KATE CHANDRIA'S POV

Mabilis akong bumangon nang marinig ko ang alarm clock ko. Shet na malagkit! Nakalimutan ko pa lang maghapunan kagabi. Pa'no ba naman kase, kakabasa ko ng libro eh ang ending nakatulog ako. Buti nga at naset ko 'yong alarm clock ko pang everyday kaya nakabangon ako.

Napahawak ako sa tiyan ko nang kumalam ito. Jusko! Tiisin mo muna yang gutom mo dahil maliligo pa ako. Kailangan fresh na ako bago magluto 'no. Binilisan ko na lang ang pagligo at halos liparin ko na ang hagdan makapunta lang kaagad sa kusina. Bwisitt! Ang sakit ng paa ko, natapilok kase ako kanina kakatakbo.

Agad kong binuksan ang ref at pinasalamatan ko lahat ng santo dahil tinirhan talaga ako ng pagkain ni Shael kagabi. Kinuha ko ang dalawang fried chicken at nilagay ito sa plato kasama ang kanin. Okay na 'to atleast may makain ako. Do'n nga sa'min sa probinsya, kamatis lang 'yong ulam namin eh kaya payts na 'to.
Pagkatapos kong kumain ay naghanda na ako para sa lulutuin ko. Nang buksan ko ulit 'yong ref ay napansin ko ang isang sticky note na nakadikit sa gilid.

'Sabi ni tita Elizabeth pwede kana raw magluto ng baboy at manok pero dapat may kasamang gulay. Para daw kumain na ng marami 'yong magkakapatid. '

- by Ri-Ri

Eh? Sayang naman nakatulog ako kagabi. Hindi ko tuloy naabutan si Ri-Ri, namimiss ko pa naman siya. Ah 'di bale, malapit naman na 'yong day-off ko kaya aayain ko siyang makipagbonding kasama ako. Kinuha ko yung baboy at hinugasan ito pagkatapos ay sinunod ko 'yong manok. Hmm, sinabaw na baboy na lang siguro 'yong lulutuin ko at adobong manok. Dadamihan ko na lang para iinitin ko na lang 'yong matira para sa tanghalian.

"Goodmorning sugar cube."

"AY BABAERO!" gulat kong bulalas habang nakahawak pa ng sandok 'yong isa kong kamay at 'yong isa naman ay sa dibdib ko.

Punyetang timawa 'to! Papatayin ata ako ng maaga! Baka sunduin na ako ng yumao kong lola at lolo 'pag nagkataon.

"Grabe ka naman sa'kin sugar cube." Napangiwi naman ako sa inasta niya. Mukha siyang bading.

At saka hanodaw?! Sugar cube? Seriously? 'Yan ba yung bagong endearment na sinasabi niya? Apakajejemonin!

"Tsk. Bigla bigla ka kase sumusulpot eh. At saka anong sugar cube ang pinagsasasabi mo." Tinaasan ko siya ng kilay bago pinagpatuloy ang pagluluto ko sa sinabaw na baboy.

"Endearment natin." Halos masuka ako pagkatapos niyang sabihin 'yon.

Ginoo ko! Nakakagulat siya!

"Tse! Mandiri ka nga sa sinasabi mo! Walang 'NATIN' ulol!" Tinulak ko siya ng konti para maabot 'yong mga seasonings.

"Wala pa sa ngayon. Malay mo baka tumalab sa'yo ang charms ko at magkagusto ka sa'kin." Nag-wink pa siya sa'kin at nagpogi sign pero inirapan ko lang siya.

Lakas din ng self confidence ng isang 'to!

"Hintayin mo munang matunaw yung yelo sa North Pole bago mangyari 'yon." Nakapamewang kong sagot sa kanya kaya napakamot siya sa batok niya.

Aba! Hindi kaya ako madaling maatract sa mga gwapo lalo na kung babaero.

"Ano ba 'yan! Mukhang wala ata akong pag-asa sa'yo. Ang hirap mo naman pakiligin," reklamo niya at padabog na umupo do'n sa tapat ng lamesa.

"At ano namang nakakakilig do'n sa sinabi mo, aber? 'Yong sugar cube na endearment mo? Sa'n mo naman napulot ang jejemonin na endearment na 'yon?!" Hinarap ko siya pagkatapos kong ihain 'yong sinabaw na baboy.

"That what I call to my flings. And everytime I call them like that, kinikilig sila. Bakit ikaw hindi?" Binigyan ko siya ng pangkontrabidang tawa.

"Ah...Kaya pala hindi ako kinilig kase ginamit mo na 'yong endearment na 'yon sa mga babae mo. Alam mo kung ako sa'yo, 'wag ka na lang mag-effort na pakiligin ako dahil puputi nalang yang buhok mo hinding hindi mangyayari 'yon?" saad ko at nagsaing ulit para sa adobong manok.

Naku! Hindi ako matatapos ng madali dito sa niluluto ko kapag nandito ang isang 'to!

After 30 mins. ay natapos ko na ang niluluto ko ng hindi gano'n ka dali. Kung pwede lang sanang tahiin ang bibig ni Shael edi ginawa kona. Kanina pa siya daldal nang daldal kaya ang resulta napaso 'yong daliri ko. Tutal hindi pa dumadating 'yong mga kapatid neto ay pinalamig muna namin ang pagkain na niluto ko.

"At alam mo ba Katria? Naging obssess siya sa'kin ng sobra. 'Yong parang halos minu-minuto tinetext niya ako kung okay lang ba ako. Hindi ko nireplayan kase syempre hindi ko siya type." Nakatunganga lang ako habang patuloy pa rin siya sa pagkukwento nung babae daw na sobrang obssess sa kanya. Ni hindi ko nga maintindihan ang sinasabi niya dahil panay ang tawa niya. May sapak na ata ang isang 'to.

"Ano? Sinaniban ka ba ng ligaw na kaluluwa at naging ganyan ka? Kanina kapa daldal ng daldal at tawa ng tawa. Malapit na rin ako mapuno sa'yo! Gusto mo bang tadyakan kita palabas ha?! Shael?!" pagbabanta ko sa kanya habang dinuro duro siya kaya napatigil siya at napatakip sa bibig niya.

"GOODMORNING EVERYONE."

Napatakip ako sa bibig ko para pigilan ang pagtawa ng mahulog si Shael sa kinauupuan niya. Agad naman siya dinaluhan ni Akken na ngayon ay tawa ng tawa pati na tin si Raizer na nagpipigil din. 'Yong dalawa diretsong umupo sa puwesto nila na hindi ko na lamang pinansin.

"Damn, dude. Bakig ka ba bigla bigla na lang sumisigaw ha?!" inis na sambit ni Shael nang makaupo ulit siya sa upuan niya. Tumabi naman sa'kin si Akken kaya napapagitnaan nila akong dalawa.

"Sorry naman kuya. Good mood kase ako ngayong araw kaya hindi ko napigilang sumigaw." Napakamot na lang sa ulo si Akken kaya napailing na lang si Shael.

"Oh s'ya, magdasal na tayo," singit ko kaya umayos naman sila ng upo.

Nakita kong nakisama rin si Raizer kaya napangiti ako. Malapit ko na ring makuha ang loob ng isang 'to.

Si Akken naman ang nagrepresentang maglead dahil kabisado niya na daw ang sasabihin. Nagulat naman sila dahil first time maglead ng prayer si Akken. Syempre, good influence ang babysitter nilang pretty.

"In the name of the father, the son, and the of holy spirit. Amen." Pagtatapos niya kaya agad naman silang nauna na kumuha ng pagkain.

"Kaya pala good mood ka dahil namemorize mona yung binigay sa'tin ni Kat. Ang daya mo dude, nasa kalahati pa nga ako," pagmamaktol ni Shael habang kumukuha ng kanin.

"Syempre naman, Kuya. Matalino kaya ako hindi kagaya mo." Napatawa ako sa sinabi ni Akken kaya nag-apir kaming dalawa.

"Badtrip! Pinagtatawanan niyo naman ako eh. Tingnan niyo bukas, kabisado kona lahat 'yon." pagmamayabang niya sa'min at kumain.

"Seriously? Close na kayong tatlo?" Napatingin kami kay Raizer na nakakunot ang noo.

"Oo bakit? Inggit ka?" Inirapan niya lang ako at nagpatuloy kumain.

Binelatan ko siya at nagpatuloy na rin sa pagkain. Ganadong ganado sila dahil hindi na gulay 'yong niluto ko pero meron din naman ako hinalo na gulay do'n. Ang saya ko nga dahil kinain nila.

"Ay teka, hinanap ba ako ni Ri-Ri kagabi?" Napatingin naman sila sa'kin pero yung tingin ko na kina Akken, Shael, at Raizer lang.

Duh. Hindi kaya kami bati ng dalawa diyan. Manigas sila! Hinding hindi ko sila papansinin! Hmp.

"Ah oo nga pala. Ba't 'di ka lumabas sa kwarto mo kagabi? Hinintay ka pa naman namin ni Akken dahil sabi mo tirhan ka namin ng pagkain," sagot ni Shawn.

"Nakatulog kase ako kakabasa do'n sa librong hiniram ko sa library kaya nakalimutan kong kumain," pagpapaliwanag ko naman.

"Ah. Oo hinanap ka ni kuya Derrick. Sabi niya bonding daw kayo minsan kapag may free time kayo." Tumango lang sa sinabi ni Akken at tinapos na ang pagkain ko.

Tumayo na agad ako at nilagay sa lababo ang pinagkainan ko pagkatapos ay kinuha ko ang phone ko sa ibabaw ng ref. Subukan ko kayang i-text is Ri-Ri.

Eh? Wala pala akong number sa kanya. Hayst. Nakalimutan ko pa lang manghingi.

Pagkatapos kumain ay naghugas agad ako ng pinggan dahil manonood pa ako ng k-drama. Ilang araw na akong hindi nakakapanood no'n kaya namiss ko. Jusme! Malapit pa nga mabasag 'yong plato dahil sa pagmamadali ko. Gad!

"Pakshet! Omg! Bagay na bagay talaga sila! Yiie." Tili lang ako ng tili dito sa loob ng living room. Kakatapos lang ng episode 9 ng 'Crash Landing On You' at hindi talaga ako makaget over sa kilig scene nila Yoon Seri at Ri Jung Hyeok.

Maygad! Iniimagine ko kase na ako si Yoon Seri at si Ri Jung Hyeok ay ang prince charming ko. Todo tili tuloy ako ng ma-imagine ko na gano'n din ang mangyayari sa'min ng prince charming ko. Wah!

"Ba't ka tumatawa mag-isa? Nababaliw kana ba?" Napatigil ako sa walang humpay kong pagtili ng marinig ko ang boses ni Raizer sa gilid ko.

Tinaasan siya ng kilay at pinagkrus ang mga braso ko."Bakit? Kapag ba tumawa dapat may kasama?" tanong ko.

"Tsk. Nasa'n ang mga kapatid ko?"

"Mukha ba akong hanapan ng mga nawawala?"Nainis ata siya sa sinabi ko kase napapikit siya at huminga ng paulit ulit.

Sa itsura niya, para siyang sasabak sa isang karera.

"Ginagago mo ba ako babysitter?" sambit niya pero alam kong nagpipigil lang siya.

Teka nga, ba't ba ang init ng ulo niya. Hindi niya ba alam kung saan nagpupunta ang mga kapatid niya ng ganitong oras? Psh. Sa pinapakita niya parang gusto ko siyang inisin lalo.

"Hindi. Dapat kase 'ginagaga' 'yun. Babae ako eh," sagot ko habang nakatingin sa harapan at hindi sa kanya. Baka matawa lang ako kapag nakita ko ang reaksyon niya.

"Damn! Ewan ko sa'yo," singhal niya at padabog na umalis.

"Ewan ko din sa'yo," pahabol ko sa kanya kaya tinakpan niya ang magkabilang tenga niya para hindi niya ako marinig.

Natatawa ako habang iniimagine ang mukha ni Raizer. Ang kyut niya, sobra. Pero syempre mas kyut pa rin ako 'no. Duh. Bigla akong nakaramdam ng uhaw kaya agad akong tumayo at pupunta na sana ng kusina ng magkasalubong kami ni Cohen. Nagbago tuloy ang reaksyon ko ng makita siya. Hindi pa kami nag-uusap simula kanina kaya isa lang ang ibig sabihin no'n. HINDI KAMI BATI.

Mahigit limang minuto na kaming natayo dito at nagtititigan. Ano ba naman 'to?! Nangangalay na ang mga paa ko kakatayo. Uhaw na uhaw na rin ako. Tsk. Bahala siya d'yan. Nauna na akong pumasok sa kusina at agad na tumungo sa ref para buksan 'yon at kumuha ng malamig na tubig. Halos maibuga ko na ang iniinom ko ng pumasok bigla si Cohen kaya hinimas himas ko ang dibdib ko kahit wala naman akong dibdib. Chos!.

"Gumawa ka nga ng cookies," bigla nitong sambit.

Ako ba ang kausap neto o yang flower vase na nasa harap niya?! Tsk. Ewan ko sa kanya. Kung kakausapin niya ako, dapat sa'kin siya nakatingin at hindi dyan sa flower vase na nasa harap niya. Hindi naman 'yan gumagalaw eh. At saka hindi naman kami bati kase hindi pa siya nag-sorry sa'kin.

"Ano pang tinutunganga mo dyan? Maghintay hanggang sa tumanda ka?" nakataas kilay itong tumingin sa'kin kaya tinaasan ko rin siya ng kilay.

"Malay ko bang ako pala yung kinakausap mo eh sa flower vase ka nakatingin," irap kong sagot sa kanya at akmang lalabas ng kusina ng masalita ulit siya.

"Sinong may sabi sa'yong lumabas ka? Gawan mo ako ng cookies ngayon na! I'll give you only 30 minutes to make it and if you can't, you will receive a punishment." Dahil sa sinabi niya ay napahakbang ako paatras at tinukod ang magkabilang kamay sa lamesa na nasa harap niya.

"Pwede naman kitang gawan ng cookies pero hindi mo naman ako kailangang orasan. Hindi naman ako si flash para sundin ang mga utos ng ganun kadali." sagot ko.

Bwisit! Umaandar na naman ang pagkabossy ng isang 'to.

"Pwede mo din naman akong gawan ngayon din ng walang satsat diba?" Napapikit na lang ako dahil sa inis at padabog na binuksan ang cabinet para kumuha ng ingredients ng pesteng cookies niya.

Kung may lason lang sigurong nakalagay dito, ihahalo ko rin dyan sa cookies para matigok na siya. Pero dahil pinanganak akong mabait, titiisin ko na lang ang anak ng amo ko.

Nasa kalagitnaan ako ng pagm-mix ng ib-bake na cookies ng bigla niya akong tinawag. Padabog kong nilapag ang kutsara at kinuha ang kutsilyo para saksakin siya. Joke. Inis akong lumapit sa kanya na ngayon ay parang senyorito na naka-upo at naghihintay na pagsilbihan ng muchacha niya.

"Ano na naman ba?!" inis kong tanong sa kanya habang nakacross-arms. Tinaasan niya naman ulit ako ng makapal niyang kilay, kasing kapal ng mukha niya. Lol.

"Anong ano na naman ba?!Nagrereklamo ka ba ha?!" Kung pwede lang sigurong sampalin ng dos pordos ang timawang 'to, ginawa kona.

"Baka nakakalimutan mong may pinapagawa ka pa sa'kin at hindi pa ako tapos do'n. Kaya kung pwede, bilisan mo na kung ano man yang sasabihin niyo."

Lechugas! Iniinis talaga ako ng lalakeng 'to. 'Pag ako talaga napuno dito, hindi ko siya gagawan ng cookies.

"Gawan mo'ko ng juice," utos niya habang nilalaro ang mga daliri niya.

ANO?! JUICE?! ANAK NG---

"Pinaglalaruan mo ba ako Cohen?! Kanina cookies tapos ngayon naman juice?" Tiningnan niya naman ako at saka inirapan.

"Angal ka? Pwede mo naman akong gawan ng cookies pagkatapos mo'kong ipagtimpla ng juice ah! Akala ko ba sanay kana sa mga trabaho, bakit nagrereklamo ka?"

Gusto ko mang sumagot pero tama naman siya. Oo nga, bakit ba ako nagrereklamo? Sanay naman talaga ako sa mga trabaho sa bahay. Pero para kaseng iniinis niya ako eh. Kaasar.

Inis akong kumuha ng juice sa ref at isasalin na sana sa baso nang magsalita siya ulit."Gusto ko 'yong bagong timpla." saad niya.

Kita niyo na! Pinagt-tripan talaga ako ng timawang 'to eh. Tiningnan niya naman ako ng 'Anong ginagawa mo' look kaya binigyan ko siya ng mega-irap bago ibinalik ulit sa ref 'yong kinuha kong juice at kumuha ng bagong sachet. Pumili ako ng mango flavor dahil mukhang masarap naman. Hindi naman siguro siya magrerek----

"I like pineapple flavor." Humigpit ang hawak ko sa sachet na nasa kamay ko at sa galit ko ay hinampas ko ang mesa.

"Ano ba tagaga ha?! Pinagt-tripan mo ba ako?! Kung oo, pwes ikaw ang magtimpla ng sarili mong juice at ikaw rin ang nagbake ng cookies mo," galit kong sagot at padabog na lumabas ng kusina.

Rinig ko pa ang pagtawag niya sa'kin pero hindi ko siya pinansin. Mainit na ang ulo ko ngayon kaya baka hindi talaga ako makapagtimpi sa kanya. Pumunta na lang ako sa garden at baka sakaling mahimasmasan ako. Umupo ako sa bermuda grass na inupuan ko kahapon.

Sariwang sariwa pa sa'kin ang nangyari. Hanggang ngayon masakit pa rin sa'kin ang lahat ng nangyari...Charot. Nagiging ma-drama na talaga ako dahil galit ako. Pati damo napagbuntungan ko.

"Uy, babysitter Katria. Anong nangyari dyan sa mukha mo?!" Umupo si Akkiro sa tabi ko kaya napatingin ako sa kanya.

"Bakit? Ano bang nangyari sa mukha ko? Naging baboy ba, naging manok, o naging kambing?" tanong ko naman.

Tumawa lang siya sa sinabi ko. Kung si Raizer lang siguro ang sinabihan ko no'n o baka si Cohen at Daron, paniguradong nainis na ang mga 'yon. Ibang iba talaga sa kanila si Shael at Akken.

"Ang pilosopa mo talaga babysitter Kat, bagay kayo ni Kuya Raizer. Pft. Pareho kayong pilosopo." Napangiwi naman ako sa sinabi niya.

"Ate na lang ang itawag mo sa'kin." Naalala ko 'yong sinabi niya sa'kin kaya napatingin ulit ako sa kanya."Ano kamo? Kami ni Raizer, bagay? Joke ba 'yan?"

Eh? Never kong naisip ang bagay na 'yon 'no. Hindi ko rin naman type si Raizer. Duh. Hindi ako magkakagusto sa anak ng amo ko!

"Pero pwede din naman kayo ni Kuya Cohen, mayabang siya tapos ikaw mataray. Si kuya Shael naman babaero tapos ikaw masungit." Nginisihan niya ako ng nakakaloko."Kung ayaw mo nandyan din naman si kuya Daron, cold siya at snob tapos ikaw naman palaban at maatittude. Sa tingin ko mas bagay kayo," panunukso niya sa'kin na ikinairap ko.

"Hello?! Ako at si Daron? Seriously? Of all the boys that you want me to ship with, si Daron pa ang napili mo? Oh c'mon Akkiro Renz! I would rather marry an old man than your freaking brother."'Pag ako nasobrahan sa inis, hindi lang ako nagd-drama, napapa-english din ako.

"Really? I just think that you two looked perfect pero ang iniisip mo kasal agad. Bilis mo naman ata mag-isip para sa future niyo ni Kuya, Ate Kat." Nanlaki ang mag mata ko sa sinabi niya at agad na napatayo. Tumawa naman siya ng tumawa sa naging reaksyon ko.

Langya! May sinabi ba 'kong kasal?Jusmeyoo! Pahamak na bibig 'to. Sana kase hindi na ako nag-english eh. Iba na tuloy ang nasabi ko.

"H-Hah?! Wala naman akong s-sinabing gano'n ah! Diyan kana nga!" Rinig na rinig kopa ang tawa niya hanggang sa loob ng mansion.

Napahawak ako sa dibdib ko ng bigla itong kumalabog ng malakas. Maygad! Ba't ba 'ko kinakabahan? Feel ko nag redness alert na ang mukha ko. Dyos por santo! May sakit na ata ako!

"Aray! Ano ba---" Napatigil ako ng makita si Daron sa harapan ko. As in sobrang lapit namin sa isa't isa. Yumuko na lang ulit ako at umatras ng konti para hindi masyadong awkward. Punyeta. Ba't ba sobrang init ng panahon ngayon. Pinagpapawisan na ata ako.

"Watch your steps. Hindi 'yong umaakyat ka na nga ng hagdan tapos magiging engot ka pa," sambit niya bago ako lagpasan.

Napatawa ako ng mapakla at hinarap siya."Hoy! Hindi pa nga ako nakakabawi sa ginawa mo sa'kin kahapon tapos dadagdagan mo pa ngayon?! Ang kapal din naman ng mukha mo ano?" Hinarap niya rin ako at tinaasan ako ng kilay.

"What did I do?" inosente niyang tanong.

Ano 'to? Maang-maangan lang ang peg? Hindi ata siya informed na umiyak ako kahapon dahil sa pagsisinungaling niya. Tsk. Ano namang pakialam ko?

"Ang hina naman ng memory mo. Ano pang silbi at palagi kang nagbabasa kung hindi mo din naman naaalala ang binabasa mo," sagot ko.

"Hindi mahina ang memorya ko. It just that, I don't want to remember something that is nonsense," saad niya naman.

Abat! Sinusubukan niya talaga ako eh 'no!

"Alam mo nakakainis ka kausap! Sarap mong ihulog sa hagdan."

Napa-smirk naman siya sa sinabi ko. Shocks! Ba't ang hot niya?! Este---ang panget niya pala. Kung ano ano nang iniisip ko. Virus ata 'tong lalaking 'to. Nilalason utak ko.

"As if you can." Nagulat ako ng bigla siyang lumapit sa'kin."Sige nga, try mo."

Juskopo! Anong kababalaghan ang ginagawa ng lalaking 'to sa'kin. Feeling ko nawawalan na ako ng hininga. Feel ko lang, okay? 'Wag kayong O.A!

"Anong ginagawa niyo?"

---------------------------------------