RJ's POV

"Hindi. Tara na." sinuksok ko na lang 'yung kamay ko sa bulsa ng pants ko dahil hindi niya inaalis ang tingin niya sa kamay ko.

"Uhm, mag tricycle na kaya tayo?" alinlangan na suggest sa'kin ni Liya.

Napansin ko sa kaniya na parang hindi siya komportable kasama ako o nahihiya lang siya magsalita?

Baka, both.

"Sayang sa pamasahe." sagot ko na lang. "Tyaka hindi naman matingkad ang init at hindi rin ako nagmamadali umuwi."

Kung magta-tricycle kami, edi napabilis kami sa pag uwi. Gusto ko pa siya masakama ng matagal sa paglakad 'no!

Dapat kasi tatabi ako sa kaniya kanina habang nagsusulat ako pero naunahan ako ni Paul, amp!

Napatingin ako sa kaniya na diretsyong nakatingin sa daan at tumatango-tango. Mukha siyang napilitan lang.

"Pero kung ayaw mo maglakad, okay lang, pwede ka na mauna." nagtatampo na sabi ko.

Napapikit ako bigla, amp! Bobo ka Rj! Dapat hindi mo na sinabi 'yon!

Mabuti na lang at wala siyang reklamo. At nagpasalamat pa nga. Natawa na lang ako sa kaniya.

"May nakakatawa ba?" tanong niya habang inaayos ang buhok niya na hinahangin.

Mas lalo siyang gumaganda kapag mas matagal siya kasama.

Biniro ko na lang siya na liligawan ko siya pero nagsisimula na maging seryoso ang itsura niya, medyo nakakatakot.

"Joke lang! Binibiro lang kita." tumawa ako nang malakas. "Friends lang muna tayo."

Mas okay na 'yung friends muna!

Makalipas ang isang araw, binalik na sa'kin ni Liya 'yung polo ko. Mukha pa nga siyang badtrip e.

"Paul, doon tayo upo." pagyaya ko sa kaniya sabay turo sa likod ng upuan nila Liya.

"Bakit?" kunot noo na sabi niya.

"Ano..kasi.." napatingin ako sa ceiling at sakto naman na may electric fan na nakatapat sa upuan nina Liya. "Init kasi rito, pre!" kinuha ko pa ang notebook ko at pinang-paypay ko. "Panget mo pumili ng mauupuan!" reklamo ko sa kaniya.

Kahit ang totoo, gusto ko lang talaga na malapit ako kay Liya.

"Anong ako?! Si ma'am pumili nito!" sagot niya.

Kahit kailan talaga hindi magpapatalo 'tong si Paul. Basta alam niyang nasa tama siya, sasagot-sagutin ka niya.

"Ingay niyo." sabi ni Junjun na wala sa mood.

Nagsimula na ako maglakad palapit sa upuan nila bibit ang bag ko. Nagdalawang isip pa ako kung sa likod ba ako ni Liya o ni Thea?

Kapag sa likod ako ni Liya, literal na likod niya lang ang makikita ko. Pero kapag sa likod ako ni Thea umupo, makikita po pa nang kaunti ang mukha ni Liya hehe.

"Bakit kayo nandiyan?" napalingon si Thea sa'min nang gumawa ng ingay ang upuan namin.

Umupo na ako at nakita ko sa peripheral vision ko na lumingon din si Liya. Ha! Sabi ko na lilingon siya e haha!

Ngingitian ko sana siya nang tumingin din ako sa kaniya pero agad siyang umiwas ng tingin.

"Dito na kami uupo." sagot ni Junjun.

Umakto-akto na talaga ako na nagpapahangin sa electric fan para walang masabi 'tong si Paul!

Pasulyap-sulyap ako kay Liya habang nagtuturo ang teacher namin. Nakakainis lang kasi hindi man lang siya lumilingon.

Hinintay ko na lang mag uwian, tutal sabay naman kami hehe.

"Rj!" sigaw ni Paul at hinahabol ako.

Nakita ko kasi si Liya na lumabas agad at hindi ako hinintay.

"Bakit?"

"Saan ka pupunta?" tanong niya.

"Uuwi na." inosente na sagot ko, tatalikod na sana ako pero hinila niya ang braso ko.

"Sa comshop muna tayo!" pagyaya niya. "Kasama si Junjun at Lou!"

Wrong timing naman 'to!

Bumalik ang tingin ko kina Liya na palabas na ng gate.

Marahas kong tinanggal ang kamay ni Paul sa braso ko. "Next time na lang ako, hindi ako pwede ngayon e. May pupunta pa kami ni mama, babye na!" nagmamadali na sabi ko.

Hindi ko na hinintay ang sagot nila, tumakbo na agad ako papunta kina Liya. Gusto ko pa makilala si Liya.

Ewan ko ba kung anong meron sa kaniya at bakit.. bakit gustong-gusto ko siya makilala.

"Uy, Liya sabay na tayo!" sigaw ko habang tumatakbo palapit. Narinig niya naman ako agad kaya huminto siya hanggang sa iniwan na siya ni Thea.

Ang hindi ko maintindihan, bigla niya na lang ako iniwasan. Meron pa siyang rason kung bakit hindi siya makakasabay sa'kin, e kaninang umaga pa lang halatang-halata na sa kaniya na iniiwasan niya ako.

Ano ba nangyayari sa kaniya?

Pagkauwi ko sa bahay, kumain na agad ako at nag online. Nasaktuhan naman na online rin si Liya. Chinat ko siya kung nakauwi na ba siya pero ang reply niya sa'kin 'Like'?? Tama ba 'yun?

O baka naman kaya 'like' kasi baka..

Baka gusto niya ako?

"HAHAHAHAHA asa ka naman, Rj." natatawa na sabi ko sa sarili ko habang umiiling-iling at hawak ang cellphone ko.

Makalipas ang ilang araw hindi na talaga ako kinakausap ni Liya. Hinayaan ko na lang, anong magagawa ko.

"Nag sorry pala si Yhulo noong nakaraan." sabi ni Paul sa'min ni Junjun.

"Bakit naman?" sagot ko.

"Sorry raw kasi nagsumbong siya." sabi ni Paul sabay hawak sa dibdib niya. "Sabi ko nga sa kaniya sainyo siya mag sorry e, pero nahihiya raw siya." nagkibit-balikat na lang ito.

Napalingon si Paul sa direksyon nina Liya. Kumunot ang noo ko nang mapansin ko si Paul na biglang ngumisi.

"Huli ka.." sabi ni Paul habang tumatango-tango.

"Nababaliw na naman tropa mo." natatawa na sabi sa'kin ni Junjun.

Napasandal ako sa upuan ko nang biglang lumingon sa'kin si Paul.

"Bakit parang may napapansin ako?" nakangisi na sabi niya sa'kin.

"Ha?"

"Junjun, may napapansin ako. Ikaw ba? Wala ka bang napapansin?" sabi ni Paul kay Junjun.

"Ano na naman ba 'yon, Paul?" tanong ko sa kaniya.

"Oo, may napapansin din ako." sagot bigla ni Junjun at ngumiti ng napakalawak.

Anong napapansin nila? Bakit ako wala naman akong napapansin?

Nakatingin lang silang dalawa sa'kin. Parang nag uusap ang mga mata nila. Pakiramdam ko tuloy tinatraydor ako ng dalawang 'to, amp!

"Hindi na kayo nagpapansinan ni Liya?" ngiting-ngiti na tanong ni Junjun.

Kinakabahan ako sa tanong nila.

"Ha? Oo, ay hindi. Ay ewan ko! Bakit ba?!" nairita ako sa tanong ni Junjun!

Nagulat na lang ako nang biglang tumawa si Paul.

"Pre, okay lang 'yan." tinapik-tapik niya ang balikat ko. "Naalala mo ba noong tinanggihan mo kami, nung hindi ka sumama sa pagpunta namin sa comshop nung uwian non?" sabi ni Paul at hindi maalis ang ngiti sa labi niya. "Kitang-kita namin bro kung paano ka rin tinanggihan ni Liya na sabayan siya sa pag uwi!" biglang humagalpak sa tawa si Junjun at Paul.

Napahawak ako sa noo ko. Seryoso? Nakita nila 'yon?!

"Oy, Liya!" biglang sigaw si Paul. "Miss ka na raw kasabay ni Rj!" tumawa siya nang malakas. Halos malaglag na si Junjun sa upuan sa kakatawa.

Gusto ko siyang sapakin sa ginawa niya pero hindi ako makagalaw sa kinauupuan ko sa kaba!

Napailing na lang ako, hindi ako makatingin kay Liya sa sobrang hiya.

Nang sabado na ay pumunta ako sa bahay nina Paul.

"Ano, pre? Chinat mo na ba si Liya?" bungad niya agad sa'kin. Hindi pa nga ako nakakaupo kung ano ano na agad sinasabi niya!

"Pwede pahingi muna ako tubig?" inirapan ko siya at tumawa lang siya.

"Sinabi ko na sa'yo.." sabi ni Paul habang nagsasalin ng tubig sa baso. "I-chat mo kung gusto mo at tanungin mo kung bakit hindi ka na niya pinapansin. Ganoon!" sabay abot sa'kin ng baso.

Ininuman ko kaagad 'yon.

"Okay lang naman sa'kin e." sabi ko.

Parang may bigla na lang na tumusok sa puso ko na kung ano matapos ko sabihin 'yon.

"Okay? Ano?! Okay?!" sigaw ni Paul at tumawa na naman siya. "Eh halos wala ngang araw na hindi ka tumitingin kay Liya lalo na kapag uwian kasi umaasa ka na sasabayan ka pa niya!" natatawa na sabi ni Paul.

"Hindi ko siya tinitignan 'no!" tanggi ko agad at binigay sa kaniya 'yung baso.

Kahit sa totoo lang, tinitignan ko naman talaga siya. Tama naman si Paul.

"Sus, pre! Palagi tayong magkasama at bawat kilos mo napagmamasdan namin ni Junjun!" sabi niya. "Wala kang matatago sa'min."

Sa sobrang kulit ni Paul. Nag chat siya kay Liya ng 'Hi' at sabi niya na sasabihin niya raw kay Liya na ako ang nag send nun!

"Kapag ginawa mo 'yan, sasabihin ko sa ate mo lahat ng kagaguhan na pinagggawa mo sa iba't-ibang babae na nagkagusto sa'yo, sige ka!" banta ko sa kaniya habang hawak ko ang kamay niya na pinipigilan ko.

"Oo na! Oo na! Hindi ko na sasabihin." natatawang sabi niya. "Bitawan mo na ako." tuwang-tuwa siya na tinago ang cellphone niya.

Mabuti na lang at hindi niya ginawa. Kasi kung ginawa niya, hindi ako magdadalawang isip na magsumbong sa ate niya! Haha!

"HAHAHAHAHAA" pagtawa ni Paul habang naglalakad kami papunta sa classroom.

Magkakasabay kami nina Lou pumasok ngayon. Simula ngayon, sabay-sabay na kami papasok.

Nang makaapak na si Paul sa classroom ay bigla na lang ito tumigil sa pagtawa at lumingon sa'kin.

"Ay, Rj! May nagkakacrush daw sa'yo!" gulat akong napatingin sa kaniya at tumahimik ang mga kaklase namin.

"Gago" walang pake na sagot ko at diretsyo na sa upuan ko, sa likod ni Thea.

"Sino?" chismoso na sabi ni Junjun. Galing din um-acting ng isang 'to. "'Yun ba 'yung gustong magpapicture kay Rj noong friday?"

Noong friday ampota?! mga gumagawa na naman ng kwento, amp!

"Pinagsasabi mo?" kunot noo na tanong ko kay Junjun.

Hindi ako mapakali dahil sa mga pinagsasabi nila at naririnig 'yon ni Liya!

"Si Cassie, pre!" sabi ni Paul. "Ano nakalimutan mo na agad? Nag sabado at linggo lang nagka amnesia ka na?"

Hindi na lang ako sumagot, nagdasal na lang ako na sana ay patawarin si Paul at Junjun sa kasinungalingan na sinasabi nila.

Nakisabat pa si Thea na mukahng interesado at nauto nitong dalawa kong kaibigan.

"Taga doon sa ano, sa kabilang building." sagot ni Junjun.

Siniko ko si Junjun, sign 'yon na pinapatigil ko na sila pero nagtanong na naman si Thea!

Mas lalo akong nataranta dahil hindi talaga lumilingon si Liya sa'min. Galit ba siya?

"Ano full name?" tanong ni Thea.

Napatingin ako kay Liya na bahagyang lumingon sa'min pero agad din umiwas.

"Cassie Smith!" mariin na sabi ni Paul.

Cassie Smith, amp! Totoong tao pa nga ang sinabi nito ni Paul! Mapapahamak ako sa sinasabi niya eh!

"Oh, really? I wanna see her." pakikipagchismisan ni Thea kina Paul.

"Do you want? Well, you can kita her kapag time to go home na." sagot sa kaniya ni Junjun dahilan para tumawa nang pagkalakas-lakas si Paul.

Kahit ako natawa.

"Ngayon lang kita narinig mag english." sabi ko sa kaniya.

"Ngayon lang din kita nakita na nagpapakatorpe--aray!" hinampas ko nang malakas ang kaliwang braso niya.

Alam kong alam na nila na parang may gusto ako kay Liya. Parang lang naman, hindi pa ako sure.

Paano ba naman kasi, sa panay iwas niya ay parang nagkakagusto ako sa kaniya!

Recess na nang magsama-sama kami nina Lou. Nasa iisang table lang kami ni Liya kaya medyo ang awkward sa feeling! Ewan ko ba kung bakit ganito.

"Tahimik niyong dalawa ah?" sabi ni Paul sa'min ni Liya habang nakangisi siya. "May problema ba tayo?"

Gusto ko na talaga siya sapakin!

"H-ha? Wala naman." sagot ni Liya.

Nag fofocus na lang ako sa pagkain ko, hindi ko magawang makipagdaldalan sa iba dahil parang may parte sa'kin na nahihiyang dumaldal.

"Diba dati nag uusap pa kayo tapos sabay pa kayo umuuwi?" nagtataka na sabi ni Junjun habang ngumunguya ng tinapay.

Sinamaan ko kaagad siya nang tingin habang si Paul ay nagpipigil ng tawa.

"Ay, oo nga?" biglang sabi ni Lou. "Nakikita ko kayong dalawa dati na sabay eh." inosente na sabi niya at tinuro-turo pa kaming dalawa ni Liya.

Walang alam dito si Lou kaya napabuntong hininga na lang ako. Hindi ko alam ang isasagot ko!

"Bakit 'di na kayo nagsasabay--ah!" sinipa ko ang paa ni Paul na nasa ilalim ng lamesa. Pasimple pa ako na kumakain.

"Ano 'yon?" narinig ko na sabi ni Liya habang nakasilip sa ilalim ng lamesa.

Pinagmasdan kami ni Liya. Kaya napatingin ako sa kaniya at bigla naman siya umiwas ng tingin.

"Woaaah!!" napalingon kaming lahat sa mga lalake na nasa kabilang table.

"What"s that?!" windang na sabi ni Thea.

"Ate, crush ka raw nito!" sigaw ng isang lalake doon sa babae na naglalakad.

Nanlaki ang mga mata ko nang makita ko ang babae na pinagkakaguluhan nila. Agad akong napalingon kay Paul.

"Si..." naistatwa si Paul habang nakaturo sa direksyon nung babae. "Si Cassie!"

Anak ng!

Napalunok agad ako. Pakiramdam ko naguiguilty ako na ewan!

"Omygash!" react ni Thea. "Rj, siya ba 'yung nagkakagusto sayo? OMG, she's gorgeous!" dilat na dilat ang mga mata ni Thea.

Napatingin ako kay Liya na parang nawalan ng gana kumain. Nakita ko pa na parang siyang may binulong habang nanguya.

"Ha? Ano?" sabi sa kaniya ni Thea nang hindi niya narinig ang binulong ni Liya.

Napatingin ako kay Paul at Junjun na ngayon ay parang walang pakiealam at gusto na tumakas ngayon. Hindi sila makatingin sa'kin.

"Tapos na ako kumain." tumayo agad ako, gusto ko na umalis sa canteen na 'to!

Didiretsyo muna ako sa basurahan para itapon ang mga balat na pinagkainan ko.

"Rj, wait lang!" sigaw ni Junjun dahilan para mapalingon ako sa kanila.

"Ouch!" react ng isang babae na naramdaman kong bumangga sa harap ko.

Biglang natahimik 'yung mga lalakeng nagsisigawan kanina nang may nabangga ako.

"Shit." nabangga ko si Cassie. Gulat na gulat siyang nakatingin sa'kin.

Napatingin ako sa table namin nina Liya, imbes na kina Paul ako tumingin ay kay Liya ako nakatingin na nakakunot na ngayon ang noo.

"Ikaw si Rj, diba?" biglang sabi ni Cassie dahilan para mapalingon ulit ako sa kaniya.

"H-ha? A-ah.."

Hindi ko pa siya nasasagot ng maayos pero nakita ko kaagad si Liya sa likod ni Cassie na nagmamadaling maglakad palabas ng canteen, hinahabol pa siya ni Thea.

"Hello?" humarang si Cassie sa direksyon na tinitignan ko.

"Ay! O-oo, ako nga hehe." naiilang na sabi ko.

Paano na ito? Hindi ko na alam ang gagawin ko dahil nag walk out na si Liya. Bakit ba siya ang iniisip ko?