( Saamer is pronounced as Salt Milk Ring , Saa -m- er, سامر )

Ek akhri nigaah kaabe pr daalne se mera man aseer hogya tha, main baba ki shukr'guzar thi, lekin... Lekin main ye nahi krskti thi. Sb kuch bhool kr phir se nayi shuruat krna, ye mjhe nahi ata tha. Ya phir main laila ke emotional support se bht jurr gyi thi, main usse miss kr rhi thi. Bus main bethne ke baad maine data connection on kya aur phir usse message kya ke online aye. Kuch hi der main uska reply aya aur phir main usse hlki awaz main baat krne lag gyi.

" Hum Madeena ja rhe hain. Tmhe bohat kuch btana hay laila moqa hi nai milta. Yahan pr aane ke baad kisi aur cheez ka khyal hi nahi rehta. Lekin kal raat jo hua , uske baad mera zehn mauf tha, aur agar hosh main ata tw phir se ussi baat pr ruk jaata. Baba saamer ko jante hain, aur Saamer mjhe pasnd krta hay. Wo keh rha tha ke yahan aya hoon tw Allah se maang kr hi rahuga. Mjhe smjh nahi ata kya karu. "

Hath se khirki par gol dairay bnate huay main apni bat mukammal krke ek lmbe saans ke liye ruki aur phir uske jawab ki muntazir thi.

' Ye tw bht khushi ki baat hay yaar, haan main janti hu ke wo tumse mohabbat krta hay. Yahan pr ussne tumhari mohabbat ki fiza mai bohat jahaz urraye hain. Kher, tumhe bhi kuch khushi deni hay ab tum ne mjhe bta dya hay tw ab mjhse aur ni smnbhala jayega. Yusuf ne mjhe mana kya tha ke jb tum wapas ao, tbhi tumhe btaun ke... '

" Ke tum pregnant ho? Ya Allah! Tumhe pata hay mera dil kr rha hay zor zor se cheekh ke tmhe mubarak baad du, lekin ab hum bus main bethe hain islye main aesa kuch nahi krskti. I wish I could hug you yaaar... ! Congratulations! "

Brabar wali seat main bethe mama baba dono mjhe herat se dekh rhe thay jese maine kuch jang jeet li ho aur uski khushi mai jhoom uthi hu, yunhi bethe bethe.

Ek khisyani si muskurahat se unko dekhne ke baad maine apna munh thora shishe ki traf kya aur phir baat krne lagi,

" Uff! Tm mrwa deti mjhe aj! Pata hay mama baba dono ghoor ke dekh rhe thay mjhe. Acha baad mai baat krti hu, meri traf se usse pyaar dena. "

' Haww! Maahrit, tum mere husband pr dore daal rhi ho? Wo bhi mere samne? '

" Bewaqoof tmhare husband ki nahi main tmhare bache ki baat kr rhi thi. Jealous haan. "

Aur phir ussne shrmate huay forn call kaat di, Ma sha Allah ktni khushnaseeb hay wo.

" Tum bhi ho skti ho "  Ye mere zameer ki awaz thi, jo ab mjhi se mukhatib thi.

" Hunh? Kese? Aik bar jo phool murjha jata hay wo bus phir kbhi nahi khilta, uske pattay jhar jate hain uski dilkashi mand pr jati hay aur wo bejaan sa ussi poday main qaid kisi ke nikal kr dfnane ki aas main yunhi din ba 'din sarhta rhta hay. "

" Nahi aesa nahi hay. Jb koi phool murjha jata hay tw wo uska naseeb hota hay, jesa lkha hota hay islye wesa hota hay. Haan wo phool dubara zinda nahi hota, magar koi uski dekh bhaal phir se shuru krde tw uske poday main goya ek nayi jan bakhshi jati hay, wo phir se muskurane ki koshish krta hua hlka sa konpal bahar nikalta hay, aur phir darte sehemte isi justuju main ke wo khubsurat dikhe, phir se mehke, waqt ke guzrne ke sath ek khushnuma phool main tabdeel hota hay, pehle se zyada haseen aur javaid... "

Mera sar dard se ghoom raha tha, ankhen bhari ho rhi thin main khud se mubahise main haar rahi thi, aur koi maqool daleel bhi nahi thi ke zehn ko chup karaun, ke dil aakhir apna kam krte huay meri himayat krne main lg gya.

" Main sahi keh rhi hu. Tum srf khud ko jhooti aas dila rhi ho. Dunya khayali nahi hoti, haqeeqi hoti hay. Iski haqeeqat bohat khofnak hoti hay. Qisse kahaniyo ki trah yahan bagh, phool, aur titliyan nahi hote yahan sirf bayaban aur sehraon ki tatarti dhoop aur jalti hui ret ka sikka chalta hay. "

Ab ke ye baat mazboot thi islye zehn thora dabne laga tha.

'' Tum usse ek baar choo kr dekho, khayalo ki dunya itni buri bhi nahi hoti. Wo ek muhafiz hoti hay, ek sahara bnti hay un logo ke liye jo ussi sehra main kho jate hain jinka tum zikr kr rhi thi. Tumhe lagta hay ke tmhare baba, tumhare liye kuch ghalat muntakhab krege ? "

Meri traf hi sawal uchala gya, Ya Allah pls! Bus jld se jld madeena ajaye take mera zehn thora thanda ho, kb se barbraye ja rha hay!! Uff!

' Kya hua beta tum kuch soch rhi ho? '

Abhi thori der hi hui thi ke maine ankhen phir se khol din, baba mere paas beth kr pyar se puch rhe thay.

" Oh.. Woh kuch nahi baba. Hum kyun ruke huay hain? "

' Kyunke driver ne 10 mint ke liye bus roka hay, jisse toilet wghera jana ho wo jaye. Tumhe jana hay tw mamma ke sath ho ao. '

" Nahi baba, main.. Main khud ho augi... "

' Ao main tumhe le chalta hu, istrah akele jana sahi nahi. '

Phir baba mjhe toilet area dikha kr khud canteen se kuch lene mai masroof hogye, main toilet ka drwaza khol hi rhi thi ke mera hath ek jhatke se kisi ne piche khincha aur maine dekha wo saamer hi tha. Wo kese har jagah pohnch jata hay! Ab tw mjhe darr lag rha tha!

' Toilet jate huay baitul-khla ki dua... '

" Tum hmesha mere baba kyun banne ki koshish krte ho? "

' Unhi se inspired hu islye! '

Uss ne muskurate huay mjhe kaha lekin phir foran apni nazren niche krleen. Km se km shreef tw hay.

" Good. Shukr hay tum ne baba se shrafat bhi seekhi hay! "

Ye keh kr maine toilet ka drwaza jldi se bnd kya. Farigh ho kr main bahar arahi thi, ke baba bus pe chrh chuke thay aur ab bus start ho chuki thi.

" Wait, Wait! I haven't got inside yet! "

' Ankhen band kro. '

" Tum? Tumhari wajah se hi meri bus chooth gyi hay almost hatto mere raste se , I've to catch it. "

' Hahaha, tum bhi jinn ho kya? Jinno ke paas ye taqat hoti hay ke wo kisi dorti hui cheez ko catch krlen! '

" Tum bhi kya matlab, tum jinn ho kya? "

' Haan main jinn hoon, apni ankhen band kro main tmhe bus main pohncha deta hoon. Kisi ko pata bhi nahi chlega. '

" Hahaha very funny! Uff! "

' Theek hay phir , apne mama baba ko dil main hi alwida keh do main tumhe yahan se utha kr lejauga aur shadi kr luga. '

" Nahi nahi, main ankhen band kr rhi hoon. Lekin agar tum waqae main jinn ho tw... La ilaha... ''

Uss ne mere munh pr ishare se chup rehne ka tape lagaya, aur phir ...

' Baba? '

Main tw waqae bus main hun. Ye kya jadu tha. Saamer jadugar hay?

' Baba main yahan kese? Maine toilet se atay huay dekha tha ke bus chal parri thi aur main bus pr sawar nahi thi. '

Baba meri traf dekh ke muskura rhe thay aur unki shrarti muskurahat kuch aur hi bata rhi thi.Unho ne mama ko dekha aur phir unki ankhen bhi baba ki trah hi ajeeb si chamak ke sath tamtama rhi thi.

' Kya hua ap dono ko, aese kiun dekh rhe hain? '

" Hmm, tumhari mamma bhi pehle aese hi chonki thi jb unhe pata chla tha ke ... Main ek jinn hun "

Baba ne apne jinn hone ka part srgoshi main thore darwne andaz se kaha tha lekin ab mjhe ghussa araha tha, hadh hoti hay bachpane ki! Ye teeno shamil hain? Blke shyd laila bhi wo bhi tw yahi keh rhi thi ke usse pata hay ke saamer...

Uff mere Allah!

" Aur tumhari mamma bhi issi trah ke chonchle dikha rhi theen, lekin darasal wo bhi mjhse pyar krne lagi theen. Kyun beghum sahi keh rha hun na main? "

Unho ne mamma ko kohni se chera aur phir wo shrmate huay dusri janib dekhne lagi.

" Ab dekhlo beta baap jinn hay tw damad bhi apne jesa hi layega na... "

' Baba ap... '

" Mjhe tumhare maazi ke baare main kuch jaanna bhi nahi hay, aur yaqeenan saamer bhi yahi sochta hay! "

' Apko kese... Pata chla ke mera koi maazi hay aur saamer ke bare main ap itne sure kese hain? '

" Wo islye beta kyunke main tumhara baap hun, beshak kitna door kyun na raha hun lekin tnhe bohat ache se janta hun. Mjhe fakhar hay ke tum meri beti ho. Mera bhi maazi tha, main bhi aagay brha tha. "

Unho ne khala main ghoorte huay kuch der ke taaquf kr baad kaha.

" Aur tum jaanti ho tumhare nana ne bhi issi trah meri side lete huay kaha tha ke Azaan ko mjhse shadi krleni chahye. "

' Lekin main aesa kuch nahi krne wali. Mjhe ap dono ke paas hi rehna hay bus. '

" Haan tw Saamer ne kb mana kya hmare paas rehne se? ''

' Tw apka khyal usko ghar'jamayi banane ka hay? '

" Chalo tum ne is bare main soch tw lya! "

Saamer mere samne wali seat pr betha fatihana andaz se bolrha tha. Ye kahan se tapka.

' Tum... Tum waqai main jinn ho? Hmare palle sare jinn hi kiun prre hain mamma? '

Main ne mamma ko murr kr dekha tw unho ne apne kandhe uchkaye aur baba ki traf ishara kya,

" Mujhe inse mohabbat jo ho gyi thi. Aur tumhare baba mere baba se inspired thay. Issi trah ab Saamer tumhare baba se inspired hay. Tum connection dekh rhi ho na "

Mamma ne mjhe ankho ke ishare se cherte hauy kaha, iska matlab ye sb mera nikkah kara ke hi dam lege!

' Tw phir theek hay ap ne fesla kr hi lya hay tw mjhe bhi mnzoor hay lekin main chahti hun ke hmara nikkah madeenay main ho, take uska noor hmare rishta main taazgi barqarar rkhe... Aur... Saamer mjhse kbhi mere past se mutaliq kuch nahi kahega... '

" Manzoor hay. "

Saamer ne meri traf murr kr dekha, aur phir baba se kaha.

" Barkhurdar manzoor hay nahi, kaho qabool hay! "

Baba ne bhi uski taang khenchne main koi qasar nahi chori, akhir mere baba jo thay!