Continue from previous..

Anuseena are lying on two corner of bed while Akshara is peacefully sleeping in between.

AS: kiyà hua haseena ji ap ko neend nahi aa rhi hai kiyà?

HM: nahi yeh ghar humaray liey naya hai toh thori si problem ho rhi hai humain. Or hum Kuch or bhi sooch rhy hain..

AS: hum jantay hain ap Kiya sooch rhi hain. Ap jab tak chahain yahan reh sakti hain. Hum bus yahan ek case k liay aaey hain us k solve hotay hi hum yahan say chalay jaen gay. Or agar ap chahain toh maa k Sath ap reh sakti hain.

HM: Kiya hum wajah Jan saktay hain Mr Singh? Aachanak hum par or humari beti par itni daya kyun ki ja rhi hai.

AS: hum apko pareshan nahi deekh saktay hain haseena ji. Isliey hum yeh sab kar rhy hain.
Ap or akshara aaram Karen humain neend nahi aa rhi hai hum  bahir balcony mei ja rhy hain. Jab neend aaey gi toh hum Soo jaen gay.

HM: theek hai...

She turns off the side table lamp and try to sleep. But sleep is too very far from her eyes. She decides to join him...

HM: Anubhav ap Kiya deekh rhy hain aasmano par?

AS: kuch bhi toh nahi.

HM: yahan humari taraf deekhain.

AS: kuch kehna chahti hain ap?

HM: ha par pehlay ap humari taraf deekh k batain k baat Kiya hai. Kuch hai Jo apko buhat pareshan kar rha hai..

AS: koi baat nahi hai haseena ji.

HM: ap aaj bhi ap ki ankhain padh saktay hain Anubhav, humain pata chal jata hai jab ap pareshan hotay hain. Isliey hum say jhoot na hi kahen toh behtar hai.

He turns to her side and hugs her tightly not her let to read his eyes.

HM: ap roo rhy hain? Kiya baat hai ap roo kyun rhy hain?

AS: haseena ji hum buhat buray hain haseena ji hum Kisi k bhi pyar k qabil nahi hain. Hum nay ap say kitna pyar Kiya deekhain ap hi hum say dour ho gaen hain. Hum apko itna sa bhi dard daynay k baray mei sooch bhi nahi saktay hain. Kyun k agar apko takleef hoti hai toh dard humain hota hai haseena Ji.. us roz ap par pistol tannah humari majboori thi hum apki Jan nahi layna chahtay thy. Agar hum aaisa nahi kartay toh ap sooch bhi nahi sakti thi k Kiya ho Jata..
Un logon nay har pal hum par or ap par nazar rakhi hui thi. Woh log apki Jan layna chahtay thy ta k woh hard drive hasil kar saken. Par hum apko Kisi khatray mei nahi daal saktay thy haseena ji. Isiliey hum nay saara ilzam khud par laynay ki koshish ki ta k agar hum maar bhi gay toh ap humain wajah say khud ki zindagi barbad na Karen apni jeewan mei aagay barh jaen.. deekhain aaj ap apni zindagi mei aagay barh chuki hain in guzray saloon mei apki zindagi mei kiyà hua Kiya nahi hum nahi jantay hain, par apko is tarha Akshara k Sath akeli Zindagi guzarta hum deekh nahi saktay. Hum jantay hain ap apni zindagi mei Khush nahi hain bus Akshara k liey jee rhi hain.

HM: Anubhav kyun k ab Akshara hi humaray jeenay ka maqsad hai.
Jab do bay Sahara log ek dosray ka Sahara ban jaen toh Zindagi ka safar aasan ho Jata hai. Yahan toh maa bhi humaray Sath thi. Hum teeno khush thy apni zindagi mei. Par shaid khushiyan humari qismat mei likhi hi nahi hai. Hum nay aaj say 6 saal pehlay buhat Kuch khoya tha Anubhav.. kuch nahi bacha tha humaray pass.. na ap thy na humari Ammi thi na hi humari Sathi Karishma Singh.. sab kuch khatam ho gaya tha.

AS: Ammi Karishma Singh kiyà hua hai unhain? Behan theek toh hai?

HM: nahi woh dono humain chor k ja chukay hain anubhav. Karishma Singh Sath ho k bhi Sath nahi hain humaray. Par hum jab bhi Aksh ko deekhtay hain humain yahi lagta hai k woh humaray aas pass hi hain. Aksh ki soorat mei unhon nay humain humaray jeenay ka maqsad diya hai. Jantay hain maa nay usay AKSH naam kyun diya hai?

AS: nahi...

HM: Kyun k maa ka kehna tha humari AKSH mei hum Charo ki parchai hai. Anubhav, Karishma, haseena or Sameer bhaiya.. AKSH

AS: Sameer bhaiya?

HM: ha humaray bhaiya yani ap k jija ji. Mana woh hum say naraz hain ab humain apni behan nahi mantay par Dil say hum nay unhain apna bhai mana hai. Rishta unhon nay hum say toda hai hum nay nahi.. bhaiya kehnay ka haq bhi hum say cheen liya. Or kyun na naraz hun shaid kahen na kahen hum bhi Karishma Singh k un say dour honay k zimadar hain.

AS: haseena ji hum nahi jantay k us samay kiyà hua kyun hua kaisay hua. Agar humaray bus mei hota toh hum Kisi ko bhi kuch nahi honay daytay.

HM: hum jantay hain Anubhav apka bhi qasoor nahi tha. Ap toh khud zindagi or maut ki jang lad rhy thy us samay. Kitna samay laga hai apki recovery mei. Hum jantay thy k ap qasoorwar nahi hain, koi wajah hai jis k kaaran ap yeh sab kar rhy hain. Dukh toh is baat ka hai k Karishma Singh nay apko gunahgar kaisay samjh liya? Hum jantay thy k Jo gooliyan hum nay ap par chalain hain woh apki Jan nahi lay sakti par KS k dowara chalai gae gooli.. apko maut k itnay qareeb pohncha day gi humain nahi pata tha yeh. Hum Dil say sharminda hain Anubhav, hum jantay hain Jo gunnah hum nay kiyà hai woh qabil e maafi nahi hai. Phir bhi ho sakay toh humain maaf kar dijeay ga.

AS: hum kab ka apko maaf kar chukay hain haseena ji. Agar humari Jan laynay wali humari haseena ji thi toh humain naye zindagi daynay wali bhi humari haseena ji hi hain. Hum sab Jan chukay hain haseena ji.
Bus woh jannah chahtay hain Jo hum nahi jantay hain haseena ji.
Humaray jannay k bad aaisa Kiya hua k ap sab ki zindagi aaisay badal gae , Ammi or Karishma Singh humain kyun chod gaen?

HM: Ammi humari Ammi humari maut ka sadma nahi bardasht kar saken , Anubhav ap toh jantay hain Ammi heart patient thi unhon nay jab mahila police thanay mei blast ki news sunni toh un say yeh sadma bardasht nahi hua woh humain chod k Chali gaen.. or Karishma Singh humaray Sath ho k humaray pass nahi hain.. woh din hum kabhi nahi bhool saktay hum sab thannay mei Jeet ka jashan mana rhy thy. Tab wahan humain ek box dikha...
Hum mei koi bhi us box mei deekhta k us mei kiyà hai.. aachanak say hum sab ka dam ghutnay laga yun laga jaisay k kisi nay koi nasheeli cheez hawa mei shamil kar di hai. Or hum sab behosh ho gay. Or Kuch dyar bad humain pata bhi nahi tha k humaray Sath Kiya hua hai.. hum nay Neem behoshi mei  blast ki awaz sunni thi.. or phir us k bad kiyà hua kab hua kaisay hua hum kuch nahi jantay jab hosh aaya toh hum sab hospital mei thy...
Ap jantay hain jab woh hadsa hua us samay Karishma Singh 5weeks pregnant thi.. or us nasheeli cheez nay un k lungs ko buhat zayda nuqsan pohnchaya tha.. doctors nay unhain abortion k liey Kaha , agar unhon nay aaisa nahi kiyà toh unki Jan ko khatra hai, magar unhon nay Sameer bhaiya Pushpa ji sab ki Khushi k liay yeh baat  hum sab say chupai..... Or jab yeh baat humain or Pushpa ji ko pata Chali tab buhat dyar ho gae thi.. Aksh ko Janam daytay hi Karishma Singh coma mei Chali gae or phir doctor apni aakhiri koshish k liay ventilator par daal diya.. par woh.. doctor nay Kaha tha k woh humain chod k ja chuki hain,, hum machine say unhain zinda nahi rakh saktay woh sirf ek zinda lash hain. Magar Sameer bhaiya unhain aaj bhi yahi lagta hai k unki Kashi wapis aaey gi.
Hum sab nay yeh sach maan liya hai par Sameer bhaiya aaj bhi isi bharam mei jee rhy hain..
Or Karishma Singh k dour janay ka zimadar Aksh ko samjhtay hain..
Jab say Aksh ka Janam hua hai Sameer bhaiya nay ek bar bhi usay pyar say nahi deekha...
Isiliey hum usay apni beti bana k Sath dehli lay gay.. or maa hum dono ka Sahara ban k humaray Sath rehnay lagi. Maa nay bhi apna beta khoya tha or hum nay or Aksh nay apni maa....

AS: behna humain chod k kaisay ja sakti hai haseena ji.. nahi yeh nahi ho sakta..

HM: Anubhav yahi sach hai .. woh nahi hai is duniya mei.

AS: haseena ji hum..

HM: kuch nahi kaheay ga ab ap.
Bus Ap humain dobara chod k nahi jaeay ga warna hum maar jaen gay.

She buried herself in his arms and he envelopes her safely place a gentle soft kiss over her hairs..

AS: nahi hum kabhi nahi jaen gay.
Hum jantay hain ap say dour rehnay ka dard humain bus apni maa or haseena ji k Sath rehna hai hamesha. Bus ek bar woh gunahgar humaray hath lag jaey jis nay thanee mei blast karwaya tha..
Haseena ji agar hum us roz  Sahi samay par wahan pohnch jatay toh aaj Ammi or Karishma Singh dono humaray Sath hoti.

HM: kehna kiyà chahtay hain ap.

AS: haseena ji humaray dushmano ko yeh baat pata lag gae thi k hum zinda hain. Or unhon nay ap say or hum say  badla laynay k liay thanee mei bomb rakha par hum shehar say kaafi dour thy.. tab hi hum nay apnay ek khaas Mitra say Kaha k blast say pehlay ap sab ko surakshit thanee say nikal lay.. magar usay bhi wahan pohnchnay mei samay lag rha tha. Jab woh wahan pohncha tab tak woh log thanee k andar zehreeli nashay wali cheez chod chukay thy.. us nay baaqi sab ko rescue toh kar liya tha magar Karishma Singh ko bahir lanay mei thodi dyar ho gae thi.. par us nay apni Jan par kheel k blast honay say pehlay ap sab ko surakshit nikal liya tha..us k bad ap sab ko khufiya rastay say emergency treatment k liey haspatal lay Jaya gaya..
Hum nay Ammi ko bhi call ki thi..
Yeh batanay k liay ap surakshit hain. magar unhon nay phone hi nahi uthaya..
Hum Lucknow aa nahi saktay thy Kuch security reason k kaaran..
Magar jab Lotain toh sab kuch badal gaya tha..
Yahan mahila police thana toh tha
Magar humari haseena ji kahen nahi thi...
Phir cheeta or Santosh ko ladtay deekha. Himmat nahi hui un say ap k baray mei poochnay ki phir maa or un apradiyin ki talash mei hum nikal gay.

To be continued..

I hope you like it...