Andhera hai har raaste mein,
Par chalna toh mujhe hin hoga.
Mushkilen hai musibatein hai,
Par ladna toh mujhe hin hoga.
Dikh rahi na koi roshni,
Par badhna toh mujhe hin hoga.
Pratikul paristhityan hai,
Par bhidna toh mujhe hin hoga.
Kho gayi hun iss jeevan ke mele mein,
Par raha dhoondna toh mujhe hin hoga.
Raste mein bahut badhayein hai,
Par isse hatana toh mujhe hin hoga.
Mere andar bahut sari kamiyan hai,
Par isse door karna toh mujhe hin hoga.
Moti ke danoo sa bikhar gayi hai zindagi,
Par sametna toh mujhe hin hoga.
Kadam katon main ulajh jaate hai mere,
Par sambhalna toh mujhe hin hoga.
Kya hoga mera, konsa vikalp apnao main,
Yeh sochna toh mujhe hin hoga.

-Aalina-