" Somewhere, Someone, has been already created as your soulmate. Just have patience and wait for your knight in shining armour, to arrive " ~Snowflake_Rose

••••
Islamabad,Pakistan

Saamer :

' Kesi hogi na jaane wo... Jise Khuda ne mere liye bnaya hay, phoolon sa khushnuma shabab ya raaton si purnoor chandni... Takhayul main jiski sansen bandishen hain meri, uske saamne ajane se Khuda jaane kya lamha hoga '

Diary ke panno pr uski shabee tehreer krte krte thak chuka tha main, ab main chahta tha ke in thaki hui ankhon ko uski purkaif nazron se hi kuch qaraar milay.

Main Sir ke samne apne jazbaat nahi ubhrne deta tha, kiunke main janta tha agar wo jaan gye ke ye undekhi anjani mohabbat main giriftar naujawan sarhad pr jaan ki baazi larra rha hay tw mjhe kbhi bhi ishq ke Ain ko bhi poora krne ki mohallat na milegi, bhala wo ishq ka maza jo bin dekhe bin kahe bin sune lene main hay wo kisi iqraar ya inkaar main kahan!

Pata nahi kiun main deewana banta ja rha tha, Sir mjhse apni dil ki baatein hmesha share krte thay aur wo unke batwe main rkhi Maahrit ki photo... Wo bhi bus ek ittefaq se dekh lya tha.

Ab uski bachpan ki soorat hi meri ankhon main samayi hui thi, dil krta tha ke main bhi uss waqt ke pahye ko piche ghumaun aur uss nanhi gurya ko apni banhon ke jhoole main jhulaun! Deewana hi tw hun main, aah!

" Saamer, Main chahta hoon ke tum kal ke akhri marhale ke baad baqi sb mujh pr chorr kr chale jao... Aur tumhe preshan hone ki qatayi zroorat nahi, yahan matehat afseran bohat qabil aur honehaar hain, wo tumhari dil ki kefiyat ko smjhte hain. Kiunke yahan pr filhal ek kunware wahid tum hi ho, baqi sb apne apne ladoo kha chuke hain, kiun doston hay na?? "

Sir Huzbaan ne achanak mere socho ki dunyaa se mjhe bahar bulaya aur apne shanon ko mere shano se milate huay apne bazoo mere gird lapete. Main unki is aajizaana tabyat se pehle se hi mutasir tha.

" Yes Sir! Saamer Sir, ab apko bhi qurbani ka bakra bnna hi prega, bohat krlya aish o araam "

Yahan maujud taqreeban har fauji ne yakzaban ho kr bola tha.

' Lekin Sir, hmara mission tw abhi shuru hua hay... Main aese kese piche hatt skta hoon... Aur ap itne wasooq ke sath kese keh skte hain ke, ... '

Unke samne kehtr huay mjhe asal main thori sharam aur jhijak mehsus horhi thi, wo meri halat ko smjhte huay hnsne lage aur mera jumla khud hi mukammal krdya.

" Ke Maahrit tumhe pasand bhi kregi ya nahi? Right? "

Main unki trf dekh kr muskurata hua, apne baal pr hath pherne laga. Aur unho ne mjhe barre pyar se smjhaya,

" Dekho barkhurdaar, tum ek bohat bahadur officer ho. Tw kisi bhi bahadur officer ki bahaduri ki paasdari ke mutabiq tum jante ho naa tumhe kya krna hay? "

' Naara'e Takbeer ALLAH HU AKBAR '

Sir mjhe rashq se dekhte huay mere sar pr hath pherne lage jese mjhe iss khaufnaak mission maahrit ko fatah krne ki duayen de rhe haun, ab Allah hi janta tha ke wahan ja kr kya hone wala hay.

Bus, Allah kre iss mission pr main shaheed nahi blke ghaazi bn kr lautun... Phir beshak khoon beh jaye, tw fateh watan aur mohabbat dono ka tamgha mjhe hi milega!

•••

Background music main koi spanish music chalrha tha aur main Gerard ke saath uski dhun main khoyi hui, uske ankhon ke sehar main kisi laila ki trah jakri hui bedharak dance kr rhi thi. Uske hath meri pusht ko mzbooti se thamay huay thay aur ek ke baad ek steps ke sath sath hmari dharkanon ki nazdikiyan brhti hi ja rhi theen.

Gerard ne ek second ke liye bhi meri ankhon se apni nazren nahi hatayin theen aur ek purlutf sukun ka mahol hmare gird phela hua tha. Uski maujudgi main najane kiun mjhe deegar mahol ki bilkul prwah nahi rehti thi, aur phir dusri traf Khuda jaane kiun Zulaym ki feelings mere dil main apna ghar bana rhi theen. Halan'ke us ne mjhe koi aik bhi factor aesa nahi dya tha ke main uski ashiqui main giriftar hojaun lekin ye phir bhi hochuka tha.

" what're you doing Miss Mahrit? "

Mamki awaz ne mjhe khench kr apni khayali dunya se bahar nikala tha aur main hrbratr huay apne dress ki trf dekhne lagi jo Gerard ne shayd upar ki traf krdya tha. Gerard...

' S... Sorry mam '

Camera ka focus dubara hum pr achuka tha, aur mjhe aesa lgrha tha kr mjhe ajeeb matli jesi feeling horhi thi.

' Ex-Cuse me... '

Munh pr hath rkhtr huay main bhagti hui washroom area ki traf gyi aur wahan pohnchte hi mjhse control na ho ska aur mai ne ulti krdi.Ajeeb contractions feel horhi thin aur andar se bht heaviness mehsoos horhi thi. Aesa lgrha tha mera sir ghoom rha hay aur bus ...

" Kya hua Maahrit, tum theek ho? "

Maine murr kr piche dekha tw wahan Gerard khra tha, uske chehre se preshani saaf aya'aan thi.

' Pata nahi kya hogya mjhe achanak, subah tk tw main theek thi. '

Maine basin se pani apne munh par urrate huay usse kaha. Uss ne agay brh kr mjhe bazuon se thama, aur phir jaib se apni handkerchief nikal kr dete huay mjhe apne sahare bahar le aya. Uski aur Zulaym ki ek baat bohat common thi, wo dono mjhse mohabbat se zyada meri care krte thay... Magar... Main nahi janti thi kon jhoota tha aur kon sacha...

' Mjhe kuch theek nahi lgrha, pls Gerard aj ke liye cancel krdo shooting ko. Main kal shaam tk khud unhe call krugi. '

" Nahi tum aesa kuch nahi krogi, abhi main tumhe doctor ke paas lejauga wo mere family friend hain . Diagnosis ke baad tumhe araam krna hoga aur phir rahi baat shooting ki tw wo kbhi na kbhi ho hi jayegi, main baat kruga khud ma'am se tum preshan mat ho. Yaheen betho, main ata hoon ''

Uss ne mjhe qareeb hi makhmali sofay pr bithate huay kaha tha, aur phir wahan se chla gya. Dress aesa tha ke mjhe iss halat main srdi lgne lgi thi aur room main ac on hone ki wjah se mahol kaafi thanda tha.

Maine himmat krke uthne ki koshish ki aur apne dressing room ki traf qadam brhane lagi. Wahan pohnchte hi meri ankhain herat se phel gyin kiunke jo main dekh rhi thi, wo shayad brdasht ke qabil tha hi nahi. Aur khaas kr tab jb wo apke sath dhoka ho.

Gerard ne Huma ko apni banhon main bhara hua tha aur uski sansen huma ke gaalon pr apne nishan chor rhi theen. Aur wo usse kuch kehrha tha.

" Tum udaas kiun hoti ho darling, uss bewaqoof lrki se tw main sirf flirt krta hoon mohabbat tw main sirf tum se krta hoon, aur tum janti ho na hmara maqsad aik hi hay? Maahrit ki hi wjah se mera bhai aur tumhara pyar tum se cheena gya tha... "

Ye mere liye sunna kaafi tha, agay kuch sunne ya smjhne ki salahiat mere andar baqi nahi rhi thi. Ansoo be'daregh ankhon se tip tip baras rhe thay aur main apni chaal ko tez krte huay dressing room main pohnchi aur drwaza andar se  band krdya. Gerard... Tum mjhe dhoka de rhe thay... How dare you...

Ansoo ponchte huay main deewaar pr tan'ge sheeshay main apna aks dekh rhi thi jo ye zahir kr rha tha ke samne koi bohat shikasta haal lya apna aap sametne ki koshish main masroof hay, aur shayad aesa hi tha. Galay main pehne huay Gerard ke pendant ko ek taqat se khencha aur ring ko nikalte huay maine usse door phenk dya. I hate you Gerard, I hate you...

Maine khwab main bhi nahi socha tha ke meri sapno ki dunya ki kaanch agar toote gi tw kirchikyan iss simt main girengi ke wo saari chiknachoor ho kr mere hi wajood main aa pewast hongi.

Agar main zulaym se mohabbat krne lagi thi tw phir mjhe Gerard ke dhoka dene pr dard aur tkleef kiun horhi thi. Ye kya horha mere Khuda!

Maine be'deehani main jhuk kr apna maatha zameen pr rkhdya, shayad ye mera pehla sajda tha. Ankh ro ro kr halkan, surkh hochuki thi aur zaban pr bus ek wird jaari thi Ya Khuda...

••••

Maahrit phone uthao apna kiun nahi utha rhi kbse tumhe call kr rha hoon...

Kmre main ek kone se dusre kone ki traf chalte huay main baar baar time dekh rha tha. Shaam ke 8 bjchuke thay aur wo abhi tak nahi ayi thi.

Phir mere cell ki beep ne ye zahir kya ke wo maahrit ka msg tha, wo raste main thi pohnch rhi thi.

Kuch hi der main bell bjne pr main bhagta hua drwaze ke paas gya, iss umeed se ke Maahrit theek hogi, aur herat ke tor pr maahrit theek thi... Mtlb uss ne shrab nahi pee thi.

' Zulaym, mjhe ap se kuch baat krni hay '

" Haan kaho "

' Woh... Main... Main '

Uski halat se lgrha tha ke wo bohat thaki hui aur afsurda si hay. Uss ke baal bikhre huay thay aur galay main uska koi pendant nahi tha, mtlb shayd uss ne apni engagement torr di ho. Agar aesa tha tw main bohat khush tha.

" Kya hua Maahrit, kya batana chahti ho tum? "

Maine usse bazuon se pakr kr bed ke kone pr bithaya aur khud uske paas beth gya. Uska hath maine pkra hua tha take wo araam se keh sake jo wo kehna chah rhi thi.

' Maine apni engagement torr di hay, Gerard mjhe dhoka de rha tha... Aur.. Aur wo '

Ye keh kr wo rone lg gyi aur mjhse uske ansoo dekhe nahi gye maine bina kuch soche usse jakar kr apne seene se lga lya aur iss baar wo bhi bina kisi aitraaz ke apne hath mere gird lapetne lagi.

****

A/N : Assalam.o.Alaikum & hello buddies!

I'm just going for a short exams break, so this is the update I'm giving before I go, hope you enjoy & pls pray for my exams to go well!

Will miss you all!

~Snowflake_Rose