Thanks @SylvinaAnne :)

Chapter 51

Pilit kong pinagtatabig ang mga kamay ni kuya sa balikat ko. Ano na naman? Bakit niya na naman pinagdidiinan si Tristan? Paano pumasok sa isip na niya buhay ito? Nakita niya ba na magkasama kami ni Tristan? Bakit madadawit sa problema ng pamilya namin si Tristan.

"Kuya, nananahimik na ang tao. Bakit kung ano ano pa ang sinasabi mo tungkol sa kanya? Kung may matagal na kayong alitan ay huwag mo nang hukayin pa. Hindi ko gusto ang ginagawa mo. Respect atleast" naglakad ako papalayo sa kanya.

"Huwag kang maniwala sa lahat ng sasabihin niya, sasaktan mo kami Lina kapag basta ka na lang naniwala sa kanya. Kami ang pamilya mo, sa amin ka dapat makinig. Kami lang ang dapat mong paniwalaan" lalong nangunot ang noo ko sa sinasabi niya.

Ano ba talaga?Haharap na sana ako kay kuya nang lumabas na siya at pabagsak niyang isinara ang pinto. 

Napag isipan ko na huwag muna akong manatili sa bahay dahil masyado na akong naiistress sa mga naririnig kong pagtatalo. Kay daddy na ako nagpaalam na sa mga kaibigan ko muna ako titigil ng tatlong araw, nasabi ko na rin naman sa kanila na nakaleave ako ng isang linggo. Hindi na ako magtataka kung isang araw ay patalsikin na ako sa kumpanyang pinagtatrabahuhan ko. Mukhang mas madami pa ang leave ko kaysa sa ipinasok ko.

Kahit ang paalam ko ay titigil ako sa bahay ni Winoa o ni Chariss, pinili ko na lamang munang magcheck in sa isang hotel. Malayo sa problema, malayo sa pagtatalo.

Hindi ko na napansin ang oras dahil sa kapapanuod ko ng mga action movies. Hindi ko alam kung bakit ako biglang nawiwili dito, siguro dahil sa halip na mukha ng mga bida ang nakikita ko ay si Tristan Ferell ang naiimagine kong bida ng palabas.

Paano kaya siya magtrabaho? Nakita ko na noon ang pakikipaglaban niya at talagang napapatulala ako, para na siyang hindi ang tahimik na si Tristan kapag nasa gitna na siya ng bagbakan. Katulad ng pagkuryente niya sa lalaki sa kweba, ang pagsakal niya gamit ang tie niya sa lalaki sa barko. Oh fuck, mas hot pa siya sa mga napapanuod ko.

Oh damn, iniimagine ko ba ang manyakis na 'yon?

Lumipas ang dalawang araw na walang Tristan Ferell na nagpaparamdaman, hindi ko maiwasang hindi kabahan. Dapat ay nagmemessage man lang siya sa akin.

Muli kong hinigop ang aking juice at ibinalik sa lamesa. Nagbuklat buklat na lang muna ako ng magazine. Kasalukuyan akong nakaupo sa isang beach bed, sa tabi ng swimming pool. Wearing my black pair of bikini.

Hindi lang iilang lalaki na ang nagpumilit gumawa ng pagpapapansin sa akin pero wala akong interes sa kanila. Di hamak na mas gwapo ang boyfriend ko na nasa switzerland at nag aalaga ng bata. Patay ka talaga sa akin Tristan Ferell, kahit isang 'hi' man lang ay wala akong matanggap sa kanya. Baka naman pinagpalit na niya ako sa isa sa mga german, french o mga italyanang mapuputi doon. Mahilig pa naman sa mapuputi ang manyakis na 'yon.

Hindi ko na napansin na nagugusot ko na pala ang magazine na hawak ko.

"Mind putting me some sunblock?" umangat ang paningin ko sa lalaking inaabutan ako ng sunblock. Wala namang init at hindi naman po kasi siya kaputian. Moreno ang manyak.

"Ano naman ang isusunblock mo Tristan? Negro ka na naman" inirapan ko siya. Bakit ngangayon lang ang lalaking ito?

"You're too harsh. Moreno ako baby.." tumabi siya sa akin. Nagkunwari akong abala sa magazine, kahit hindi ko na naiintindihan.

"Lina.." yumakap na siya at ipinatong niya ang baba niya sa balikat ko. Napapitlag na lang ako nang kagatin niya ang tenga ko. My god! May mga batang naglalaro sa pool.

"Tristan may mga bata, nakatingin na sa atin ang mga magulang" pilit akong kumalas sa kanya.

"Are you mad?" nagtanong ka pa.

"I am not. Bakit naman ako magagalit sa'yo? Hindi ka lang naman nagtext or tumawag sa akin ng dalawang araw. Bakit naman ako magagalit?" sarkastikong sabi ko. Lumakas na ang pagbuklat ko sa aking magazine.

"Galit ka nga" ngising sagot niya sa akin.

"Baka nakakita ka na doon ng mapuputing babae. Manyakis ka pa naman din" narinig ko siyang natawa sa sinabi ko.

"Magbihis ka na. Let's date" napalingon ako sa kanya.

"Saan?"

"I won't tell you. It's a surprise" hinalikan niya muna ang ilong ko bago siya tumayo. Nakita kong may isang crew ng hotel na may hawak na malaking puting towel na siyang sinalubong niya at kinuha ang towel na hawak nito.

"Stand" napairap na lang ako sa kanya. Bakit parang ang lakas niyang makapag utos? Nang makatayo ako ay ibinalot niya sa akin ang towel na hawak niya.

"Pasalamat ang mga lalaking sumusulyap sa'yo at good mood ako, kung nagkataong mainit ang ulo ko pauulanan ko sila ng bala" napangisi na lang ako sa sinabi niya.

Mabilis na akong nakapagbihis at hindi rin nagtagal ay nasa kotse na kami ni Tristan. Saan naman kaya ako dadalhin ng isang ito?

"Saan mo ako dadalhin Tristan?"

"Sa headquarters" ilang minuto akong natahimik. Bakit?

"Why? Pwede ba ako doon?" nagtatakang tanong ko.

"Ofcourse" maiksing sagot niya.

Tumagal ng dalawang oras ang biyahe pero hindi pa din kami nakakarating. Kasalukuyan na kaming nasa masukal na daan at halatang hindi na masyadong nadaanan ng sasakyan. Puro mga puno na lang ang nakikita ko.

Akala ko ay susundan pa namin ni Tristan ang daan nang iliko niya ang sasaktan sa mas makitid na daanan na hindi aakalang may magkakasyang sasakyan dito.

"What about your car tires Tristan?" ramdam na ramdam ko ang pagkabako ng daan. Baka hindi na kayanin ng sasakyan niya.

"Don't worry, hindi masisira ang sasakyan ko dito" natatawang sagot niya sa akin.

Tumagal pa kami ng isang oras bago akong muling nakakita ng daan, dito na muli dumaan ang sasakyan namin hanggang sa tuluyan na akong makakita ng isang malawak at patag na damuhan. Pero ang mas nakagulat sa akin ay ang napakalaking hot air balloon na kasalukuyan nang inaayos ng apat na lalaki.

At ang disenyo ng balloon? Saging. Damn.

"Cap!" tawag ng mga ito nang bumaba kami ng sasakyan.

"All set up?" tanong ni Tristan. Don't tell me sasakay kami dyan ni Tristan? Hindi ba parang delikado?

"Yes Cap!" sagot nila kay Tristan.

"Marunong kang sumakay dyan Tristan?" kinakabahang tanong ko. Pero nagulat na lang ako nang hapitin niya ang bewang ko at bumulong sa akin.

"I am Lady Rider, you know that baby. I am good at riding" kung wala siyang mga tauhan ngayon ay nasampal ko na siya.

Napapatingala na lang ako dahil sa aking paghanga, first time kong makakasakay dito.

Nang maayos nang lahat ng mga tauhan niya ang hot air balloon at tama na ang hugis nito ay bumaba na ang dalawang lalaking nakasakay dito.

Isinakay na ako ni Tristan, ganoon din siya na mabilis sumunod sa akin. Tinanggal na nang mga tauhan niya ang tali kaya nagsimula nang umangat ang hot air balloon. Oh my god, I am thrilled.

"Paano tayo, lalanding Tristan?" kinakabahang tanong ko habang nakatingin sa ibaba.

"Wala pa tayo sa langit? Lalanding na agad tayo?" naningkit ang mata kong lumingon sa sagot niya. Bakit pakiramdam ko ay double meaning lagi ang sinasagot niya sa akin?

"What?" ngising sabi niya sa akin. Damn, kanina pa talaga ang manyak na ito.

Nakita kong may marahan siyang hinilang metal kaya may biglang nagbuga ng apoy sa loob ng balloon. Ito rin ang ginagawa ng tauhan niya kanina.

"These are the burners, envelope naman ang tawag sa balloon na nakikita mo. While those are the propel tank, dito kumukuha ng gas ang burners" napatango na lang ako sa pagpapaliwanag niya.

Naramdaman kong unti unti na kaming umaangat at hindi nagtagal ay sobrang taas na naming dalawa. Habang panay ako sa panunuod sa magandang tanawin sa ibaba y naramdaman ko na lang ang yakap niya mula sa likuran ko.

"How is it?" bulong niya sa akin. Mas napapagmasdan ko na kung nasaan kami, isang malawak na damuhan na napag gigitnaan ng kagubatan. Napakalayo nito sa kalsada at hindi aakalaing may lugar na ganito na matatagpuan sa gitna ng kagubatan. Ito siguro ang training field ng agency ni Tristan.

"This is wonderful Tristan.." kahit kagubatan at damuhan lang ang makikita, napakaganda pa rin pagmasdan mula sa himpapawid. Napakaaliwas panuorin, nakakarelax.

"I planned our date on plane but I back off, hindi kita mayayakap dahil ako ang piloto. But here, I can even kiss you, kahit ako ang piloto. I can pilot the hot air balloon and I can pilot my Lina.." nagsimula na siyang halikan ang leeg ko. Damn Ferell. Napapangisi na lang ako sa pinagsasabi niya.

"You can even fly an airplane Tristan?" nawiwiling sabi ko.

"I am" maiksing sagot niya habang abala pa rin siya sa paghalik sa akin.

"You're so gifted Tristan.."

"Pinag aaralan Lina..." nagpahumble?

Humiwalay siya sa akin at muli niyang hinila ang burner. Saka siya bumalik sa akin at niyakap akong muli sa aking likuran.

"Is that your headquarters?" may itinuro ako sa kanyang parang isang metal building na paletter E ang disenyo.

"Yes.." maiksing sagot niya. Hindi na muli siya nagsalita, pero nanatiling nakapatong ang baba niya sa balikat ko.

"Do you think I'm selfish Lina?" natigilan ako sa tanong ko.

"Saan nanggaling ang tanong na 'yan Tristan?" kunot noong tanong ko sa kanya.

"Oh, nothing" tipid na sagot niya.

"Nasabi ko noon na makasarili ka, pero binabawi ko na. Nadala lang ako ng emosyon ko..." paliwanag ko sa kanya.

"You're wrong baby. I am selfish.." humigpit ang yakap niya sa akin. What's wrong with him? What's with this topic?

"May patutunguhan ba ang pinag uusapan natin Tristan?" kinakabahang tanong ko.

"Do you think I can ruin someone's family?" mas lalo akong kinabahan sa tanong niya. Bakit biglang pumasok sa isip ko ang mga sinabi ni kuya?

"May hindi ka na sinasabi sa akin Tristan?" seryosong tanong ko.

"Sorry, let's just enjoy our date" humiwalay siya muli sa akin para hilahin ang burner. May napansin na rin akong basket sa dulo.

"We have some foods Lina.." lumapit na ako sa basket. At tama nga may mga sandwiches at juice na nandito.

Dahil parehas na kaming nagugutom ay kumain na muna kami, hindi naman ako nakakaanin ng maayos dahil nagpapasubo pa sa akin si Tristan, nag iinarte na naman po.

"Lina.." pakiramdam ko ay bigla akong nainitan nang tawagin niya ang pangalan ko. Basta na lang binitawan ni Tristan ang sandwich niya habang mariing nakatitig sa akin.

"Ayoko sa iniisip mo Tristan, wag dito.." naiiling na sabi ko. Nagsimula na akong tumayo habang siya ay tumayo na rin para sundan ko.

Hindi ko na inaasahan na makakatakbo ako sa kanya kaya sa huli, nahuli niya rin ako. Maglalapat na sana ang mga labi namin nang kapwa kami napatigil sa malakas na kulog mula sa kalangitan.

What the fuck?

"Uulan ba?" tanong ko.

"We need to land. Damn this weather.." humiwalay na sa akin si Tristan para ayusin ang hot air ballon pero hindi pa man tuluyang nakakalayo sa akin si Tristan ay bigla na lang lumakas ang ulan at sinabayan pa ng paglakas ng hangin.

"Fuck! Kumapit ka Lina.." tumango na lang ako. Hindi ko alam kung bakit sa kabila nang taas na maaari naming mabagsakan ay hindi ako kabahan. I have Cap Theo as my pilot, I can't be nervous.

Lalo pang akong napatulala sa kanya habang nililipad ang magulo niyang buhok at bahagya nang nababasa ng ulan ang kanyang mukha. Damn this hot pilot.

Napapansin ko na nagsisimula nang mawalan ng hangin ang lobo. What the hell? Anong nangyayari?

"What the?" ilang beses pang hinila ni Tristan ang burner pero wala nang lumalabas na apoy. Akala ko ba ay inayos ng mga tauhan niya?

Sa lakas nang hangin ay natangay ang hot air balloon na sinasakyan namin. Napasigaw na lang ako nang makabitaw ako. Fuck. Nagtapunan na rin ang mga pagkain namin.

Nangunot ang noo ko nang may mapansin akong maliit na papel, naririnig ko na ang mga mura ni Tristan Ferell. Pilit kong inabot ang papel at may nakasulat ito na Cap Theo sa unahan.

"Tristan, they have a note for you"

"What?" pinunasan niya pa ang mukha niya ng mga palad niya. Damn, bakit parang bumagal? Naging model pa si Tristan ng isang energy drink sa paningin ko. My god.

"Lina, what?" natauhan ako nang tawagin niya ako.

"May note sa basket" inabot ko ang puting papel kay Tristan. Lalo yatang nangunot ang noo niya dahil ginusot niya ito ay iritadong inihagis.

"Fuck! I will goddamn suspend them!" hindi ko na nakausap pa si Tristan habang pababa na nang pababa ang hot air balloon.

"Tristan wala na tayo sa field" kinakabahang sabi ko.

"We'll land on forest Lina, para mapigilan ang impact ng pagbagsak natin. Fuck those idiots" ramdam ko ang lalong pagbulusok namin. Damn.

Nang nakikita ko nang mas nalalapit kami sa matatayog na puno ay lumapit na sa akin si Tristan para yakapin ako.

"Stay calm.." tumango na lang ako. Napapikit na lang ako nang tuluyan na kaming bumagsak, halos makalog ang basket na sinasakyan namin sabaya nang walang tigil kong pasigaw.

Ilang beses pa akong nagdasal na sana hindi tumaob ang sinasakyan namin.

"Oh my god! Oh my god!" pero mukhang hindi umabot ang dasal ko. Mahuhulog kami!

Tuluyan nang nakabitaw sa pagkakayakap ko si Tristan habang ako ay kasalukuyang nakakapit sa basket. Nakasabit sa puno ang balloon, pati mga tali nito kaya bahagyang nakatagilid ang basket kung saan nakasabit ako.

"Oh my god! Nasaan ka Tristan? Mahuhulog ako, madulas na ang kamay ko..." maiyak iyak na ako. Ang lakas pa ng ulan. Sinilip ko si Tristan sa ibaba, ang taas ng binagsakan niya.

"Tristan! Tristan!" sigaw ko.

"I'm fine baby.." natatawang sabi niya habang bumabangon.

"Kuhanin mo ako dito! Ayaw ko na sa hot air balloon! Ayoko na sa hot air balloon! Sana nag plane na lang tayo" umiiyak na sabi ko.

"Bumitaw ka na, sasambutin kita.." oh my goodness!

"Paano kung hindi mo ako masambot?" nangangatal na sabi ko. Lalo kong hinigpitan ang pagkakakapit ko.

"Why would I do that? Ayokong masaktan ka..." humuhugot ba siya ngayon? What the fuck?

"Niloloko mo ba ako?!" iritadong sigaw ko sa kanya.

"Come on Lina, sasambutin kita. You don't trust me?" kahit kinakabahan pa ako ay wala na akong nagawa. Pikit mata kong ibinitaw ang mga kamay ko.

Naghintay ako ng ilang segundo para dumaing sa masakit na likuran pero wala akong maramdaman kundi ang pamilyar na mga braso niya.

"See? I can always catch you Lina.."

--

VentreCanard