" If you saw the size of the blessing coming, You'd understand the magnitude of battle you're fighting "

•••

Fajr ke waqt main parindo ka cheh'chahana bohat pursukun aur purkaif manzar lgta hay. Maine online classes leni shuru krdi thi, jo mjhe islam ki traf ahista ahista brhne main madad de rhe thay. Main heraan bhi thi ke itne arse islam se door reh kr bhi mera eeman achanak kese zinda hogya.

Wadhu krke jo tassali aur sukun dil main utar jata tha wo main bayan nahi kr skti. Maine apni iss harkat ka zikr sirf laila se kya tha aur wo shyad khush thi ke mjhe main kmaz km ek musbat bdlao dekh rhi thi.

Apni diary main apne jazbaat aur ehsasat ko utar kr ab main usse bnd krke rkh chuki thi aur ab neend mjhe apne agosh mai lene ke liye tyyar khari thi lekin Zulaym ki madakhlat ne usse kuch der ke liye sakat krdya tha.

" Maahrit, kya main tum se ek baat puch skta hoon? ''

Wo apne hath seene pr bandhe huay mere samne kharra tha aur mjhe tuktuki bandhe dekh rha tha, jispr mjhe be'sakhta hansi ane lagi.

" Hans kiun rhi ho main kuch puchna chah rha hun, mazaq nahi kr rha. Pls be serious "

Hnsi ko labon pr brri mushkil se dabate huay main bhi unke samne uth kr kharri hogyi aur unke sawal ka intezar krne lagi.

" Kya tum ne Gerard ke sath apni mangni torr li hay? "

Mjhe umeed thi ke wo yahi sawal puchege tw main ne brre itminan se grdan hilai, jispr wo muskurane laga aur mera hath pkre mjhe bahar lawn ki traf lejane laga.

Lawn main mukhtalif qism ke phoolon ko dekh kr mera dil bhi unhi ki trah ek dum khilne laga tha, itne dinon main maine aj ye notice kya tha ke isse gardening ka shoq tha. Sara lawn gulshan bana hua apni khubsurti ki janib har dekhne wali nazron ko lubhane main kamyab tha.

" Tum janti ho main tumhe yahan kiun laya hun? "

Wo mera hath pkre huay mjhe mukhtalif phoolon se introduce kra rha tha jese wo uske bohat ache dost haun. Main bhi iss lmhe ko jeete huay har phool ki dilkashi ko mehsus krte huay kbhi unhe hathon se chooti tw kbhi honto se choom kr soonghne lagti, jispr Zulaym ek bar phir se mjhse goya hua.

" Tum bhi aesi hi ho Maahrit, bohat khoobsurat, bohat dilkash. Dekhne wale ki nazron ko kashish se lubhane wali. "

Wo ab muskura nahi rha tha, uska expression serious ho rha tha.

" Lekin mjhe aesi khoobsurati ki numaysh krna bilkul pasnd nahi. "

Aur phir uss ne mera hath ek bohat kaantedaar phool pr rkh dya jispr mere munh se ek hlki si cheekh nikli aur mere hath se khoon rasne laga.

' Ahh, kya kr rhe ho Zulaym ? Dard horha hay mjhe aur kante chubh rhe hain, dekho khoon beh rha hay '

Mera hath ab bhi wahin pr tha kiunke mjhe wo hatane nahi de rha tha uss ne mere bazu sakhti se jakre huay thay aur main chaah kr bhi apna hath wahan se hatta nahi pa rhi thi.

" Yahi smjhana chahta hun tumhe, acha hi hua jo tum ne apni engagement khud torr di. Mjhse shadi krne ke baad tum kisi aur se rishta kese jorr skti ho? Aur tum jo bhi kr rhi ho modelling ya acting usse akhri baar kehrha hoon chor do, mjhe bhi issi trah dard hota hay jistrah tumhe ho rha hay. Mera bhi issi trah dil khoon ke ansoo rota hay jistrah tumhara khoon beh rha hay. Maahrit pls, main tumse... "

Tarrakh.

' Nahi krte tum mjhse mohabbat, mat lo naam mohabbat ka. Tum mohabbat ke matlab se hi na'waqif ho tw mohabbat kya khaak kroge? Mohabbat dard nahi deti . Aur pehli baat engagement maine tumhari wjah se nahi tori , wo mjhe dhoka de rha tha islye tori. Dusri aur akhri baat , main acting chor chuki hoon aur iske sath sath ye bhi sun lo ke main tumhe bhi chor rhi hun. Afsos hay mjhe ke tum ne mjhe mohabbat ke naam pe sirf aik cheez di hay aur wo ye hay ye zakham, ye khoon jo beh rha hay tumhari mohabbat ka tohfa hay main iss pode ko hmesha smnbhal kr rkhugi. Maine Sir Imran se appeal ki hay ke wo mere khula lene main meri madad kren, aur wo zaroor krege. '

Mera hath uski girift se ab azaad tha aur wo musalsal shayad bayise nadamat mjhse nazren chura rha tha, main wahin kharri kafi der tk usse tak rhi thi ke shayad wo kuch maafi mange mgr nahi... Wo tw shyad mohabbat ki aut main chupa nafrat ka darinda tha.

Uski ankhon main taish utar rha tha aur wo yaqeenan apna agla mansooba bana rha tha ke ab mjhe kese aur kahan drd dena hay.

Maine dil main Allah ka naam lya aur wahan se chlne lagi, magar phir ussne mjhe piche se meri kalai pkr kr rok lya tha.

" Maahrit mjhe maaf krdo, tum sahi keh rhi ho maine hmesha mohabbat ke naam pr tmhe sirf dard aur tkleef di hay. Mjhe ek moqa do ke main sb kuch theek krduga,pls maahrit "

Aur phir jab main uske lafzon ke jaal main phnsne hi lagi thi, uss ne mere sar pr ek bohat bhaari cheez maari ... Meri ankhon main manzar dhundle hone lage aur uske akhri alfaz mjhe ek baar phir se zakhmi krne main kamyab hochuke thay.

" Tum ho hi ek bikne wali aurat jo kbhi pese ke liye kaheen tw kbhi kaheen chli jati hay aur kuch bhi krleti hay, tumhe apne baalon pr barra naaz hay na... "

Aur phir mere baalon ko khenchta hua wo mjhe kaheen le ja rha tha , uske hath main koi auzaar tha jo mjhe blkl dikhai nahi de rha tha magar ab smjh araha tha ke wo mere baalon ko aese kaat rha tha,jese koi maali apne bagh ko tarashne ke liye fazool ugne wale podon ko ghusse se kat'ta hay.

••••

Few days later,

Hospital se discharge ho kr main ab kaafi behattar thi. Pata nahi mjhe kya hua magar jo yaad hay wo bohat krwa tajurba tha aur yaddasht ka ek bohat bhayanak hissa, jisse bdqismati se main nahi gnwa pai thi.

Laila ne ye sabit krdya tha ke wo ek mukhlis dost hay, Allah jane usse meri halat ka kb aur kese ilm hua lekin jb tk main mukammal tor pr theek nhi thi tb tk wo mere sath thi aur uss ne apni ammi ko mere ghr pr mamma ka khyal rkhne ke liye rukwaya tha. Mjhe uske saath pr rashq araha tha.

Unhi dino main Huma ki bhi call ayi thi jisse laila ne brri smjhdari se handle kya tha aur unhe mana krdya tha ke main apni tabyat ki wjah se show continue nahi krpaugi. Waqae, bht smjhdar thi.

Aur tb se le kr ab tk Gerard ek baar bhi meri kheryat dryaft krne nahi aya tha aur Zulaym ka tw kher sawal hi nahi uthta kiunke Yusuf aur laila ne mil kr usse domestic violence ke tehat giriftar krwa dya tha, aur ye jail tw choonke ghair'mulki hay islye asani se bail ka koi chance nahi tha aur na hi rishwat de kr chooth jane ka. Afsos, ke ye mere mulk ke kuch logon ne mere mulk ke difaon aur islami jamhuriat ko mitti main mila rakha tha.

Asr ki namaz prh kr mai apni mamma ke paun dabate unke paas bethi hui thi ke achanak unke labon pe halki si janbish ronuma hui aur phir dekhte hi dekhte unki ankhon se ansoo behne lage aur sath main ek zae'ef aur kmzor si awaz unke halq se nikalne main kamyab hogyi, unke lab thar'thara rhe thay. Aur paun ki ungliyan ab khoon ki gardish se agay piche hilne lagi thin. Ya Allah! Tera shukr, mere Malik Tu kitna Azeem hay parwardigaar! Main besakhta sajde main girgyi aur apne Rabb ke huzoor shukrane ka kalma " Subhan' A' Rabbi 'Al Aala " aada kya, Beshak Paak hay mera Rabb jo Sabse Buland hay. Sajde se sar utha kr maine jo mamma ko dekha wo ab apne labon pr unki makhsoos khubsurat muskurahat chamak rahi thi, unki ankhen bhi honton ke sath tbasum'frma theen.

' Betaa , meri gurya ' Unke pehle alfaz ye thay aese lgrha tha jese ek maa aur bache ke drmyan hone wale qudrati nazara palat chuka tha. Kya ajeeb manzar tha! Jab maa apne bache ki awaaz pehli baar sunne ki muntazir hoti hay tw wo chahti hay ke apne bache ke munh se " Maa " ka lafz sune, aur yahan main apni maa ke munh se itne arse baad " Meri gurya " sunrhi thi. Subhan Allah!

" Ya Allah, Mamma ap soch nahi sktin main kya mehsus kr rhi hun ! "

Ye keh kr maine unhe galay se laga lya, thori der main hmare beech laila aur aunty bhi maujud thay. Yusuf ne laila ko nikah ka pegham bheja tha jisse wo chand din ke postpone kr chuki thi. Main jaanti thi ke laila achi lrki hay chuna che usse milne wala jeewan sathi bhi acha hi hoga.

Laila ne mamma ko dekha aur phir mjhe dekha, aur phir herat ke mare unse ja lipti jese wo unse bohat manoos ho! Aur waqae aesa tha, jb jb mamma ne meri berukhi brdasht ki thi, tb tb laila chupke chupke unki khidmat main unka pyar batorti maagar maa tw maa hoti hay, unho ne mjhe maaf krdya tha! Mera Allah mjhse raazi thi, Meri Jannat mjhse khafa na thi!

' Main chahti hoon ke hum sab Pakistan shift hojayen. Bus beta bohat rehlya yahan, mjhe apne watan ki bohat yaad ati hay, kitni yaden hain wahan '

Mamma ne khamoshi ko torte huay ahistagi se kaha tha. Unki sehat abhi abhi theek hui thi tw main unhe takleef main mazeed nahi dekh skti thi.

~AN~

Sorry guys for the delayed update,

Enjoy. Do vote and comment pls, honestly comments make my day!

Silent readers this is for you! :)