Talang nagbibigay liwanag

Ningning mo'y nais pagmasdan

Di tulad sa araw kinakatakutan

Mata'y wari'y niyang binubulag kung siya'y titigan

Tala sana'y may tulay na aking mararaanan

Upang ikaw man lang ay mahagkan

At maibulong ko sa'yo ang aking kahilingan

Dahil sa layo kong ito'y tila di mo mapakinggan

Minsan kasing nais kitang pagmasdan

Pero di kita makita, di matagpuan

Kasi itong si ulap paborito kang takpan

Kaya minsa'y ganda mo'y di masilayan

Tala katulad mo'y ganda ng mga kababaehan

Ngunit ganda nila'y kumukupas, di tulad mo anyong hanggang bukas

Subalit ganda mo kaya'y panlabas lamang

Baka kasi sa dibdib mo'y may halimaw na pumapaslang

Tala dinggin ang aking hiling

At kung ikaw ay tunay di na kailangan pang sabihin

Alam mo na ang mga idinadalangin

Dahil ilang ulit ko nang ipinadala sa hangin

Sa panghuli nais ko nang magising

Mabuti pa yatang humiling sa buhangin

Ako'y nalulungkot tala, ako'y nalulumbay

Sa kadahilanang karamihan sa hiling ko'y di mo ibinibigay...

written: Feb. 19, 2000 @ 6:00 PM

Mysterious Aries