'Ishq'

Badon se suna tha ye,
Sadiyon se maana tha ye,
Ki saat mukaam hote hai ruhani ishq ke,
jaan lo toh deewane ho jaoge uske mushq ke,
Ki jab dil ek kashish ka anootha khel khele,
Toh uns ka wo meetha ehsaas hi mile,
Ki jab mohabbat ka zamana aaye,
Toh Akidat aur Shiddat dil par chaa jaye,
Ki jab premi ki ibadat se khuda ko paa liya,
Toh tumne junoon ki aag mein jalaya apna jiya,
Ki aakhir mein hoti hai maut,
Toh jaane kaise paye unka saath,

Kismat ki lakeeron ne bhale mere dil ko dhoka de diya,
Par Ishq ki aag ne jeene ka safar sunehra bana diya,
Dil ki har dhadkan ko maine mehboob ka ehsaas kara diya,
Aur Ishq ki mithaas mein us sang har roz nayi kahani main jee liya,
Mehboob ki chah mein maine har zakhm ko bhi haste haste gale laga liya,
Aur Ishq ki raah chalte maine khuda ko bhi pa liya,

Sab sach kehte hai,
Ki Ishq ruhani hota hai,
Ki Ishq suhani hota hai,
Ki Ishq anjane hota hai,
Ki Ishq manmane hota hai,
Ki ishq ka safar hi zindagi hota hai,

Aur har pal mein chhupa rehta ishq ka raaz zara sa.

~Vipranshi Singh