Damang-dama ko pa rin ang mga pangyayari

Ang nangangatog kong tuhod

Mga alingawngaw ng balang samu't sari

Ang patak ng ulang sa pisngi ko'y lumulunod

Muli kong binalikan ang tunay kong hangarin

Ang maitawid ko ang pamilya sa gutom

Ako'y nagkaunipormi upang malunasan ang kahirapang suliranin

Nang di na kudkudin ng aking angkan ang bawat natitirang tutong

Datapwat labag sa kalooban na itutok ang baril

Sa kapwa Pilipino, sa kaparis kong may pamilya

Lakas loob kong gantilyo'y pinisil

Kundi kapalit nito'y pagkapundi ng sarili kong bumbilya

Sana dumating ang panahong di na galit ang damhin natin sa isa't isa

Pag-ibig at kapayapaan katoliko man tayo o muslim ang s'yang magreyna

Sana mga lunggati tup'din ng dakila nating Ama

Upang di na tayo magpaikot-ikot sa sirkulo ng giyera

Dama ko pa rin ang mga nangyari

Ang nangatog kong tuhod

Mga alingawngaw ng balang samu't sari

Patak ng ulang sa pisngi ko'y lumunod

Sana mahanap nila ako sa kinalalagyan kong lubak

Upang ako'y makabalik sa aking pamilyang naghihintay

Na di sana maunang magpiging ang mga uwak

..... Sa malamig pa sa yelo kong bangkay....

written: February 4, 2015 @12:30 pm

Para sa mga sundalong nag-alay ng kanilang buhay....

Mysterious Aries