Check if you've read the previous update given yesterday.

Unedited hai.. last time jhel lo.. 🙏
__________________

"Montu.. tu itni jaldi kaise utt gaya aaj?", Asks Sidharth's mother.

"Soya hi nahi mom", says Sidharth.

"Kyu? AC kharab ho gaya kya tumhare room ki?", Asked his mom.

"AC kharab nahi hai meri kismat hi kharab hai..", he murmurs.

"Kya bol raha hai? Zor se bolega?", She scolds.

"Kuch nahi mom.. mujhe wapis jana hai..", he says irritated.

"Kyu? Phir se kisi aur ladki ke peeche jaana hai kya?", Asks his mother.

"Mom!! I am a professional english tutor. Mera kaam hai waha pe.", He explains annoyed.

"I know. Hum hi ne tujhe padha likha ke bada kiya hai. Par pata nahi logon ko dhokha dena kaha se padhke aaya. Itna bada kaand karke aaya mere peeche.", His mom chastises him.

"Mom, I loved her?", He stresses.

"Loved hi hai na? You don't love her anymore. Right?", She asks.

"Huh? Umm... mmm.. I do..", he mumbled.

"Aaha!! Toh love karta tha toh fake parents le jaane ki kya zarurat thi? Hum kya marr gaye the?", Asks his mother.

"Huh? But I wasn't sure about my feelings that time. Moreover, would you and dad have agreed to come?", He asked.

"Tera na kuch nahi ho sakta. Ek lauta beta hai, isiliye tu bahut bigad gaya hai. Feelings clear nahi thi toh jhoote maa baap lejake raaita phailna zaruri tha kya? Akal kaha rakh ke gaya tha Montu? Aur yeh kya hai, would you and dad have agreed to come? Ofcourse, we would have. Teri life tu kiske saath bitayega yeh hum log nahi, tu decide karega. Aisa nahi ki kisi bhi ladki ko dikhau aur tu usse shaadi kar le phir jab aage jaake teri aur uski talmel na baite toh tu humein blame kare.. shaadi teri, decision tera aur zimmedaari teri..", said his mom.

"Huh? Matlab itna saara stunt aise hi kar diya maine.. mujhe laga aap log nahi maanenge?", Said Sidharth.

"Hush! Woh meri problem nahi hai.. par tune uss Lalit ko apna maa kaise bana liya? Meri aur uski personality mein thoda sa bhi match bait tha hai kya? Main kya tujhe mardaana dikhti hoon?", Complains his mom.

Sidharth gave her a grimaced grin.

"Yeh daant dikhana band kar.. ab bol tu usse bhool payega?", Asked his mother.

Sidharth gulped.

"Ki.. ki.. kisse?", Asked Sidharth

"Arey oh sasta Shah Rukh Khan.. yeh kya Ki..Ki..Ki.. laga rakha hai? Sana ko.. Lalit ki baat nahi kar rahi.. waise bhi tera bharosa nahi.. mujhe darr lagta hai ab tujhe shaadi ke liye force karne se.. kahi tu phir se Lalit ko ladkiyon wale kapde pehna ke ye na bole ki yeh teri bahu hai kyuki tujhe toh Sana se pyaar hai..", ranted his mom.

"Mom, aap kya badbadha rahi ho? Aur nahi bhool paunga usse toh sach mein shaadi ke liye force mat kariye..", he said

"Sana se bhi nahi karega shaadi?", Asked his mom.

"Usko toh meri shakal bhi nahi dekhni hai.. phir kaise karu shaadi?", He asked.

"Gussa hai woh tere pe.. jaake mana le..", said his mom.

"Jaake mana le.. kaise? Desh ke president aur prime minister bhi asaani se mil lenge, par majaal hai iss madam se seedhe seedhe milu? Hmmm.. arey haan.. par ek jagah hai jaha main usse mil sakta hoon..", said Sidharth in excitement.

"Huh? Kaha?", Asked her mom.

"Akhaadha.. usne pheli mulakaat mein bola tha ki woh mardon se sirf akhaade mein milti hai..", he said with a smile.

"Maar khaane ki itni excitement? Mere se toh bachpan mein maar khaane ke time tu bed ke neeche, fridge ke piche aur na jaane kaha kaha chup jaata tha.. wah beta!! Biwi abhi aayi bhi nahi aur tu maa ko bhool gaya..", she complained.

"Arey mom, biwi kaha.. main toh aapke liye bahu laane jaunga ab akhaade..", said Sidharth.

"Rehne de beta.. mera bahaana na bana.. police station ka chakkar kaat chuki hoon, ab hospital ke darshan bhi kar lungi tere bahaane.. AC bed book kara deti hoon..", said his mom.

"Maa woh maare na maare, par aap mere maar khaane ki dua zarur kar rahi hai.. dena hai toh aashirwaad do aur prarthana karo ki tumhaari bahu mujhe na peete aur jaldi maan jaaye..", he said.

"Mujhe pura bharosa hai meri bahu pe.. woh tujhe zarur maaregi..", said his mom.

"Mujhe bhi..", he made puppy eyes.

.
.
.
.

Sana was sitting near akhaada lost in her thoughts when a wrestler colleague walks towards her.

"Sana, thaare ko ek mard ne chunauti diya se.. akhaade mein ladhne ki..", said the lady.

"Chunauti? Manne? Kaun se?", She asked looking at the girl.

"Woh.. udhar khada se..", she points towards Sidharth who was dressed in skin fit wrestling suit. Sana glares at him while he passes a smile to her.

"Woh koi pehlwaan na se.. manne nahi sweekarni uski chunauti..", Sana says.

"Achcha? Dikhne mein toh pehlwaan laage se.. Chanauti na sweekaregi toh tu haar jaavegi Sana.", Her colleague says.

"Usse jeet ke bhi kya ukhaad lungi jab woh pehlwaan hi na se..", says Sana annoyed.

"Toh tu rehne de.. akhaade ka naam badnaam ho jaavego.. main usko chunauti dungi aur haaraake akhaade ka naam roshan karungi..", said her colleauge.

"Ke? Tu kis baaste ladegi usse? Tu usko haat bhi na lagavegi.. ibi bol deti su..", said Sana feeling possessive.

"Ib thanne ladna nahi se, manne tu ladhne na degi.. akhaade ka naam mitti mein milavegi tu?", said the lady.

"Arghhh... Thik se mein khushti karungi usse..", accepts Sana. She gets up and goes to change her clothes. Sidharth gulps in fear looking at Sana in her wrestling suit.

A small crowd gather around the arena cheering Sana. Sidharth cluelessly looks around not knowing what to do. Sana bends down and touches the ground and pay obedience by smearing the mud on her forehead before entering the arena. Sidharth looks into her raged eyes and shivers. He bends down in similar way and pays obeisances to the ground before entering. They are asked to handshake just before the start of hustle.

"Sana.. please sorry yaar.. tumhe pata hai mujhe wrestling nahi aati, toh deere se peetna please.", He mumbles in fear.

"Ladhna na aave toh manne chunauti kis liye diya?", She speaks gritting her jaws.

"Ab tumse milne ke liye aur kaise aata? Seedhe muh toh tum milti nahi na.. sorry bol toh raha hoon.. maan jaao yaar..", pleads Sidharth.

"Nahi chahiye thaari saari.. aakhri mauka hai haar maan le aur chala jaa warna mere haath se bahut zor ki maar khaayego..", warns Sana.

"Jab tak maaf nahi karegi na nahi jaaunga.. Dangal movie dekh ke aaya hoon chaar baar..", said Sidharth bending down and forwarding both his hands.

She glares at him and rolls her eyes before bending down and taking position. They place their hands over each others shoulders and Sana grips it.

"Ek baar phir bolti hoon.. aakhri mauka se.. chala jaa..", said Sana..

"Arey yaar.. tera aakhri aakhri kab khatam hoga? Bola na nahi jaunga.. ladna nahi aata hai toh kya, maar khaana aata hai.. bahut khaayi hai bachpan mein maa ke haat ka maar.. waise bhi mom ne mere liye hospital mein AC bed book kar rakha hai aur woh mere do friend mere saath aaye hai jo mujhe hospital leke jaayenege.", He says.

She glances at his friends, Lalit and Manohar who were the only two cheering up for him. He was stronger than her by way of build and physic but being a wrestler, she knew how to tackle. She bends further down and holds his knees and pulls it making him fall on ground.

"Aaaahhhh... Sana..", he shrieks lying on the side of his right shoulder.

"Chala jaa yaha se..", she says trying to pin him down.

"Maaf karde.. chala jaunga..", he says trying his best to resist from getting pinned by her.

"Nahi karungi maaf.. tumne mhaara dil dukhaya se..", she says strangling his arms so that he gives up.

"Haan.. toh tu bhi toh abhi mera pura badhan dukha rahi hai.. toh nikaal le badhaas par maaf karde please. Par jo karna hai rhoda jaldi karna, meri garmi ke maare bura haal ho raha hai.", He says sweating profusely.

"Manne abhi apni puri taakat na dikaayi.. jyada zor lagaungi to thaara bhaazu toot jaayega.. chala jaa" says Sana.

The referee whistles asking rhem to take reposition. They stand back on their feet staring into each other's eyes. They both start yet again locking their arms by leaning forward.

"Dikhaao na darling apni taakat.. kyu nahi dikha rahi? Tum abhi bhi mujhse pyaar karti ho.. isiliye mujhe dard dene se darti ho.. haina?", He asks pinching her arms.

She pushes him far.

"Isne mhaare ko chutti kaati.. nishkashit karo isse aur daffa karo..", said Sana to the referee but the referee gives him the warning and asks them to continue the wrestling.

Sidharth smirks.

"Tumne jawaab nahi diya mere sawaal ka..", said Sidharth yet holding her arms.

"Nafrat karti hoon tumse..", she said clenching her jaws.

"Sachchi? Toh uttaro apni nafrat mere pe.", He instigates her.

She locks his leg with hers making him fall but he holds her tight making her fall over him.

"Aaaahhhhh...", He shrieks but she pins him forcefully to the ground making him lose the match.

"Le pachchaad diya tujhe.. ab dubara mere saamne math aana.", She warned him with gritting teeth and went to change her clothes evwn without waiting for the referee to declare her the winner.

"Abhey Sid naak kattwa diya tune.. bhaabhi se haar gaya.. yeh body kis kaam ki.. chal ab..", said Lalit.

"Aaaahhhh..", Sidharth groans in pain.

"Kya hua?", Asked Manohar.

"Mera haat.", Said Sidharth.

"Oh shit.. Lalit pakad isse, hospital leke chalte hai abhi..", yells Manohar. They both support him until car and drive away to the hospital.

.
.
.
.

"So class, will learn about writing informal letters today", addresses Sidharth to the class of students. His hand was in a plaster as he had got a fracture. He presses the enter button to play a next slide.

"Sir, May.. I.. come.. in..", he hears a familiar voice.

"Huh? Sa...", He looks at the class full of students who were looking at him.

"Aa... Class please write a letter to a friend with a detail stated on the slide. I shall we right back.", He walks near the door.

"Sana.. tum yaha kya kar rahi ho?", He asks pulling her to the side.

"Manne english class ke liye barti liya se..", said Sana.

"Tumhe english ki basics bhi nahi aati. Yeh advance classes hai.", Said Sidharth.

"Ke matlab?", She asks confused.

"Mera matlab hai yaha padhne ke liye pehle se hi thodi bahut english aani chahiye..", he said.

"Yeah!! Phuck!! Manne toh english aave se..", she said.

"Tssshhhh... Mere students hai yaha.. aisi english nahi chalegi yaha..", he spoke in low tone with a facepalm.

"I forgive you.. I am sorry.. I love you.. yeh chalegi?", She asked.

"Huh? Sana? Iska matlab pata bhi hai?", He looked at her in shock.

"Ke hua? Iska bhi koi galat matlab nikle ke? Ib ki baar manne Hema se nahi pucha.. Yeh toh mujhe thaare dost, Lalit ne shikhaya se.. Uski haat bhi thodh doon ke?", said Sana in confusion.

"Nahi itni English kaafi hai par yaha admission ke liye nahi.. mere dil mein admission ke liye..", said Sidharth.

"Dard ho raha hai?", She asked touching his fractured arm while repenting her action.

"Haan.. bahut.. (sad pout) doctor ne bola hai jitna jyada ho sake utna jyada Sana ka pyaar mile na toh ye jaldi thik ho jaayega..", he said with puppy eyes

"Achcha? Bada gyaani daactar se.. manne uska pata de do..", said Sana.

"Kyu?", Asked Sidharth.

"Uska bhi ilaaj karna se..", said Sana.

"Nahi.. pata nahi tumse mmein kis kis ko bachaata phirunga aur kitne mujhe khudh maar khaane padenge.. kisi ne sach hi bola hai.. ab toh bas kudiyon ka hi hai zamana...", Said Sidharth.

______________________

Jitne logon ne vote nahi kiya na, unko tahe dil se thank you.. bina achche lage bhi story puri padhne ke liye.. 🙏🥲

Read the epilogue next.. ❤️❤️