Muli mong inihalik ang lapis sa papel

Pinaharap sa dambana't benindisyonan ng mga anghel

Pinagniig ang mga ito't pinagyakap nang labis

Mula roo'y sila'y nagsilang ng wikang may saya't may tangis

Manunulat ano nga ba ang hangarin mong tunay

Nag akda ng mga sulatin na binuhusan mo ng husay

Ang kuminang bang katulad nang di mabilang na bituin

O kaya'y mga titik mo'y pangarap mong ilakbay sa iba-ibang lupain

Pinaahon mo ang titik sa pinakailalim nang karagatan

Inabut kaisipan ng ulap, araw, buwan at lahat ng nasa kalangitan

Ano bang tagumpay ang nais mong makamit

Datapuwat alam mong sa mundo ng wika'y kadalasay hikbi't gutom ang kapalit

Ngunit patuloy mong pinahalik ang lapis sa papel

Pinaharap sa dambana't benindisyonan ng mga anghel

Pinagniig ang mga ito't pinagyakap ng labis

At mula roo'y sila'y nagsilang ng wikang may saya't may tangis

written: Nov. 10, 2014 @ 7:15 p.m.

Mysterious Aries