti ko 8 saal hogye thay, aur ab ittefaq se wo mjhe meri university main mila tha jb main hall ki traf assigned seats aur classroom dekhne ja rha tha. Kiunke wo kuch mahino se apne career ko le kr pareshan tha isi wjah se wo mjhse itni chat nahi krta tha aur mostly offline hota tha. Tw uska yahan milna hum dono ke liye hi ek achanak milne wali khushi ki trah tha.Hum dono bht ache dost thay lihaza khushi dugni thi.

" Haan Zulaym, main iss university main admission ke liye bohat zyada desperate tha. Law prhna mera dream tha aur ab Alhamdulillah wo poora hogya, main bohat khush hun yr. Acha tu bata, tera tw law ki traf koi khaas rujhan nhi tha na? Phir kese? "

Hum dono cafeteria se do coffees order krke waiting area main beth gye, aj first day tha issi wjah se cafeteria main bohat rush tha. Hmari university ka ye area sb se munfarid aur pur'sukun tha.

" Bus kya bataun tujhe, tu tw janta hay jbse meri maa ka inteqal hua tb se meri soteli ammi ne hi pala hay aur unho ne kbhi bhi mjhe sotele jesa brtao nahi kya, hmesha ek maa ki trah hi pyar dya, tw ab mera bhi farz bnta hay na ke unki khuwahisho ka ehtram kru. Wo chahti hain ke main lawyer bnu. "

Coffee ke serve hotay hi hum dono ne ek ek chiski bhari aur dubara mahu e guftagu hogyi.

Hmari batein coffee ke taste se shuru ho kr apni mrzi ki lrki dhundne tak pohnch gyin aur ismai qatayi koi herani wali baat nahi thi kiunke aksar aesa hi hota hay jb dost apas mai mil kr bethte hain tw baaton ka silsila deewar e cheen ki trah lmba hota chla jata hay.

" yaar main room ke liye preshan tha, yahan koi rent pe itni asani se apartment tw kya ek room bhi nahi deta. Aur hostel mai rehna tw impossible. Mai itni strict life brdasht nahi krskta. "

Yusuf ne apni coffee ka akhri sip lete huay kaha aur wahan se uth khara hua. Us ne ishare se mjhe bhi uthne ko kaha aur phir hum dono library ki traf chal prre. Hmain newspapers se rooms ke ads search krne thay aur apne sr pe chat ke liye ye mehnat kafi taweel arse se jari thi.

Kafi newspapers kanghal lene ke baad hmain koi ek do kmre qabil qabool sharait ke lagay aur hum ne shukr ka sans bhara aur phir unhe wapas fold krke shelf pe rkh dya.

" Zulaym, tumhare liye tw aunty ne koi apartment wgera book krwaya hi hoga na phir tmhe kya masla hay? "

Us ne shelf ki janib se murte huay mjhse sawal kya.

" Hmm, Ammi ne mjhe kaha tha lekin... Maine unhe ye keh kr taal dya ke ab unka beta jawan hogya hay aur wo khud apne liye bandobast krskta hay, aur wo ye blkl na smjhain ke wo unka pyar thukra raha hay blke ye smjhain ke unka beta unhe sabit krna chahta hay ke wo nikamma nahi "

Maine apni logic pesh krte huay fatihana muskurahat ke sath apna collar durust kya.

" Teri shaikh bazi abhi tk gyi nhi. Hunh. Beta jb papar belne prege na tb pata chlega, bewaqoof kaheen ka !! "

Umm, excuse me ? Can I talk to you guys for ten minutes pls?

" Ye kon agraiz museebat galay prgyi, Astaghfirullah. Ek museebat se nimta nahi dusri haxir. "

Maine apne mathay pr prne wale achanak balon ko hathelio se duruat kya aur murr kr jane hi laga tha ke,

Thehrye! Mjhe urdu aati hay, aur shayad main apke liye museebat nahi blke apki museebat ka hal hun.

Ab main mjbooran piche murra aur jb uski ankhon se hum kalam hua tw main goonga sa hogya. Itni khoobsurat? Mjhe behekna nahi hay!

Main phir se wpas murr gya aur iss bar apne qadam tez krte huay library se exit hona chaha, magar ye lrki thi ke koi bala piche hi prgyi thi.

" Oh behen, mjhe apki koi help nahi chahye! "

" Yaar tu sun tw le uski baat ek baar? Hoskta hay wo waqayi hmari madad krna chahti ho. Yahan ki rihaishi hi lgti hay. Hum tw Pakistan se aye hain, itna kuch nahi jante yahan ke baare main. She might know something about our benefit. "

Yusuf k smjhane pr maine socha kiun na sun hi lu uki baat.

Hello, I'm Maahrit!

************************************

Hey/Assalam.o.alaikum readers :)

Trust me it's not at all easy to write romanve amd that too in Urdu language, aesi michmichi hoti hay mjhmai khud likhte huay ki kyaa bataun lol :D

Chlo hope this gets better soon :3

Tataaaa :*

~Snowflake_Rose