Sa inyong mga bukod tangi

Aking inaalay itong tulang munti

Oo, kayo riyang sa luha'y pumahid

At nagbigay ng ligayang walang patid

Sa mundo na kung saa'y pagsubok di mabilang

Kung walang kawangis ninyo'y naligaw na'ko sa parang

Aking magulang, kapatid at mga tunay na kaibigan

Kayo ang dahilan kung ba't di ako nawala sa panig ng katuwiran

Kung babalikan kong tunay aking dinaanan

Sa katigasan ng bunbuna'y muntik nang masagasaan

Ngunit nar'yan kayo't di ako pinabayaan

Kaya marapat lamang na tulang ito'y kayo ang pag-alayan

10-xx-2016