Nagpaalam na muna si Maymay kay Tanner na pupunta ito ng banyo. Nang makarating siya sa loob ay tinitigan niya ang sarili t'saka niya dinuro ang reflection niya ro'n.

"Ikaw ha! Huwag ka ngang ganyan. Hindi ka dapat nakakaramdam ng ganyan!" Nagpalakad lakad pa-kanan-kaliwa, hanggang sa huminga siya ng malalim at muling humarap sa salamin. "Kaya ang hirap ng nag-a-assume e. Yung kanina lang na okay, ngayon hindi na." Napabuntong hininga na lang ang dalaga.

Pagbalik ni Maymay sa set ay dumiretso siya sa upuan at pinili na manahimik muna. Pasimpleng kinuha niya ang cellphone sa bag at doon na lang nag-focus kahit pa nakikita niyang nagkakasiyahan sina Cora, Tanner at Edward.

Ilang sandali pang gano'n ang dalaga kaya napansin ni Pat ang pananahimik nito kaya lumapit siya dito. "Uy dai. Ano nangyari sa'yo?"

Patay malisyang tumingin si Maymay sa kaibigan. "Wala man. Bigla lang akong inantok ba."

"Sus. Selos ka kamo."

"Anong selos ka diyan."

Nag-make face na lang si Pat t'saka siya tumabi kay Maymay at sumiksik sa kinauupuan nitong kung tawagin nila ay taping chair. Niyakap niya ang kaibigan kaya naman kahit papa'no ay kumalma ang pakiramdam ni Maymay. Buti na lang talaga ay meron siyang totoo at tapat na kaibigan sa katauhan nga ni Patricia.

Gabi na nang matapos ang scene kasama nga sina Tanner at Cora. Masayang nagpaalam ang lahat sa mga ito. Nang pack up na nila ay agad na lumapit si Edward sa dalaga.

"Are you okay? Bakit tahimik ka all day?"

Maka-ilang tumaas taas ang dalawang kilay ni Maymay na para bang iniintindi ang tanong ng binata. Wala kasi talaga siya sa mood na kausapin ito.

"Antok lang," simpleng sagot niya kaya naman mataman siyang tinitigan ni Edward.

Hinubad nito ang hoodie at ipinatong 'yon kay Maymay. "It's getting cold."

Agad na inalis 'yon ng dalaga at ibinalik sa kanya. "Hindi ako nilalamig. Ayos lang."

Bahagyang nangunot ang noo ng binata. Hindi niya maintindihan kung bakit pakiramdam niya ay iniiwasan siya maghapon ni Maymay at ayaw kausap.

"Are you mad at me?"

Umiling si Maymay. Sa isip niya ay sana hindi na siya kwestiyunin pa ni Edward dahil baka sumabog siya any minute at sumbatan ito.

"Then why are you like that to me all day?"

"Anong like that?" Nakaramdam ng pagka-irita ang dalaga.

"See? See? You're raising your voice, like that! I didn't even do anything for you to get mad at me."

"Hindi nga ako galit." Pinili ni Maymay na kumalma. Ayaw niya lang talagang makausap ang binata ng sandaling 'yon.

"Then why? Why are you like that?"

"Nagseselos kasi 'yan," parinig ni Pat nang hindi na mapigilang makisali sa usapan. Na-shout out niya tuloy ang kaibigan.

"Bushak ka man uy!" Tukoy niya sa kaibigan t'saka siya lumingon kay Edward na ngayon ay nakataas na ang isang kilay at nakahawak sa baba niya. "Hindi! Hindi 'yon gano'n. Hindi ako nagseselos kay ate Cora."

Ngumisi ang binata. "Hindi ko sinabi na kay Cora ikaw nagseselos." Mas lalong lumapad ang ngiti ni Edward nang umiling si Maymay sabay kagat sa mga daliri niya. Pansin niyang lagi 'yong ginagawa ni Maymay sa tuwing nakokonsensya siya o nahuhuli na sa akto.

Kaya ngayon, huli siya sa akto ng pagsisinungaling.

"Halla. . . Hindi nga uy."

Nilapitan ni Edward ang dalaga. "Yes you are."

"No. I'm not."

"Yes. You are jealous, May."

"Hindi nga. Hindi nga kasi ayokong magselos. Ayokong magselos kasi ayoko. Kaya hindi ako nagseselos. Hindi. Hindi. Hindi! Kasi hindi ako pwedeng magselos!" Sigaw ni Maymay kaya naman bahagyang nanlaki ang mga mata ni Edward.

Ngunit agad ding ngumiti ang binata. "Yes, you are. And I want you to be jealous of Cora, because I want you to feel what I'm feeling while you're talking to some other guy besides me," panggagaya niyang sigaw din.

Matamang nagtitigan ang dalawa. Matang akala mo nag-uusap at nagkakaintindihan ng sandaling 'yon.

"Ano 'yan? Totohanan na ba 'yan?" Pukaw ni Pat sa kanila.

Nilingon naman siya ni Edward t'saka ngumiti. "You know what, let's just make this official already."

"Ano namang official 'yan?" Kinikilig na tanong ni Pat habang si Maymay ay naguguluhan sa sinabi ng binata.

Lumapit si Edward kay Maymay t'saka niya hinawakan ang magkabilang kamay ng dalaga.

Pakiramdam ni Maymay ng sandaling 'yon, hihimatayin siya sa lakas ng tibok ng puso niya at pagpigil ng hininga nang mataman siyang titigan ni Edward. Si Edward naman ay hindi na maitago ang saya at determinado na talagang mapa-sa kanya ang dalaga.

"Marydale. . ." Malambing na boses ang narinig ng dalaga mula sa binata. Sa tanang buhay niya 'yon na ata ang pinaka-sweet na way ng pagbigkas ng isang Edward John Barber sa pangalan niya. "My Maymay. . ."

Nagsigawan ang mga nasa set kabilang na si Pat na nandoong nakaka-saksi sa mga kaganapan. Ang ilan pa nga ay naglabas ng phone at kinuhanan ng video ang mga pangyayari. Naghihintay sa susunod na sasabihin ng binata at magiging reaksyon ng dalaga.

"Pwede na ba kitang ligawan? Oh! And please don't tell me na I'm too young for you 'coz I'm not. I can be matured as you are. Don't tell me that you're too ugly for me and I only like beautiful women, okay? I like you. No. I've liked you ever since. And you're always beautiful to me. I don't wanna hear you say again that you're not ready, because I am ready and I'm willing to wait for you even if you're gonna tell me that you're not ready, I'm still gonna court you."

Maymay's lips are pursed together, trying to stop herself to smile. But she failed. "Ang dami mong sinabi, tinatanong mo ba ako kung pwede kang manligaw?"

"Yes, Maymay. I want to make ligaw to you."

"Ako pa ba tatanggi? Aba siyempre, oo naman." Napatakip sa bibig si Maymay nang sabihin niya 'yon habang si Edward naman ay ngiting ngiti at ramdam ang kilig habang tinititigan ang dalaga.

"I love you, May. . ." Litanyang nabitiwan ni Edward dahil sa sobrang saya.

"Kanina lang like, ngayon love na?"

"Hmm, matagal na kitang love, ayaw mo lang kasi noon--"

Kasabay ng panlalaki ng mga mata ni Maymay ay ang bilis ng kamay niya sa pagtakip sa bibig ni Edward dahilan para hindi maituloy ng binata ang sinasabi. Ngunit binalewala na lang 'yon ng binata. Niyakap niya ang dalaga ng napakahigpit at inikot ikot ito.

"May, thank you. Thank you so much," bulong ni Edward bago ibaba ang dalaga.

"Para sa'n?"

"For this. I'm so happy. I'm so happy that you finally said yes."

Nginitian ng dalaga ang binata, dahil siya mismo ay masaya sa naging desisyon niya.

To be continued..