Oh! Ama nasan ka?

Itong anak ay nakahanda na

Tuliro sa ikot ng buhay

Nais na itong wakasa't ialay

Kanyang malaput na dugo

Nais nang ipatak sapagkat bigo

Mapaglarong tadhana ay

Kasiping lagi't kaakbay

Pagod na sa dagok na dumadatal

Lahat ng pasakit sa puso'y pumapantal

Masisisi mo ba kung maaga siyang uuwi

Umaasang sa'yong tahana'y sugat niya'y mapapawi

Oh! Ama iyong dinggin

Nakikinig lang ba'y hangin

Sa bawat pagsapit ng dilim

Nakatago'y milyong lihim

Maaring bang iyong anghel

Yakapin itong bawat may-ari ng papel

Pagkat daang kanilang binabagtas

Taliwas sa sinulat mong batas

Oh! Ama nasan ka?

Pawiin ang sugat nitong mga aba

Mata nila'y hapo na sa paglalakbay

Sa dagat na puro alat ang taglay

Dalhin sila sa dalampasigan

Bigyan ng sagot kanilang katanungan

Upang sa kahuli-hulihan

Mawari nila ang kagandahan nitong buwan

Oh! Ama nasan ka?

4-26-2016

8:06 pm

Mysterious_aries