Ishq tha ya saza

Zara sa jaan ne lagi thi unhe,
Zara pehchaan ne lagi thi unhe,
Bharosa karna seekha hi tha un par,
Par daya na aayi unhe is nazuk dil par,

Zara akeedat hone lagi thi unse,
Zara si ibaadat karne lagi thi unse,
Toot kar chahna seekha hi tha unhe,
Par mera dil tod kar jaana bhi toh tha unhe,

Zara sa khilkhilane lagi thi sang unke,
Zara sa dhalne lagi thi rang mein unke,
Ishq karna seekha hi tha unse,
Par shayad kismat ka likha dhokha toh khana hi tha unse,

Zara bataye koyi unhe,
Ki humne toh apne hisse ka ishq saccha hi kiya,
Par shayad unke hisse ka ishq kaccha hi reh gaya,
Rab Jane wo sach bhi tha ya tha sirf unka maza,
Pata nahi wo ishq tha ya thi koi saza.

~Vipranshi Singh