Bismillah...

"Teri har choti baat ko ...
Yeh Dil mehsoos karta hai...
Jise khayaal ho itna ....
Use karaar kese aae....
(Yeh Sher Meri ammi mere liye humesha padhti hai ... N I love that feeling ... Aur yeh sher yaha daim n sehar par bhi fit horha h toh I used it... Find out how?👇👇👇)

Manhgni ki tayyariya Zoro shoro par thi ...sabki dekham dekh rabab ne bhi school se leaves li thi...

Har dusre din phuphi aati ..aati to bechari apne kaam se par kisi na kisi rishtedaar ya jaan pehchaan wale ko jhelti... Jo magni ka sunn ..mangni se pehle mubarakbaad Dene aata....

Aise hii ek din ek khatoon aayi jinko pehle kabhi nahi dekha tha Ghar mein ... Phuphi ne bataya yeh pehle humare pados mein hii rehti thi baad mein kahi aur bas gayii... Lekin unke bolne ke andaaz se yeh lagrha tha ki ana rabab unki gohdo mein pal Kar badi hui hai...

Jab phuphi ke saath Beth Kar wo ana ko ghardaari ki zimmedari samjha rahi thi...

Toh ana ki ghabrahat par phuphi aur rabab ek dusre ko dekh muskura rahi thi... Ya yu kahe Dil hi Dil mein hasrhi thi...

Phir wo boli "dusri dulhan kaha hai?.. jise tum apni bahu bana rahi ho...aur bhayi bete se bhi milwao... "

"Pari aati hogi aur Mera beta lene aaega abhi aap millena ..."

Tabhi sehar kitchen se lakar neeche Beth table par naashta lagane lagi aur daim ne peeche se aakar salaam kiya...

Wo aurat bina kuch puche nateeje par aagyii... " Mashallah .. mashallah kitni pyari Jodi hai tumhare bete aur bahu ki ... Lagrha hai ek dusre ke liye hii bane hai ... Dekhna tumhari aane wali nasl bhi maa baap ki trah khubsoorat hogi...."

Jispar daim jama tha...ana ki aankhein phati .... Phuphi samjhati agar rabab unse lagkar yu has na rahi hoti...

Tabhi sehar ne gardhan ghuma Kar dekha aur Puri ki Puri galatfehmi samjh aayi.... Chupchaap kitchen mein jaati agar pehli nazar rabab ke hasne par na jaati aur dusri nazar ke muskurate chehre par na jaati...

Jalgyi aur boli" maaf kijiyega aunty aapko galatfehmi hui hai mein pari nahi sehar hu... aur phuphi ke bete sarfaraz Bhai aabhi aate hoge...."

Phir dhar dhar table par plates phatki aur kitchen mein sochti hui gyi "zaleel shaks har ladki ko apne peeche samjhta hai..."

Ana aur phuphi sehar ke ISS reaction par choke the aur rabab ki hasi rukii...

Wahi daim ne Socha aaj se pehle yu naraz hote hue nahi dekha iski wajah sirf mere se judna hai...

Wo aurat boli " maaf karna Fatima ... Dono saath mein itne achhe lage ki main samjh hi nahi payi..."

"Koi baat nahi baji aisa hojaata hai..."

Phuphi ki sharafat ka faida utha Kar boli " toh bhayi socho innn dono ke baare mein ...Amma ki ek pouti ko to Ghar mein rakhlo..."

Yeh sunn daim waha se hata tha use samjh nahi aaya iss baat par wo Khush ho ya sehar ki baato par dhukhi ho...

Jab yeh baat pari ko btayii toh wo sirf offo hi bol payiii....

____________________*______________________

Phir mangni ka din aaya toh dadiammi ne apna waada nibhaya ... Saari poutiyo ko parlour bheja daim ke saath kyuki wahi farign tha behno ka pyaar tha ya koi aur wajah dobara kehne ki bhi zarurat nahi padi aur usne car nikaali thi....

Teeno ne sehar ke saath yeh gaddari kari ki jhat se peeche Beth gyi ...us bechari ke paas aage Bethne ke alawa koi Chara nahi tha ...

Pehle socha wapis Ghar chalti huu phir Socha nahii jab mere dil mein aisa kuch nahi hai toh main kyu daru?...

Aage Beth gyii ... jispar pari aur rabab tezz hasi taali maarkar...

Par wo dono anjaan bane saath bethe rahe....

Jaate hue sehar toh khamosh rahi... Ana nervous thi jabki pari excited .... Aur rabab toh rabab thi wo full guru bni hui thii kyuki yehi aksar parlour jaaya krti baaki teeno ka toh first time tha...
...

Car roki ,gate ke paas lagayii ... Toh sab andar Gaye khud car mein intezaar Karne laga itni derr mein sehar kii cheekein aayi agle 20minutes samjh hi nahi aaya Kya kare...

Phir cheekein toh jaari rahii.. magar sehar ki nahi pari ki...

Phat phone milaya...toh andar ana aur rabab toh mask lagae bethi thi ... Pari chillane mein masroof thi...

Jab sehar ne mobile uthaya toh caller's name dekhkar wapis rakhdiya... 

Teesri call par attend kiya palour wali ke kehne par..

"Hello pari!!!"

Ghabrayi hui awaaz mein boli " sehar'''"

Kuch pal khamosh raha phir bola "yeh andar se awaazein kesi aarhi hai... ?"

Aankhein meechi "kuch nahi aise hi"

Pareshan hua " batao please , main andar aata hu"

Jispar pari phir zordaar chikhi toh phir tezz bola " batae ... Kya horha hai???"

Dar gyi dahar sunn .,ekdum boli "Waxing!!!!"

Daim ki yeh sunn hasi nahi rukii wo hasta Chala gya aur sehar itnii sharminda thi ki phone cut kardiyaaa ..

Phir kareeban do ghante baad darwaaza khula toh pari rabab ki peeth mein ghuse maarti hui laarhi thii....Jo uyeee uyeee kaarhi thii...

Jabki ana sehar ko chupate hue laarhi thi Jo ro rahi thii...

Jise dekh wo bharpur muskura raha tha....

Phir rabab pari peeche bethi par ana ko sehar par reham aaya wo khud aage bethi sehar ko peeche bethakar...

Pari boli" itna sab kuch thodi hota hoga dulhano ka , mujhe lagrha hai... Tune do teen cheezein extra kradi"

Rabab boli" jee nahi yehi bridal hota hai"

Pari ne phir chutki li" toh Zara yeh btae ana aur Mera toh samjh aaya hai par aapne apna aur sehar bechari ka kyu kraya"

Rabab boli " chahe situation kuch bhi ho main group ki wo wahid member hu Jo naara kabhi nahi bhultii 'all for one and one for all "

Jispar pari ne ha ha kehkar gardan ko dance karaya

Phir rabab boli"yeh ana ka bhi first time tha yeh toh nahi chillayii !!"

Pari ne jhat jawab Diya" yeh to hai hi bewakuf"

Ana boli "achha mein paglo ki trah na chillai to main bewakuf.... Haina pari"

Jawab hazir tha" haa ana... Sehar yaar chup hoja bahut hogya ab..."

Rabab bhi ulajh gayii " ana ise chup kra please.."

Ana sehar ka haath thaame boli " sehar ab bhi dard horha hai... Ghar jaakar main lotion laga dugii chup hoja please..."

Toh wo boli " main isliye nahi ro rahii"

Teeno saath boli " tohhhhhhh......."

Boli ki " tumhe mere baal nahi cutwane chahie the dadiammi narazz hogi..."

Pari ne dadiammi dadiammi keh kehkar aankhein band kii jaise ab Jo hoga wo wo dekh naa sakegiii...

Daim ne hasi rokne ke liye window se Bahar dekhaaa....

Toh rabab boli " sehar ek baat btao main iss jawab par mar saktiii hu..."

Jispar sehar ne ruhasa dekha... Rabab phir boli "agar main galat nahi hu toh dadiammi ne toh yeh sab bhi nahi kaha tha Jo humne karaya phir..."

Jawab aaya " par dadiammi ko Kate hue baal pasand nahii..."

Jispar rabab ne sir peetliyaa boli " isko koi samjhao ... Use baal cutwana nahi kehte use straight Karne ke liye baal equal karna kehte hai..."

Ana ko beech mein kudna behtar laga boli " sehar pareshan na ho dadiammi kuch nahi kahegi aur agar kahegi to main sunlugii..."

Jispar wo chup hogyii par rabab ki adat thi masle ko suljhane ki jagah uljhane kii boli "aise toh tu ab kahegi sari bhi nahi pahenegii Jo humne decide Kara hai beautician se tyyar hone ka wo bhi nahi hogii..."

Sehar boli " haa main khud tyyar hogii aur shalwar kameez pehnugii..."

Rabab gusse se boli "haa kyu nahi khud kyu... Dadiammi se tayyar hona jo tel lagakar chotii bnaegii.. aur kajal lagakar, dupatta chadar ki tarah aurakar kahegii jao sehar jeelo apni Zindagi chah jao mangni ki mahfeel par..."

Sehar ghurti rahii par rabab aankhein dikhakar boli " ek baat sunn tyyar to tu sirf beautician se hogii kyuki main chaar logo ke paise dekar aayi huu... Aur sari hi pahenegi kyuki tune uss din na nahi bola tha ..."

Jalkar boli"Maine haa bhi nahi bola tha.."

Sehar ki zidd par rabab haar gyi boli " sehar tu achhi wali behan nahi hai kyaa..."

Jispar pari ne aankhein kholi aur sehar se chipat gyii " tu sabse achhi hai... Aaj Meri mangni haii wo bhi Tere favorite Bhai sarfaraz se... Meri maanegi na ... rabab jaise kehrhi hai tayyar hogi naa..."

Jispar muskuradii yaani maan gyii ...yeh dekh rabab sehar par chadd gyii aaage se ana boli "dramebaaz ..chorr use..."

Jabki daim kisi ki saadgi par muskuraya thaa...
__________________*_______________________

Shaam ko jab mehroon rang ke garare mein ana Sharma Sharma Kar lal horhi thi wahi hare rang ke garare main pari sir jhukae bethi thii... Kyuki stage par beth-te hi phuphi ne kaha tha

" Aaj toh Meri pari.. falak ki pari lagrhi hai..."

Toh tezz thahaka maarkar hasi thi pari style mein... Jispar khud kii ammi ne daata aur sharmane ke liye kaha...

Pari ne jawab Diya "ammi..kese?"

Toh ammi ne saas se kaha "Fatima samjhao ise"

Wo boli " neeche muh karke Beth jao beta"

Kaha ki " jee phuphi"

Stage ke saamne bilkul dadiammi ke saath daim betha tha ... Kyuki abhi koi kaam nahi tha..

Tab hii Dadi ki hum-umar aurat aayi aur boli " Mubarak ho... Bahut bahut dono poutiyaan bahut haseen lagrhi hai .. samjh nahi aarha kiski tareef Karu..."

Itni derr mein daim ne dono ko coffee di aur khud bhiii li..

Dadi boli " bas jii Allah ki mehr hai.. isse Milo yeh Mera pouta hai daimm"

Daim ne salaam kiya toh wo boli "iski mangni hui wi hai.."

Dadi boli " nahi "

Toh wo boli " baaki ki do poutiyaan hai socho phir iske baare mein aapa"

Jispar Dadi ne Allah ka hawala diyaa jabki daim ko samjh nahi aarha tha kaise shukriya ada kru Inka..

Tabhi wo boli " baaki do pautiyaan kaha hai ?"

Dadi ne gardan morkar dekha toh boli "wo rahi dono... Laal lehnge main Meri rabab aur kaali saari mein mere jigar ka tukda Meri seharish"

Unn bi ne itnii tezz mashallah mashallah kiya...ki daim ne bhii gardan morkar dekha...

Dekha toh dekhta rehgya .. rabab to kahi dikhi nahi .. pure hall ki roshni ke sang uski roshni sabse tezz thi Jo kaali saari mein hoor thii... Jiske kaale siya lambe baal kamar par padhe the laa parwaahh... Jiske nazur kaandho ko lambe lambe jhumke chhurhe the aur jiska chehra tamaam tyyariyo ke bawajud paak thaa... Jisko pehli baar yu tyyar dekha thaaa...

Jab laga yeh toh sehar hai... Toh haath mein pakda coffee ka cup dola tha ...aur haath tarbatar garam coffee mein dhub gya tha... Par uske haath ki jalan Dil ki chubhan se bahut Kam thi...

Jab dadiammi ne daanta "beta Kya kiya yeh ..." Jab samjh aaya acha haath par coffee gir chuki hai ... sharminda saa haath saaf Karne laga....

Wo bii boli " dono pautiyoo ko yaha bulaeein aapa..."

Jab dono aai toh matha chumaa jispar rabab ko darr tha kii makeup kharab na hojae... Jabki sehar khamosh khadi thii sir jhukae kyuki uska Dil kehrha tha koi uska jaiza leerha haii...

Phir wo boli " aapa main sehar ko apne bade paute aur rabab ko apne chote paute ke liye chunti huu...in Sha allah aati hu agle mahine dono ka rishta lekar..."

Jispar dono ne ek dusre ko dekha rabab ne gusse se jabki sehar ne ghabrakar...

Dadi ne baat taali " naa jiii... Itni Durr thodi bhejegein apni ladkiyo Koo..."

Isse pehle wo kuch bolti.. daim jiska pehle Dil tha shukriya kehne ka ab Dil tha darwaza dikhane kaa ...

Bola" jao rabab , pari bularhi hai..."

Rabab boli " jee Bhai" aur sehar ka haath thaame palti .. jabhi sehar ka bracelet wahi gira ... dadiammi ne awaaz bhi lagayii par usne suni nahi toh daim ko peeche peeche bhejaa...

Stage par Charo taraf fans chalrhe the ... Toh jaise hii sehar ke peeche khada hua uske lambe kaale baal daim ke chehre par aae...

Wo toh khada hii rehgya...kuch derr...

Rabab boli " jee daim Bhai..."wo sehar ke samne thi toh daim ko dekh paai...

Daim ka naam sunn sehar uchalpadhi peeche palti toh haath mein bracelet dikharha tha.. jhat bracelet liya..

Rabab boli "madam saaman pehna nahi hota pehne rehna hota hai "

Tingting chap 14 with 2019 wordss... Longest chapter till now ... Claps ..claps n say few kind words for my efforts...

because it's last update of 2019 so 2019 words.. unplanned but it's epic... Don't you think...

Achha Chalo chapter par aao ...

Howazzat?

If you describe daim sehar's relationship in one word.. what's it? Tell me..

Ur favorite dialogue...

Ur favourite scene

Something about

*Daim

*Sehar

* Engagement

* Cousins friendship

*First time palour experience

* Bin baat ke rishtedaaro ke taraf se rishte...

(Aisa kyu hota hai shaadiyo aur mangiyo main rishte kyu aajate hai ... Ki dusre ki shadi main jaakar khud sharminda hojao .. nervous hojao...main to pareshan hu...khair ab to🙈🙈🙈)

Iske saath Meri cousin Meri best friend kii Shaadi hai Jan 5th ki ..pray for her...

I love her very much.. these days I m very emotional.... Khushi plus gamm...plus hasi plus aanso..peak of emotions....Dil se dua hai use saari khushiyaa mile ... After all humare bachpan ka sapna pura horha hai...

Bas..

Aur mere silent readers dikhae aap mein hai dumm ...

Khoob votes kare ... Khoob comments kare..

Arey Bhai aap kisi se Kam h kaya
..

Happy New year in advance...

I wish n pray 2020 hum sab ki zindagiyo ka bestest year ho ab Tak ka...hum sabki saari duae khwaishen Allahpaak Puri kareinn....

Sab haste rhe sab healthy rahe..

Ameen...

Remember me n my family in duas ....

Bye
.

Allah Hafiz

Takecare