EPISODE 10:Iisa pa lamang

EXT. MASUKAL NA GUBAT. HAPON.

Hingal na hingal silang parehas, tagaktak ang pawis at hapung-hapo ang mga katawan. Huminto lang sila Margot at Marlon sa pagtakbo nang masiguro nilang wala ng nakakasunod sa kanila. Parehas habol ang hininga, napasandal si Margot sa puno at si Marlon naman ay hinubad ang t-shirt para ma-expose na naman ang kanyang golden abs.

MARGOT

J-just what the hell is happening?

(Mangiyak-ngiyak)

Inabot sila ng hapon kakatakbo at tila pakikipaghabulan kay kamatayan. Walang ka-ideideya si Margot kung sino ang mga goons na kagabi pang gustong pumatay sa kanya.

MARLON

Kumalma ka lang—

MARGOT

Kumalma?!

(Napatayo dahil hindi napigilang mainis sa narinig. Nanggigil siya kahit gwapo si Marlon.)

Una, na-hijack ang kotse ko. Pangalawa, muntik na akong ma-kidnap. At pangatlo, dahil don hindi pa rin ako nakakauwi sa amin! At ngayon! May gusto pa ring pumatay sa'kin?!

MARLON

(Lumapit kay Margot at pasimpleng hinawakan sa magkabilang balikat para pakalmahin ito.)

Hey, walang magandang maidudulot ang galit at panic.

(Kalmado pa rin ang papa niyo kaya tila napaamo naman niya si Margot dahil narealize niya na sobrang lapit na niya sa oozing sexy body ni Marlon.)

MARGOT

(Umiwas at medyo lumayo kay Marlon.)

Okay, look, I'm sorry kung ikaw ang napagbubuntungan ko ngayon. Kailangang kailangan ko ng maka-uwi, so please...

MARLON

Naiintindihan ko, senyorita.

(Nailang sa kanya si Margot at the same time ay nagtataka dahil sobrang cool lang niya sa kabila ng lahat ng nangyayari.)

MARGOT

How can you stay calm?

MARLON

(Ngumiti at lumitaw ang mapuputi nitong ngipin.)

Dahil kailangan kitang protektahan.

Sa pagkakataong 'to ay hindi na naitago ni Margot ang matinding pagtataka, ngayon lang niya napagtanto kung gaano ka-misteryoso ang lalaking 'to, to think na tila handa itong gawin ang lahat para protektahan siya. Napansin 'yon ni Marlon at kaagad sumeryoso.

MARLON

Let's go.

MARGOT

S-saan tayo pupunta?

(Nag-alinlangan.)

MARLON

Hindi ba't gusto mo ng umuwi?

MARGOT

Ha?

MARLON

Iuuwi na kita sa inyo.

Nagsimula silang maglakad-lakad sa gitna ng kagubatan na tila walang katapusan. Hindi kabisado ni Margot ang pasikut-sikot kaya umaasa lang siya ngayon sa kasama kahit hindi niya 'to ganon pinagkakatiwalaan, siyempre basta gwapo go lang ng go.

MARGOT

Alam mo, malakas ang kutob ko.

MARLON

(Hindi huminto at naglalakad pa rin.)

Na?

MARGOT

Na hindi lang coincidence ang lahat ng nangyari, simula kahapon hanggang ngayon.

MARLON

Wala naman talagang coincidence sa mundo.

MARGOT

So sinasabi mo ba na ang lahat ng 'to ay naka-tadhana? That's stupid.

MARLON

(Biglang huminto at nabunggo tuloy ni Margot ang malaki at matigas niyang katawan.)

Sinasabi mo bang sinadya ang lahat ng 'to? Dahil lang sa hindi ka naniniwala sa konsepto ng tadhana?

MARGOT

Exactly.

MARLON

(Ngumiti muna ng nakakaloko bago ulit maglakad.)

Kung hindi ka naniniwala sa konspeto ng tadhana ay para mo na ring sinabi na hindi ka naniniwala sa konsepto ng diyos.

MARGOT

Hey, bakit napunta sa diyos ang usapan? Tadhana—

MARLON

(Huminto ulit at tumingin na naman kay Margot, like pahintu-hinto si kuya mo.)

Paano kung pinagtagpo tayo ng diyos para sa isang dahilan? Maaaring...

MARGOT

Hah.

(Umismid at nilampasan niya si Marlon. Kahit haggard ay pak pa rin ang paglakad niya na parang Miss U.)

Parang may gusto siyang ipahiwatig. Kala naman niya.

MARLON

Ayaw mo ba?

(Nasa likuran na niya.)

Isipin na pinagtagpo tayo ng diyos dahil baka tayo pala sa isa't isa?

MARGOT

(Nag-cringe sa narinig, siya naman ang huminto at naniningkit na hinarap si Marlon.)

Hoy, mister. Parang lumalagpas ka na 'ata. Pinasukan na ba ng hangin 'yang utak mo at kung anu-anong delusyon 'yang sinasabi mo?

(Naglakad ulit at maingat siya sa inaapkang damuhan.)

MARLON

Kung sa pelikula nga nangyayari ang ganon?

MARGOT

Pwes wala tayo sa pelikula, gumising ka nga sa katotohanan.

MARLON

Nagbibiro lang naman ako, senyorita.

MARGOT

(Bumulong.)

Senyorita your face.

MARLON

Siguro sawi ka noh? Kaya ang bitter mo sa tadhana.

MARGOT

Hah, 'di ako bitter.

MARLON

Ganyan naman kayong mga babae, kapag sinaktan kayo ng naging boyfriend niyo halos isumpa niyo na lahat ng lahi namin.

MARGOT

(Natawa na sarcastic.)

Bakit, pare-parehas lang naman kasi kayong mga lalaki, mga malilibog.

MARLON

(Mas tumawa ng malakas na umalingawngaw sa buong kagubatan, marahil nagulat at natuwa sa napiling salita ni Margot.)

Bakit alam mo? Naging boyfriend mo na ba lahat ng lalaki?

MARGOT

Hindi.

MARLON

Hindi naman pala eh.

Hindi namalayan ni Margot na kusa na lang siyang nakikipag-usap kay Marlon kahit kagabi niya lang ito nakilala, well, dahil siyempre gwapo ang ating leading man, at hindi maikakaila ang namumuong sexual tension at chemistry sa kanilang dalawa at subtle hints na mapo-fall sila sa isa't isa soon. Siyempre hindi nila alam na nasa loob sila ng teleserye. Pak.

Anyway, habang naglalakad sila ay dito na magsisimulang gumaan ang loob ni Margot at ilang beses niya ng nasaksihan kung gaano ito ka-maginoo sa kanya, at kahit na kagabi nga lang sila ulit nagkakilala.

INT. MANSION DE BAROSA. LIVING ROOM. HAPON.

Samantala. Walang kamalay-malay ang mga kapatid ni Margot sa kung anong pinagdadaanan niya. Nasa living room si Leiah at nanggagalaiting dina-dial ang contact number ng bastarda na si Margot.

LEIAH

Kahit kailan talaga ay pa-VIP ang babaeng 'yon!

(Gigil si madam dahil nakakailang try na siya pero cannot be reach lagi ang phone ni Margot.)

Kanina pang umaga sirang sira ang umaga ni Leiah dahil sa ginawa ng hudas slash Adonis na si Pietro sa kanya. At ngayong kating kati na siyang malaman ang tungkol sa mana ay hindi pa rin dumarating si Margot kaya hindi pa sila kinakausap ng masinsinan ni Attorney Guerrero.

Nakapamewang si Leiah habang hawak ang isang kamay ay hawak ang phone, at biglang papasok si Andrew sa eksena, nakasuot naman 'to ngayon ng long white gown with white floppy hat at nakasuot ng white wig, mala-lady gaga na naman ang aura-han.

ANDREW

Hello to my eldest niece.

(Lumapit at nakipagbeso kay Leiah kahit mainit ang ulo nito.)

What's with that bitch face?

LEIAH

Margot, that brat.

ANDREW

(Umupo sa ginintuang sofa at dumekwatro)

Oo nga pala, hindi kayo kakausapin ni Attorney Guerrero hangga't hindi kayo kumpleto. Ganyan din kami noong namatay sila mudra at pudra, at ako ang nagpa-VIP noon, two weeks 'ata akong di nagpakita.

(Nakita si Marilyn.)

Yuhoo, chimay! Dalhan mo naman kami ng wine here!

MARILYN

Yes po, senyorito—este senyorita.

(Nagmamadaling umalis.)

ANDREW

(Bumulong.)

Impakta.

LEIAH

(Umupo katapat na sofa ni Andrew.)

So, Tito Andrew.

ANDREW

It's Tita Drea.

LEIAH

Whatever.

(Dumating si Marilyn at inabot sa kanila ang tig-isang goblet ng wine.)

Bakit ka bumalik dito sa Hacienda? Are you somehow interested in the inheritance?

ANDREW

Hah, (nag-pose ng maarte)

Well, well, not really. Besides, I got my inheritance when our parents died and Andy became the Primo Propietor, he will pass down his inheritance only to his children.

LEIAH

You had a big spat with papa a long time ago, at may narinig ako noon... na kung magpapalit ka ng sex ay hindi mo makukuha ang mana?

ANDREW

(Napainom bigla ng wine nang maalala 'yon, ang naging pagtatalo nila ni Andy na dahilan ng paglalayas niya.)

Hmm... Saan mo naman napulot ang tsismis na 'yan, Leiah.

LEIAH

I heard it myself.

ANDREW

(Nang ma-realize niya na wala siyang kawala sa pamangkin niyang alam niyang kaya gawin ang lahat ay tumayo na siya.)

Parang uminit 'ata at gusto kong mag-swimming! Wehewwww! (Regine!)

LEIAH

He's hiding something.

INT. MANSION DE BAROSA. KWARTO NI MISHA. HAPON.

Samantala, si Misha na buong magdamag na nagkukulong sa kwarto na lalabas lamang kapag kakain ay kanina pa rin sinusubukang tawagan ang kanyang ina na si Donya Bettina. Pero katulad ni Leiah sa pag-contact kay Margot ay bigo rin ito.

Lumabas siya ng kwarto para pumunta sa Great Hall kung saan nakaburol ang kanyang ama, pero sumilip siya sa ibaba at nakita si Leiah sa may sala na prenteng nakaupo habang umiinom ng wine. Kaya naisipan niyang bumaba sa kabilang hagdan para hindi nito makita, doon sa hagdan papunta sa isang entrance malapit sa Great Hall na siyang dinadaanan ng mga VIP guests.

INT. MANSION DE BAROSA. GREAT HALL. HAPON.

Nakasuot ngayon ng casual white dress si Misha at pagpasok niya sa loob ng Great Hall ay mas kaunti na ang tao kumpara sa unang gabi ng burol. Nakita niya ang kanyang Auntie Andra na nakikipag-usap sa mga bisita, ang kanyang Tita Gwen na may kausap na naman sa cellphone nito. May hinanap siyang tao na pinalangin niya na huwag sanang nandito.

Nagulat si Misha sa taong humawak sa balikat niya dahil mayroon siyang naging trauma noon. Pagkaharap niya ay nakita niya ang isang nilalang na akala niya ay hindi na rin niya makikita pa, pero heto ngayon ito at magkaharap sila. Si Kenneth Yupangco, ang kanyang  ex-boyfriend. Matangkad ito, maputi, at may lahing intsik kaya singkit ang mga mata, makapal ang kilay at may malalim na boses.

KENNETH

Misha?

MISHA

Kenneth.

(Sabay pa nilang nasabi.)

KENNETH

Condolence.

(Sa sobrang gulat ni Misha ay napatango lang siya.)

Hindi pa kasi nakakauwi si Kuya Kennard kaya si Tito lang 'yung kasama ko.

AGATON

Condolence, Misha.

MISHA

(Tumango lang ulit.)

Ang pamilya Yupangco ay isa sa mga naging katuwang ng mga Barosa noon sa negosyo, katulad ng pamilya na pinanggalingan ni Pietro Ibañez ay naging katunggali rin nila ang mga Yupangco ngunit nauwi rin sa mas magandang relasyon ang dalawang pamilya.

GWEN

Oh my god, Kenneth, is that you?

(Lumapit dahil nakita si Kenneth pero mas may hindi siya inaasahan na makikita.)

KENNETH

Hello, Tita.

(Bumeso kay Gwen.)

GWEN

And—

AGATON

It's been a while, Gwen.

GWEN

Aga?

"Sa dinami dami ng aking minahal, panandalian lamang, at ilan lang nagtagal. Iisa pa lamang ang binabalikan."  

Makikita ang dalawang pares, dalawang henerasyon ng dalawang pag-ibig na hindi itinadhana. Kenneth and Misha. Agaton and Gwen. The ex-lovers' reunion it is. At katulad ng nasa title ng episode na 'to ay tutugtug sa background ang classic song ni Joey Albert na "Iisa pa lamang" habang mabagal na iikot ang  camera sa kanilang apat, with zoom in isa-isa habang nagtitigan sila kasabay ng pag-alala ng matamis na kahapon. 

  "Alaala ng kahapong pinabayaan, Sa dinami-dami ng aking nakapiling, Kung sinu-sino ang umibig sa akin. Iisa pa lamang ang inaasam-asam,ang nakalipas, di maaring balikan."

Ano na ang magiging kasunod na kaganapan sa Hacienda Barosa? Makakauwi pa ba ng buhay si Margot? Makukuha na ba ni Leia ang kapangyarihan na gusto niya? Malalaman na ba ni Sabriela na siya ay isang Barosa?

 "At kahit iba na ang minamahal mo, kung sino man ang siyang may-ari ng iyong puso. Ang bawat pangalan, kalaro, kaibigan, Iisa pa lamang ang minahal ko ng ganito" 

Lingid sa kaalaman ng magkakapatid, ang mga tao sa kanilang paligid, ang iba pang may interes sa kapangyarihang umupo sa trono ng Primo Propietor at mga taong nais pabagsakin ang monopolyong sistema.

Abangan!

FADE OUT