Mohabbat karti hu

Mai unki qadr karti hu lekin jatati nahi,
Unki fikr karti hu lekin unhe dikhati nahi,
Aur unse beintehaa mohabbat karti hu magar batati nahi,

Mai unki khwaish karti hu lekin zidd nahi,
Unse kashish hai mujhe lekin dikhlati nahi,
Aur unse apaar prem karti hu magar batati nahi,

Mai chahti hu unse meri dosti bani rahe isliye unhe satati nahi,
Unki himayat karti hu sabse magar unhe sunati nahi,
Aur unse bepanah ishq karti hu magar batati nahi,

Mai unki koshish par tareef karti hu, nakamyabi par taana kasti nahi,
Unke dukh mein mai sath rahungi agar zamana nahi,
Aur unki behisaab chahat karti rahungi magar bataungi nahi,

Mai rokti hu unhe ishq se,
Taaki yaar juda hone par unki rooh kaanpe nahi,
Unse kaha karti hu ki mohabbat kamzor dilo ka kaam nahi,
Khud hi unse beshumaar pyaar karti hu magar batati nahi,

Beintehaa mohabbat aur apaar prem,
Bepanah ishq aur behisaab chaahat,
Beshumar pyaar aur dil ki ibaadat,
Sab karti hu mai magar,
Unhe kho dene ke darr se,
Kabhi apne Junoon ki daastaan batlati nahin.

~Vipranshi Singh