Khush Fehmi

Badi mudatton baad samajh aaya
Is nadaan dil ko,

Jinke liye lad aai thi mai sabse
Wo mere the hi nahi jaane kabse,
Jinhe dil ka taj samjha tha kabhi,
Unhone hi umeeden tod di meri sabhi,
Jinse haule haule ishq hone laga tha
Unhone hi us pyaar ka gala tha ghota,

Bhool gayi hu mai ab us insaan ko, 
Jo tha mere dil ki ek jhoothi khush fehmi,
Accha hai Khush fehmi thi,
jo tut gayi pehle hi,
Agar ye dil laga liya hota,
toh meri rooh ka na jaane kya hota.

Jiski yaadon mein khoyi thi main, 
Wo hi dard bharke chale gaye mujh mein, 
Jiski muskurahat ko bhul jana tha mujhe, 
Wo hi mere jeevan ki har yaad mein the saje,
Jiske sang chup chup ke karti thi mai mulakaatein, 
Wo hi tanhaai mein chodd gaye meri raatein, 

Bhool gayi hu mai ab us insaan ko, 
Jo tha mere dil ki ek jhoothi khush fehmi,
Accha hai khush fehmi thi mujhe 
jo tut gayi pehle hi, 
Agar ye dil laga liya hota
toh meri rooh ka na jaane kya hota. 

~Vipranshi Singh