"Ishq- e- aagaz yeh kaisa hain is ehsaas ka ,tumse juda hoke bhi tumse juda nahi hain hum

Ishq -e- aagaz yeh kaisa hain is ehsaas ka ,tumse juda hoke bhi tumse juda nahi hain hum

Agaaz-e -tadap agar aise hain is ehsaas ki,to kaun jaane iska anjaam kis mod pe aake thamega.

Kaun jaane iska anjaam kis mod pe aake rukega?"

January 1970 , In London

Waqt aur Pani alag alag se in do ke naam hain.Juda inki har ek baat hain,nazron me duniya ki inka koi mel nahi ,koi aapas me jo jode inhe aise koi dor nahi. Par nazar badal ke agar dekho mere yaaro to inme kuch alag sa hain hi nahi .

Purak hain yeh dono ekduje ke ,fitrat kaho ya adat inki naa koi jaan saka , na pehchaan saka .Kab kis pal me kis karwat yeh dono mud jaaye, kab kahan kis mod pe isme koi dub jaaye ,waqt ho ya pani kab kise kahan baha le jaaye koi nahi jaanta.

Ab sabko aisa lagega main yeh aaj pani aur waqt pe itna zor kyun de raha hun.Hahahahah woh isliye kyuki Abhay Aur Shree dono waqt aur pani jaise hi to the - ek chanchal to duja shant ,ek tofaan to duja thehrav(stable) yeh dono ek duje se itne juda hoke bhi ek duje ke purak (complete one soul) hi to hain.

London ka mausam bhi wahin ke logo ke jaisa chanchal saa tha.Bujho(predict) to jaane jaisi paheli- kab thandi ,kab garmi,kab barafbari (snowfall) aur kab sab kuch rukha sukha sa pata hi nahi chalta tha.

London ke ek hisse me agar kahi suraj hasta muskurata hua sa chamak raha hota tha to wahin kuch dur aage jaane pe barafbari (snowfall ) dekhne ka nazara mil jaata.Is khubsurat se shehar ka har ek kona jahan nazrein daalo wahan siway baraf ki safed chamkili si chadar(white snow clad) ke kuch aur dikhata hi nahi tha.

Aise lagta tha jaise yeh shehar koi canvas ho aur bhagwan bhi ise apne manmarzi ke hisaab se sajaye jaa rahe the.Kabhi safed baraf ki chadar se ,to kabhi neele neele asmaan mein narangi (orange) bunde jaise kisi ne udhel (sprinkle) si di ho.

Aise hi ek raat thi woh ,12 January 1970 ki woh raat .Main bahut thak chuka tha akhari saal tha woh meri school ka aur mehnat pucho mat .Kabhi kabhi to lagta tha kahin fail hi na ho jaun kitni bhi koshish kar lo, kitna bhi khud ko taiyaar kar lo kum hi lagta tha.Aur phir muda main pani peene khidaki ki taraf aur yakeen mano yeh sab sunke jitna tum logo ko dhakka lagega utna mujhe bhi laga tha.

Humara pyaara pyaara ABHAY school bag daal ke chori chori chupke se chupte huye ghar se bahar nikal raha tha.Itni der raat ko use nikalta dekh main darte huye uske piche gaya.Par jab uska picha kiya to dekha woh kuch dur to chala phir ruk gaya .Ruk ke usne apni charo taraf dekha ,gol gol ghuma,aur phir apna sir khujate huye zor se bola

"Yeh lo ,ab hum kya kare yeh sab to ekdum bhulbhulia jaisa hain.Sab raste ek jaise ab hum kidhar jaaye.Thandi aaaaaa ."

Bolte huye woh thoda piche hua aur ek dukaan ke pass me thodi si jagah pe jaake dubak ke baith gaya.Thand me kanpte huye main bhag ke jab is pagal ke paas ayaa pata hain isne kya kahan tha mujhse.

"Abhay kya kar rahe hain aap itni raat ko yahan pe?"

"Bhai saa aap? Hum india jaa rahe the Shree ke paas .Par ab sab kuch gol gol hain ,yeh sab kuch ek jaisa kyun hain bhai saa?Duniya gol ,yeh raste gol yeh sab kuch gol gol bhulbhuliya hain yeh to.Hum kaise jaaye kuch samajh hi nahi aa raha hain?

Aap na ek kaam karo humein ghar le chalo abhi aur phir kal airport chod dena hum wahan se shree ke pass chale jaayenge.Theek hain?"

"Par Abhay aap jaa payenge wahan pe akele?"

"Yes bhai saa, Abhay ab ek big boy hain aise hi chala jaayega chalte huye wahan pe."

Aur yeh thi Abhu ki 15 (pandravi) koshish ghar se bhag jaane ki India ke liye apni shree pass jaane ki uski ek nayi koshish me se ek.

January 1970,In India

Zip Zap Zoom.......kuch aise se hi hote the hawai jahaj ,khaskar ke us waqt ke baccho ke liye asmaan me dikhe nahi ki uchalana kudna ,chikhna chillana shuru .January ki woh zoro ki thandi ,chutti ka woh din aur uspe thand me chat pe baith ke dhup sekte huye accha accha sa woh khana ,56 bhog se kum nahi lagte the.

Aise hi subah thi woh aur jiji saa haste huye Abhay bhai saa ke sabhi khato ko (50th)pachasvi baar padhte huye bas muskuraye jaa rahi thi .Humein to ek ek shabad yaad ho chuka tha unke.

" Shree yahan sab kitna khubsurat hain par aap sabke bina sab kuch adhura hain.Kash aap hoti oops aap sab hote."

Seedhe seedhe thode kehte ki tumhe yaad kar rahe hain .Us waqt to sharam hi sabse bada gehna tha sirf ladkiyo ka hi nahi ladko ka bhi .hahahahaha

"Shree ab hum ekdum theek hain ,chust, tandurust(Fit and fine) aur ekdum khubsurat.Aap roiyega bilkul nahi,aur ache se dawa lijiyega jaise hum khubsurat hain aap bhi jaldi se ho jaaiyega.Ab chaliye muskura dijiye dekhiye hum ekdum theek hain ,humein woh Gande hospital bhi nahi jaana pada."

Khubsurat hahahaha ab bhai sa ko kaun samjhaye khubsurat ladkiya hoti hain ladke thode .Par unki har ek baat,unka har ek khat seedha dil me utar jaata tha.Humare ghar ka ek ek sadasya(member) chahe wo maa saa ho ya phir baba saa,Bhai saa ho ya phir humari choti gudiya ,humari choti behan - SIYA SISODIA . Ji haan Abhay aur Aditya bhai saa ke jaane ke baad inka janam hua tha. Humari 3 saal ki choti si Siya.

Ya phir Nishta jiji ya Tara jiji sa sabko lafz dar lafz ratt chuka tha,Abhai bhai sa ke sabhi khatt.

Aur phir humara dhyan tuta humare khyalo se jab humne Shree jiji saa ki awaz suni uchalte kudte huye , chilaate huye

"Shamu woh dekhooo,Hawai Jahaj chlo jaldi jaldi sab bandh lo hum dur desh jaa rahe hain.Aapke Abhay saa ke pass rukiye humein ise rokne dijiye jaldi se kahin is baar bhi yeh humein yahi par chod ke nikal na jaaye.

Is baar to inhe humein saath le jaana hi hoga.Kaise nahi jaayegi awaaz humari in tak dur hain to kya hua.Ruko abhi awaz dete hain hum inhe .

Hawai Jahaj wale bhaiyaaaaaaaaaaaa...rukiye humein bhi saath le chaliye .Humare Abhay humara intezaar kar rahe hain.Kuch dur tak chod dijiye.Hum aage jaake phir kisi aur Hawa jahaj wale bhaiya se puch lenge.Hawai Jahaj wale bhaiyaaaaaaaaa humein leke jaaiye .suniyeeee."

Jiji saa ka woh murjhaya hua sa chehra,unke mann ki udasi aur seene ki tadap unki ankhon se saaf saaf jhalak rahi thi .Jise dekh ke humara mann dil humein baar baar kachot (yearning) raha tha ki ,aisa kya kare jis se jiji ko thoda sukoon de sake ?Aisa kya kare jis se Abhay bhai sa aur Shree jiji saa ek duje ko dekh sake ,ek duje se mil sake.

Par phir wahi baat hum majbur the, to siway jiji ke mann ko tasalli deke unhe shant karne ke siwa humein aur koi raasta nahi dikha.Umeed hain to jeevan hain ,aur umeed se hi to yeh sari duniya chalti hain.Isliye hum bhi jiji ke kandhe(shoulder) pe haath rakhte huye unke mann ke andhere kono(corner) mein ek umeed ka diya jalane ki koshish kar rahe the.

"Shree jiji saa, aap apna dil chota mat kijiye , hum hain na aapke saath.Koi baat nahi jo phir se hum chuk gaye ,shayad aaj phir unhe humari awaz theek se suni nahi hogi ,hum dono kal phir se koshish karenge aur phir dekhiyega unhe pakka se humari awaz sunayi degi aur woh humein le jaayenge apne saath."

Tabhi achank se humein seedhiyon(stairs) se payal (anklet)ki dheemi dheemi awaz sunayi di -chann chann karte huye.Sach kahein to woh awaz is duniya ki sabse sukoon bhari aur sabse meethi awaz lagti thi humein . Jaise koi lori suna raha ho par payal baja baja ke.Woh bhi kya ehsaas tha nahi ?Maa ki mamta ke aanchal mein hum kab bade ho jaate the pata hi nahi chalata tha.

Maa duniya ka sabse khubsurat ehsaas aur sabse khaas sa naam aur ho bhi kyun nahi .Jab aapka naam aapka wajood sab unhi se juda ho .

"Shree ,Shamu beta aap dono yahan is waqt chatt par kya kar rahi hain?Aapke baba saa aur bhai sa kab se aap dono ko niche dhunde jaa rahe hain."

Aur yeh lijiye maa saa ne phir humari soch ki gaddi(car) ko wahin break laga ke rok diya.Aur jab humne unhe mud ke dekha ,woh wahin khadi thi humare saamne siya ko godi me uthaye huye,ek pyaari si muskaan ke saath.Unki ankhon ki woh chamak ,unke chehre ka woh noor aaj bhi humari ankhon ke aage aajata hain.

"Shamu beta aap ab tak wahin khadi hain, kis soch me gum hain aap dono ,chaliye jaldi kijiye .Aur shree agar aap ab bhi yahi rahi ,to hum bata dete hain Abhay saa aur Aditya saa se bin baat kiye hi rehna padega aap dono ko ."

"Sacchi maa saa? Hum abhi jaate hain chaliye shamu jaldi kijiye ,chaliye chaliye."

Aur yeh Shree jiji ,le gayi humein apne saath phir se ghasit te huye niche.Kabhi kabhi to hum yeh sochte hain ki, kya koi rishta, koi ehsaas itna gehra aur itna khaas hosakta hain ki milon dur hoke bhi woh waisa ka waisa hi rahe ?Par yeh ehsaas to aur gehrata jaa raha tha har gujarte huye din ke saath.

Kya humein bhi kabhi koi aisa saathi milega?Kya Shree jiji ki tarah hum bhi kabhi us ehsaas ko mehsus kar payenge,un lamho ko jee paayenge jinhe jiji har lamha jeeya karti hain .Kaun jaane Shayad koi aisa kabhi humein bhi mil jaaye?

"Arey ! Jiji thoda dheere chaliye, hum dono gir jaayenge .Agar aap aise hi bhagte rahe na seedhiyon (stairs)par se aaye din, to hum bata rahe hain aap pakka kisi din gir jaaoge zor se yahan se."

"Shamu Abhay hain ,humara matlab hain ki Adi bhai saa hain agar hum der se wahan gaye to unhe bura lag jayega naa,unka dil tut jaayega naa?To kya hua agar unka dil rakhne ke liye humein choti moti chot agar lag bhi jaaye to yeh bhi sahi."

-----------------#-------------------

Heyaa everyone!!

We are back with the another chotu sa update of Mehr-o-Mah.

Sorry guyz , we have divided this update in 2 parts because its a bit long one. We thought to end it on another point which was making it an update of 8 k or may be 9k.

Hope you guyz can connect with their emotions.

See you guyz super soon.

Love
RAinnie

XOXO
❤️❤️