" One day you'll receive all that you prayed for "
~Unknown.

Maahrit

Fajar ki thandi hawa'on ke sath hmara kher'maqdam hua. Watan wapsi ka khyal kuch ajeeb sa tha, ek anjaan si khushi mjhe sarshar krne mai lagi hui thi. Shayad ye meri mitti ka mjhse lagao tha, kiunke main peda tw yaheen hui thi magar meri umar ke saal jawani ki traf, South Africa main akar brhne lage thay.Tw mere liye wohi mera ghar tha, wahin mera basera tha.

Mamma ne Islamabad airport pr anay ke baad ek thandi saans li aur kaha ke hamain pick krne ke liye koi unke door ke rishtedar ane wale thay, jo kbhi kbhar Hira Khala ko bhi dekh lete thay. Bus kbhi kbhar. Choon'ke yahan hmara apna koi nahi tha tw wo rishtedar hi bus thora bohat mamma ke liye sb kuch thay wo shayd nani ki behn ki traf wale log thay.

Mjhe tw na hi apni nani yaad hain aur na hi nana, kiunke unka inteqal bhi mere bachpan mai hi hua tha jab hum South Africa chale aye thay.

" Jee, Jee. Hum pohanch chuke hain. Bus clearance ke liye wait kr rhe hain. Bus 10 mint tak ajayege. Jee shukrya. Khuda hafiz. "

Mamma ne phone pe baat krke jldi se luggage counter se hmare luggage ke bare main daryaft kya aur mera hath apni girift main mazbooti se thaama hua tha.

' Mamma, main bhaag thori na rahi hu. Wese bhi ab ap le hi ayee hain kahan bhagugi. '

Maine brbrate huay lab hi lab mai kaha, lekin wo shayd awaz buland thi ke mamma ne sun kr jhat se jawab de dya.

" Haan wo islye pkra hay kiunke meri beti kho na jaye, tum yahan pehli baar arahi ho. Aur yahan airport pr bohat crowd horha h, islye. "

Maine munh basorte huay asmaan ki traf sar utha kr dekha, lekin abhi tk koi asman nahi dikh rha tha.

' Aur ktna waqt lagega mamma, hum kbse khre huay hain yahan pr. '

" Sorry mam. Wo asal main yahan pr COAS sahab aye huay hain I mean unka beta foreign se aya hua hay. Tw islye... VVIP movement ki wjah se... "

Aik officer nihayat shrmndgi ke sath hmse mukhatib hua, lekin usse kese pata ke hum commoners mai se nahi hain? Mtlb hum bhi army se taluq rkhte thay... Mtlb kisi bhi aam passengers ko is baat se agah krne ki kya zrurat thi? Shayad wo ache dil ka insan tha. Lekin ye uske mathay pe nahi lkha tha uske rawayye se sabit hua tha.

' Oh.. '

Mamma ne thake huay andaz mai meri traf dekha aur phir main ne unhe waiting lounge mai bitha dya, aur main khud luggage ke intezar main khri hogyi.

Allah ka shukr zyada der mazeed intezar nahi krna parra aur jld hi main wahan se farigh ho chuki thi.

Maine mamma ko uthne ka ishara kya aur ab hum bahar achuke thay. Hmari trah koi bechaini se kisi ka intezar kr rha tha lekin shayd wo unhe pick krne aye thay aur hum yahan khud pick hone ke intezar main thay.

Mamma ki nazren unse tkrayi aur wo dono badstoor ek dusre ko take ja rhe thay, aur main un dono ko.

Ye ho kya rha hay?

••••

Huzbaan

Sir beroone mulk ke daure pr gye huay thay tw unki hidayat ke mutabiq mjhe unke bete ko receive krne airport jana tha.

Hasbe-mamool subah ki chai maine jaldi pee li thi take zara tazgi barqarar reh ske.

Jldi Jldi maine ek suit pehna, aur driver se keh kr airport ki traf chal parra. Sar'sari se nigah aine main dali, km se km qabil-e-deed lgrha tha. Kher wese itna bura bhi nahi lgrha tha. Maine halki phulki darhi rkh li thi jismai safaidi chandni ki trah cham'chama rhi thi. Baalon ki majal ke wo safaid haun, maine unko hone hi nahi dya. Wese bhi ek jinn ki trah zindagi guzar guzar kr thak chuka tha. Allah ke fazal se ab main normal insan lgta tha, aur ye sb meri azaan... Ah.. Azaan kahan ho tum... Kesi ho tum... Tum se bichar kr 20 saal hogye lekin aese lgta hay abhi kal ki hi baat ho.

Jab tum ne hmari beti ki 5wi saalgirah pr bulaya tha, tb main nahi asaka. Kiunke tb se hi mjhe ek secret mission sonp dya gya tha, jiski karri tapish jhelne ke baad aj mjhe ye ohda milne ja rha tha.

Lekin main Sir ki dil se izzat krta tha, kiunke uss mission ki wjah se aaj mjhe aesa lgrha tha ke mera seena fakhar se aur chorha hogya hay... Apne mulk ke liye kuch krne ka khwab akhir poora hogya tha... Afsos ke mjhe uski khatir tum se door rehna parra, lekin main kya krta nobat hi kuch aesi thi,

Saamne Manzil Thi, Aur Peeche Uss Ki Aawaaz,​
Rukta Toh Safar Jaata, Chalta To Bichhar Jaata,​

​
Mekhana Bhi Ussi Ka Tha, Mehkaar Bhi Ussi Ka Tha,
Agar Peeta To Imaan Jata, Na Peeta To Sanam Jaata,​

​
Saza Aisi Mili Mujh Ko, Zakham Aise Lage Dil Par,​
Chhupata To Jigar Jaata, Sunata To Bikhar Jaata,​

​
Mere Gham Ki Dawa Na Thhi, Siwaye Yaar Ke Koochay Ke,​
Main Jaun To Kidhar Jaun, Main Jata To Kidhar Jata.​

' Sir, unki flight land hochuki hay. Wo bus clearance krke bahar atay hi hoge. '

Driver ne mjhe agah kya aur main fajar ki thandi hawaon se lutf uthane ke liye car se niche utar gya.

Mahol main khanak thi aur jazbat madham, ajeeb iztirar tha, noor tha, sukun tha, ruhaniyat thi. Aesa lgrha tha main apni azaan se milne wala hun. Lekin ye kahan mumkin tha, ye tw bus mere dil e nadan ki hasrat e pasheman thi!

" Mamma, kahan hain wo? Nani ki behn ki traf se koi aane wale tha na? "

Maine murr kr dekha tha tw do prdedar khwateen meri trah hi kisi ke intezar main apni nzren talash rhi theen. Phir unmai se ek khatoon ki nazar gher'iraadi tor pr shayd mjh pr parri. Dono pr ek khushi ka ghalba goya umad aya tha, barson ka toofan ho ankhon main thama betha tha wo ab beraft machalne laga tha. Ankhon hi ankhon main mere dil ne ye baat jaan li thi ke wo mere dil ki azaan hay jo fajar ke baad ek baar phir ho rhi thi.

" Azaan "

Mere munh se uska naam niklta hi wo deewana'waar meri traf aane lagi, umar k aitebar se tw usse itni tezi se chlte huay lrkhra jana tha magar meri mohabbat itni kmzor kahan thi. Jame huay mazboot qadmon ke sath, khushi ko apne wajood main samate huay, hawayein uske sath jhoomne lagi thin.

Maine bhi muskura kar apne dono bazu khol liye, lekin wo mere seene se lgne ke bjaye mere blkl samne akar do qadam ke faasle pr thehar gyi.

' Aap ... Aap... '

Usse kuch bola hi nahi ja rha tha, uske chehre ke niqab ko uski ankhon ka pani musalsal bhigo rha tha. Utne main usse smnbhalne piche se ek aur khatoon namudar huien, jo maloom prra ke meri beti... Mera hissa... Mere jigar ka gosha thi. Meri nanni maahrit!

" Maahrit? ''

Maine uske kndhe pr hath rkhte huay usse pucha jis pr wo thora that'ki aur phir uski ankhen meri ankhon ke sath muskurane lagin.

' Baaba. '

Km se km wo meri mohabbat se itni aashna thi ke foran mere seene se lipatt gyi, meri biwi ki trah nahi ke honoqo ki trah ghoor ghoor ke dekhe ja rhi thi, aur roye ja rhi thi magar meri banhon mai aane se katra rhi thi!

Main taras raha tha, aur wo tarsa rhi thi.

" Sir, wo... "

Driver ne hmare is special lmhe ko apne ishare se kuch der ke liye tora aur phir maine Azaan se kaha ke wo kaheen na jaaye, main bus sir ke bete ko car main bitha duga.

" Beta, khush rho. Apne abba se kehna ke mjhe meri zindagi wapas milgyi hay. Tw main ab kuch dino baad hi wapas auga. "

Maine usse apne galay se lgaya aur phir car main bitha kr uske abba ko dene wala pegham bata dya.

" Azaan , tum.. "

Wo kisi car main beth kr jaane hi wali thi ke maine bhagte bhagte uski raftar ko pakar lya aur usse jane se rok dya.

" Hum.. Abhi tw milay hain. Kahan ja rhi ho? "

Maine Azaan se sawal kya lekin shayd wo mjhse behad khafa thi islye uska jawab Maahrit ne dya,

' Baba, Mamma ap se naraz hain. Wo keh rhi hain ke apko unse milne ki koi zroorat nahi. Ap unke bghair bhi khush reh skte hain '