Mga Ala-ala
ni Kristelle G.

Isa sa mga naging saksi ang sasakyan sa masalimuot na pangyayari sa aking buhay. Hindi ko akalaing ang kagimbal-gimbal na pangyayari ang s'yang tuluyang magpapa-ulila sa akin at sa aking mga kapatid.

Isang pangkaraniwang hapon noon nang maisipan namin na bumisita sa aming kamag-anak.

Pasado alas-siyete na noong lumuwas kami at habang binabagtas namin ang daan, napansin ng aming drayber na may maingay. At nangyari nga ang hindi ina-asahang pangyayari na s'yang dadalhin ko habang buhay at kailanma'y hindi mabubura sa isip at puso ko dahil nagdulot ito ng sakit at nang-iwan ng sugat na kailanman ay hindi matatanggal sa akin na s'yang magpapa-alala sa akin sa mga nangyari noong gabing iyon.

Ito ang aking nasa isipan habang minamasdan ang sasakyan at iniisip kung kailan makakamit ang hustisya na ipinagkait sa amin.