Mai Teri Hu

Tu meri zindagi mein kuch is qadar samaya,
Jaise samundar mein nadiyon ka paani ho aaya,
Teri muskurahat ka ye mushq har baar meri rooh par hai chaa jaata,
Jaise janmon se juda ho tujhse koi naata,
Ye mere dil ko hai jo tune mujhse churaya,
Iska tu kyu na deta hai mujhe koi kiraya,

Tere saath bitaye har lamhe mere dil ki dhadkan mein hain bas gaye,
Jaise wo sab ehsaas bilkul na ho naye,
Tere bin mujhe har pal lage adhoora,
Jaise meri zindagi ka safar tham gaya ho thoda,
Ye tere lafzo ka keher hai mujh par is qadar chaaya,
Jaise bas gaya ho mere dimaag mein koi saaya,

Tere pyaar ne mera khoya hua har armaan jagaya,
Jaise har sukh ho maine tere sang paaya,
Tere rutbe ne hai mujhe aise sataya,
Jaise ishq na hokar ho ye koi moh maya,
Ye baatein teri mere dil ko hai nayi rahon pe le jaati,
Aur hai mere khwabon ko sach banaati.

Tu hi toh hai meri zindagi ka maksad,
Tu hi mera janmo ka pyaar,
Aur tu hi mera junoon,
Tu mera hai ya nahi,
Ye sawaal mere dil ko satata nahi,
Tu bata kya main sabse jhuth kehti rahu ki tu mera hai
Ya sach keh daalu ki mai sirf teri hu,
Kyunki mai toh sirf apna sach jaanti hu.

~Vipranshi Singh