Everything was a little blur at first. Nararamdaman niyang sumasakit ang buong katawan niya. Pati na rin ang ulo niya'y sumasakit rin. Pero nang naka-adjust na ang mga mata niya'y agad na nakita niya ang tanging babaeng nagpapatibok ng puso niya. Agad ring nawala ang lahat ng sakit na nararamdaman niya sa katawan.

Kath.

Nakahiga ito sa tabi niya, habang nakayakap ang isang kamay nito sa kanya. Para itong isang anghel habang natutulog sa tabi niya. Gusto niya itong gisingin at ipaalam dito na gising na siya, katulad ng naririnig niyang pinapanalangin nito. But he contested that thought. Mas gusto niya itong nakikitang at peace na natutulog. Kasi alam niyang sa panahong gigising na ito ay maaari na naman itong umiyak.

Yes, he hears her. Naririnig niya ang pag-iyak nito at ang parati nitong hinihiling sa Panginoon na sana ay gumising na siya. And yes, nagising na nga siya. Pero hindi niya alam kung gaano na katagal siyang walang malay. Pero wala siyang pakialam. Ang mahalaga para sa kanya ay ang malaman na sa paggising niya ay ang isang tao lang na inaasahan niyang makita ay nakita nga niya.

Naramdaman niyang gumalaw ito ng bahagya. Kaya ay agad na naipikit niya ang kanyang mga mata. Gusto niyang sorpresahin ito. Gusto niyang makita kung ano ang magiging reaksyon nito kapag malaman nitong nagising na siya.

Naramdaman niyang nawala ito sa tabi niya. Mukhang nakatayo na ito dahil nararamdaman niyang wala na siyang katabi sa kama. Mahabang katahimikan ang narinig niya, bago may narinig siyang pagbukas at pagsara ng pintuan. Siguro ay pumunta ito ng banyo.

Agad na inimulat niya ang mga mata at nakitang mag-isa na nga siya sa kwarto. A little smile formed on his lips. Ngayon pa lang, nami-miss na niya si Kathryn. Naka-banyo lang ito't lahat pero parang gusto na niyang puntahan ito doon dahil nami-miss na niya ito.

Nang narinig niya ang pagbukas at pagsara ulit ng pinto ay agad na napapikit ulit siya ng mga mata. Narinig niyang lumapit ito sa kanya at naupo sa silyang katabi ng kama niya. Narinig niyang napabuntong-hininga ito. Ilang minuto pang naging tahimik sa kwarto. Kapagkuwan ay narinig niyang nagsalita ito.

"Daniel..."

Pero hindi boses ni Kath ang narinig niya.

Dominic?

__________

Sa pagmulat ni Kath ng mga mata ay nakita niya ang tulog pa ring diwa ng boyfriend. Ang gwapo pa rin nito, sa kabila ng lahat ng pasa nito sa mukha at bandage nito sa ulo. Napapangiti nalang siya dahil hindi niya aakalaing mahal siya ng lalaking ito.

Napatayo naman siya mula sa pagkakahiga sa tabi nito. She needed to go the restroom. Pero nang papasok siya ng restroom sa loob ng kwarto nito ay bumukas ang pintuan ng kwarto at bumungad doon si Dominic.

Nakatingin ito sa kanya. Parang may gusto itong sabihin pero hindi nito masabi-sabi sa kanya. Saka naman ito tumingin sa natutulog na si Daniel, and then back to her. Parang alam na niya kung ano ang pinapahiwatig nito. Siguro gusto siya nitong makausap. Kaya ay napagpasyahan niyang lumabas muna ng kwarto ni Daniel para kausapin ito.

Nang nakalabas na sila ng kwarto ni Daniel ay agad na hinarap niya si Dominic.

"What do you want?" matigas na tanong niya dito.

"Look, Kath, I just wanted to say I'm sorry. Dahil alam kong nasaktan kita," panimula ni Dominic. "I - I know I've ruined the trust you gave me. Siguro alam mo na ang lahat-lahat nang nagawa kong kasalanan sa iyo at kay Daniel. And I know, kulang ang isang milyong 'sorry' para patawarin mo ako, pero just please, give me another chance to prove to you how much I regretted hurting your feelings."

Napailing siya. "What's done is done, Dominic. Kahit na ilang 'sorry' pa ang sabihin mo, hinding-hindi na babalik ang lahat ng sakit na naidulot mo sa akin at kay Daniel. Sa 'sorry' mo ba na iyan, mapapagaling mo ba si Daniel? Hindi, Dominic."

"Alam ko. Alam ko. Kaya nga gagawin ko ang lahat para lang maitama ang lahat ng kamalian ko. Just please, give me a chance."

"Dom, bakit mo ba kasi nagawa sa amin ito? How could you do that to me?" tanong niya dito.

Naihilamos nito ang palad sa mukha nito. "I - It's a long story, Kath."

"I'm sure you could make a way around it," sagot niya dito.

He sighed. "Oo, intensiyon kong saktan kayo. Intensiyon kong paghiwalayin kayong dalawa ni Daniel. Pero nagawa ko lang iyon dahil gusto kong ipaghiganti si Danna. Dahil ayokong naagrabiyado siya. Ayokong nasasaktan siya. I'm sorry, Kath. Alam ko namang childish ang ginawa ko. At maaaring hindi mo na ako mapatawad. Pero ang iniisip ko lang ay si Danna. Mahal na mahal ko siya at ayokong nakikita siyang nasasaktan."

Tama nga ito. Childish nga ito. Pero parang naiintindihan niya ito kung bakit nito nagawa iyon. Ipinagtanggol lang nito ang mahal nito sa buhay.

Nagbuntong-hininga ulit ito. "Kath, I'm really sorry. Ano ba ang magagawa ko para bumalik ulit ang pagtitiwala mo sa akin?"

Umiling-iling siya. "Dom, somehow, I understand you. Mahal na mahal mo si Danna, kaya mo nagawa iyon. Alam kong may dahilan ang lahat ng ginawa mo. Pero hindi ko pa maibibigay ang hiling mo, Dom. You betrayed my trust. At hindi ganoon kadali ang pagkatiwalaan ka ulit."

"I know that, Kath. I know. And handa akong maghintay. Handa kong hintayin ang panahong mapapatawad mo na ako. I'm just really sorry, Kath. I never meant for this to happen. I never meant for Daniel to get into an accident."

Kitang-kita niya sa mga mata ni Dominic ang pagsisisi sa ginawa nito. Siguro nga na-realize na nito ang malaking kasalanan nito. Kaya parang nararamdaman niyang unti-unti na niya itong pinapatawad. Dahil alam niyang nagsisisi na ito sa kasalanan nito.

Napatango nalang siya dito. She knew that he knew that there was hope for another chance for their friendship. Hindi siya ganoon kasama para magtanim ng galit sa isang tao. Someday, she knew she would find the courage to forgive Dominic. Pero hindi pa talaga niya magagawa iyon sa ngayon.

"Kath."

Pareho silang napalingon ni Dominic sa tumawag sa kanya. Nakita niya si Vicky na nagmamadaling makapunta sa pwesto niya.

"Ma'am Cory has asked me to ask you kung pwede ka bang pumunta ng office niya," anito nang nakalapit na ito sa kanya.

"Now na?" tanong niya dito.

"She said it was urgent. Pero maiintindihan niya kung hindi ka makakapunta agad," sagot ni Vicky.

Napatingin siya sa pintuan ng kwarto ni Daniel. Kung aalis siya at pupunta siya kay Ma'am Cory, walang magbabantay kay Daniel. Ang alam kasi niya, may klase pa ang kapatid nito kaya mamaya pang gabi ito makakadalaw kay Daniel sa hospital. At si Mark naman ay pinagkakaabalahan ang ibang endorsers ni Daniel at ang management na rin ng ABS Network tungkol sa pagkakaaksidente ni Daniel. Sino na ang maiiwan para magbantay kay Daniel?

"Ako na ang magbabantay sa kanya, Kath," pagbo-volunteer ni Dominic.

Napatingin naman siya dito. Ayaw niyang iwan si Daniel kay Dominic. She didn't trust him enough para iwan itong mag-isang magbabantay kay Daniel. Paano pala kung may masamang gawin si Dominic kay Daniel kahit na umamin na itong may kasalanan sa kanila?

"Kath, hindi naman siguro papatayin ni Dominic si Daniel, ano?" si Vicky na ang sumagot sa naiisip ng utak niya.

"Kath, I promise. Hindi na kita sasaktan. Hindi ko na sasaktan ang taong mahal mo," wika din ni Dominic.

Nagbuntong-hininga muna siya, saka ay mahinang napatango kay Vicky.

"Okay. Let's go," ani Vicky at nauna nang lumakad.

Binalingan uli niya si Dominic bago sumunod kay Vicky. "Please, pakibantayan mo si Daniel. Hindi ako magtatagal, Dom."

Tumango lang ito sa kanya. "I promise, babantayan ko si Daniel, Kath."

Tumango siya dito bago tuluyang iniwan ito. Pero bago pa siya makalayo dito ay binalingan uli niya ito ng tingin at tinawag ang pangalan nito.

"Bakit, Kath?" tanong nito.

"Salamat, Dom."

Ang ngiti lang nito ang nakuha niyang sagot nito.

__________

"Daniel..."

Gustong imulat ni Daniel ang kanyang mga mata dahil sa narinig. Sure siyang si Dominic ang nagsalita. Pero bakit ito ang naroon? Nasaan na si Kath?

Narinig niya itong nagbuntong-hininga.

"Daniel, where do I start? Paano ko sisimulang sabihin sa iyo na ako ang dahilan kung bakit nandiyan ka sa posisyon mo ngayon?" wika ulit nito.

Hell, right. Dahil sa pag-aagaw nito sa kanya ng babaeng mahal niya, nandoon siya sa posisyon niya. Bakit ba ito naroon? Gusto ba nitong sabihin sa kanya kung bakit nito inagaw sa kanya ang babaeng mahal niya?

"Alam kong maaaring walang kwenta itong pagmo-monologue ko dito. But I just really wanted to say I'm sorry. And gusto kong ipaliwanag ang side ko sa story," dagdag pa nito.

Well, I'm listening. Kaya ay nagpanggap pa rin siyang natutulog.

"Kaya ko lang naman nagawa ang lahat ng naging kasalanan ko sa inyo ni Kath ay dahil..."

Hindi niya alam kung kakayanin niyang marinig mula dito na mahal nito ang babaeng mahal niya. The mere thought of it makes him sick. Ayaw niyang may magmahal kay Kath na iba. Gusto niyang siya lang. Pero nagulat nalang siya sa sumunod na sinabi nito.

"Dahil mahal na mahal ko si Danna, at ayokong nakikita siyang nasasaktan."

Danna? Paanong nasali si Danna sa usapan?

"Danna was my adopted sister. Adopted ako ng pamilya ni Danna. Kaya pala ako napunta sa pamilya ni Danna ay dahil iniwan ako ng walang awang nanay ko sa nanay ni Danna. You see, my mother was the sister of a past boyfriend of Danna's mother. At dahil doon, naging mag-bestfriends silang dalawa. Until the day my mother left me at the foster care of my foster parents, para lang pumunta ng abroad," patuloy pa rin ang pagsasalita ni Dominic.

Nagulat siya sa nalaman. Well, he certainly didn't know Danna has an adoptive brother. At si Dominic pa. Hindi niya talaga alam. But where is this leading to?

"So you see, Danna and I go way, way back. Minahal ko siya bilang tunay na kapatid, kasi hindi ko naman alam na ampon lang pala ako. But when the day I finally found the truth about my real mother, nagrebelde ako. I was like a lost person in this huge world. Hindi ko alam kung ano ang gagawin ko sa buhay ko. Naging burara na ako at nawalan ng direksyon sa buhay... nawalan ng matinong pangarap. But Danna... she - she made me sane when I thought I was going insane. Siya nalang ang meron ako sa panahong akala ko ay nawawala na ako," paliwanag na nito.

Narinig na naman niyang nagbuntong-hininga ito.

"Hindi ko malaman kung ano ba pero feeling ko, I was starting to love her more... I was starting to have feelings for her - as more than what a brother should feel for his sister. Minahal ko siya nang higit pa sa pagmamahal ng isang kapatid. Kaya pinangako ko sa sarili kong poprotektahan ko siya nang higit pa sa buhay ko. Poprotektahan ko siya at hindi ko hahayaang may manakit sa kanya na sinong tao. I was that protective.

"Man, she loved you very much. Alam mo bang kulang nalang ay magpakamatay si Danna dahil lang nakipag-break ka sa kanya? Halos mamatay siya sa lungkot dahil hindi mo na siya mahal. Dahil may mahal ka nang iba. And it pained me so much, seeing how miserable she was becoming. Nang dahil sa iyo, ang masayahing Danna na nakilala ko, naging malungkutin na. Kaya ay ipinangako ko sa sarili kong ipaghihiganti ko siya. Gagantihan ko kung sino ang nanakit sa kanya. Gagantihan kita, at si Kath. Kaya nagawa ko ang lahat nang iyon."

Hindi pa rin maintindihan ni Daniel ang mga pinagsasabi ni Dominic. Ano ba ang ibig sabihin nito?

"Si Aaliyah... I met Aaliyah the day I found out I was adopted by my parents. Coincidentally, adopted rin pala si Aaliyah sa pamilyang kinalikahan niya. The day I found her, I just felt happy. I thought, finally I found someone who I could share this new life I'm going to live from that day. Pero after that, nalaman ko nalang na mukhang ako lang yata ang hindi makatanggap sa tunay na pagkatao ko. Dahil si Aaliyah, she accepted everything and just moved on with her life. Naging masaya pa rin siya sa piling ng foster parents niya, samantalang ako, sobrang naging miserable ako sa nalaman kong katotohanan. That's why, I felt a little jealous, kasi papaanong nakalimutan lang niya nang ganoon-ganoon lang ang atraso ng magulang niya sa kanya? Samantalang ako, hindi pa rin makalimot.

"I thought I could lean on her, you know? I thought she could be the one who would make me forget the real me. That's why I made a way to make her miserable, too, the way I was miserable with my life. At pinagsisihan ko ring ginawa ko iyon. Dahil alam ko naman, deep inside, she is special to me... very special to me. Pero nagawa ko pa rin ang malaking kasalanan sa kanya. I bribed her. Nagsinungaling akong may alam tungkol sa totoong pamilya niya, in exchange for one condition, ang sirain ang relasyon ninyo ni Kath."

Doon lang tila tumigil ang tibok ng kanyang puso. Si Aaliyah? And Dominic? Sila ang sumira ng relasyon nila ni Kath? Sila ang dahilan kung bakit nandito siya ngayon at nakahiga sa hospital bed na ito. Pero how?

"I asked Aaliyah to do everything she could para masira niya ang tiwala ni Kath sa iyo. And she succeeded. I can't believe she succeeded. Nasira nga niya ang tiwala ni Kath sa iyo. She made stories up about you and Danna, and how you still pretended to love Kath para lang bumalik ang nasirang loveteam ninyo."

So that explains kung bakit naging malamig nalang sa kanya si Kath. Kung bakit hindi ito nagdadalawang-isip na iwan siya nito. Dahil nasaktan na naman ito. Because of Aaliyah and Dominic!

Oh, how he wished he could get up from that hospital bed at sugurin ng suntok si Dominic. Sinaktan nito si Kath!

"Man, I'm very sorry. Nagawa ko lang ang lahat nang iyon dahil sa pagmamahal ko para kay Danna. Alam ko namang mali ako, eh. Alam kong hindi makatarungan ang ginawa ko. Kaya nga nandito ako ngayon at humihingi ng patawad. Promise, gagawin ko ang lahat ng makakaya ko para lang maayos ko ang lahat nang ito. Maayos ko kayong dalawa na nagulo dahil sa pagiging vengeful ko," wika ni Dominic.

Doon lang niya napagpasyahang dumilat na. Nang magtama ang tingin nila ni Dominic ay nakita niya ang gulat na gulat na mukha nito.

"Daniel," napatayo pa ito nang makitang gising na siya.

Hindi pa rin niya inaalis ang tingin dito. Hindi niya alam kung anong gagawin niya sa taong sumira ng buhay niya... ang taong nanakit sa babaeng pinakamamahal niya.

"Teka lang, tatawagin ko ang doctor," anito pa at natatarantang lumakad papuntang pintuan ng kwarto.

"Dominic," tawag niya dito bago ito tuluyang umalis ng kwarto.

Napatingin naman ito sa kanya. Nakikita niya pa rin ang guilty na mukha nito.

"Please... don't tell Kath na alam ko na ang lahat. Huwag mong sabihin sa kanya na narinig ko ang mga sinabi mo," sabi niya dito.

"But, Daniel - "

"You owe it to me, Dominic. After all that you've done, iyan nalang ang magagawa mo. Kung gagawin mo ang sinabi ko, baka makuha pa kitang patawarin after everything that you've done," pagputol niya sa pagpo-protesta sana nito.

Alam niyang labag sa kalooban nito ang hiningi niya. Pero napatango naman ito agad, pagkatapos ay lumabas na ng kwarto para tawagin ang doctor.