Mohabbat ka silsila

Is Mijaz-e-ishq ne dil ko unke deedar ka fakir bana diya,
Varna apne dil ke malik kabhi hum khud bhi hua karte the,
Sacche aashiq the hum unke isliye jaane diya,
Varna kabhi humari zidd itni asani se nahi choda karte the.

'Kash tum mere ho jate' kehta raha mera dil hi humesha unse,
Varna humari saanse tham na jati agar ye lafz unki zubaan se nikla karte,
Wo bhagwaan agar mila dete sabko apne ishq-e-ibaadat ki manzil se,
Toh ye dil cheer dene wali shayariyaan, shayar na likha karte.

Jane kaisa ye ajab sa mohabbat ka silsila hai ki roz log ispar shaayari likha karte hain,
Varna jante toh sab hai ki kaagaz par lafz utarne se mehboob nahi mila karte hain.

~Vipranshi Singh