Nagsimula siyang mangarap at tumingin sa bituin

Maging tanyag ang pangala't sinulat ay magningning

Positibong pananaw niya'y isang matibay na dingding

Katuparan sa pangarap tila kay daling abutin

Bitbit niyang mga letra'y kumpleto ang sangkap

Nobela niya'y di malayong sa telebesyon ay lumabas

Namumukod tangi ang kanyang mga tula

Punong-puno ng emosyon at nakalakip ang diwa

Ngunit katotohanay malayo sa ilusyon

Ang konting lakad na akala'y ang layo'y daang milyon

Bagamat magaling na tunay mahirap ang kanyang misyon

Marami mang napahanga sa wika ngunit di siya binigyan ng atensyon

Tunay ngang mahirap maglayag kung wala kang kapitan

Kung walang direksyong tatahakin maliligaw ka sa parang

Dekada na ang binilang lapis niya ay pumurol

Positibong pananaw ay naging walang ilaw na parol

Manunulat na ang lapis ay daliri't ang tinta ay dugo

At sa huli gumawa nga s'ya ng isang napakalaking kwento

Malaking pangalan  niya'y nasa unang pahina ng dyaryo

Munting manunulat na naglaslas ng sarili niyang pulso...

written: July 18, 2014 @ 9:13 pm

Di malayong mangyari sa katotohanan... 

Mysterious Aries