Owtor's Nowt: Happy birthday to me!! Hehehe

"Lights!!" Alas siete pa lang ng umaga, ang malakas na boses na ni Ray ang naririnig nila pagpasok pa lang nila Majz at Makai sa 4th floor.

"Beaming!" Ganting sigaw naman ni Celso na nagpalingon sa kanila sa kinaroroonan nito. Napangiti silang dalawa na nagkatinginan.

"Sounds!" Muling sigaw ng kanilang sound engineer na nagpabalik ng tingin nila sa lalaki.

Napatayo na lang sila sa bungad ng palapag at masayang pinagmasdan ang dalawang lalaki na seryosong masyado sa kanilang parehong ginagawa. Isang sound engineer at isang electrical engineer, both turn lightman, editor at kung ano-ano pa, minsan palibhasa parehong may background sa filmaking at videography ang dalawang lalaki na parehong nagtapos ng kursong engineering kaya mas pinili ni Makai na makuha ang mga ito bilang kasama sa team niya.

"Loud and clear!" Balik sigaw ni Celso na mukhang aburido. Muntik nang matawa si Majz kasi parang wala itong gana at napipilitan lang na gawin kung ano man itong ginagawa nilang dalawa.

"Camera!" Napahalukipkip si Majz at sinusupil ang tawa, ganun din si Majz. Siya namang daan ni Cookiee sa tabi nila.

"Kanina pa yang dalawang yan." Saad ni Cookie. "Pang-apat na beses na yan." Tuloy-tuloy na dumaan ito sa pagitan nila, tulak-tulak ang rack ng mga damit na gagamitin sa photoshoot ngayon.

"Rolling!" Aburidong sigaw ni Celso na nagpatawa sa dalawang kararating lang.

"Bakit may rolling? Di ba photoshoots lang ngayon? Still shots?" Nagtatakang tanong ni Majz. Napailing lang si Makai.

"Kuya Ray, nagpapraktis ka na ba para sa pag-alis ko?" Natatawang panunukso ni Makai. Kumunot ang noo ng dalawang lalaki, nagkatinginan.

"Aalis? Kelan?" Tanong ni Celso. Nakataas ang isang kilay nitong naghihintay ng sagot ni Makai.

"Mahabang kwento, Kuya Ray. Ikukwento namin sa inyo mmamaya." Si Majz na ang sumagot.

"Ano yang ginagawa n'yo?" Tanong ni Makai para mailayo ang usapansa kanya.

"Eto? Testing lang. Hindi ito gagamitin mamaya" Nakangising sagot ni Ray. "May bago kaming equipment na sinusubukan lang namin ni Celso. Ginawa namin ito nung wala kayong dalawa ni Majestic." Tumaas ang kilay ni Makai.

"Majestic?" Pag-ulit ng pinsan sabay lingon sa kanya na may nakakalokong ngiti. Inirapan niya lang ito.

"Saan naman galing yun?" Tanong ni Majz na natatawa. "At sino yun?" Balik-tanong niya sa lalaki na may malapad na ngiti. Kunwari ay hindi kilala ang tinutukoy.

"Echosera 'to." Pabulong na bigkas ni Makai. Natawa naman si Ray at Celso.

Kababalik lang nila galing sa isang extended vacation, three days lang naman silang na-extend para pagbigyan ang hiling ng pamilya nila na pumunta ng Bataan para makapag-bonding ang lahat. Para mas maplantsa ang gusot ng pamilya at nang makapagsimulang muli.

Hindi naman na kagulat-gulat nang makatanggap sila ni Makai ng tawag mula kay Cherrie, asisstant ni Ella, para sabihin sa kanila na okay lang kung mag-extend na muna sila kasama ng pamilya dahil nabanggit nga nila na may kailangan lang silang uwiin ni Makai sa San Nicolas nung nakaraang weekend kaya nga niya tinapos ang lahat ng gagawin para ayos lang sa pagbabablik nila kahit ma-late pa sila.

Dahil nga natapos naman nila ang lahat ng kanilang edits bago pa nag-wloong eekened off sila ni Makai at walang ibang meeting para sa kanila maliban sa Samoñedo Apparels, kaya okay lang na tanghali na silang pumasok. Nai-reschedule ni Mr. Mundoñedo ang meeting nila kaya nga tumawag si Cherrie sa kanila, kaya ayos na rin kung Lunes na ang balik nila sa trabaho since Tuesday pa ang schedule ng meeting nila.

Hindi na lang sila kumibo at umuo na lang nang ipaalam ni Cherrie sa kanila ang pagbabago ng schedule nila. Nasa tabi lang naman nila si Niel nang mag-call back si Cherrie. Ayos na sa kanila na Lunes na ang balik nila.

Ganun na lang ang tuwa ni Korina nang ipaalam nila na maluwag ang kanilang buong Linggo. Sa wakas, makakasama pa nito ang silang dalawa nang medyo matagal bago humarap sa problema ng mga ito sa San Nicolas, ang Tatay Tomas nito.

Kinabukasan, matapos na maresolbahan ang problema, issues at hang-ups ng bawat isa ay tumulak silang lahat papuntang Bataan para sa isang vacation na ngayon lang uli gagawin ng pamilya Samonte simula ng mamatay si Soling at Aning.

Napagkasunduang kasama ang lahat ng nasa hapag-kainan na yun at ang anak ni Martin, si Edmond, kasama ang asawang si Toni na bibisita din pala sa San Nicolas. Naging maayos naman ang pagtanggap ng mga ito kay Bebeng at sa buong pamilya ng Samonte. Nagpapasalamat pa nga si Edmond dahil may mag-aalaga na sa ama-amahan. Si Doray at Roman? Wala nang iringan at tarayan dahil natuloy na rin sa wakas ang kasal ng mga ito kahapon pagkagaling sa restaurant. Sinalubong sila ni Aaron at David para samahan sa sala ni Mayor Isko.

Si Lagring? Tinanggap nito ang tulong na inaalok ni Lance sa payo na rin ng magkakapatid na Samonte, Roman at Martin. Kaya matapos ang kasal nila Romano at Doray ay bumalik sila sa bahay ni Bebeng.

Si Korina at Manuel ay nagpasyang magpakasal sa darating na buwan pumayag man o hindi si Tomas. Masaya ang buong pamilya, bago pa lubusang lumalim ang gabi ay ay nagpaalam na si Aaron at David na uuwi na. As usual, nagpaiwan si Lance. At katulad ng gabing nagdaan, sama-sama uli sila sa iisang kwarto at hinayaan si Sepring na matulo sa kwarto ni Majz at sa kwarto naman ni Makai ang bagong kasal na Romano at Doray.

"Kuya Ray, sino itong Majestic na ito at mukhang inspired kayong lahat sa presence niya ah." Tanong ni Makai na may kalakasan na nagpabalik sa kanya mula sa paglalayag ng kanyang isipan.

"Hoy, babaeng walang pahinga! Babaan mo yang boses mo dahil nasisira ang eardrums namin!" Sigaw ni Lupita. Kalalabas lang nito ng elevator. Tumaas ng limang floor ang kilay ni Makai na nagpatawa kay Majz.

"Wow! Nagsalita ang napakatahimik at himig anghel na lamang lupa! Nahiya naman ako sa iyo, babaeng walang matris!" Ganting pang-iinis ni Makai sa kasamahan sa trabaho.

"Ayan, ganyan. Eh di buhay na naman ang 4th floor." Masayang turan ni Cookie natulak-tulak ang maliit na cart na pinaglalagyan ng kanyang maliit na sewing machine. sinulid, gunting, karayom at kung ano-ano pang kakailanganin para sa wardrobe kung sakaling may kailangang baguhin o mag-malfunction man ito.

"Oo nga. Nagising na ang mga anghel na hindi namin alam kung kelan babalik. Pati yata si Sir Logan sinolo na McNight eh." Pataas baba pa ang mga kilay na may halong panunuksong komento ni Celso.

Nagkakatinginan ang magpinsan. Ngayon lang uli nila naalala na si Logan nga pala ang kilala ng mga ito.

"Ano yan tinginan na yan?" Puna ni Lupita. "Kilala na namin kayo eh. Yang tinginan na yan minsan, may inililihim kayo eh?" Pambubusisi nito sa kanila.

"Hindi kasama si Logan sa bakasyon namin." Malungkot na sagot ni Makai. "Si Lance ang kasama namin." Dugtong pa niya na hindi man lang naisip na wala palang alam nag mga ito sa kaganapan sa labas ng building na ito.

"Lance?!" Chorus ng mga kasamahan nila. Nakatitig lang sa kanila ang apat na kasamahan.

"Yeah?" Malumanay sa sagot ng isang baritonong boses sa bukana ng palapag. Sabay-sabay silang napalingon sa papalapit na binata. Parang biglang nabilaukan si Majz. Hindi alam ang sasabihin. Napansin yun ni Makai.

"Mr. Scott. Nandiyan na pala kayo." Mabilis na nilapitan ni Makai ang binata. "You are Logan again, remember?" Bulong nito sa binata. Biglang naman nagliwanag ang mukha nito.

"Sorry. I forgot." Nakangisi nitong paghingi ng paumanhin kay Makai.

"Kuya Ray, ready na ba yung photographer natin?" Pag-iiba ni Madz ng usapan. Nakabawi man ay mababanaag mo sa boses niya ang kaba.

"Wala pa siya dito pero parating na rin yun. Alas onse pa naman ang call time nun eh." Si Cookie na ang sumagot habang nakatutok ang mga mata nito kay Lance. Pinapanood itong papalapit kay Majz, nananantiya. Dudukwang sana ang binata para halikan ang dalaga pero tinawag kaagad ito ni Makai.

"Logan!" Pinakadiin-diinan ni Makai ang pangalan ng kapatid nito para matauhan si Lance. "Ten o'clock pa ang call time di ba?" Nakalutang yata ang utak ni Lance dahil kasasabi pa lang ni Makai dito kanina na hindi siya Lance ngayon kundi si Logan pero heto ito at talagang hindi mapigil ang sarili. Gusto tuloy matawa ni Makai kung hindi lang nito iniisip na nasa Villafuente sila.

"Sir Logan, long time no see." Biglang nasabi ni Majz sa pagkataranta. Kumunot ang noo ni Lance sa kanya. Nilingon nito uli si Makai na kunwari ay may ginagawa pero nakasulyap sa kanila na ngingiti-ngiti. Napailing si Lance. Kailangan niyang makabawi.

"Oh yeah. I'm sorry." Mabilis nitong sagot pero may pilyong ngiti. "Gusto ko lang sanang halikan sa pisngi ang future sister in law ko, masama ba yun?" Pinamulahan ng pisngi si Majz sa hayagang panunukso ni Lance sa kanya. Napasapo si Makai sa noo dahil sa palusot nito.

"SISTER IN LAW?!" Sabay-sabay na sambit ng apat na pare-parehong nakataas ang kilay. Parehong napangiwi ng mukha si Madz at Makai. Laglag naman ang balikat ni Lance. It's time. Sigaw ng isip ng binata.

"Sasakalin kita Lance eh!" Pabulong at puno ng panggigigil na saad ni Majz. Mahinang tumawa lang si Lance. Pinipigil ang sariling wag yakapin ang kasintahan.

"Yeah. Sister in law." Pag-ulit pa nito na sinabayan pa ng lingon sa kanya. Naiinis si Majz dahil lumalabas ang pagkamakulit na side ni Lance. She finds it cute and amusing most of the time but not today. He's so exasperating. Sasamain sa akin ang lalaking ito eh! Sigaw ng isip niya sabay irap sa binata. Mahinang humalakhak si Lance.

"Kapatid ni Logan ang boyfriend ni pinsan." Sagot ni Makai sabay abri-siete kay Lance. Nagulat man silang dalawa ni Lance dahil sa ginawa ni Makai ay hindi na rin naman nagreklamo ngunit pansin ang inis sa mukha ni Majz.

"Wow. Siya ba yung batang CEO ng Scotts Towers?" Naniningkit ang mga mata ni Lupita na may paturo-turo pa kay Lance. Tumango si Lance.

"Duro talaga?" Asik ni Makai kay Lupita na hindi nito pinansin.

"Yup. He's one of my triplets." Saad ni Lance bilang Logan. Sa wakas, tumimo na rin sa utak niya na nasa Villafuente pala siya.

"Sir Logan, ang swerte naman pala ng kapatid mo at itong si Majestic ang naging girlfriend niya." Puno ng paghanga sa saad ni Cookie. Tumango lang si Lance kahit na nahihimigan niya ng pagkasarkastiko ng wardrobe specialist nila. Mapagmahal na lang niyang nilingon si Majz.

"Yes, he is." Puno ng paghangang sang-ayon ni Lance.

"Eh sir Logan, kung si Sir Lance pala ang boyfriend ni Majestic, bakit ikaw ang hahalik sa kanya?" Tanong ni Celso. Balik topic sila. Napaubong lumingon si Lance kay Celso bago mapatingin sa humagikhik na si Makai.

"Oh, you are having too much fun watching us, huh!" Hindi na napigil pa ni Makai ang sarili. Inihit na ito ng tawa dahil sa awkward na mga pangyayari. Nakasimangot na ng todo si Majz. Ramdam naman ni Lance ang talim ng tingin ng kasintahan kahit na hindi pa niya ito lingunin.

"No, not really, but keep going." Tatawa-tawa nitong utos sa katipan ng pinsan. Let's see how you weasel your way out of this. Mapaghamon na titig nito sa binata. Maangas na ngumiti si Lance.

"Hindi kasi makakapunta dito mamaya si Lance dahil may meeting siya. Ibigay ko na lang daw ang kiss niya kay Jai-- I mean, kay Majz." Natawa lalo ni Makai sa pagpipilit ni Lance na magsinungaling dahil konting tulak na lang, nabubuko na sila.

"S-ir L-logan..." Nabubulol na saway ni Majz. Ngumiti lang nang nakakaloko itong si Lance a.k.a. Logan at kumindat pa s kanya na lalong nagpabuhol ng sistema niya.

"Teka. Teka. Teka." Sabay na saway ni Lupita at Cookie. Napalingon sila sa kanilang make-up artist at wardrobe specialist.

"Bakit?" Mataray na tanong ni Makai.

"Naku, McNight. Wag kami ni Lupita!" Singhal ni Cookie.

"Don't us, McNight. Don't us." Bigkas ni Lupita. Nagkatinginan silang tatlo tapos balik sa dalawang bakla, kasunod ang dalawang lalaki. Tapos balik sa kanilang tatlo.

"Anong wag kayo? Wag 'kamo ako!" Bwelta niyang sabi na bahagyang pasinghal kahit hindi naman talaga siya seryoso. Hindi naman kasi siya galit sa kanila pero kung pwede niyang daanin sa taray ay gagawin niya para maiiwas ang gustong gawin ng apat.

"Oo, McNight! Wag kami!" Pag-ulit na Lupita na ka-duet pa si Cookie.

Ibinaba sa sahig ang hawak ng overnight bag na may lamang mga makeup at lumapit kay Lance at Majz. Sinipat ang binata, ganun din ang ginawa ni Cookie. Napaatras si Majz dahil hinawi siya ng dalawang bakla para sipatin si Lance.

"I'm sorry, McNight. Hindi ito si Sir Logan. Wag na tayong maglokohan pa." Direktang sabi ni Lupita. "Makeup artist ako. Ilang beses nang mahawakan ng kamay ko ang mukha ni Sir Logan and lately, napapansin ko iba ang korte ng peklat niya sa kilay at mas may lalim nag dimple niya kesa kay Sir Logan." Simpleng nagkatinginan ang magpinsan. Buko juice na nga kami.

"Alam mo, ngayong nabanggit mo yan, laman lupa, iba na rin ang timbre ng boses niya." Sabat naman ni Celso na lumapit na rin sa dalawang bakla. "Mas may lambing ang dating at mas pormal kahit na nakikipagbiruan siya sa atin." Dugtong nito. Awkward na kasi dahil tatlo na ang nakatanghod kay Lance.

"Ay, true ka diyan, Celso. Iba din ang hapit ng mga damit sa katawan niya. Hindi sa sinasabi kong mataba ka, Mr. Scott." Natawa si Lance sa sinabi ni Cookie. "Ang sinasabi ko lang ay kinailangan ko pang kumuha ng mga damit na medyo mahaba at medyo malaki ang sukat dahil masikip ang mga ito sa bandang dibdib. Susmaryosep, namumutok! Akala ko nga sa edad ni Sir Logan ay tumangkad pa ito pero ngayon napansin mo na yan, Lupita, may kakaiba nga sa Sir Logan noon at sa Sir Logan ngayon." Tinitigan sila ni Lance ng seryoso. Napabuntong hininga si Makai.

"Kuya Ray, pakisara muna ng pinto. Kailangan nating mag-usap bago dumating ang iba." Utos ni Lance sa lalaki. Tinitigan sila nito ng maigi bago tumalima at mabilis na lumapit sa pinto para i-lock ito.

"Umupo tayo doon. Mukhang seryosong usapan na ito." Turo ni Celso sa sala set na permanenteng naka-setup sa kabilang sulok ng palapag na ginagamit nila sa mga family setup na pictorials. Pinapalitan lang kung kailangan na.

May maliit na kitchen counter sa kanilang gilid na may mga fully functioning ng mga kitchen appliances din katulad ng blender coffeemaker, toaster, oven, stove at dishwasher. May fridge din dito na kadalasang nagagamit nila kung food or drink product ang project nila.

"Dito na lang tayo." Turo naman ni Majz sa maliit na kitchen counter na parang bar tingnan. "Umupo na kayo diyan sa counter. Maghila na lang kayo stools, gagawa ako ng kape sandali." Dugtong pa niya. Kalmado na siya ngayon.

"Mabuti pa nga. Tutal maaga pa namang masyado para sa call time ng lahat." Seryosong saad ni Lupita.

"May dala akong machichima dito." Nilapitan ni Cookie ang backpack niya na nasa cart sa station niya. May dala itong isang malaking ziplock bag na puno ng iba't ibang cookies.

"Upo." Utos ni Ray sa kanilang lahat. Umupo naman sila maliban kay Majz. Kinuhanan ni Lance ng stool ang dalaga at ipinwesto sa tabi. Hindi na na pansin ng binata ang sulyapan ng apat na tapat na crew ni Makai.

Tumayo si Makai para tulungan ang pinsan sa paghahanda ng mga tasa, asukal at creamer. Inilagay nito ang mga yun isang tray at inilapag sa ibabaw ng countertop. Mamaya lang ay lumapit na rin si Majz na dala ang may kalakihang coffee decanter na may lamang freshly brewed coffee.

Kanya-kanyang naglagay ng kape ang mga ito sa mga mugs. Hinila ni Lance ang stool sa nasa tabi nito at pinaupo si Majz doon ipinuwesto nang mas malapit sa kanya. Napangiti si Ray, alam na niya.

"Kwento." Mahina ngunit seryosong utos ni Ray. Dahil mas nakatatanda sa kanila ay hindi nila ito mabara lalo pa at may pagka-intimidating din kasi ang dating nito kapag ganitong seryoso na. Tumikhim si Lance. Napatingin lahat sa kanya.

"I am Lance Muriel Villasis Scott. I am one of the triplets. I stood in for Logan dahil ilang buwan na siyang hindi nakakauwi sa bahay. Inilihim namin sa lahat dahil sa ayaw naming magbigay ng alerto sa media at ayaw din ni Tito Dean at Tita Ella na mabitin ang iba nilang kliyente na si Logan ang modelo." Panimula ni Lance.

"He was indifferent to me nung umpisa dahil hindi nga naman pala siya si Lavs. Nalalaman din lang namin na hindi siya si Lavs dahil sa tiyahin namin ni Majz. Boarder siya ng T'yang Bebeng namin matagal na." Singit ni Makai.

"Boarder? Bakit?" Sabay na tanong ng dalawang bakla.

"Duet talaga?" Asar na pambabara ni Celso. Inismirn na lang ito ng dalawa.

"Hindi ko pa kilala sila noon nang makilala ko si T'yang Bebeng." Pagpapatuloy na kwento ni Lance.

Sa buong isang oras na nakaupo sila sa maliit na kitchen set-up na iyun ay naikwento na nila ang lahat ng nangyari sa kanilang tatlo maliban sa pagpunta ni Lance sa San Nicolas at iba pa. Napapatango-tango na lang ang apat at napapailing-iling kung minsan. Tataas ang kilay sa ibang parte at kikiligin sa iba, lalo na si Lupita at Cookie.

Unti-unti ay mas nagiging komportable na si Majz na kahit ang pag-akbay ni Lance ay hindi na niya napansin pa. Tuloy lang ang kwentuhan nila hanggang sa umabot sa puntong kailangan na nilang papangakuin ang apat na wag magkukwento kahit na kanino hanggang sa matapos lang ang kontrata ni Logan, which is kapag natapos itong huling hugada ng photoshots at TVC. Matagal na katahimikan ang pumailanglang sa malapad na bulwagan ng ika-apat na palagpag ng Villafuente.

"Please?" Pagsusumamo ni Majz. "Kahit na wag na para sa amin ni Makai at Lance kundi para na lang kay Ate Ella at Kuya Dean." Napahugot ng malalim na hiningi si Ray.

"Hindi naman sinasabing mali ang ginawa nila Ella pero sana naman magawan n'yo ito ng paraan kasi mahirap na dahil matabil pa naman ang dila ng dalawang baklang ito." Masama ang tingin ng dalawa sa lalaki. "Malay ba natin na mag-aalmusal pala ng floor wax yang mga yan at madulas na tawagin kang Lance imbes na Logan." Naniningkit ang mga mata nila Cookie at Lupita sa sinabi ni Ray.

"Ay, ganun? Sino ba ang nagbuko sa kanila ngayon-ngayon lang? Di ba sila din?" Paalala ni Lupita.

"Magtigil kayo ng pagdududa sa aming mga bakla. Ganito lang kami pero..." Pinabitin nito ang sinasabi. Napalingno si Majz kay Cookie. Para tuloy siyang nakosensiya dahil sa lungkot nito.

"Pero ano?" Singhal ni Ray nam ay kasamang pandidilat. Sindakan lang 'ika nga.

"Wala. Ganito talaga kami." Pagtatapos ni Cookie. Muntik nang matawa si Majz dahil sa isinagot nito. Pero si Makai ay hindi talaga mapigil.

"Thank you, guys. Mula ngayon ay mag-iingat na kami." Sagot ni Lance na puno ng saya ang mga mata. "If just in case that we can't. Will you remind us, please?" Pakiusap niya sa apat. Malaki ang tiwala siya sa apat, hindi niya alam kung bakit pero malaki ang tiwala niya sa mga ito.

"Please lang, paki remind sila." Mabilis na sabi ni Makai. May sinusupil na kapilyahan sa ngiting namutawi sa mga labi nito na ikatakiling ng ulo ng dalwang bakla habang pagtataka naman ang dalawang lalaki.

"Bakit?" Tanong ni Celso. Natawa tuloy si Makai dahil alam niyang may asawa na si Celso pero parang napaka-clueless pa rin nito o maaaring iba lang ang trip ni Lance kesa dito?

"Ngayon pa lang may babala na ako sa inyo." Pinanlakihan ng mata ni Majz ang pinsan. Hindi niya alam ang sasabihin nito pero alam niyang ikalulubog niya sa kahihiyan.

"Ano nga?! Kukurutin ka na namin sa gilagid eh!" Singhal ni Lupita. Napatawa na lang si Makai dahil sa pambibitin niya sa mga ito.

"Balala ko kasi kasama natin si Boy Tuka!" Sagot niya sabay tayo at umalis na sa counter para ilagay ang tasa sa lababo.

"Boy Tuka?" Nalilitong tanong ni Lance. Nilingon nito si Makai pero busy na ito sa pagbabanlaw ng tasang ginamit. "Hon, sino si Boy Tuka?" Nalilitong tanong ni Lance kay Majz. Nanlaki ang mga mata ni Lupita at Cookie sa tawagan ng dalawa kaya napatili ang mga ito.

Pinamumulahan naman ng mukha ang dalaga at gusto na niyang kainin siya ng lupa. Nagulat na lamang siya nang biglang magtawanan ang apat na tauhan ni Makai. Iiling-iling ang mga ulo nito na tumayo na rin at kanya-kanya nang nagligpit ng kanilang mga ginamit.

"Lumakad na kayo doon at asikasuhin n'yo ang dapat. Kami na ni Celso ang bahala dito." Utos ni Ray. Tahimik nang tumayo si Lance at kinabig si Majs para paupuin sa sofa.

Nilingon niya ang mga kasamahan nila, wala sa kanila ang atensyon ng mga ito pero tumatawa pa rin. Nag-igting ang mga bagang ni Majz. Naiinis siya sa pinsan dahil napaka-insensitive nito.

"Hon are you okay?" Nag-aalalang tanong ni Lance sa kanya. Nakaupo ito sa tabi niya ngunit bahagya itong nakaharap sa kanya.

"I will be... after I kill Maria Kaila nad you, I will be very okay." Sagot niyang nangigigigil. Napataas ang kilay ni Lance ngunit nakangiti.

"Ano ba ang sinabi niya kanina? At sino si Boy Tuka? May bago bang talent na darating maliban sa akin?" Napalingon si Majz sa binata. Nagtataka.

"Ibang talent? Bakit? May talent na ba silang nakuha?"

--------------
End of LCIF 41: Secret's Out

Thank you for reading.the chapter. Please leave your thoughts, comments or just to say Hi, tap the 🌟 to vote, and let's share the story and give good vibes. CTTO Media used.

💖 ~ Ms J ~ 💖
09.23.19

Lights! Camera! I've Fallin…
©All Rights Reserved
March 15, 2016