Letrang pinanday mo'y sumalamin sa panahon

Panahon hindi hadlang upang iyong ikahon

Ikahon ang panitik na sa isip mo'y bumabaon

Bumabaon na galit sa matalim na salita mo inipon

Inipon hadlang may di mabilang na kanyon

Kanyon ma'y humarang ikaw pari'y mahinahon

Mahinahon ngunit pangil ng panulat nagbabadyang tumilapon

Tumilapon sa mga mapang-api't mandarambong

Mandarambong at mapagkunwari sa maraming isipan na nalason

Nalason ma'y handa mong bigyan ng pagkakataon

Pagkakataon upang yumuko't manalangin sa panginoon

Panginoon naging anyo nilang sumamba sa milyon

Milyon na sulatin mo sana'y higit pa ang halaga

Halaga ay nanumbalik sa di makitang wala

Wala sapagkat mga letra mo'y pumanaw

Pumanaw di man lang nabasa ng iba.....

written: July 16, 2014 @ 8:26 am

Alay sa mga manunulat na hindi man lang naipamahagi ang kanilang sulatin...

At sa mga sulatin ko dati ...

mga sulatin na nawala, nasunog at naanay na.... sayang, di man lang nabasa ng iba...

Mysterious Aries