Thanks @KhyMhy0918 :)

Chapter 21

Pauwi na kami at nakatigil ngayon ang sasakyan namin sa tapat ng isang maliit na tindahan dahil bigla kaming nauhaw at nakalimutan naming magdala ng mineral water para sa mahaba naming biyahe. Kanina lang ay tumigil din kami sa isang tindahan para bumili naman ng candy. Bakit ba pakiramdam namin ni Florence ay sinasadyang patagalin ng mga Ferell ang aming biyahe?

"Bilisan mo Tristan" sabi ni Owen na siyang driver ng sasakyan namin.

Bumaba na si Tristan para bumili ng tubig, mabilis naman akong sumunod sa kanya para samahan siya. Sa harapan ng tindahan ay may ilang mga tambay na naglalaro ng chess na nagtatawanan at nagbibiruan. Bakit hindi na maganda ang pakiramdam ko dito?

Nilampasan namin sila ni Tristan at sumilip na kami sa tindahan.

"Tristan, parang walang tao. Wag na tayong bumili" bahagya kong hinila si Tristan lalo na nang mapansin ko na nakangisi sa akin ang isang lalaki.

Bumaling si Tristan sa kumpulan ng mga tambay na siyang pinagtaka ko.

"Excuse me? Alam nyo po ba kung nasaan ang nagtitinda dito?" magalang na tanong ni Tristan sa mga naglalaro ng chess.

"Aanhin namin ang magtitinda dyan? Iluluto?" halos mapanganga ako sa sagot ng lalaki. Maayos kaming nagtanong!

Hahawakan ko na sana si Tristan para umalis na lang kami nang manlaki ang mata ko dahil basta na lang sinipa ni Tristan ang nilalarong chess board ng mga tambay.

"Tang ina! Bastos ka!" sigaw ng isang lalaki. Nagtayuan na ang mga tambay. Agad akong inilagay ni Tristan sa kanyang likuran. Mabilis din na nabuksan ang van na sinasakyan namin at agad na bumaba ang mga pinsan ni Tristan. Napasigaw na lang ako nang mabilis nahila ni Owen ang balikat ng nakatalikod na lalaki at inumbagan niya ito ng isang malakas na suntok sa mukha na nakapagpatumba dito.

What the hell? Nauna pa siyang sumuntok kay Tristan?

"Anong nangyayari?" tanong ni Owen pagkatapos niyang makasuntok ng isa. Hindi ba dapat itanong niya muna kung ano ang nangyayari bago siya sumuntok? Napansin ko na may humawak na sa magkabila kong balikat.

"Pumasok ka na sa loob ng van Lina" si Nero pala na nasa likuran ko na agad. Nang marinig ni Tristan ang boses ng pinsan niya ay tumango ito sa akin bilang pagsang ayon sa sinabi ni Nero.

Nakaalalay sa akin si Nero hanggang sa makarating kami sa van na hindi nahaharang ng mga tambay. Sumalubong sa akin si Florence na kunot na naman ang noo. Pagkapasok ko sa van ay malakas nang isinara ni Nero ang van.

"Bakit ba ang tatapang ng magpipinsang 'yan?" iritadong sabi ni Florence. Napasulyap ako sa bintana. Kasalukuyan na silang nagtutulakan at hindi malayong uuwi ang mga itong may putok na kung ano sa kanilang mga mukha.

"Ano ba ang nangyari Lina? Nagulat na lang ako nang biglang bumaba si Owen at Nero, syempre sumunod din si Troy"

"Bastos 'yong lalaki, nagtatanong kasi si Tristan ng maayos. Hindi naman kami nakikipagbiruan, sumagot ng papilosopo kaya 'yon sinipa ni Tristan ang nilalaro nila" sagot ko kay Florence na lalong nagpakunot ng noo niya.

"Tanga ng lalaki, biruin na niya ang lahat wag lang ang uhaw na Ferell" sabay na kaming tumingin ni Florence sa labas. At gaya nga ng inaasahan ay napapaaway na ang magpipinsan.

"Minsan na nga lang tayo mag out of town gusto pa lagi ng mga Ferell na maghari harian. Haist. Sakit nila sa ulo" hindi ko na sila pinanuod at hinintay na lang namin sila ni Florence bago sila bumalik sa loob ng van na parang walang nangyari.

"Oh, ano na ang nangyari?" tamad na tanong ni Florence.

"Still handsome" sagot ng driver.

"Still hot" sagot ng katabi nito.

"No sweat" sagot ni Nero.

"Simpleng bagay" sagot naman ni Tristan. Kapwa na lang kami napaismid ni Florence. Ano nga ba ang aasahan sa isasagot nila?

"Owen, idaan na natin ito sa subdivision ng mga Hidalgo" utos ni Tristan sa kanyang pinsan.

"Alright" sagot sa kanya ni Owen.

Nakadating na kami sa tapat ng bahay namin at agad akong sinalubong ng kuya ko. Mabilis niyang kinuha ang bag ko kay Tristan at talagang nagsukatan pa silang dalawa ng tingin. Pumagitna ako sa kanilang dalawa dahil kaunting segundo na lang ng kanilang titigan ay mahahantong na naman sa hindi maganda.

"Pumasok ka na sa loob Lina. Kakausapin ko lang ang kamoteng manliligaw mo" bahagya pa akong itinulak ni kuya para umalis na ako pero nanatili ako sa likuran niya para sa anumang pwedeng mangyari.

"Excuse me? Manliligaw? Baby, tell him. Sabihin mo sa labanos mong kuya" lalong naglapit ang dalawa. Bakit ba parang ang basagulero nitong si Tristan kanina pa?

"What the—" muli akong humarang sa pagitan nilang dalawa.

"Kuya, sinagot ko na si Tristan. Kami na.." nanlaki ang mata niya sa sinabi ko.

"Bakit ang bilis naman?! Hindi ka man lang nagpakipot?" padabog nitong ibinigay sa akin ang bag na dala ko at bumalik na siya sa loob ng bahay. Hindi ko na pinansin ang pagmamaktol ni kuya at humarap na ako kay Tristan.

"Sige na umuwi na kayo. Ingat" mabilis siyang nakayuko at binigyan niya ako ng isang saglit na halik. Tristan Ferell and his stealing kisses.

"Your brother is jealous. I'm starting to enjoy this.." hinapit niya ang bewang ko para mas magkadikit kami.

"Tristan, baka makababa pa si kuya.." natatawang sabi ko habang tinatanggal ang mga kamay niya.

"Enough of that Romeo, madami pang pagkakaton. We need to go" sigaw ni Owen na kanina pang bumubusina. Nakita ko lang namang umikot ang mga mata ni Tristan Ferell na may kasama pang pagmumura bago niya binitawan ang aking bewang.

Kumindat muna siya sa akin bago siya nagmadaling sumakay sa van dahil sa tawag sa ng kanyang mga pinsan. Kumaway na lang ako sa kanya hanggang sa tuluyan nang umalis ang van na sinasakyan niya.

Pumasok na ako sa bahay at halos ibato ko kay kuya ang bag ko nang makitang may kalong siyang dalawang babae na halos panty na yata ang suot dahil sa sobrang iksi ng mga short.

Muntik ko nang makalimutan na tatlong linggo nga palang wala sa bahay si mommy at daddy kaya nakakapag walang hiya na naman ang santo kong kuya.

"Is she your sister Ace?" tanong sa kanya ng isang babae na napakapula ng labi. Halos dalawang pares ng malalaking dibdib ang nakahain ngayon sa mukha ng kuya ko. I'm so proud of him. Damn. Wag lang akong magkakaroon ng mga pamangkin ng maaga.

"He's not my brother. Boarder lang ako dito. Sige, enjoy girls" umirap muna ako sa kanila bago ako nagmadaling tumakbo sa pataas ng hagdan. Wala na talaga kaming magagawa sa pagiging babaero nitong si kuya dapat talaga makahanap siya ng katapat niya.

--

Dahil dalawang araw na suspended si Tristan at ang mga pinsan niya ay hindi ko na siya inaasahan na makakapaghatid pa sa akin sa pag uwi. Lalong hindi ko rin naman hihintayin ang aking kuya dahil abala ito sa kanyang mga babae. Magcocommute na lang siguro ako.

"Lina bakit hindi ka na lang sumabay dito? Ihahatid ka na namin ni Nero" pag anyaya sa akin ni Florence na agad ko namang tinanggihan.

"It's alright Lina. Sumakay ka na" sabi rin ni Nero.

"Hindi, okay lang ako. Susunduin ako ni kuya" pagsisinungaling ko.

"Are you sure?" tanong sa akin ni Florence.

"Yes, yes" ngumiti na lang siya sa akin bago sila umalis ni Nero.

Nagsimula na akong maglakad sa pinakamalapit na abangan ng jeep. Pero dahil maraming nag aabang na pasahero, naging hunger games na ang nangyayaring pagsakay. May tulakan na, apakan ng paa na siyang ayaw ko. Kaya mas pinili ko na lamang munang tumayo at maghintay ng luwag. Pero nakailang daan na ng jeep ay hindi pa rin ako nakakasakay kaya naglakad na lang muna ako at kung may dumaan na lang na tricycle ay dito na ako sasakay.

Pero hindi pa siguro naghahati ang aking nilalakad ay may bumusing sasakyan mula sa aking likuran. Dahil pamilyar na ako sa tunog ng kanyang sasakyan ay hindi na ako nagulat nang lingunin ko siya.

"Sorry, I'm late" nagkibit balikat lang ako sa sinabi ni Tristan at mabilis na akong pumasok sa orange niyang oto.

"Are you mad?" nag aalalang tanong niya sa akin pagkaupo ko nang nanatili akong hindi nagsasalita. Galit ba ako?

"Hindi naman, bakit naman ako magagalit sa'yo?" sagot ko sa kanya. Wala naman siyang ginawang mali or something? Hindi rin naman siya nakapangako na susunduin niya ako ngayon. Saan ako kukuha ng ikakagalit ko?

"Are you sure?" tanong niya sa akin na parang hindi siya naniniwala sa sagot ko.

"I'm good. Why?" nakita kong bumuntong hininga siya sa sagot ko.

"I thought you're mad, ang hirap mo pa namang suyuin" napanguso na lang ako sa sinabi niya.

"Here" may inabot siyang bouquet ng roses at nakabalot na regalo.

"Para saan ito Tristan?" nagkibit balikat lang siya sa akin.

"A present for my first girlfriend?" tumaas ang kilay ko sa sinabi niya.

"First ba talaga ako? Baka naman first ako 27th batch of your girls?" napatawa siya sa sinabi ko. And shit, he's laughter is goddamn hot.

"What the hell is that 27th batch?" natatawang tanong niya sa akin.

"Can I open the gift?" tanong ko sa kanya.

"Sure" maiksing sagot niya. Sinimulan ko nang buksan ang regalo niya sa akin na medyo may kabigatan at nang tuluyan ko na itong mabuksan ay nangunot na lang ang aking noo.

"What is this Tristan? Flashlight? Lagi namang may kuryente sa bahay" ako naman ngayon ang natatawa sa weird na regalo sa akin ni Tristan.

"You can use that every night Lina. You can see me through that flashlight" ano daw?

"May binabalak ka na naman ba Tristan na hindi maganda?" umiling siya sa akin habang nakangisi. Napansin ko na lumampas na kami sa subdivision namin, saan na naman ako dadalhin ng Ferell na ito?

"Where are we going Tristan?" nagtatakang tanong ko.

"We're going to mall. I'll buy something and I need your opinion, do you mind?" pinagtaasan ko siya ng kilay. Paano pa ako makakatanggi? Lumampas na kami sa subdivision namin.

"Okay lang naman, maaga pa naman" sagot ko na lamag habang nilalaro ko ang mamahaling flashlight na bigay sa akin ni Tristan. Bakit parang iba ang tumatakbo sa isip ko tungkol sa flashlight na ito?

"Thanks" tipid na sagot ni Tristan.

"Tristan, your taste is weird"

"No it's not. Then you'll agree that you're weird too?" tanong niya sa akin.

"Ofcourse not!" madiing sagot ko.

"See? Just remember that flashlights are good for mining" bakit nagkaroon naman ng minahan sa pinag uusapan namin dalawa?

"Mining? Kailan ka pa nagmina Tristan?" tamad na tanong ko. Bakit hindi na ako nasanay na napakarandom talagang kausap nitong boyfriend ko.

"Mining is digging Lina. Mamaya pa ako magmimina.." para akong robot na dahan dahang napalingon sa sinabi ni Tristan Ferell. Seriouly? Talaga ba na pinaninidigan niya ang 'digging' na sinasabi niya? Ano pa itong nalalaman niyang pagmimina? What the hell?

"Kaya panghawakan mo na ang flashlight na 'yan Lina. Dahil sa pagkagat ng dilim, the only thing you can have is the light from that flashlight.." napahigpit ang pagkakahawak ko sa flashlight. Lalo na nang maalala ko na posibleng ako lamang ang tao sa bahay mamayang gabi.

"May posibilidad ba na makakita ako ng minero mamayang gabi Tristan?" kinakabahang tanong ko sa kanya na lalong nagpalapad ng kanyang ngisi.

"Definitely baby.."

"Tang ina mo Tristan Ferell! Bakit ang bilis bilis mo?!" iritadong tanong ko sa kanya na nakapagpatawa lang naman sa kanya.

"Hindi naman. Sabi nga ni LG mild daw kami except Troy, ofcourse" mild? What the hell?

Napansin ko na nasa parking na pala kami ng mall.

"Let's go" nauna na siyang bumaba sa akin. Hindi ko na rin naman siya hinintay na pagbuksan ako. Mabilis niyang hinuli ang kamay ko at naglakad kami na magkahawak kamay gaya ng mga magkarelasyon na nakikita ko sa mga mall. Ganito pala kasaya ang feeling lalo na kung ganito ka hot ng lalaking nakahawak kamay mo.

Hindi lang iilang babae ang napapasulyap kay Tristan Ferell. Sino nga lang ba siya? Siya lang naman ang nag iisang lalaking nakitaan ko ng pinakamagandang mga mata. Paano pa kung sinamahan niya pa ng tindig at paraan ng kanyang paglalakad? How about his messy hair? Dinaig pa niya ang mga modelong nakikita ko na nagkapit sa bawat sulok ng mall.

"Ano ba ang bibilhin mo Tristan?" hindi niya ako sinagot hanggang sa makarating kami sa men's wear. Fuck. Hindi naman siguro niya binabalak na bumili...

Wag naman sana.

Pero mukhang sinasagad yata ni Tristan Ferell ang pasensya ko. Tumigil lang naman kami sa section kung saan nakahanger ang iba't ibang size ng boxers brief. Tang ina mo Tristan Ferell! Agad kong tinanggal ang kamay niya sa akin at dumistansya ako sa kanya para makapamili siya mag isa. Bakit kailangan kasama pa ako dito?! Ramdam kong namumula na ang pisngi ko. Hindi ba dapat mag isa na lang siya sa pagbili ng mga ganyan?

May lumapit na sales lady sa kanya para mag assist. Nanatili akong nakadistansya sa kanya. Malay ko sa mga ganyan.

"Yes po sir?" hindi siya sinagot ni Tristan Ferell. God! Sana matapos na po siya sa pamimili. Ayoko ng ganito.

"Lina, baby come here. Alin dito ang kasya sa akin?" fuck! Matteo Ferell!

--

VentreCanard