" When you find it hardest to forgive the one who has wronged you, that's when you should really try to do so. It could be the most loved act by the Almighty that will take you to Paradise on the Day of Judgement! "
~Mufti Ismail Menk

Graduation day jese jese qareeb araha tha, wese wese meri uljhanen maano kisi darya ki berabt lehro ki trah brhti ja rhi thee, brhti ja rhi thee.

Jab se Zulaym se main azaad hui thi, mere andar ek khalipan sa bnne laga tha ... Aesa lgta tha main adhoori hu, kuch hay jo mjhse choota hua hay.

Log sajdon main apni mohabbaten mangte hain, lekin ab main sirf Allah se Allah ko mangti thi. Jab Allah apka hay tw phir koi aur apka ho na ho, apko isse kya.

Laila , Ma sha Allah, Yusuf ke sath bohat khush thi. Unko dekh kr mere dil se ek sukun ki ah niklti thi, mjhe usse hasad nahi tha blke uspr rashq tha. Wo thi hi aesi, isiliye usko Allah ne humsafar bhi wesa hi dya tha.

Wo ayat mere zehn main jb bhi gardish krti meri khoon ki grdish ko rokne lgti. Jiska mafhoom ye tha ke naik aurten naik mardon ke liye hain aur badkar aurten badkar mardon ke liye hain... Kya ... Kya iska matlab ye tha ke main ek badkaar aurat hoon? Allah mjhse raazi nahi?

Kbhi kbhi ye baat sochte sochte raat ka teesra pehar pohnch jaata jo mjhe be'ikhtyaar apne Malik ke huzoor khenchne lgta. Jiske bayis main thora zehn aur qalb ka sukun hasil krti.

Laila bhi mere sath hi prda shuru krchuki thi, aur hum dono tmam university main blkl munfarid nazar atay. Yahi wjah thi ke ab mjhe koi pehchanta nahi tha. Wo Maahrit jo shorts aur western dressing ko apna karwana-e-hayat smjhti thi ab uska safeena Bait-ul-Lah aur Sabz gumnbad ki traf murr chuka tha, jiski wjah se mera tarz e hayat kaafi hadh tk sanwar chuka tha.

Law complete krne ke baad prde ke ehtemam pr koi shakan na aye is nisbat se maine ye tay krlya tha ke ab mjhe psychology main bachelors krna hay, ta'ake main apne jese mtlb un zrurat mando ki madad kru jo zehni dabao ka shikar hain.

Main kb janti thi ke jisse main baaghi smjhti thi, wo baghi bn kr khud apne hi daldal phnsti ja rhi thi aur neem pagal bnrhi thi. Kal jb main university se atay huay main road ki trf murr rhi tb...

Flashback:

" Laila, tm abhi chl rhi ho na mere sath. Ya phir tm ... "

Maine jan bujh kr apni baat adhuri chori ta'ake usse sata saku. Haye, bechari meri dost.

' Maahrit, this is not fair. Ab tm dekhna jb tmhari shadi hogi na dubara tb mai... '

Wo apni kahi hui baat pr khud pasheman  lgrhi thi,apna hath mathay pr maara aur naqab pe hi dono kaano ko pkr kr mjhse maafi mangne lagi. Utne mai road pr ek ajeeb scene hone laga, jiski wjah se hum dono ka rujhan ustrf mintaqil hua.

" Arre laila, jldi car mai beth jao. Pata nhi konsa tamasha horha hay. "

' Kya horha hay? Mjhe tw kch dikhai nai de rha... Ouch ! '

Aik badhawas si bhagti hui lrki, ajeeb se hulye main laila se tkrayi thi.

' S.. soryy. Pls mjhe bacha lijye ek sanki admi mere piche prra hua hay, wo mjhe apni bhateeji smjhta hay. '

Maine laila ki traf dekha aur uss ne meri traf dekha, phir maine halka sa sar hilaya aur phir usse piche ki traf bethne ka ishara kya. Laila bhi ab passenger seat main mere brabar main beth chuki thi.

Uss lrki ko maine front mirror se check kya, tw uss ne apna munh kisi shawl se dhaka hua tha aur hulye se wo kisi ache ghrane ki blkl nai lgrhi thi. M.. Mera matlab... Mjhe aesa lgrha tha main wapas apne kal ko apne aj ki nazron se dekh rhi hun.

" Kya naam hay tumhara? "

Maine apne hath steering pr jakre huay, car dusri gear pr agay brhai. Uske jawab ki muntazir maine usse front mirror se check kya tw wo shrmndgi se sar jhukaye apni unglyo ko dekh rhi thi.

' Jannat '

Mera dil dhak sa rehgya, clutch aur break ko ek sath dabate huay maine car zbrdsti roki. Car ek jhatke se ruki tb maine handbrake khencha, aur engine ko bnd krdya.

Main peeche mur kr uske chehre ko baghor jaiza lete huay dekhne lagi, ohh.

" La Basa Tahurun In sha Allah, Jannat ye tum ho? Maine tumeh pehchana hi nahi? Kya hulya bana rkha hay apna? Chlo mere sath ghar chalo, mamma tm se mil kr bohat khush hongi. "

Usne apni ankho ko ab uthaya aur ansoo ko chalkane ke baad, asbat main sar hilane lagi. Aesa lgrha tha wo kuch bolne se katra rhi ho.

Laila ne mera hath tassali dene ke andaz main pkra aur phir mai ek afsurda si muskurahat se car ek baar phir start krne lagi.

••••

Apni manzil ko dhundte huay mjhe do saal beet gye thay, usse har jagah dhund chuka tha main. Par uska koi suragh nahi milrha tha. Jisse pucho wo kisi bhi Azaan se nawaqif tha. Maahrit ka naam main ne isiliye nahi liya kiunke mjhe uske milne ki umeed sirf Madam jee ke naam se thi. Lekin shayad yahan madam ke naam se koi waqif hi nahi tha, ajeeb shehar tha ya shayad log ajeeb thay.

Maahrit ke baare main Sir ne sirf itna btaya tha ke uski ankhen bohat dilkash hain, ke dekhne wale ko apne sehar main jakar len. Grey color ki ankhen uski gori rangat pr khoob jachti theen. Ahh, Khuda jaane ab wo kesi dikhti hogi.

Shayad wo prda krti hogi, blkl Madam jee ki trah jistarah sir ne mjhe btaya tha.

Kaash wo ek baar mere samne ajaye bus, kaash main usse pehchan paun.

••••

Brake pr paun nahi rkhti tw samne wale ka accident hojata, Ya Khuda!!

" Lahawla Wala Quwwata Illah Billah! "

Mjhe koi scene bnane ka blkl mood nahi tha kiuke main Jannat se milte hi bohat bhaaripan mehsus kr rhi thi. Kaheen na kaheen uski halat ki zimedar main apne ap ko manti thi. Akhir wo meri behn thi aur khala ki halat ke baad, Khala bechari tw hospital main hi kmre main bnd rehti theen kiunke wo iss hadh tak khtrnak bnchuki theen ke wo samne aane wale kisi bhi mard ko khoon'khuwar nazron se hi noch leti thi, aur istraha mamma , nanu nani , mukhtalif logo ki 4 amwat dekh chuke thay aur ye fesla bhi tbhi liya gya tha.

' Maahrit mjhe lagta hay humain niche utar kr aik bar usse dekh lenaa chahye, hmari wjah se usse chaut lagi hogi. '

Laila ne mjhe dantne ke andaz main kaha.

" Tumharaa dimagh khrab hogya hay kya? Samne wo aya tha, agar mai brake nahi lgati tw hm sbko jail hojati! "

' Hunh, wo tw wese bhi hoskti hay. Samne dekho do officers hmari traf hi ghoorte huay arahe hain. '

Aik tw maine brake 'green signal' ke beech lagaya tha aur dusra wo bnda zkhmi hua tha, ya nataq kr rha tha!

" Are you okay Mr.? "

Unn do officers ne uss nojawan ko hatho ke sahare se uthaya aur wo ek pal main hi blkl chust, hatta katta khra tha!

Oh tw wo nataq kr rha tha, ke yahan koi tamasha ho!

Ab main bnaugi tamasha!

" Excuse me, sir. I think this guy came purposefully in front of my car to commit suicide. You can check the traffic cameras, I'm not lying. He appeared out of nowhere and... "

Dono officers ne hatho ke ishare se mjhe roka aur unmai se ek ne mera bazoo mazboot girift se pkra aur ghusse se kehne laga,

" I don't trust you islamic people. You appear what you're not actually. So you better shut off your mouth bloody wh***. "

Mjhe aesi baat sunne ki blkl umeed nahi thi, main ne kun'ankhyo se pehle laila ko dekha aur phir uss nojawan ko jo meri traf hi ankho mai fikr liye mjhe ghoor rha tha.

' You don't need to use your bad tongue over here Sir. I apologize. And yes she is right, I intentionally came in front of her car to commit suicide. I am extremely apologetic. '

Dono police walo ne ek dusre ko dekha aur ghusse se kuch brbrate huay wahan se nikal gye.

Goya ye khizaan ke mosam ki shuruat thi, kuch zard pattay urr kr mere qadmon talay bichne lagay thay.Un patton ko kya maloom tha ke mere qadmon ke bojh talay wo nazuk bejaan pattay, 'kar' 'kar' ki awaz ke saath tooth jayege.

Ansooun ko peete huay maine uss nojawan ko sarsari nigah se dekha, pata nahi main uski shukarguzar thi ya ye uska ehsan tha.

" Kya main apka naam jaan skta hun? "

Mai ne laila ki traf jawabi nazron ki demand se dekha jispr uss ne mera ishara smjhte huay meri traf se jawab de dya,

" Iska naam Maahrit hay, aur apka bohat shukrya ke pehle ap ne hmara waqt zya kiya aur phir uski talafi ki bharpoor koshish ki. "

" Oh M.. M.. Maahrit Binte Huzban... "

A/N:

Assalam.o.alaikum aur hello pyare doston,

Yahan tak iss novel ko pohnchane ka ap logo ka bohat shukrya, ke ye #10 rank hui wo bhi ROMANCE ke genre main.

Main apki dil se shukrguzar hun.

Ye chapter ap sb ke naam :)

Khush rahen aur meri novel ko apna pyar dete rahen!