"Rishta nahi hain yeh sirf pyaar ke ikraar ka,
Hain yeh rishta dard ki gehrai kaa.
Rishta nahi hain yeh sirf Dil se Dil ke taar ka,
Hain yeh rishta ruh se ruh ke izhaar ka."

Rooh ulajh jaati hain jinse woh rishta koi aam nahi rehta. Ban jaata Hain woh ibadat jiska koi imaan nahi rehta.

Rishtey, yeh kiski den hain? Kab,kaise aur kahan se yeh humari jindagi ka ek atoot hissa ban gaye hum me se koi nahi jaanta?

Kuch rishtey hote hain khun ke jo jab se hum paida huye tab se humein bane banaye milte hain jisme humari marzi ho chahe na ho woh humare hote hain. Aur kuch rishtey hote hain jo dil se bandhe aur ruh se jude hote hain.

Rishtey kuch ankahee se, rishtey kuch ansune se ban jaate hain dheere dheere dil ki jarurat khaas se yeh ruh ki khuraak (dose) tak. Kuch aise se hi rishtey hain in sabke ek duje se ek hain dil to duja jaan hain, ek hain dhadkan to duja saans hain.

Lakeeron ka yeh asmaan hain jahan pe dosti me jahan ( whole world) hain, pyaar me asmaan hain aur parivaar me basti sabki jaan hain.

Shree ke saath huye us hadse ne chahe woh hindustan ho ya phir angrezo ka shehar englishtan urf London, sabko ander se jhakjhor (to shake) ke rakh diya tha.

Yahan sab fikar me uljhe the aur wahan Aditya aur Abhay udhedbun (messy) aur pareshani me the ki wahan hua to akhir hua kya?

Dhalti sham ke saath saath dheere dheere sabke sabar ka bandh bhi dhal raha tha. Bejaan si Shree ko apni bahon me uthaye huye Siddharth, dari hui shambhavi, badhavass aur pareshan Nishtha ke saath ghar mein aaya. Nishtha ko apni dono bacchiyon ki jimedari dete huye maa saa aur baba saa niche pahunche.

Aur unhone dekha ki Siddharth gusse me ubalte huye sab pe chilla raha tha

"Hum kab se puche jaa rahe hain aap sabse, koi jawab kyun nahi deta hain humein? Humari shree, humari bacchi seedhiyo se giri to giri kaise?"

Maa saa aur baba saa Siddharth ke paas aaye aur unhe samjhate huye baba saa bole

"Siddhu beta aap yeh baat shanti se bhi to puch sakte hain naa sabse, koi janbujh ke to yeh sab karne se raha. Aap in sabse agar is lehaze me baat karenge to yeh sab darr ke maare aapse waise hi kuch nahi kahenge."

Baba saa aur siddharth ki baatein sunkar wahan un sabke intezaar me baithi hui Tara , unke paas pahunchi aur maa saa ki taraf dekhte huye boli

"Kaki maa saa humein aapse kuch jaruri baat kehni thi. Humein aisa lagta hain ki Shree ke girne ke piche ki wajah koi haadsa nahi hain balki kisi ki sochi samjhi koshish hain.

Aur isse pehle ki aap sab yeh kahe ki hum aise kaise keh sakte hain , to hum aap sabko bata dete hain ki humne khud Jis seedhi se shree giri thi theek usi seedhi pe humne tel gira hua paaya tha. Jiski wajah se shree ka pair fisala aur woh gir gayi."

Tara ki yeh baat sunke Siddharth hairan hote huye unchi awaz me bola

"Tel? Tara woh koi rasoi ghar nahi tha jo aapne wahan pe tel dekh liya. Nahi..ek minute...kaka..kakaaaaaa hum aapko paise aise saaf safai karne ke liye dete hain taki seedhiyon pe tel gira rahe aur humari bacchi wahan se gir jaye? Yeh hain aapka kaam? Agar aise hi kaam karna hain aapko toh chutthi le lijiye...."

Isse pehle ki Siddharth un sabse kuch aur keh paata ek aur naukar unke paas duadte huye aaya aur bola

" Siddharth baba aapke liye London se Aditya baba ka phone aaya hain.Aapko abhi ke abhi bulaya hain."

Aditya ka phone aaya hai sunkar majburan hi sahi Siddharth sabki taraf palat ke dekhte huye waha se nikal gaya. Siddharth ko jaata hua dekh kar Tara piche se zor se boli

" Siddharth Bhai saa Zara sambhal ke jaaiyega, kahi aisa na ho jaaye ki gusse me aapko woh darwaza hi naa dikhe aur seedha woh darwaza aapka dhyan khud pe naa dekh ke aapse naraz hoke aapke muh pe aake na chipak jaaye ."

Tara ki baat sunke apni hasi ko dabate huye, halat(situation) ki gambhirtaa (seriousness) ko samjhte huye baba saa bole

" Tara humein lagta hain aapko sach mein koi galatfehmi hui hain . Yahan pe sab apne hi to hain, hum sab parivar hain aur parivar me koi apne hi ghar ke sadasya ( member) ke saath aisa kyun karega?"

Maa saa, baba saa ki yeh baat sunte huye hairan hokar boli

"Aap kaise baate kar rahe hain? Tara ne bas yeh kahan hain ki waha pe tel gira hua unhone khud dekha tha. Unhone yeh nahi kaha ki kisi ne aisa kiya hain. Par humein aisa jarur lagta hain ki yeh koi haadsa nahi tha kisi ne janbujh kar is harkat ko anjaam diya hain.

Humein Kai dino se bahut hi ghabrahat ho rahi hain . Kahan tha humne aapse par aapne humari ek nahi suni. Har baar apne yahi kahan ki maa ka dil hain aisa hota hain ya phir humari tabiyat theek nahi hain to shayad Aisa mehsus kar rahe hain.

Dekha ab aapne kya hogaya hain humari bacchi ke saath. Kab se aapko samjha rahe hain hum ki kuch galat ho raha hain, kuch hain jo sahi nahi hain . Kya ab bhi aap yahi kahenge?."

Maa saa ki baat sunke gusse me apni awaz unchi karte huye baba saa bole

"Humein samjh nahi aata hain ki aapko kis bhasha(language) me samjhaye ki aisa kuch nahi hain , yeh sab kuch sirf aapke mann ka weham hain bas ise jyada aur kuch nahi. Ho sakta hain, tara sahi keh rahi ho aur wahan galti se kisi ke hatho se tel gir gaya ho.

Par kya aap daave ke saath yeh keh sakti hain , ki yeh kisi ki saazish hi hain na ki koi choti moti laparwahi?"

Maa saa baba saa ki zid ke aage haarte huye boli

"Theek hain, mat suniye humari baat ko kar dijiye nazar andaz . Par yaad rakhiyega agar iske baad aur koi haadsa hua is ghar me to us haadse ke jimedaar aap hi honge aur uski wajah bhi."

Mahol ko garam hota hua dekh tara beech me baat ko alag disha (direction) me ghumate huye boli

"Kaki maa saa aur kako saa, yeh sab to theek hain hum samjh gaye aapki baat ko, par yeh maasi maa aur Siya kidhar hain? Jab se shree ke saath woh haadsa hua hain in dono me se humein koi Nazar nahi aaya hain?"

Tara ke yeh kehte hi maasi maa daudte huye siya ke kamre se bahar ki taraf aayi aur boli

"Aap sab log aagaye? Abhi tara bitiya ki awaz suni to humein andaza hua ki aap sab aa chuke hain.

Aur kya hain na, Tara bitiya hum yahi the jab aap aayi thi us haadse ki khabar sunte huye par shree bitiya ke saath hua woh haadsa dekh ke siya bitiya rani bahut darr gayi thi aur roye jaa rahi thi.

Isiliye unhe shant karke sulane ke liye hum unhe unke kamre me le gaye the. Par jab aapki awaz suni hum bhagte huye yahan aaye the aapse milne, aapko sab kuch batane par is se pehle ki hum yahan par aa pate aur aapse aake kuch keh paate. Aap yahan se jaa chuki thi."

Baba saa baat ko hadh se aage badhta hua dekh ke is baat ko wahi rokte huye bole

"Humein aisa lagta hain, ki hum sabko aaram ki sakht (strictly or urgent need) jarurat hain. Thakan aur pareshani ki wajah se kuch bhi bole aur samjhe jaa rahe hain . Is baat ko yahi pe rok dena sahi hoga. Khamma ghani aap sabko, shubh raatri.( Namaste,Good night everyone)."

Is taraf jahan baba saa aur maa saa ke beech behas chal rahi thi ki is haadse ka jimedaar kaun hain? Yeh haadsa hi tha ya phir kisi ka socha samjha hua koi kadam?

Dusri hi taraf Siddharth, Aditya ko ghar me huye haadse ki puri jankari (information) de raha tha. Aditya ne siddharth ko shree ka khayal rakhne kaha aur bataya ki, kaise Abhay ne aaj subah yahan par phone Kiya tha sabse baat karne par jaise hi shree ki cheekh suni . Usne khud pe se apna kabu kho diya aur rote, cheekhte aur siskiya lete huye so gaya aur jab ankh khuli na jaane use kya hua jiggy ke saath skating karne ki jid pakad ke ghar se bahar chala gaya.

Aditya ka Siddharth ko yeh sab batana hua aur jaise hi usne socha ki woh phone rakh de usne dekha,
Abhay ko sahara dete huye jiggy use ghar ke andar laa raha tha.

Siddharth ko chiiti likhne ki hidayat (advice) dete huye aur usme sab ki khair khabar se judi har baat ho iska dhyaan rakhe,yeh bolte huye Aditya ne phone rakh diya.Is se pehle ki Siddharth kuch samajh paata ya Aditya se uski hadbadi ki wajah puch paata.

Aditya ne abhay ki taraf dekha aur hadbadate huye bhaga uski taraf aur uske paas pahunchte huye use godi me uthaya aur uske kamre me le jaake jiggy ki taraf palat te huye bole

"Yeh..yeh chot kaise lagi abhu aapko? Bahar khelne gaye the na aap log toh? Toh chot kaise lag gayi? Boliye na hua kya hain? Aap humari shakal baad me dekh lijiyega abhi jawab dijiye aap dono."

Jiggy ne Aditya ki taraf dekhte huye kaha

"Bhaiya humara yakeen kijiye humein sach me pata nahi tha ki aisa kuch ho jaayega . Aur aaj toh humara irada tha hi nahi skating pe jaane ka yeh to Abheyy( jiggy used to call him by this name) ki zid thi ki use aaj, abhi, usi waqt jaana tha skating sikhne ke liye."

Abhay ko ghurte huye Aditya ne use pucha

"Ab aap humein yeh batane ka kasht karenge ki itni gehri chot aapko lagi kaise? Dekh ke to yahi lag raha hain jaise sirf chot hi nahi lagi hain aapko saath ke saath haddi bhi tut gayi hain aapke pair ki. Hum aapko bata rahe hain Abhay, agar yeh aapki koi nayi shaitani hui school naa jane ki to hum nahi sunne wale hain kuch bhi. Aur abhi toh Madam Emma bhi nahi aa sakti dawai dene aapko har waqt."

Aditya ka gussa dekhte huye Abhay bahut hi shant aur dheemi awaz me bola

" Wada Kiya tha unse ki chahe dard ho ya hasi sab kuch baatenge hum. To phir is waqt jab woh takleef mein hain to unhe kaise akela chod de hum is dard mein.

Unke har dard aur takleef ko baat lenge hum chahe woh kaisa bhi dard aur kaise bhi takleef kyun naa ho. Aur yeh haq aap humse chin nahi sakte hain bhai saa."

Us waqt Abhu ki yeh baat sunke mujhe aisa laga tha jaise kisi ne mere muh pe thanda baraf wala Pani phek diya ho, vishwas hi nahi hua ki is duniya me koi kisi se aisa pyaar bhi kya kabhi kar sakta hain?

Jo pyaar kum aur ibadat khuda ki jyada mehsus ho, kya sach me pyaar me itni takat hain , jo milon dur baithe do dilo ki ruho ko itna kas(tightly) ke bandhe huye hain? Agar kisi ek ko chot lage to duje ki ankhon se aansu rukne ka naam hi naa le, agar unme se kisi ek ko kuch ho jaaye to duja bhi usi dard ko mehsus karne ke liye is tadap ko jeene ke liye koi bhi hadh paar karne taiyaar ho jaaye.

Kaisa pyaar tha inka yeh, kaisa saath tha, kaisa ankaha, ansuna sa ikraar tha samajh nahi aa raha tha mujhe.
Bina kisi pyaar ki kasmo ko khaaye, bina koi ek duje se vaade kiye yeh dono kitni khubsurati se un sabhi kasmo aur vaado ko na sirf nibha rahe the balki jee bhi rahe the ek ek lamha uska.

Tab ka din tha aur aaj ka din hain , main samajh chuka tha ki wahin tadap aur bechaini aaj bhi in dono mein hain jo us waqt thi. Samajh gaya tha main ki jaldi hi woh waqt aayega jab mujhe aur siddhu ko ek duje se kiye huye us waade ko pura karna hoga.

Par phir wahin lakeeron ka khel kaun samajh saka hain, isme ulajh ke to kai bade bade log rakh ban gaye the to hum to bas kismat ke is khel ki katputli (puppet) the humein to jeena hi tha woh sab jo lakeeron ne apne farmaan me humare liye saza ke rakh diya tha.

November ,1971 In London

Us haadse ko huye pure 2 mahine ho gaye the, dheere dheere hindustan ho ya phir yahan London sab kuch theek hone laga tha. Shree pehle se kafi theek ho chuki thi aur Abhu bhi thoda thoda hi sahi samajhdaar ho raha tha aur woh bhi uski shree ke saath dheere dheere khud ko theek kar chuka tha.

November 1971 ki woh thandi kadkadati thand ( freezing cold) me mujhe kisi jaruri kaam ki wajah se bahar jaana pada tha. Aur jab main wapis aaya to maine dekha locker khula tha mera jisme mai siddhu ke khato (letters) ko sambhal ke rakhta tha. Aur shree ke khato ko bhi woh alag baat hain bas sirf tab tak jab tak abhu tak woh nahi pahunch jaate the. Uske paas khat Jana matlab wapis aane se raha.

Hahahahaha bholuram kahin kaa kitna bhola tha naa use lagta tha woh bahut samajhdaar hain apne bhai saa se chup ke khato ko locker se chura lega aur waha rakhe shree ke khato ke lifafo me (envelope of letters) khali kagaz (page) daal dega aur mujhe pata bhi nahi chalega.

Main uski har ek sans se wakif rehta tha , par sab jaan ke anjaan bane rehne ka bhi apna hi ek alag hi maza hain, nahi?

Jo bhi ho jab main apna kaam khatam karke thak haar ke ghar pahuncha dekha abhu apne dono haath piche karke mere saamne khada tha , kasam se us waqt agar mujhe pata hota na iski woh shaitani hasi ki wajah, main us se yeh sawal karta hi nahi jo maine abhi kaha tha. Kyunki uske baad jo usne meri tang khichi thi , kya bataun kitni sharam aayi thi , hahaha pagal ladka

"Abhu kya chupa rahe hain aap , kya hain aapke dono haatho me humein dikhaiye? Aur yeh locker kisne khola? Abhuuuuu kaha tha na humne aapse ki sabar kijiyega hum wapas aake aapko apko shree ke khat de denge. Toh phir aapne ise humse puche bina khola kyun?

Abhu ne apne chehare pe badmashi wali woh halki si hasi laate huye Aditya se kaha

Adi,

Asha karte hain aap aur abhay waha par ekdam theek honge. Yahan pe sab log ekdum theek hain. Thand din b din bahut jyada badh rahi hogi naa wahan pe to dhyaan rakhiyega pichle saal ki tarah sardi naa pakad le aap dono ko ,phir vilaiti madam doctor aake check karengi aapko badi badi suii aur dawao ke saath.

Accha chaliye aur tang nahi kheenchenge hum aapki, ek khush khabri deni hain aapko, hume pyaar hogaya hain Adi. Yes i am in love.Humein to abhi tak viswas hi nahi ho raha hain ki is ehsaas ko bhi kabhi mehsus kar sakenge hum.

Aur maze ki baat jaante hain aap woh ladki koi aur nahi Shree ki pakki wali saheli Nishtha hain. Haan, haan, pata hain aap puchenge ki humne unhe abhi tak kuch bataya ya nahi. Toh hum aapko bata dete hain ki abhi tak hum unhe kuch bata nahi paye hain,bas ekbaar in sabko acche se school pass kar lene dijiye uske baad hum bata denge apne dil ki baat unhe.

Par aapse yeh baat hum chupa nahi sakte the isliye is khat ke jariye aap tak pahuncha di. Aapke jawab ka intezaar rahega humein.

Siddhu"

Khat ko pura padhte huye, Abhay aage peeche bhagta raha taki Aditya woh khat unse cheen na paye aur kahan

"Bhai saa chehra baad me dekhiyega aap humara,pehle mithai baanto aakhir kar aap do dosto me se kisiko toh pyaar hua. Par bhai saa bahut jyada sochne wali baat bangayi yeh toh. Matlab aap khud hi dekhiye, ab to bade bhai saa ko bhi pyaar hogaya, aapko kab hoga? Is nanhe si jaan ko kya kabhi bhabhi saa nahi milegi?

Bhai saa aap kahi sanyas toh lene nahi wale hain na? Nahiiii aisa kabhi mat kijiyega aap, is bin maa ke bacche ko maa na sahi kum se kum bhabhi hi dila dijiye. Kya humpe aapko itni si bhi daya nahi aati? Hey mahadev, hey murli manohar kaise bhai saa diye hain aapne, bhabhi saa tak nahi dila sakte jo humein ab kise pyaar se bhabhimaa kehke pukaare hum."

Bhagte huye Abhay ko pakad kar Aditya ne unse chitthi chin li aur kahan

"Oh nautanki! bade ho rahe ho, ya din b din aur nautanki baaz bante jaa rahe ho aap? Chup chap woh chitthi humein wapis kariye aur yeh shaadi wadi ke natak se to aap dur hi rakhe humein .

Agar itna hi shauk hain bhabhi saa kaa toh, India wapis jaakar nishta ko hi apni bhabhi saa aur maa dono bana lijiyega. Aur yeh chitthi ab humari hui."

Aur haste huye yeh keh ke chale gaye ki

"Is baar aapki shree ka jab khat ayega na hum nahi dene wale hain , bahut badmash ho gaye hain aap din b din ab rote rahiyega khato ke liye ab to khat shree ke milne se rahe aapko. Bade aaye the humein chidane wale."

February 1972 , In India

Jaal hain yeh in takdeero ke khel kaa,
Agaaz hain yeh in lakeeron ke khel kaa.
Tadap hain yeh kisi apne ko kho dene ki ya phir
Matam hain apne wajood ke kho jaane kaa.

Sisodia bhavan, jannat ka dusra naam hua karta tha. Ek hasta khelta, zindagi se bhara poora parivar hua karta tha.

Thaaa.... Sunke hi hairani hoti hain, thaaa ...is ek shabd se hi khauff aajaata hain. Dil khauff se bhar aata hain, ruh tadap uthti hain. Aur akhir tadpe bhi kyun naa din hi kuch aisa sa tha woh.

Woh din jisne sab ujaad ke rakh diya, woh din jisne in sabki takdeer ko palat ke rakh diya tha, woh din bas ek woh din. Kash nahi aata woh din. Kashhhh... kyun aaya woh din yeh sawal roz khayega inhe aane wale har ek lamhe me, yeh inme se koi nahi jaanta tha.

Aayega yeh pal kabhi socha nahi tha maa, khinch ke anchal tu sir se mere yuh dur kahi ud jaayegi badlo ke paar wahan. Kash hoti khabar to chin laate tujhe phir se yahan, kash hoti khabar to tujhe chin laate phir se yahan.

Sisodia bhawan ke sabhi log kisi na kisi wajah se ghar mein nahi the . Nishta , Shree, Shambhavi aur tara yeh sab the Nishtha ke ghar me mehandi lagwane ke liye. Akhir kaise na jate bas kuch hi dino me Holi jo thi aur use pehle ek bada sa hawan jo rakha tha Nishtha aur uske ghar walo ne bas usi ke taiyari me Nishtha ki madad ke liye sab wahan the. Aur siddharth aur baba saa kisi jaruri kaam se daftar gaye the jaldi aane ka wada karte huye.

Idhar maa saa apne rasoi ghar ke sabhi kaam khatam karke bahar nikli hi thi. Aur aakar dekha bacche unke abhi tak ghar nahi aaye hain. Toh yeh soch ke ki jab tak woh wapis aaye woh chat pe unke liye banaye huye achaar ki barni (a utensil in which pickle is kept) aur dikhayi(sukhane dhoop me rakhi) hui mirchiya niche le aate hain. Jaise hi woh un sab chizo ko leke niche aane ko hui unhe kisi ne neeche se zor se awaz di. Itni zor se kisi ki di hui awaz ko sunke woh uthkar niche aane lagi, usi waqt unhe suni kisi ki dil dehlani wali cheenkh jise sunke unka maa ka dil darr se kanp gaya . Jo maa saa dheere dheere sambhal ke chalti thi woh jaldbaazi karne lagi.

Woh hadbadat me apne kadam aage badhane lagi aur takdeeer ne yahi khel diya woh manhus khel. Maa saa ne jaldbaazi me dekha hi nahi ki seedhiyo pe tel bhar bhar ke kisi ne giraya hain. Itna ki unke bachne ki koi umeed hi naa rahe. Koi ek ya do nahi har ek seedhi us chat se niche bachho ke kamre tak ki, sab pe tel tha.

Lakeeron ka khel kahe ya kisi ki kali nazar unki khushiyon pe maa saa khud ko bacha naa saki. Woh khud ko sambhal na saki apne bacho ki khatir. Aur phir phisala unka pair. Seedhiyo se sir ke bal girte huye woh niche hall mein aake giri khun se latpat ( pool of blood) chudiya unki tuti hui.

Balo ka bandha hua juda ( bun) khun se bhara hua woh apni aakhri sansein le rahi thi . Isi umeed me ki kaash unka koi baacha unki ankhon ke aage ajaye is akhri pal me woh bas ek baar bas ek baar unhe dekh le, toh sukoon se woh apni is maut ko gale laga sake. Unki un cheekhon ko sunne wala is ghar me shayad is waqt koi nahi tha. Ya shayad tha par unke dil aur kanno tak woh dard aur tadap se bhari cheekh pahunch na saki.

Aur jab maa saa apni akhri sansein le rahi thi. Aur unhe laga shayad ab is umeed ka koi fayda nahi ab koi nahi aayega, woh apne in akhri palon me bhi unhe dekh nahi paayenge. Unki ankhein bandh hone hi wali thi . Tabhi suni unhe ek awaaz jo kisi aur ki nahi nishtha ki thi

"Maa saaa.....maa saa yeh...yeh kya hua? Aap...aap yahan aise kya...sambhu kaka, ramu kaka..koi toh aaiye. Maa saa dekhiye naa aapki nishtha aagayi hain, kuch nahi hone degi. Hum leke jayenge aapko aaspatal, kaka kaka jaldi aaiye na chodiye woh bartan..jaldi kijiye...."

Nishta ko maa saa ki taraf bhagte huye dekh, siya ke kamre ki taraf se naa jaane kaise aur kahan se maasi maa aur siya dono aaye aur maa saa ko is haal me dekh ke dang (shock) reh gaye. Maa saa nishtha ki god me apna dum tod rahi thi, par woh kehte hain na koshish aakhri saans tak karni chahiye, ise pehle ki unhe kuch ho paata Nishtha unhe leke aspataal bhagi.

---------------------------#-----------------------

Heyya everyone!

We are again back with another update of Mehr- O - Mah.

Again an emotional one. Hush!

Hope you all can feel the pain .

See you all guyz  soon.

Love
RAinnie

Xoxo
♥️♥️