" Bujh jaate hain aksar diye, hmari hi ghaltyon se...
Har baar qasoor hawaon ka nahi hota... "

Assalam-o-Alaikum ! Main apka captain Naveed Shams ap se mukhatib hu. Iss waqt hum Cape Town pohnch chuke hain aur tqreeban 33,000ft ki unchai pr maujud hain,yahan ka mosam khushgawar aur 27°C maloom hota hay. Musafiron se guzaarish ki jati hay ke apni nashisto pr seatbelt lgaye bethe rehye, jahaz kuch hi der main land ho jayega.shukriya.

Maahrit:

" Ahh, bila akhir hum pohnch gye Alhamdulillah. "

Main ne sukun ka lmba saans bharte huay kaha aur Saamer sar jhukaye khamoshi se mere brabar main betha hua tha.

Choonke iss waqt cell phones off thay, islye maine iss thore se waqt ko wahan yahan ghoorne main sarf kya. Saamer ki traf main blkl bhi nahi dekhna chahti thi, bawjood uske ke wo mere dil main ahista ahista gher danista taur pr ghar krne laga tha.

" Baba, ap mere convocation tak rukege na?? "

Main ne palat kr pichli seat pr baba se sawal kya.

' In sha Allah. Lekin meri ek shart hay, manogi meri baat? '

" Konsi shart baba? "

' Yahi ke tum convocation ke fauran baad mere sath hi Pakistan aogi, wahan pr hum tmhara valima sahibe istataat khushi se manayege. '

Baba ki awaz khushi se sarshar thi aur yahi khushi Saamer ki ankhon main bhi chamak rhi thi, lekin main kisi bhi gher iradi jazbatiat ko umad aane se roke huay thi aur na jane kb tk yunhi roke rehna chahti thi.

" Baba, nikkah ho tw gya. Ab valima ki kya zarurat. Wese bhi konse hmare koi rishtedar hain jo hum daawat ... "

Baba ne meri baat beech main kaat kr apni baat phr se, lekin saaf andaz main dohrayi,

' Beta valima sunnat hay, aur ek sunnat pr amal krne se sau shaheedo ka sawab milta hay. Tum kiun nahi dena chahti apni khushyo ko aik mauqa? '

" Lekin baba "

' Ya tw tum maan jao ya phr apni ceremony mere bghair enjoy krlo. Tumhari marzi hay. '

" Hunh, ap hmesha mjhe emotional blackmail krte hain! "

' Kya karu, ikloti beti jo ho... Wo bhi itne arse baad mjhe mili ho '

Baba hmesha mjhe muskurane pr mjboor krdete thay, aur phir main Saamer ki traf dekhne lagi. Wo mjhe hi dekh raha tha.

" Kya? Aese kyun ghoor rhe ho? "

' Islye kiunke tum... '

" Kya main? "

' Tum... '

" Main kyaaaaa!!! ??? "

Uski baatein mjhe ya tw chirchira'pan main mubtila krtin ya phr ghusse main aur iss waqt dono tha.

' Tum blkl ullu lagrhi ho. '

" Whatttt? How dare you? "

' Poori raat tm ullu ki trah jaag jo rhi thi '

" Agar main jaag rhi thi tw tum bhi jaag rhe thay, kiunke tum agr bedar nahi hote tw tmhe mere bedar hone ki khabar bhi nahi hoti. Tw yahan ullu ap bhi hain. ''

' Iska mtlb tm maan rhi ho ke meri Mrs. Ho ? How romantic! '

" How pathetic! Tumhare paas dimagh wimagh nahi hay kya? Allah jaane tumhe army walon ne rkh kese lya! "

ap kuch lena pasand krege?

Airhostess hmari seat ke paas kharri hum se mukhatib hui, jisse hmare larrne ka tasalsul toota.

Coffee with croissant? Or Tea?

Ye acha moqa hay badla lene ka!

" Kya apke paas crabs honge? "

Saamer ne mjhe brows ko uchkate huay dekha.

Breakfast main crabs?

" Chalen choren, ap coffee aur croissant hi de den. "

Air hostess ke thora agay jaane ke baad maine Saamer ke kaan ki traf jhukte huay crabs ke baare main puchne ki wjah btayi jis pr uss ne apni dono ankhen yun barri barri ki, ke ek second ke liye tw mjhe darr laga ke wo sockets se hi na bahar nikal jayen.

' Halki phulki takraar,
De pyar ka iqraar '

" Excuse me? "

' Kahan pr? '

" Arghhh! Shutup! "

Ghusse main maine tw taqreeban apne baal khench hi liye hote agar mera sar dhaka hua na hota.

" Tum dono larrna band kro, flight land horhi hay. "

Baba ne hlki si chapat mere sar pr mari aur main mjbooran chup hone pr raazi hogyi.

' Tum aese chup ktni khubsurat lgti ho. '

Saamer ne mere kaan mai sargoshi krte huay mjhe chera. Lekin maine usse koi response nahi dya. Ab yahi better option tha.

' Alhamdulillah tum sirf meri ho '

Abb uss ne mere hatho ko pakkar kr apne honto se lagaya aur meri traf aese muskura kr dekh rha tha jese hum koi lovy dovy couple haun.

••••

Zulaym:

Iss band kamre ki tareeki ne meri zindagi ko mazeed tareek krdya tha. Subah ke hone ki na koi itla hoti na shaam ke dhalne ki. Bus kbhi kbhar mjhe bahar ke nazare ko dekhne ke liye sb ki maujudgi main bahar aane ki ijazat milti aur tab main unn hawaon main jee bhar ke saans leta, jis mai meri Maahrit ki khushbu bhi yaqeenan kaheen na kaheen thori hi sahi magar ghuli hui hogi.

Main ne usse bohat khat likhe, bohat maafian mangi, lekin himmat nahi ho saki ke usse us tk kisi tarah pohnchau.

Main usse mohabbat krta tha, krta hun, aur shayad hmesha krta rahuga. Hmare beech dararain nahi theen, blke deewarain theen. Uske aur mere khayalat main zameen aasmaan ka farq tha, pata nahi kyun aesa tha ke main sahi ho kr bhi ghalat sabit hua tha.

Saza bhugatne ke liye meri umar se kaheen zyada choti thi, wo umar jo mjhe ab bgher uske guzarni thi.

' I heard that hottie has turned into a pious woman. Or more likely to be called a lady terrorist '

Do officers apas main baat krte huay mere cell tk ruk gye, goya wo jaan bujh kr apni conversation mere goshe guzaar krna chahte haun.

' Yeah and she also just got married. She attended her convocation with her husband and another man, probably her old one night stand or something? Hahahahaha '

" Heyy! Whom are you talking about? "

'Ohh Zulaym, we're talking about your girl who sent you in here. Aww, poor you! That filthy piece of shit has grown so different. She doesn't take any nightstands anymore. '

Mera sabr ab jawab de rha tha aur main beqaboo ho kr unn se be'sakhta bhir parra! Bgher kuch soche maine ek officer ke jbre pr apna mukka raseed kya aur dusre ko collar se pkar kr poori taqat ke sath samne wali deewaar pr de maara, wo dono dard se chilla uthe!

' Hahaha this man is getting jealous over here, you see Williams? Let's bang her together tonight. I'll ask the gang to kidnap her... '

" Don't. Pls. Don't do anything to her. You can beat me up, or do anything you wish to. But pls don't go near her. "

Main ghutne tekne pr mjboor hogya, sawal meri mohabbat ka tha... Meri zindagi meri mohabbat ke samne blkl bemainay thi.

' Okay, we won't do anything like that to her. But in return, we want you to die. So that we can get to smuggle the drugs by filling it in your body. Peacefully. Without any interventions. '

" No. No sir. I'm ready to die but pls don't touch her. I'll do what you say. "

' That's like a Romeo. Be ready to die, tomorrow at 1 am. '

Main un dono ke saaye ko jaate huay dekh rha tha, aur soch rha tha ke shayad yehi meri saza thi.

••••

Saamer:

Convocation ke baad Huzbaan Sir tw chale gye thay, magar humain yaheen rukna parra. Maahrit ki tabiyat main achanak nasaazi sbko buri lgrhi thi.

Uski halat din badin bad'tar hoti jarhi thi aur main uski ankhon main ek jeene ki umang dekh rha tha, jese wo mjhse kuch kehna chahti ho lekin alfazon ko roop dene se qasir ho.

Doctors ki tashkhees ke mutabiq alcohol usage ki wjah se uske jigar main inflammation hogyi thi, aur initial symptoms ko nazar'andaz krne ki wjah se wo kafi hadh tk phel chuka tha. Aur ab isse kisi donor ki zroorat thi jo apna liver isse de sake, transplant zaroori tha.

Ye sab itna jaldi hogya ke kisi ko bhi kuch sochne smjhne ka waqt hi nahi mila. Main chaah kr bhi apna jigar usse nahi de skta tha, aur uski mama se wo ksi soorat lene pr tyyar nahi thi. Blood group ka bhi msla tha. Aese lgrha tha ek saath bohat si aazmaishen hum pr tooth prri haun.

' We've found a donor, congratulations Mr. Saamer '

Maahrit chand dino se hospital main hi admit thi, aur doctor ka message atay hi main khushi se dobala hogya.

Maine Madam ko bhi btaya aur phir unhe sath le kr hospital pohnch gya. Transplant abhi hi hona tha.

' Mr.Saamer Abdaan? '

Do nurses meri traf kuch files pkr kr arahi theen, aur maine asbat main sar hilaya ke main hi wo hun.

' You're her family right? You need to sign the papers here. It declares that we're not responsible for the consequences of the post transplant affects. It can either be successful or she can lose her life. '

Main ek baar Maahrit se baat krna chahta tha aur usse milay bghair main yahan sign nahi krne wala tha.

" I need to see her first "

' I'm sorry we can't delay the surgery. You'll have to sign otherwise she may not live longer than 48 hrs. '