Langgam may kumakagat kung nasasaktan

Kami'y kadalasay may payak na buhay

Pilit nilalabanan itong hagupit ng tag-ulan

Munti naming pagkatao'y kadalasa'y di natatanaw

Langgam may kumakagat kung nasasaktan

Ang pinakamapanirang bagyo'y ang pagyurak sa'min

Mga kapwa taong mapagmataas

Na ang akala yata sa'mi'y wala ng damdamin

Langgam may kumakagat kung nasasaktan

Ang dali nilang magbitaw ng pangungutya

Silang nabiyayaan nitong yamang materyal

Kung manghamak akala mo'y sila lang ang may karapatang huminga

Kaya inihanda ko na ang aking pangil

Uminum ng pinakamabangis na lason

Ikamatay ko ma'y ipapaunawa sa mga maniniil

Kung paano kumagat ang langgam sa tuwing kami'y sinasaktan

written: August 4, 2015@6:40 pm

Mysterious Aries