" And here you're living, despite it all. "
~Rupi Kaur

Maahrit:

" Beta jo maine tumhe grocery list di thi, tum kya wo cheezain le ayi "

Kitchen se aati mamma ki awaz ne mjhe apne khyalat ke chungal se bahar nikala, uss anjan admi ke milne se mera waqt uski girift main agaya tha, zehn mauf tha,qirad gumsum thi, garz ke meri dunya main ek hashia lg gya tha.

' Oh.. Wo mamma.. '

Maine apna hath mathay pr mara, wo prchi baton baton main wahin road pr gir gyi thi.

* Ahh , pata nahi kon tha atay hi toofan barpa krdya meri zindagi main *

Itnay main drwaza ki bell bji aur mamma ne hi drwaza khola, herat ke bar'aks mere kanon main phir se wahi awaaz gunji.

" Shyad apki beti ye prchi road pr bhool gyi theen, maazrat chahta hoon pr maine dekh li hay. Ye lijye apki grocery. "

Maine kmre se nikl kr pillar ki aut main chupte huay usse dekha, wo wohi nojowan tha jiska samna abhi shaam main hi mjhse hua tha.

* Ye mere ghar bhi pohanch gya *

Ankhen upar ghumate huay main ne wapis apne kmre ka rukh kya, jahan pr meri window ke paas ek chit saleeqe se tay-shuda andaaz main rkhi hui thi.

* Yahan kese, abhi kuch der tk tw nahi thi. Koi bhoot agaya kya jo isse rkh ke chala gya*

Main abhi soch hi rhi thi ke Mamma ki awaz ne mjhe chonka dya,

" Beta tum theek tw ho? Tum ne mjhe btaya nahi tumhara accident... Innah Lillah Hi Wainna Ilahi Rajeeun... Main soch bhi nahi skti beta tumhare baba ko khone ke baad tumhe khone ka main tasawwur bhi nahi krskti... "

Mamma lounge ki traf se atay huay mere kmre main dakhil huien aur dopatte ke ek kone se usko apne ansuoo  se bhigone lagin.

Maine foran wo chit apne hatho ko piche krke chupa di.

' Uff mamma, zaroor us bnde ne apke kaan bhare honge. Mera koi accident nahi hua blke meri car ki wjah se uska... '

Main kehte kehte ruk gyi, ohh tw ye chahte thay mausuf ke main apna gunah khud qabool krun.

' Meri car ki wjah se uska time waste hua... Usko idhr ana parra , grocery wgera. '

Baat talne ki koshish shuru ki magar main nakam rhi.

'' Haan main sb janti hu, km se km apni mamma se tw jhoot na bola kro. Btadya us ne mjhe sb. Urrane lagi thi bs tm usse, wo tw Allah ka shukr hua ke uski zindagi thi bachgya. ''

' Kash na bachta, malik-ul-maut wahan hota tw kitna acha hota '

" Hmm? Kuch kaha tum ne? "

Mamma ne apni ainak durust krte huay ankhen bhi saath hi bahar nikali, mrti kya na krti mjhe darna parra. Ye 'Hmm wala andaz ' ammaon ka darrane wala special hotaa hay.

' Sorry mom. Ainda khyal rkhugi. '

" Bohat man li maine tumhari baat, mjhe apni behan se milna hay. Kuch din ke liye hi sahi lekin ab hum Pakistan ja rhe hain aur main aj raat ki tickets book krwa chuki hun. Packing shuru krdo aur han do char joray lena bus, zyada nahi. Hum 1 haftay ke andar wapis ajayege. "

' Magar ammi mera project abhi submit nahi hua aur deadline bhi kal ki hay. '

" Kuch magar wagar nahi sunna mujhe, hum chal rhe hain iska matlab chal rhe hain. Tum apni dost ko bataa do wo kra degi submit tmhara kam. "

Ye keh kr mamma bs apna hukm sadar krke chli gyeen, main apni shakal ainay main dekhte rehgyi.

Wo chit abhi tk mere hath ki muthyon main jakri hui thi, ek gehri sans lete huay main ne mamma ke hukm ke tameel ke mutabiq luggage nikala aur usmai apna saman rkhne lagi, utne main window se ek aur chit andar ayi lekin is bar wo 'kaghzi jahaz' ki soorat main thi.

Maine jldi se uth kr jahaz ke ane ki simt ke taaqub main nazren dorayeen magar gali main door door tk koi nahi tha.

* Kamal hay ye konsa bhoot hay jisse prchaiyan chorne ka aur ab jahaz urrane ka shauq chrha hay. Sarphira. *

Meri height 5'8 thi islye mjhe jaahaz ko pkrne main itni diqat pesh nahi ayi aur uski unchi prwaz se hi maine uski hangami landing krwa di thi, yani ke apne hath main pkr lya tha.

Pehli chit kholi tw uss pr likha tha,

Maaf krna mjhe aese tmhara picha krte huay aana parra. Lekin jab tmhare hath se wo prchi chooti thi aur main ne usse utha kr dekha tw usmai kuch dawaon ke naam aur deegar ghar ke ashyaa maujud thay, tw mjhe laga mjhe tmhari madad krdeni chahye... Bs islye main tmhare piche piche tmhare ghar tk pohncha aur Madam jee ko de dyaa... Umeed krta hun wo police wali baat se apka dil maine nahi dukhaya hoga...

~Saamer Abdaan.

Ohh... Tw uska naam Saamer hay.

Phir dubara ane wali prchi ko maine khol kr dekha tw usmai koi musafir nahi thay... Mtlb koi alfaz tehreer huay nahi thay, lekin jahaz ko palat kr dekha tw uske monogram ke tor pr Sunehre haroof ke saath lkha hua tha ke

Mohabbat tumhari chokhat par...

' Mohabbat meri chokhat par??? '

Khud se brbrate huay maine uske alfaz dohraye, lekin meri smjh main kuch nahi aya.

Jldi Jldi packing mukammal krne ke baad main apni peeth seedhi krne thori der ke liye lait gyi, abhi ankh nahi lagi thi islye phone ki pehli ghnti pr hi maine phone utha lya.

' Assalam.O.Alaykum sorry yaar laila, main tumhe call nahi krpayi. Pata hay kya hua? Mere ghar pohnchne ke kuch der baad hi Saamer aya tha uss ne... '

Laila ne dusri taraf se meri baat kaati, kiuke main berabt bolrhi thi.

" Walaikum assalam tum flight pr kyun sawar ho, aram aram se baat kro. Aur kon saamer? "

' Yaar flight pr hi sawar hona hay isiliye jldi jldi bata rhi hun. Mamma ne kaha hay ke wo aaj raat ki tickets book krwa chuki hain, hum Pakistan ja rhe hain... '

" What??? Tumhare project ka kya, abhi tw tum ne complete bhi nahi kya hay na? "

Ek thandi aah bhrte huay main dubara mukhatib hui,

' Haann yar, tchhh. Acha main aesa krti hu project Mrs. Matthew ke yahan chor kr chali jaugi. Aur ghar ki chabiyan bhi unke paas rkhwa dugi. Tum jb wapas ao tw pls unse le lena. Aur meri academic sheet aur project yaad se kal submit krana. '

" Ohh. Tw iska matlab hum abhi nahi mil skege? Tw phir tum wapas kb tk aogi? "

' Nahi, kiuke hmain do ghnte tk nikalna hay. Aur In sha Allah mamma ne kaha hay ke aik hfte ka program hay unka, ab Allah jane kya hota hay. '

" Chlo phir theek hay apna khyal rkhna aur Saamer ke baare main mai tumse baad mai puchugi. "

' Allah Hafiz. You two have fun '

Akhir main ye jumla keh kr yaqeenan maine use laal peela krdya hoga. Kher mjhe tw uski taang khenchne main barra maza ata hay.

••••
Islamabad, Pakistan
Huzban:

Mosame bahar ki aamad goya ye iqraar kr rhi thi ke meri zindagi main bahaaren laut aane wali hain. Aesa nahi tha ke pehle maine bahaaron ko enjoy nahi kya tha, magar iss baar baat kuch alag thi. Saamer ke sath rehte rehte uski shayirana baaton ka rang meri baaton main bhi agaya tha. Wo mjhse junior tha lekin mere liye bohat azeez tha.

Meri ankhain apni beti ko dekhne ke liye taras gyin theen, aur Azaan ...

Ahh...

Main kmre main sustane ke liye chai peete huay betha hua tha ke ek mulazim ne ik lifafa mjhe pkraya aur chalta bana.

Lifafay ko khola tw usmai Chief sahab ka khat tha. Unho ne usmai saaf saaf bayan kya tha ke ab mjhe undercover rehne ki koi zarurat nahi aur Government ne kuch hi arse main meri post promotion ka zikr kya hay aur iss hawale se ab wo retire hoge aur main...

Kya ? Main Chief ? Ya Allah?

Mjhe apni aankhon pr yaqeen nahi araha tha, lekin ye baat choonke unho ne khud tehreer ki thi tw mere liye bohat khushi ka moqa tha.

Shayad ye kisi ke aane ki khushnaweed thi, ya phir, ya phir ye ke main sirf shayirana baaten krne laga tha.

Khat ke akhir main unho ne meri mehnat aur mission se lagao ko bohat saraha tha aur wo iss bat pr mjhpr fakhar mekhsoos krte thay ke maine apne watan ke liye apne biwi bacho ko Allah ke hawale chor dya tha, aur ab kayi saalon baad meri mehnat rang layi thi. Taaliban hmla'wron ke saare thikaane faash hogaye thay aur unke napaak iraadon ko jarr se ukhar dya gya tha, ismai sirf mera hi nahi unn tamam sathyon ka hath tha jo apne watan ke liye apni aan baan jaan sb kuch lutane ko har waqt tyyar thay.

A/N :

Assalam.o.Alaikum and hello buddies!

Ah, tum bolo aur main tmhari baat na manu aesa kese hoskta hay? Lekin yaqeen mano mera sar bohat dard horha hay phir bhi chalo kher hay ;) Ye chapter tumhare naam, meri dost syeda313
( Undedicated after republishing) :p

Parizeh_Khan tumhare iss novel ke liye pyar ke liye!

Hehehe mjhe bohat maza aya ye chapter lkhte huay, umeed krti hun mere andhe goonge behre readers bhi apni tashreef'awri dikhate huay km se km vote zroor dege, Ye unke liye hay jo khamosh qarieen hain.

Baqi sb khushal mangal, jug jug jiye mera pyara watan .

Second lft. Abdul Moeed ke naam jo abhi kal hi shaheed huay. Allah unke lawahqeen ko sabr de.

Watan ke jaan'nisaaro ko hum salam krte hain ✋

APS Martyrs ✋

Enjoy! ♥

~ Nabiha Noor.