This chapter has been edited.

" Kaabe pe parri jb pehli nazar, kya cheez hay dunya bhool gya...
Phir hosh o qirad maflooj hue dil zauq e tamasha
bhool gya... "
~Naat

Mjhe aesa lgrha tha mere paun zameen pr nahi blke asmaan pr tikay haun, main khud itna pursuroor mehsoos kr rhi thi ke samne aane wale har manzar se dil krta ke usse ankhon se qaid krke dil ke har zarre main kone kone main basa lu, wo kefiat hi aesi thi!

Bayan e safar tw aur bhi mushkil lgrha tha, jese jese mnzil qareeb arahi thi bechaini brhti ja rhi thi. Kbhi khushi main khud main muskurane lagti kbhi itne thnde mahol ke bawjood paseena aane lagta.

Main Baba se hone wali akhri baat ko phir jese bhool hi gyi thi, aur abhi main apni manzil ke tasawwur ke ilawa zehn main kuch aur rkhna bhi nahi chahti thi.

Mjhe aur mama ko window seat mili thi aur baba central portion main bethe huay thay, hmari row same thi.

Mjhe khushi iss bat ki thi ke mere liye window seat hona matlab, Allah Tala ne ek aur meri choti si wish poori krdi thi. Mjhe waqae mai aesa lgrha tha jese main blkl choti si bachi hu, jo apne naye naye emotions ko pkrne ke liye bhagti hay.

Herat ki baat tw ye hay ke jbse mamma theek huien thin, jbse mera khula hua tha, ahista ahista sb theek ho rha tha. Shayad. Nahi. Beshak ye Allah ka karam tha, ke maine uske liye Uski na'pasndeeda cheez chori tw Uss ne mere liye apni pasndeeda cheez ka intekhab krlya tha, aur aesi psnd ke agay meri hasratain mere khuwab meri khuwahishen sab raakh hain. Bemol hain.

Kuch hi der main betaabi aur besabri ke aalam main, mai neend ki wadiyo mai khone lagi.

Phir jab ankh khuli tw kuch hi ghnte huay thay lekin mnzil abhi tak door thi, main soch rhi thi ke ab kya karu ankh bhi khul gyi hay, dubara so bhi nahi paugi.

Maine apne cell main bohat sari naatein download ki huien theen islye nahi ke abhi mjhe Allah ne apne ghar bulaya hay, blke islye kiunke main Uske qareeb hone lagi thi.

Playlist main chlne wali naat umme habiba ki awaz main kaabe pe parri jb, thi. Headphones plug krte huay maine usse apne sar pr tikaya aur phir ankhen band krke sukoon ke sath uske lfzon pr tawajah dene lagi. Meri ragon main Allah ki mohabbat ghul rahi thi. Ye ehsas, ye ehsas ... Aesa tha ke shayad main kisi ko batati tw bhi sahi se nahi bata pati! Mai kitni excited thi ke laila ko bataun, kaash main usse ek baar bata paun!

" Ehsaas ke prde lehraaye, Imaan ki hararat tez hui...

Sajdon ki tarap Allah Allah, sar apna sauda bhool gya...

Pohncha jo haram ki chokhat pr, ik abre karam ne gher lya

Baqi na raha ye hosh mjhe kyaa mang lyaa kya bhool gyaa... "

Mere ansoo apne ap girne lage aur in ansuon se mjhe Khuda ki qasam bohat sukun milrha tha. Kash main laila ko bata pati, main usse miss kr rhi thi. Iss achanak surprise ke baare main btana chahti thi, ye bhi batana chahti thi ke hmari family ab complete family thi, Alhamdulillah sab theek ho chuka tha.

Iss naat ke khatam hone ke baad,night refreshment ke liye air hostess ne trolley agay brhate huay mera tasalsul tora.

' Aap kuch lena pasand kregi mam? '

Maine socha kiun na coffee pee li jaye, main chaye nahi peeti thi. Coffee mere liye better option tha. Mamma baba ne bhi meri trah coffee ka hi intekhab kya aur phir dubara kuch der baad sogye.

Playlist main koi naat agay brh chuki thi, main koshish kr rhi thi ke uske lyrics pr focus krke sochu ke ye konsi naat thi, magar mjhe yaad nahi araha tha. Cell ko unlock krke dekha tw pata chla ke wo Waheed zafar ki mashoor naat, Kbhi hum bhi tw ik din thi.

Naat complete hone ke baad maine wo video on ki jo maine YouTube se offline save ki thi, jsmai Makkah ka tour dkhaya gya tha. Ab mjhse aur sabar nahi ho rha tha.

Video kholne ke do minute baad, usmai Makkah Mukarrama ki galiyo ko dikha rhe thay. Mjhe iss qadar khushi mehsus horhi thi ke ansu mere sath hi thay.

Har gali har chorahe par mera dil kehta , bus ab ye aur door nahi, aur door nahi. Main bohat zyada khush thi. Finally, wo Baitullah main dakhil huay aur jitna video main dikha rhe thay yaqeenan usse kaheen zyada khushnaseeb thay wo log ke jinhe Allah ne khud hazri ke liye chuna tha, wrna dunya main karoro musalman hain lekin phir bhi har koi ye sa'adat nahi hasil krta. Aur baaz tw aese bhi hote hain ke uss muqaddas jagah pr ho kr bhi behoodgi aur fahashi ke kaam, gher islami kaam krte rhte hain. Selfies lena wahan pe bohat common tha. Lekin shukar hay ab iss baat pr wahan ban lg chuka tha aur tsweer khenchne wale pr jurmana aid hone wala tha.

Pilot ne announce krte huay kaha ke hum Jeddah se bus 1 ghnte ki doori pr hain aur phir wahan se hmain bus leni hogi, jiske bad hum Makkah pohnch jayge.

Iss announcement ke baad taqreeban sare passengers jaag chuke thay aur ab sab apni apni istataat ke mutabiq khushi ke izhar apne chehre se kr rhe thay.

" Mamma, Baba? Kya ap log pehle gaye hain yahan? "

Maine dono ki traf ek sath sawalia nigaho se dekha, main janna chahti thi ke jitni bechaini mjhe hay kya unmai se koi meri kefiyat mehsus krskta tha ke nahi.

Dono ka jab manfi aya iska matlab unke dil main bhi wahi tarap wahi arzoo thi, Allah apne bndo pr ktna meherban hay.

Pata hi nahi chala kb meri ankh lagi aur ab plane tqreeban adhi khali hochuki thi aur mamma baba mjhe uthaye ja rhe thay.

' Beta uthjao hum land hochuke hain. Jldi utho Maahrit. '

" Mamma pls sone den, itni kya jldi hay "

' Theek hay tmhe jldi nahi hay tw hum tmhe yaheen chor ke chle jate hain. Ye tmhe wapas Pakistan chordega. '

" Nahi nahi. Main jaag rhi hu. Bus uthgyi. "

Maine apni ankhen sukerte huay, gehri roshni mai adjust krte huay kaha.

" Jeddah agaya? "

' Jeddah nahi aya, hum jeddah aye hain. '

" Mamma ap bhi na, chlen main bus washroom ho kr aati hu. "

' Maahrit! Tum itni careless aur sust kese ho skto ho, grow up beta. Aur ab wese bhi tm plane mai ho jo land krchuki hay behtr hoga ke airport pr chali jao. Shabash bus ao bahar. '

Mamma ne mera hath ghaseeta aur mjhe bahar nikalne lagin. Hmen sb ajeeb nazro se dekh rhe thay, kiunke main bcho jesa behave kr rhi thi aur meri mamma blkl typical 5 saal ke bache ki amma ki trah.

Jeddah se Makkah taqreeban 1 ghnte ka safar tha. Hum airport pr utrne ke baad kuch  hi der main Sabco ke stand pr thay. Baba kuch khane ka lene ke liye utar chuke thay, kiunke bhook ka koi bhrosa nahi wo kaheen bhi kbhi bhi tapak skti thi.

Mjhe jo thori bohat arbi aati thi wo srf Quran se hi seekh kr ati thi ya phr rasmi jumle mai ne net se seekh lye thay.

Baba ko gye huay 15 mint hogye thay aur driver ghusse se pagal horha tha. Mjhe apne baba ki bohat fikr ho rhi thi islye maine toote phoote alfaz ke sath driver ko ja kr btaya " Baaba ma'fi iji " ( Baba nahi aye ) "

Uss ne ghusse se kuch brbraya aur phir kaha " Yalla harrak harrak '' , najane iska kya mtlb tha.

Allah ka shukr phr baba kuch der main agye thay aur phir hmara safr shuru hua.

Makkah pohnchne ka ehsaas wahan ki fajar ki azaan ki dilsoz awaz sun kr hua, yaani hum blkl sahi time pr pohnche thay.

Mere lab pr zikr tha aur ankhen khud bakhud aqeedat se jhuk gyi theen, main lakh chah rhi thi ke plken utha kr kaabah ka deedar karu magar nahi kar pa rhi thi. Abhi kaabah tk pohnchne ke liye thora chalna tha, aur hotel bhi Allah ka shukr qareeb tha islye hum ne jldi jldi saman wahan rkha aur bus wadhu krke wapas agaye. Hum jis gate se andar dakhil huay thay uske upar sunehre plate ke upar ' Baab Malik Al Abdul Aziz ' likha hua tha.

Wahan ki safed zameen, khula aasmaan, pur ronaq roshniya sb zehn o dil ko lubha rhi theen. Meri ankh kbhi zamzam ke tanks ka sfar krtin tw kbhi wahan pr bethe logo pr, tw kbhi Quran ke sunehri jaliyo wale stands pr, tw kbhi dubara safed zameen pr!

Mama baba aik dusre ka hath pkre, bohat khush thay. Wo khush thay ke jiss ne unhe unke pyar ki manzil tak pohnchaya tha aj ussi ki manzil pr sar jhukane ko naseeb horha hay.

Mjhe bhi khushi thi, jb se maine apni purani zaati zindagi ko kherbaad kaha tha, tab se le kr ab tak Allah mere sath har qadam pr kharra tha. Wohi tha jis ne mjhe hidayat ki roshni dikhai thi.

' Bistau Aqeemus Salat ' sunte hi mai khushi se khilne lagi, ye meri yahan pr pehli namaz thi. Baba mardo ki janib ja chuke thay aur ab hum yahan aurton ki traf thay. Aesa suroor aur nasha taari tha ke main bata nahi skti.

' Allahu Akbar '

Beshak, Beshak Allah bohat barra hay.