" Nothing ever goes away until it teaches us what we need to know. "
~Pema Chodron

Maahrit

" Umm, nahi aunty mere paas ek better option hay. Kiun na hum ye jagah chor den aur yahan se kaheen door rehna shuru kren? "

Laila ne mamma ko saib ki plate pkrate huay kaha tha.

" Lekin laila tum ye kya kehrhi ho, tum janti ho na ye ghar maine ktni mehnat aur mushkil se khreeda tha. Ab kya tum chahti ho ke... "

Uss ne muskura kr meri baat kaat di,

" Hmm janti hun, magar tumhe lagta hay ke wo tmhari halal kamai thi? "

Uski baat ne mjhe soch mai mubtila krdya tha waqae, wo dunya main hi nahi akhirat ke hawale se bhi meri achi dost thi.

' Lekin... Laila... Itni jldi hmain ghar kahan aur kese milega? Aur itne din tk hum kahan rhege? '

Maine mayoosi main sar jhukate huay kaha tw piche se laila ne aakar mjhe kndhe se pkr lya,

" Jb tumhe Allah ne itni achi dost di hay tw tumhe preshan hone ki kyaa zroorat? "

Uski baat sun kr mjhe muskurana parra, lekin kya ye sahi fesla tha?

' Nahi beta, mera dil nahi manta ab aur yahan rehne ko. Pls Maahrit tum aik hfte baad ki ticktes book krdo, hum Pakistan jayege. Apne ghar. Jahan tumhare baba hain wahin pr. '

Pata nahi mamma ko kya hogya tha, mjhe Pakistan jane ka qatayi koi iraada nahi tha.

" Mamma, hum yahan bhi tw reh skte hain. Kahin door , jb tk hmain ghar nahi miljata tb tk. "

Meri baat sun kr mamma thori der soch main prgyin. Allah jane unhe kyun iss qadar yaad arahi thi baba ki, ke unhe Islamabad jane ko man kr rha tha. Hmain itla mili thi ke baba ki tadfeen wahin hui hay, tw tbhi mamma ne Karachi se Islamabad shifting krwa li thi.

Tab nanu nani zinda thay, tw Allah unki mghfirat kre, tb unho ne mamma ko smnbhal lya tha. Wrna mamma tw shayd bilkul tooth jatin. Aur mjhe hosh kahan tha, tab main sirf 5 saal ki thi. Aur ye sb baatein sunte sunte brri hui, lekin mere dil main najane kiun baba ke liye itni mohabbat nahi thi. Shayad mohabbat saath aur humnawai mangti hay, jo baba ne mjhe nahi di thi.

Brri mushkilo ke baad laila aur aunty ne mil kr mamma ko mana lya tha aur phir meri baat bhi unhe durust lagne lagi, ke agar main abhi beech main apni graduation chor dugi tw phir mere liye dubara se nayi shuruat krna mushkil hoga.

••••

Din guzrne lage, aur hafton mahino ka pata hi nahi chala. Meri graduation mukammal hone main ab sirf ek maheena rehta tha. 2 saalon main hum sb ne bohat kuch dekh lya tha, jismai se Alhamdulillah aksar achay mosam thay haan albatta mjhe laila ki maa ki wafaat ka bohat gehra dukh hua. Laila bilkul meri behn jesi thi.

Unn do saalon main aur bhi khatti meethi yaadein thin. Laila ki unglyo ko apni unglyo ki khalaon mai pur krte huay hum university ke park main thehal rhe thay. Uski shaadi, aunty ki wafat ke baad hi hui thi. Wo chahti theen ke apni ankho ke samne apni beti ko dulhan bnte dekhen magar ye unki khuwahish bus khuwahish hi rahi.

Wo manzar aj bhi meri ankhon main ansoo le ata hay.

" Yaad hay tumhe laila uss din aunty ne akhri alfaz kya kahe thay? Wo keh rhi theen ke tum dono meri betiyaan ho, main chahti thi ke apni dono betiyo ki khush haal basta hua ghar dekhu... Ahh... Shayad Allah Tala ko kuch alag manzoor tha... Beta tum Yosuf se shadi krna tw ek baat ka khyaal rkhna usse apna ma'tehat ya apna haakim mat smjhna, tum usse dost smjhna aur uski mehbooba bn kr rehna. Jb shaadi ki bunyaad dosti se shuru hoti hay tw usmai aitemad ahista ahista ugna shuru hojata hay, aur aik baar aitemaad ajaye tw phir uss rishte ki khoobsurti bohat niraali hoti hay. Usko smjhna aur koshish ye krna ke wo bhi tmhe smjhe, lekin iss baat ke piche apna mood khrab mat krna aur na hi apna sabar khona, wo tumhe zaroor smjhega. Aur mjhe poora yaqeen hay maahrit, Allah ne tumhaare liye ek acha sa jeewansaathi chun rkha hay, Wo Rabb tum jiski mohabbat main sanwarne lagi ho, Wohi Rabb tumhare liye kisi ko sanwaar raha hay, Wo chahta hay ke koi tumhare liye Uske banaye huay san'che main dhal kr tmhari zindagi main aaye. Beti, tum dono doston se brh kr ho. Mjhe afsos ho ke Jannat tmhari apni ho kr bhi, gher se mil kr tmhare hi khilaf saazish main milgyi. Kaash usse smjh ajaye ke Gerard usse behka rha hay aur tumse sirf door kr rha hay. Kash wo apne baap ki aslyat ko jaan pati. Aur Azaan, tum ne meri beti ko bohat pyar se rkha hay. Aur main kya kahu ke mjhe fikar hi nahi, main ja rhi hu tw kya hua, meri beti ke paas dusri maa hay... "

Ye kehte kehte meri ankhon se ansoo tawatir behne lage thay aur laila chup'chaap mjeh apne seene se lgaye, peeth pr sehlate huay dilasa de rhi thi. Aesa lgrha tha jese ulta ho rha ho. Tassali aur sabr ki talkeen mjhe usse deni chahye thi, magar wo kr rhi thi.

' Tum janti ho main kiun apni ammi ko itna miss nahi krti? Kiunke ammi ne waqayi sahi kaha tha mere paas dusri maa jo hain, aur jb tumhare jesi dost aur behan kisi ki humnawa ho tw phir usse kya drd zamane ka! '

Uski shayirana baaton pe main rotay rotay hns prri, mjhe shayiri achi lagti thi. Lekin kamal ki baat ye thi ke mere palle ek lafz nahi prta tha! Na jane kese Ghalib aur pata nahi kon kon ishq ke naam pr shayiriyan krte krte mar hi gye! Batein hi hoti hain chikni chubri usse gol mol bna do, hogyi shayiri?

' Chlo ab ansoo pocho hmain Administrative law ka final research submit krna hay na mam ko. Tm aese time waste krogi tw phir mjhse ideas mat lena kuch, main nahi guide krne wali '

Laila ne apni zaban dikhate huay bndar si shakal bna kr kaha. Rote huay ko hnsana ho tw laila se rujoo kren!

" Laila, main tumhare sath... "

Achanak se yusuf ke aane pr hum dono thore sakat huay aur phir main ne honto pr hansi dabate huay usse phir milne ka keh kr jaane lagi.

••••
Laila

' Kya zroorat thi apko uske samne yahan aane ki? Wo urrti chirya ke parr ginne wali lrki hay, apka adhoora jumla ab wo khud poora krke mjhe cherti rhegi. Jese ke laila main tumhare sath long drive... '

Main bolte bolte ruk gyi. Yusuf meri ankhon main ankhe daal kr muskura rhe thay aur iss moqe ki bnisbat lutfandoz bhi ho rhe thay.

" Haan agay bolo, main tumhare sath long drive? "

Unho ne mjhe cherte huay meri baat mere andaz main dohrayi.

' Nahi wo main uski traf se keh rhi thi, mtlb wo kuch bhi keh deti hay. '

Unho ne apne bazu mere gird lapet lye aur ek darkht se meri pusht ko tikate huay barre pyar se pucha, wo musalsal meri ankhon main dkeh rhe thay.

' Aese nahi dkehen itni der tk ankhon main dekhne se mere ansoo nikal jate hain! '

Main ne nazren churane ki koshish magar nakam rhi.

" Bolo na meri laila, nazren mat churao apne majnu se. Tw tumhe long drive pe jaana hay. "

' Nahi wo main '

" Wo tum kuch nahi. Tum mjhse senior ho tw kya hua akhir meri biwi ho. Aur do ek saal senior hone se kuch nahi hota. Bn tw dono hi wakeel hi rhe hain na. "

Apne hatho ko mere hatho main pur krte huay, wo mjhe yahan se chura kr le ja rhe thay... Aur main ek shrmati hui dulhan ki trah kidnap hone ke liye tyyar thi...

••••

Gerard

Aj bhi uss ring ko dekhta hoon tw dil kirchiyon main tooth jata hay, jbse mjhe ehsaas hua ke main sirf maahrit se mohabbat krta hoon tw mere liye jeena mushkil hogya tha.

Ek traf meri uske baap ke liye nfrat, uski mohabbat ke aar main chup kr apna kaam kr rhi thi.

Tw dusri traf meri apni bhateeji, mere kaleje ka tukra, mere bhai ki nishani, meri iss majburi ko dhoka smjh rhi thi. Wo mohabbat se nawaqif thi, usse lgta tha ke maine usse dhoka dya hay. Aik traf usse ye lgta tha ke main uske baap ki maut ka tamaasha bna rha tha aur dusri traf wo smjhti thi ke usse uski khala aur behn yani maahrit se maine alag kya hay. Wo apne pachtawe ke dal'dal main phnste phnste mjhse nfrat krne lgi thi.

' Jannat beta, tumhare haath main kya hay? '

Yaad hay mjhe uss din maine usse drugs lete huay dekh liya tha, uski halat bad se bad'tar hoti jarhi thi.

" Tum ho.te. kon ho moo moo moojhse puchne wal'lay. Main nasha kru ya mar jaun . Tu. Tu. Tumhe.. Kya. "

Wo buri tarah nashay main dhut, thar'thara rhi thi. Uske alfaz lrkhra rhe thay, zaban goong thi. Aur hulya.

' Beta meri baat suno meri gurya. '

" Nahi sunni moojhe tum ha ri koi baat. Tum insan nahi janwar ho. Dhokebaaz. Meri behn ko mjhse door kya. Usko pyar ke nataq main phnsa kr usse dhoka dya. Aur mjhe bhi unse alag krdya. Mera unke ilawa aur tha bhi kon aur jiske liye main chor ayi unhe wo tum thay? "

Woh buri tarah hanp rhi thi, mjhse uski ye halat dekhi nahi ja rhi thi. Mjbooran maine usse neend ka injection dya, aur usko sulane ke baad bahar se kmra bnd krdya. Wo zehni tor pr beemar bnchuki thi.

Maine maahrit ko contact krne ki bohat koshish ki, lekin rabta nahi hua. Uss ne apna number apni jagah sb bdl di thi, yahan tk ke university main bhi usse koi nahi pehchanta tha.

|   A/N   |

Assalam.o.Alaikum and Hello buddies!

How are you all? Sorry, it's been long I know talking with you guys.

Kher, Ab yahan par thora main time lapse show kr rhi hu, i.e, do saal baad ka show kya hat... Everything is changed here...

Abhi tk jo maine dikhaye hain wo Maahrit, Laila aur Gerard ke pov hain. Soon kahani agay ki traf brh jayegi. But you still need to wait :)

Pray for my exams, they're still going on but for few days I'm now relieved tho mera assignmeny pending hay, haha!

Tell your views about Gerrard, do you think uska pachtawa sahi hay?

And aesa kya hay ke maahrit ko koi nahi pehchanta except her friend only?

Chalo bhoot wale readers tum log bhi khush raho, *smirk*

Tataaa!