"Travel far enough,
You meet yourself"
~Cloud Atlas

Zulaym's POV:

Istikhaara krne ke baad mjhe mere sawaal ka jawab mil chuka tha,ab bus mere jaane ki der thi. Mjhe ye smjh nahi araha tha ke mama ko sb chor ke sirf S.Africa hi kiun bhejna tha. I mean yar, England main hain institutions aur America main hain, tw phir S.Africa?? Arghh. Ab choonke mera jawab haan tha tw main kuch bahane talash nahi krskta tha. Ab mjhe har haal main wahan jana tha.Aur classes start hone se tqreeban ek mahine pehle atleast mjhe apne liye rehne ki jagah bhi dhundni hogi.Mama nhi chahti thi ke main hostel main rahu isiliye wo chahti thin ke main jldi chla jaun.

Meri flight kal raat ki thi aur ab mjhe homesickness ka bhoot chrhne wala tha.Kiunke jbse ammi ka inteqaal hua tha, bus tb se hi main apne ghar se aur apni mama se bht attach hogya tha.Tb meri umar shayd 15,16 saal thi lekin phir bhi mama ne mjhe bhi kbhi sotele ki trah nahi treat kya tha. Tw ab ye unka poora haq banta tha ke main unke khwab ko poora karu. Mama ki apni koi aulad nahi thi lekin main unke liye sab kuch tha, aur iklote hone ki wjah se bhi mere parents ki umeedon ka markaz main hi tha.

Passengers are requested to board to flight no. PK 772 , please proceed to gate# 10. Thank You!

Musafiron se guzarish ki jati hay ke wo braye mehrbani flight no. PK 772 pe tshreef le jayen, gate# 10 . Shukrya!

Airplane main bethne ke baad main kafi sukun mehsus kr rha tha, aur ab main ne piche kamar laga kr ankhen moond li thin.Tqreeban 20-22 hrs ka safar tha.

Mjhe andar se aik bohat strong feeling arahi thi ke meri zindagi ka ye safar mjhe kisi aese rah'guzar se milwayega jo meri manzil tk pohnchne ke liye mere sath rhega, lekin main ye nahi janta tha ke sath rehne wala manzil ke ikhtitam tk bhi sath rhega ya srf sath de kr sath chor jayega. Pata nahi kiun main aesa mehsus kr rha tha jese aik bohat anokha U-turn aane wala ho aur ye morr andheron se cheerta hua mjhe roshni ke paar le jayega, shayad ye sirf andar ki boklahat thi kiunke main dil aur dimagh ki jang mai tha. Aik taraf dil tha jo mama ke khwabon ko poora krne ke liye dorr laga rha tha tw dusra pehlu dimagh ka tha jo ke mjhe apne hi iraadon pe baghi bna rha tha. Maine in sb khyalon ko jhatak kr hlki awaz mai Ta'auz prha aur kuch mint ke liye wird jari rkha jb tk ke mjhe neend ne apni aagosh main na samet lya tha.

Shayad wo ek khwab tha. Lekin bohat khoobsurat thi wo. Main ne aj tk itna haseen shayad hi kisi ko paya ho , na jane kiun mjhe uski shabee apni maa ki trah dikhai de rhi thi. Main usse choona chahta tha, lekin jb mai aesa krta tw uske jism pr aag ki trah sholay bharak uthte. Ye ajeeb manzar tha. Pehle maine apni tassali ke liye usse apni ungliyon se uske rukhsar ko mehsus kya jo ab mere lams ki tapish se jal kr surkh hogye thay aur wahan pr ek khoon ka lothra jam sa gya tha. Mjhe takleef ho rhi thi magar main usse isi trah mahu dekhe ja rha tha. Kbhi honto ko choomta tw wo cheekh kr tarrapne lagti , uski narm o nazuk pankhuriyan jalne lgjati aur wo shiddate dard se rone lgjati. Main uske dard ko yaksu mehsus krskta tha aur mjhe aesa lgta jese main bhi kisi reflex action ka shikar wo sb mehsus kr rha hun jo wo mehsus kr rhi hay. Kya ajeeb ehsas tha, agar wo meri ulfat hay tw usse mere choone se khil jana chahye lekin ye kiunkar ho rha hay ke mere aik lams se hi usska wo juz jal jata hay?

Main ghabra kr utha tw mera jism paseene se sharabor tha, aur mere paas betha hua admi mjhe herat aur preshani se dekh rha tha.

" Aap theek hain na? " Mere hatho ko mazbooti se pkrte huay wo unhe sehlane laga tha, shyd wo waqayi preshan tha.

' Je... jee main theek hu bus bura khwab dekh lya tha. Allah ki panah mangta hu main us khwab ke sharr se , main theek hu ab shukrya '

Maine ek masnoi muskurahat pesh krte huay unke hath ko thap-thapaya aur wo qadre itminan ke sath jawaban muskura dye thay. Ye muskurahatein bhi kitni faraibi hoti hain, sach haun ya jhoot samne wale ko bus apki traf raghib kr hi deti hain.

Khirki se bahar jhankte huay badalon ka ghana aur kaala saya meri ankhon ko kher maqdam kr rha tha , goya wo meri kefiat ko jante huay mjhe apne gird khench kr sametna chahta ho.Lekin meri zindagi mai kbhi istrah ka mosam nahi aya tha, tw ab ye kya horha tha ke kuch palon ki musafat mai hi main itna thaka hua aur itna haara hua mehsus kr rha tha. Kon thi wo lrki jisse mere choone se tkleef hoti thi? Jisse mere dekhne se meri ankhon ko tw thandak milti magar wo jal kr reh jati? Woh kiun mjbooran mjh se jurri thi, ya koi aur wajah thi ke wo ... Ya Khuda! Safar itna lamba tha ya phir... Mjhe mehsus horha tha?

Maahrit's POV :

"Dekho Mahro tumhe ye krna hoga, agar tum chahti ho ke tmhe wo apni web series ke ilawa kisi movie ke liye sign kren, tw tumhe wo krna hoga jo main kehta hun. Main janta hun ke tmhare liye ye sb thora mushkil hoga but trust me aik bar tum agr comfortable hojaogi tw tumhe phir feel nahi hoga ke tum kuch out of the box kr rhi ho. Main pyar krta hun tumse Mahro, main nahi chahta ke tum success ke sirf khwab dekho, I want you to achieve it as well ... "

Uss ne meri ankho mai dekh kr mjhe smjhate huay kaha. Na jane kiun mere dil main ek kasak si rehti ke ye jo bhi keh rha hay wo sahi nahi keh rha. I don't know why but I felt so that he is not the one.

" Kya soch rhi ho Maahro? Kya tmhe mjh pr bharosa nahi hay? Ya apne ap pr nahi hay? "

Mere hath ko pkr kr uss ne apne hatho mai jakar lya aur kuch girift halki krne ke baad dono hathon pr apne honton ke nishan se ye mohr laga di ke main hmesha uski hi rahugi. Lekin kya ye waqayi aesa tha?

' Main nahi krskti aesa. Tum jante ho na, main Islam ko itna follow nahi krti magar phir bhi mjhe apni izzat ka khyal hay... Tum smjh kiun nahi rhe? '

Meri ye baat sun kr mjhe aesa laga us ne ek zoo'maine tanzia muskurahat liye mjhe dono bazuon se pkra aur phir apne seene se lgate huay mjhe apne qareeb krlya, mere sar per chooma aur phir mere baalon ko apni ungliyo se sametne ke baad, meri nigahen apni nigahon ki simt khench lin.

" Maahrit, main tum se pyar krta hun tw tmhe kiun lgta hay aesa ke main possessive nahi hun? Jb tk tum intimate scenes krne main comfortable nahi hogi na tb tk tmhe koi ache roles nahi milege aur movie tw blkl bhool hi jao. Maahrit, main chahta hun ke tumhe dunya jahan ki success milay, aur phir tum apne sare khuwab khud apne bal pr poore kro, tum janti ho ke tumhari behen bhi tm se hi munsalik hay aur aunty ko bhi bus tum se hi umeeden hain... Ye baat bhool jao ke tum kisi se qareeb hogi, tum bus ye socho ke apna character play kr rhi ho,phir tumhe koi diqat nahi hogi. Aur preshan kiun hoti ho main huga na wahan tmhare sath, jahan bhi tum jao? Hmm? ''

Mjhe samajh nahi araha tha kuch bhi, abhi kuch der mai mera pehla episode shoot hone wala tha aur yahan mai kisi aur dunya ki makhlooq ki trah blkl zone out ho chuki thi.

" Go Maahrit, Go and change . You have to do this , okay? :) "

Uss ne mere cheek pr bosa lete huay ek side hug dya aur phir mjhe thumbs up dikhate huay, mjhe changing room ki trf bhej dya.

Wo ek open gown tha jiska sira thighs ki traf se khula hua tha,Low neckline with bright red color fabric, aur main waqayi uncomfortable feel kr rhi thi.

" Woahhhh, tum bohat khoobsurat lagrhi ho! Mera bus chale tw main tumhe.... "

Lipstick apply krte huay maine sheeshe main Uska aks dekha, jo ke ab mere bilkul nazdeeq khrra tha. Uss ne mjhe turn kya aur phir palak jhapakne ki der main mere honton pr apna haq jatana shuru krdya.

' Stop it Gerard, what're you doing? ' Ye nahi tha ke main usse takalluf kr rhi thi lekin main nahi chahti thi ke aesa ho, ye ghalat tha.

" I love you Maahrit, pls let me be yours "

' Gerard, tum Christian ho aur main ek musalman, aesa nahi hoskta. Pls. Try to understand. '

'' Tw phir kya chahti ho tum? "

' Mjhe filhal kuch nahi pata Gerard, pls mjhe thora waqt do... I promise you it will be good for us... Abhi tumhara romance mood khtm hogya ho tw shoot pr chalen? '

' Wese tum bhi kuch kam nahi lgrhe. Tumhe dekh kr mera bhi man krta hay ke... '

'' Ke?? "

' Ahhaahaha kuch nahi, chalo ab '

" Maahro, you can't do this! You naughty baby! Just wait! "

Aur phir wo mere piche bhagne laga, mjhe gudgudane ke liye lekin meri raftar kisi train se kam nahi thi main uske hathon marna nahi chahti thi aur ek bar agar uske hath lgjaun tw wo apni unglyon ko meri kamar pr pher kr mjhe hnsa hnsa kr maar hi daalega! Na baba!

" Haha! Caught you Baby! "

Pata nahi kahan se wo blkl mere samne agaya tha aur ab main piche ja rhi thi, aesa lgrha tha shoot shuru hobe se pehle hi scenes light camera action pr achuke thay...

Lalalalallala  ;D

Hmm, Assalam.o.Alaikum/Hellowww buddies ;)

Maahrit is surely a gndi bachi, don't you think so? ;D

Ohh and who wants to meet Gerard?

BTW Gerard looks *_* ♥

Well leave Gerard, I feel pity for Zulaym. Bechara, tch tch. Kis lrki ke khwab dekh rhe ho bhai? Tumhe tw qanoon ke khwab dekhne hain ab bus, so focus bhai focus!

Go, Lights, Camera, Action!

Alwidaa :D ♥