Bismillah ❣️

Shaam Tak koi dulha apni dulhan ko dekh na paaya...kyuki chaaro chiddiya kamre mein kedd gappe laga rahi thi...has rahi thi ro rahi thi...rokar hasrahi thi...aur haskar ro rahii thi...

Jab shaam dhali toh chaaro tayyar huii ..ek jaise white gown mein  aur dulho ke liye black pant coat with white shirt...yeh wahi libaas the jinka tasawwur wo humesha kartii jab sochtii
"Sunn na jab pehli baar hum 8log ghumne jaaege toh hum chaaro white gown pehnege aur wo chaaro black pant coat with white shirt..😍😍😍"

Aur yeh sapna tamaam gharwalo ke saath dadiammi ne bhi kayii baar suna tha ...

Inka andaaza jab hua jab aaj ke libaas dekhe toh chaaro milkar khoob hasi thi.. dadiammi ko khoob Pyaar Kara tha..

Sab apne apne wali ko dekh sharmarahi thi... Jabke sab apne apne wale ko dekh muskurarahe the..

Lekin sehar daim ko dhundh rahi thi Jo kahi nahi tha...

Sabne Pyaar Kar wida dii... Toh saquib Bhai Bahar Tak laaye jaha alag alag cars khadi thi...

Saquib bola "yeh car Meri ana ki ... Kyuki main jaanta hu safed iska pasandida rang hai.. aur saada chize pasand hai isko...ana pasand aayi?"

Ana ne kaha "haa... Bahut zyada ...Bhai "

Kehkar pyaar Kara toh usne bhi seene se lagaya jabki chaabi Shehryaar ko pakdayii Jo apni ana ko dekhrahe the..

Phir bola "Meri pyari pari ko royal cars pasand haina toh uske liye wahii..."

Jispar pari ne wow bolkar taali maari toh hasne laga .. sarfaraz ne haath thaaamaa...toh muskurayii..

Phir bola "yeh lambi car Meri pagal rabab ke liye..."

Jise dekh rabab ne sseetiyaa maarr daali...jispar ehteshaam muh neeche kiye muskurarahe the ...

Saquib be pucha " konsi novel thi wo jisme hero heroine aisi car mein bethkar jaate hai ...jisko aise bataya Gaya tha hayeee saquib Bhai .. hayeeee saquibb bhaiii..."

Sab hase khud boli "hehehe..Bhai Kya batao novel ne toh marwadiyaa..."

Bola "kyu.."

Ispar dhakka pati ko laga foran bola " yaar derr horahi hai yeh daim kaha rehgaya.."

Ispar rabab ke lafz muh mein hi rehgye ...ana pari ek dusre ko dekh sir jhukagyi hasi rokne ke liye...jaanti thi ehteshaam ne baat kyu kaati.. jabki sehar ka dimaag daim mein atka tha...

Saquib bola " aisa karte hai aap sab pahuche...daim ko aadha ghanta lagega ..main wait karta hu sehar ke saath.."

Teeno nikli apne patiyo ke saath jabki saquib aur sehar wahii bethkar wait Karne lage..

---------------------------------------------------❤️❤️

Shehryaar car mein bethkar bola " shukriya ana!!!"

"Kyu?"

"Kyuki aapse judkar Maine rishto ki ehmiyat jaani.. pyaar apnapan Kya hota hai ..yeh samjh aaya... Mujhe laga hi nahi main gairo Mein hu..wakaii aap bahut lucky hai .. sab aapse kitna Pyaar karte hai aaur aapki wajah se mujhse..."

Wo muskurakar dekhrahi thi... Bola " ek baat bataye Ghar mein aisa hii mahool hota hai ya aaj kuch khaas tha.."

Jhat se boli " Ghar mein toh humesha yehi mahool hota hai..aapko pta hai bas hum cousins ke Milne ki derr hai...  Aur bhayii phir drame kkhatam nahi hote... Pta hai jab bhi koi shararat dadiammi ke saamne aati hai toh pari rabab toh aar jaati hai .. sehar humesha sachh boldeti hai aur mere kabhi samjh nahii aata main kkya Karu.. aur aapko pta hai saquib Bhai Hume waha... "

Yeh kehte kehte jaise hii Shehryaar ko dekha toh wo dilkash muskurahat liye mohabbat se dekh raha tha...

Jjise dekh ekdum khamosh hogyii...

Wo samjh Kar bola "aaj Maine Mrs Shehryaar ka bhi Naya anookha Roop dekha... Jo aam ladkiyo se zyada pagal hai... Saheli ko dekh sadak par cheekein maarti hai.. cousins ke saath hasti hai aise jaise Ghar ki chatt udaegii... Kaan mein kusar pusar karti hai .. has haskar behaal hoti hai..pyaar mohabbat kki baatein sunti sunaati hai..non stop bolti hai ..toh mere samjh nahi aarha aapko Kya samjhu ek paraku ladki... Kuch kardikhane ka hosla rakhne wali... Dadiammi ki seedhi chiddiya.. Jo haste haste ro de... Sabse khoobsurat ladki yaa mukammal biwi..."

Wo neeche dekh sharmaati rahi phir Bahar dekh muskurayi aur dheere se boli "kuch nahii.. sir ki madam samjh lijiye..."

Hasa "Kya... Zara Meri taraf dekhkar bolo.."

Khamosh rahii.." bolo.."

"Main bhulgayii.."

Phir bola " sir ki madam Zara ek zaruri baat suniye... Aapki aage ki padayii ke liye form bhardiye..."

Wo tezz Khush hokar boli "kyaaaa ...wakai....."

Muskurahat dabaii.." haa..ab Khush hokar Kal ki tarah chipat mat jaana main driving karraha hu..."

"Shehryaar achhi tarah jaante haina mujhe nervous kese karna hai..."...

Jispar muskurakar ...kamar mein haath daal kareeb karliya...usne bhi labo ko chuliya.."I love you " kehkar...

------------------------------------------------------❤️❤️

Waha rabab ko car mein bethaya Gaya toh boli " kitni achhi car haina...that's why I loveeee saquib bhaiii..."
.

Kuch nahi bola phir boli "boliye..."

"Agar main naa rokta ...toh aap saquib ko Puri baat Bata deti naa..."

Boli " ha...Maine bachpan se unse kuch nahi chipaaya... Aap wali baat bhi ana ne Mana Kara tha batane kooo...unhone bhi Hume sab kuch Bata rakha hai...."

Use laga pakka biwi ka sir kabhi na kabhi toh zameen se tezz takraya hoga...

Bola "par ab main Mana karraha huna mujhse mutalik use kuch nahii batana..."

Jhat se pucha " agar unhone hii puchliyaa toh .."

Hasi dabakar ghura "toh please aap sharmaakar khamosh hojaana.."

Par jise ek baar ki baat samjh aajae wo rabab kaha phir pucha " par aapne toh kaha tha sharmaana sirf aapse hai..."
..

Jispar ghurkar dekha toh jhat boli " achha achha samjhgayii..."

Hasa "I love you rabab.."

Boli " achha " aur Bahar dekhne lagii ..nahi nahi sharmakar nahii...taare dekhne ke ...liye..."

ISS par haath pakadkar kheecha "sirf achha..."

Sochkar boli " I love you too...I love you three...I love you four...bla bla bla ...I love you ten hundred thousand lakh crore...etc etc........."

Jispar wo hasdiya "bas ...bas ... Itna pyaar ek saath nahi sambhala jaega mujhse..m"

Isspar haath par haath maar Kar khekhe karke hasde....

Khud muskuraya bola " bholi biwi... Sharmaana tha..."

Boli " haa...main sharmaleti hu.. kabhi aap ab bhi challenge hojae..."

Khud ne hasi dabakar radio on kiya.... Toh biwi ne cheekh maari ... Darrkar dekha toh boli " yeh Mera pasandida gaana hai .."

Saas bhar Kar sir par haath rakhliya ...

Kuch derr toh dekhti rahii phir galti mehsoos karke boli " ehteshaam ammi kehti thi badi hojao... Par Maine kabhi nahi suna... Lekin ab lagraha hai bada hona parega .. aapko Meri aadatein achhi nahii lagti naa... Sorry... Aainda koi fuzool harkat nahi... Main apni aadatein control Karne ki Puri koshish karugi...aapko pta hai na main kuch bhi jaanbuj Kar nahii karti ..."

Wo muskuraya bola "please aisa mat karna ...yeh aapka bachpana hi hai ...jisne aapko dekhne se bolne Tak...bolne se Shaadi Tak...Shaadi se izhaar Tak.... Kal se aaj subah Tak... Subah se ab raat Tak... Har pal Meri mohabbat ki shiddato mein izaafa kiya hai..."

Jispar woww kehkar uchli toh phir dekh muskurayaa ...

Boli " ohoo... Mujhe sharmaana tha..."

Jispar paas bethi hoor ko dekh hasta rha Socha khudaya sharmaana bhi nahi aata bachhi ko...

------------------------------------------------------❤️❤️

"Pari ab aapki life mein koi assignment toh raha nahi toh kyu na aap love stories likhna shuru karde...main print karaduga..."

Pataakk se boli "sachh,, pta hai Maine kaii baar Socha par bolte hue darlagta tha kyuki wo sab khti thiii..mere dimaag mein love stories ka keeda hai...."

Muskuraya " par yeh keeda bhi kisi kisi ke dimaag mein hota hai..."

"Sarfaraz mujhe kabhi kabhi lagta hai... Aapne mujhpar study Kar rakhi hai... Kabhi kabhi lagta hai wo teeno bhi mujhe itna nahi jaanti jitna aap mujhe jaante hai... Kabhi lagta hai ammi bhi ek waqt ko mujhe galat samjh sakti hai par aap nahii..."

Haath thaam Kar bola " kyuki hum pati patni se pehle dost bhi haina..."

Sir hilaya aur kuch sochne lagii...

Sarfaraz ne note kiya " pari do minute hoogaye.... Aap ko kuch kkahe hue... Bole kuch ...Kya Socha jaaraha hai..."

Haskar boli "yehii ki Kya kahani likhu..."

Muskuraya "achha yaani yeh kaam bahut jaldi hone Wala hai...aisa Karo apni aur Meri Kahani likho... Jisme ek ladki hoti hai jise apne alawa sabka hosh hota hai.. aur ladke ko ISS ladki ke alawa kisi ka hosh nahii hotaa... Upar se gazab yeh hota hai.. wo inhe apna dost banaleti hai... Raat ke kisi bhi pehar phone karna apna haqq samjhti hai... Jab wo ladka puchta hai kisi se pyaar karti ho toh nanihaal se lekar dadihaal Tak har ek fard ka naam ginwa deti hai... Mangni ke baad tayyar hokar milti toh hai... Par kisi aur ki madad Karne... Koi aur ladki ladke ko pasand karti hai toh jal jaati hai... Ladke toh pta chljaata hai ki wo mujhse pyaar karti hai par Allah ke shukr se khudko pta nahi chalta.... Pyaar ka ehsaas tab hota hai jab wo ladka raabta kho deta hai.. shadi ki pehli raat kehti hai ..pehle hii batadete main aap se pyaar Karne lagii thi..."

Pari hasti chali gayii " aeeeee I love you na ...bas karde kitna mazak bnaege..."

Hasa "I love you most...mazak nahi bnarha bta raha hu why I love my jaann..."

" Awwwwwwwwwwwww...."kehkar chipak gayii

Hasa peshaani chumi " achha naam toh suno Kahani ka ...'main aur Meri pari...'"

Gaal chuma " paakka...main phir aapko padwaogii sabse pehle likhne ke baad"

Bola " achha... Waise Zara kuch biwiyo ki baat toh Karo..."

Boli " acchi biwiyo wali baatein sochne dijiye ..."

Kuch derr khamosh rahi wo tehelke ke liye tayyar tha...

Boli " humne badi Chachi ko kayii baar Chachu se puchte hue suna hai ' suniyee main kesi lagrahi hu... ?.."

Jispar wo tezz hasa toh khud bhi hasne lagi " hum bhi aise hii haste the..."

Pucha " phir mama Kya jawab dete the..?.."

"Phir wo haina bewakuf sehar aur ana ghabrajaati thi ..rabab  Aur mujhe bhi bhaagna padhta tha..."

Phir tezz hasa bola " idhar aao..."

Toh seene se lagii  chehra chumaa...

"Par main bataya hu... Bilkul asli pari ki tarah haseeen.. wo bhi jannat ki sabse khubsoorat...pari...Jo sirf Meri hai..."

Jispar hasti rahi... "Ohhh..."kehkar

"Humesha yu hii haste rehna jaise aapko hasna pasand hai .. mujhe aapko haste hue dekhna pasand hai ..."

Jispar wo kaande par sir rakh leti hai aankhein band karke Allah ka shukr bhejti hai Jo sapno se haseen Humsafar diyaa....iss ehad me saath kabhi Dil nahi dukhaegii sarfaraz ka... Kabhi bharosa nahi thodegiii....

------------------------------------------------------❤️❤️

Wo bench par bethi baatein karrahi thi... Jab wo bike laakar rokta hai...

Kuch derr yuhii dekhti rahi phir Socha 'yeh ho Kya raha hai...Kal se Jab bhi dekhrahi hu aur zyda achhe lagrhe hai.. iss coat Mein toh wakaii Charming lagrhe Hain '

Phir khayaal aaya saquib Bhai na dekhle dekhte hue.... Toh sir jhukakar bethgayii...

Waha wo gaur Kar raha tha bilkul waise hii tayyar hai jaise Maine message mein likha tha...

Kaale bench par safed kapdo mein...raat mein sehar hii lagrahi hai...

Bola " begumm main wahaa aakar bethu yaa aap yaha aaegii.."

Saquib Bhai ko dekhkar boli Jo khamosh the.." par pehle aap car toh layiye..."

Jispar tezz hasa....saquib bola " sehar aapke liye yeh bike hai..."

Tezz boli " bhaii yeh toh galat baat hai aapko pta haina mujhe bike par darr lagta hai ..."

" Haa behan mujhe pta hai.. par yeh Jo aapke janab haina..mujhse galti hogyi inko aapki car dikhadii..jispar car lekar Gaye aur yeh bike le aaye... Tujhe batane ke liye bhi Mana Kara tha..."

Wo naraz daim ki taraf dekhrhi thi jisko hasi aae chali jaarhi thi unke gusse par...

Bola "ajaiye ...main hu toh ..yakeen rakhiye aapko kuch nahi hogaa..."

Bura muh banakar boli "inn kapdo mein kese Beth sakti hu..."

Jawab itmenaan bhara tha " sehar idhar aajao warna mujhe aapko manana padega..."

Kis taraf ishaara Kara khoob samjh aaya.. darkar saquib Bhai ki taraf dekha Jo khud pareshan the .. ki ab Kya hoga... Shukr hai yaani inhe kuch samjh nahi aaya...

Pati bhi dekhrhe the samjh rahe the ... Biwi ke mijaaz ko toh luft lerahe the....

Jhat paas aayi aur saquib ki madad se bethi...

Saquib bola " shukr hai sehar tu bethgayii ...mujhe pta hai yeh tu pehli baar bike par bethi haii yehi samjh yeh car haii..kuch nahi hoga..."

Daim ISS par bhi hasa kyuki yeh pehli baar nahi dusri baar tha same musafir ke saath..

Sehar ko pati par gussa aaya ki khikhi band nahi horahi saquib Bhai ke saamne ... Par bardasht karke jii Bhai boli...

Daim ko chedne mein khoob maza aarha tha bola " sehar aaj toh purse nahi rakha beech mein taaki Durr betho mujhse..."

Yeh cheda Gaya tha biwi ko ...biwi bhi khamosh thi ab bhahana karna toh bas mein nahi tha...

Saquib yeh dekhe bina ki purse kahi mahi hai...daata " daim purse kyu rakegi beech mein pakadkar bethegii...dhyaan se lekar jaio Meri behan ko..."

Hasa " jee saalesahab ... Begum pakadiye..."

Sehar dari " nahi, main theek hu..."

Saquib ko fikr hui "sehar pakdo... Bike par pakadkar bethte hai..."

Wo pareshaan dikhi toh daim bola " Abey ooo... Samjh aapki bhabhijan Sharma rahi hai... Tu andar jaa pakadlegii..."

Sehar nahii nahii...karti rehgayii...

Toh saquib moke ki nazakat ko samjhkar haskar andar ke liye muda...

Jaane ke bola " ab pakadiye..."

"Daim aapki pitaayii honi chahiye...bahut..."usne kaandhe thaame

Kehkar kaandho par haath rakhti hai... Khud bhi usi ki awaaz mein bola " daim aapki pitaayii honi chahiye bahut..."

Jispar wo hasne lagiitoh bola " arey sahi se pakdo"

"Pakda toh hai..."

Bola " yeh pakda hai idhar haath do..."

Haath thamm kamar se nikal Kar apne seene par bandh liye...

Boli " uss din se halke chalana please daimm.."

Shararat se bola " uss din mein halke chalaraha tha kyuki wajah nahi thi... Aaj toh bharpur wajah hai toh speed dekhna..."

Wo kuch boltii usse pehle bike chalu Kari gayii...

Jaise hii sadak par aae bola " ready.."

" Kisliye....."

Shok se bola " Hawa se baatein Karne ke liye ...."

Boli " nahi, daim please halke...."

Speed badaii gayii toh mazbooti se thama gaya ...muh ko peet mein chipaya Gaya ... Muskuraraha tha...

Biwi ke Baal udhkar muh par aarahe the ..toh muskurahat gehri huii...kyuki ana ki mangni ki yaad aayi jab yuhi biwi ke Baal chehre par aae the toh Kya mehsoos hua tha...

Phir kuch derr baad cheekein bhi nikal rahi thi..."daimm ...aa...daimm...aaaaaaaaaaa..."

Jispar wo hasraha tha bola " koi sochrha hoga... Aap daim ki bhakt hai... "

Wo bas itna hii bolrahi thi... " Daim please halke...Jo aap bolege main wahi karugiii...please..."

Yaani mauka mil Chuka tha " toh tezz bolo aap mujhse kitna pyaar karti hai..."

Chillayii " daim hosh mein toh hai... Yeh sadak hai......."

Jawab aaya " thik hai aur tezz speed karta hu..."

Tezz chillayii..." Daim main aapse bahut pyar karti hu ...sabse zyda pyar karti hu .....aaaa halke..."

Jispar muskurakar speed Kam Kari gayii toh saas aaya...

Masoom bankar bola " sorry ... Sehar mujhe halke hi chalani chahiye thii... Par mujhe yeh jaanna tha ki aap kitna pyaar karti hai ... Ab lagrha hai aap haath kholkar bhii Bata sakti thi koi sunta bhi nahiii..."

Boli " haa ...aur Kya...."

" Zara ... Dikhae kaise haath kholtii kitna pyaar karti ho...".

Yeh sunnkar haath pure khole boli " itnaaa..."

Jispar speed phat se full karii gayii jispar sabse tezz cheekh nikli..."aaaaaaaaaaaaaaaaaaaaaaaaa....."

Aur zorr se pakda Gaya...

Toh hasa bola " aajkl ke zamane mein kisi ko itna bhi Shareef nahi hona chahiye..."

.par kuch derr baad Tak tezz speed par bhi cheekein nahii aarahi thi...

Toh pucha fikr se " Kya hua rone lagii Kya?"

Boli " nahi... Dadiammi ki duae..."

Jispar hasa aur bola " har marz ki dawa dadiammi ki duae..."

Koi jawab nahi aaya to haath sehlakar bola "daro nahi love.... Ab halke chalaoga..."

Speed Kam Kari par wo yuhi seena jakde muh peet mein chipae aankhein band kiye bethi rahiii...jaise sabse mehfooz isi panah mein hu...

Waha pahuche toh bike rokkar hilaya " pahuch gye..jaan.."

Jhat uthri " Dara liya mujhe ..hogayii Khushi Puri..."

Hasi dabayii " jee bilkul..."

Narazgii se boli " aur yeh Jo mere Baal kharab hue hai Inka kyaa..."

Araam se jawab Diya " lao ...main bnadu..."

Ungli se khabardaar Kara " bahut hogya... Ab bas!!!"

Patli si ungli dekh hasa " arey arey bhayii main bahut dargaya ... Lijiye aap Mera comb lijiye aur yeh bike ka mirror..."

Yehi Kara toh bas dekhta gya... Khoobsurat biwi ko khoobsurat Baal sawarte mohabbat se....

Tingting longest chap ever with 2700 words...

Claps ...clapsss...

Howazzat...

Suno .. I know bahut tension hai ki allahpaak yeh ho Kya raha hai aur kyu horha hai.. but allahpaak ke har kaam mein bhalayii hoti haii ..toh stay positive n stay at home...

Aur yaar please apni family ke liye atleast muh bnakar toh na bethe raho..haso khilkhilao... Dance Karo gaana gao... Only for themm...

Kam se Kam muskuraoo...

Yehi kaam Maine kiya apni wattpadd family ke liye longest chap likhkar

I hope this chap brings a bright smile on your face...

Haina.. shabash..

Ab batao...

Ur favorite dialogue of

*Shehna

* Ehbaab

* Paraz

* ImIsh...

Comments karna lazmi haii..

Ur favorite scene

Jo log comment nahi karte unhe btadu yeh second last chapter haii..toh please yaar comment

Chale... Duae khair mein Meri family ko bhi yaad rakhe...

In Sha Allah.. allahpaak jald sab sahi kardege...

Allahpaak hum sabko mehfooz rakhe .. aur hidayat de.

Waiting for your reply

Take care

Allah Hafiz 😇

Love love