Mabuti na lang.
Mabuti na lang at hindi sumasabog ang utak.
Hindi nasabog kapag puno na.
Puno ng isang baldeng hinanakit.

Mabuti na lang.
Mabuti na lang at hindi pumuputok ang puso.
Hindi naputok kapag umapaw na.
Umapaw ang balon ng sama ng loob.

Mabuti na lang!
Pero hindi mabuti ang lahat ng sobra.
Sobra-sobrang hinanakit.
Pakikiusap.
Pag-ibig.
Pagpapatawad.
Pagmamakaawa.

Kukulangin ng bigay sa sarili.
Kukulangin ng pang-unawa.
Pagmamahal.
Pag-intindi.
Kukulangin ng panahon.
Na unahin naman ang sarili.

Bukambibig na ito'y pagiging makasarili.
Mali—
Sila.
Sila ang makasarili.